Ақтауда «Жартасты соқпақ» аумағының бір бөлігі уақытша жабылды
Ақтау қаласында 2026 жылғы 26–29 шілде аралығында 4А шағын ауданда орналасқан «Caspian Riviera Grand Palace» қонақ үйі аумағындағы «Жартасты соқпақ» бағытының бір бөлігі жөндеу жұмыстарының жүргізілуіне байланысты уақытша жабық болады, деп хабарлайды otpannews.kz.
Уақытша шектеу тұрғындар мен қала қонақтарының қауіпсіздігін қамтамасыз ету мақсатында енгізіліп отыр. Жөндеу жұмыстары аяқталғаннан кейін аталған аумаққа кіру қайта мүмкін болады.
«Осыған байланысты Ақтау қаласының тұрғындары мен қонақтарынан уақытша енгізілген шектеулерге түсіністікпен қарап, қоршаулар мен ескерту белгілерінің талаптарын сақтауды сұраймыз»,- деді қала әкімдігінің өкілдері.
20
Комментарии
Комментарии
Нет комментариев
