Енді қоғамдық орынды ластағаныңыз үшін әкімдіктер айыппұл сала алады
wikipedia.org
2 наурыздан бастап Қазақстанның Әкімшілік құқық бұзушылық туралы кодексіне (ӘҚБтК) тиісті толықтырулар енгізілді. Енді қоғамдық орындарды ластағандарға әкімдік айыппұл сала алады, деп хабарлайды otpannews.kz.
Бұған дейін қоқыс тастағаны үшін тек полиция қызметкерлері ғана айыппұл сала алатын. Енді бұл өкілеттікті жергілікті атқарушы органдар да атқарады.
Әкімшілік құқық бұзушылық туралы кодекстің (ӘҚБтК) 434-2-бабына өзгеріс енгізілді. Тиісті заңға Мемлекет басшысы былтыр 30 желтоқсанда қол қойды.
ӘҚБтК-нің 434-2-бабына сәйкес, қоғамдық орындарды ластағаны үшін 10 АЕК (43 250 теңге) көлемінде айыппұл немесе 40 сағатқа дейін қоғамдық жұмыстарға тарту жазасы қолданылады.
39
Комментарии
Комментарии
Нет комментариев
