Ақтауда жаңа бағдаршамдар орнатылып жатыр
Ақтау қаласында жол қауіпсіздігін қамтамасыз ету және көлік қозғалысын тиімді ұйымдастыру мақсатында қала аумағындағы жүру трафигі көп 5 жаңа жаяу жүргіншілер өткеліне батырмалы бағдаршамдар орнатылып жатыр, деп хабарлайды otpannews.kz сайты.
Сонымен қатар 9 автомобиль жолы қиылысындағы ескі бағдаршамдар жаңартылып жатыр. Жаңа нысандар жол қозғалысын реттеудің тиімділігін арттырып, жүргізушілер мен жаяу жүргіншілер үшін қауіпсіз әрі қолайлы жағдай қалыптастыруға мүмкіндік береді.
«Шағынаудандардағы жолдарда қауіпсіздікті арттыру үшін жалпы ұзындығы бір шақырым болатын жасанды жол кедір-бұдырларын орнату жоспарлануда. Сонымен қатар екі жаңа аялдама павильонын орнату үшін мемлекеттік сатып алу рәсімдері жүргізілуде»,- деп хабарлады Ақтау қаласы әкімдігінің құрылыс бөлімі мамандары.
48
Комментарии
Комментарии
Нет комментариев
