Алматы – Маңғыстау бағытындағы теміржол билеттеріне 25 пайыз жеңілдік беріледі
1 және 30 сәуір аралығында «Жолаушылар тасымалы» АҚ сұранысқа ие бағыттарға теміржол билеттеріне 25% көлемінде көктемгі жеңілдіктер жасайды, деп хабарлайды otpannews.kz.
«Жолаушылар тасымалы» АҚ-ның жазуынша, жеңілдіктер белгіленген кезеңде қолданылады және жол жүру құжаттарын рәсімдеудің бекітілген талаптары сақталған жағдайда ұсынылады.
Жолаушыларға келесі бағыттарда жоғарғы орындарға 25% жеңілдік беріледі:
* № 105/106 «Петропавл – Алматы»
* № 77/78 «Алматы – Маңғыстау»
Жеңілдіктер дүйсенбі, сейсенбі, сәрсенбі және бейсенбі күндері қатынайтын пойыздарға қолданылады.
Жеңілдікпен билеттер www.bilet.railways.kz ресми сайтында, сондай-ақ, теміржол вокзалдарындағы билет кассаларында сатылады. Қосымша ақпаратты 1433 нөмірі арқылы тегін алуға болады.
