Сенат су сапасын бақылау және санитарлық қауіпсіздік жөніндегі хаттаманы ратификациялауды мақұлдады
Сенат 1992 жылғы трансшекаралық су арналары мен халықаралық көлдерді қорғау және пайдалану туралы конвенцияға енгізілген Су және денсаулық мәселелері жөніндегі хаттаманы ратификациялауды мақұлдағаннан кейін, Қазақстан су сапасы мен халық денсаулығына қатысты нысаналы көрсеткіштер жүйесіне көшеді, деп хабарлайды otpannews.kz сайты.
Мемлекет алғаш рет өлшенетін стандарттарды енгізуге, олардың орындалуын тұрақты түрде бақылауға және нәтижелерді ашық түрде жариялап отыруға міндеттеледі.
Хаттама барлық су ресурстарын қорғаудың бірыңғай тәсілін енгізеді, санитарлық шараларды күшейтуді, ауыз судың сапасын жақсартуды және ластануды азайтуды көздейді.
- Енді “кім ластайды – сол төлейді” қағидаты бекітіледі. Яғни, қоршаған ортаны ластағаны үшін төлейтін ақыдан бөлек, оны тазалау және ластаудың алдын алуға қаржылай жауапкершілікті қоршаған ортаны ластаушы өзі мойнына алады,– делінген Сенат хабарламасында.
79
Комментарии
Комментарии
Нет комментариев
