Маңғыстауда прокуратура 21 мыңнан астам спортшының құқығын қорғады
Маңғыстау облысының прокуратурасы өңірдегі 21 мыңнан астам спортшы мен 1,1 мың жаттықтырушының құқықтарын қорғады, деп хабарлайды Otpannews.kz.
Атап айтқанда, прокурорлық қадағалау актісі негізінде спортшыларға, оның ішінде мүгедектігі бар спортшыларға тиесілі ақшалай қаражаттың уақтылы төленуі қамтамасыз етілді.
Сонымен қатар қажетті құжаттарды жедел жолдау және комиссия отырыстарын ай сайын өткізу тәртібі белгіленді.
«Құжаттарды уақтылы жолдау ай сайынғы төлемдерді тағайындауды жеделдетуге мүмкіндік береді. Бұл өз кезегінде өңір спортшыларының жоғары нәтижелерге қол жеткізуге деген ынтасын арттырып, тиесілі төлемдерді белгіленген мерзімде алуына кепілдік береді. Қабылданған шаралардың нәтижесінде спортшылардың құқықтарын бұзуға жол берген кінәлі тұлғалар жауапкершілікке тартылды», – деп хабарлады облыс прокуратурасы.
24
Комментарии
Комментарии
Нет комментариев
