Ақтауда есірткі таратпақ болған 20 жастағы қыз 7 жылға сотталды
Табылды Кадырбеков/РИА Новости
Алматыдан Ақтауға келген 20 жастағы бойжеткен Telegram арқылы есірткіні «закладка» тәсілімен таратпақ болған. Қылмыстық әрекеті дер кезінде әшкереленіп, одан синтетикалық психотроптық зат салынған 27 орама тәркіленді, деп хабарлайды otpannews.kz Маңғыстау облысының прокуратурасына сілтеме жасап.
Ақтау қалалық сотының үкімімен бойжеткен Қылмыстық кодекстің 297-бабы 3-бөлігінің 1 және 3-тармақтары бойынша кінәлі деп танылып, 7 жылға бас бостандығынан айырылды.
Сот үкімі заңды күшіне енді.
Құзырлы органдар Telegram арқылы «оңай табыс», «курьер» немесе «закладка» жасауға жұмыс ұсынатын хабарламаларға сенбеуге шақырады. Мұндай әрекет қылмыстық жауапкершілікке әкелуі мүмкін.
53
Комментарии
Комментарии
Нет комментариев
