Ұлы дала жорығының чемпионы Нұрсағын Тұқымбай Құрылтай сайлауында өз таңдауын жасады
«Көкмойнақ» командасының шабандозы, «Ұлы дала жорығы» марафон-бәйгесінің чемпионы Нұрсағын Тұқымбай Құрылтай депутаттары сайлауында дауыс берді.
Маңғыстау ауданының тұрғыны, спортшы үшін ел өміріндегі маңызды саяси науқанға қатысу – азаматтық жауапкершіліктің көрінісі.
- Сайлауға қатысып, өз таңдауын жасау – әр азаматтың ел алдындағы жауапкершілігі деп білемін. Бүгін өз таңдауымды жасап, азаматтық міндетімді орындадым. Еліміздің болашағы жарқын болып, халқымыздың әл-ауқаты арта берсін, – деді Нұрсағын Тұқымбай.
Нұрсағын Тұқымбай – ұлттық ат спорты бағытында аудан намысын қорғап жүрген шабандоз. Ол Ұлы дала ойындарында жеңімпаз атанып, ұлттық спортты дамытуға өз үлесін қосып жүр.
Айта кетейік, сайлау күні аудан тұрғындары белсенділік танытып, өз таңдауларын жасап жатыр.
85
Комментарии
Комментарии
Нет комментариев
