Ұлмекен Жарасбаева: «Жастар – ертеңнің ғана емес, бүгіннің де дауысы»
Маңғыстаулық жас көшбасшы Ұлмекен Жарасбаева 23 тамызда өтетін Құрылтай депутаттарының сайлауы азаматтардың саналы таңдауын талап ететін маңызды қоғамдық-саяси үдеріс екенін атап өтті.
– Жас көшбасшы ретінде мен үшін қоғамдағы маңызды үдерістерден хабардар болу – қалыпты нәрсе. Себебі белсенділік тек идея ұсынумен шектелмейді. Ол ел өміріндегі маңызды мәселелерге бейжай қарамай, ақпаратпен танысып, саналы шешім қабылдай білуден де көрінеді.
23 тамызда Құрылтай депутаттарының сайлауы өтеді. Бұл – әр азаматтың өз ұстанымын білдіріп, елдің болашағына қатысты таңдау жасайтын маңызды күн. Сондықтан әрқайсымыз сайлау туралы ақпаратпен танысып, өз таңдауымызды жеке ұстанымымыз бен азаматтық көзқарасымызға сүйене отырып жасағанымыз жөн. Бұл – азаматтық жауапкершіліктің ғана емес, қоғамдағы ортақ саяси мәдениеттің де көрінісі. Жастардың белсенділігі мен саналы таңдауы ел болашағын қалыптастыруда маңызды рөл атқарады, – деді Ұлмекен Жарасбаева.
