Төлеген Қобланов: «Ел ертеңі – біздің ортақ жауапкершілік»
23 тамызда өтетін Құрылтай сайлауы қарсаңында халықаралық дәрежедегі спорт шебері, қол күресінен екі дүркін Азия және әлем чемпионы, Қазақстанның үш дүркін чемпионы, Маңғыстау өңірінің тумасы Төлеген Қобланов ел азаматтарын сайлауға қатысып, өз таңдауын жасауға шақырды.
Ол спорттағы әрбір жеңістің артында табандылық пен нақты қадамдар тұратынын атап өтіп, ел болашағын қалыптастыруда да әр азаматтың таңдауы маңызды екенін жеткізді.
-Спортта жеңіске жету үшін әрбір қадам маңызды деп ойлаймын. Сол секілді ел болашағына да бейжай қарамауымыз қажет. Болашақ өздігінен ешқашан қалыптаспайды. Біз оны бүгінгі таңдауымызбен айқындаймыз. 23 тамызда өтетін Құрылтай сайлауына қатысып, мен өз таңдауымды жасаймын. Сіздер де өз таңдауларыңызды жасаңыздар. Себебі ел ертеңі – біздің ортақ жауапкершілік, - деді Төлеген Қобланов.
75
Комментарии
Комментарии
Нет комментариев
