Бейнеуде лицензиясыз білім берген ұйымға айыппұл салынды
Бейнеу аудандық сотында ӘҚБтК-нің 463-бабының 1 бөлігімен(Тиісті тiркеусiз, рұқсатсыз, хабарлама жібермей кәсiпкерлiк немесе өзге де қызметпен айналысу, сондай-ақ әрекеттердi (операцияларды) жүзеге асыру) «Д» ЖШС-ға қатысты әкімшілік құқық бұзушылық туралы іс қаралды, деп хабарлайды otpannews.kz сайты аудандық сотқа сілтеме жасап.
Сотпен анықталғандай, Маңғыстау облысының білім саласында сапаны қамтамасыз ету департаментімен «Д» ЖШС-ға тексеру жүргізіліп, тексеру нәтижесімен лицензиясыз (рұқсатсыз) білім беру қызметін атқарып жатқандығы анықталды.
Сот отырысы барысында аталған ЖШС-ның басшысы Ж. әкімшілік хаттамамен келісіп, көрсетілген кемшіліктер орын алғанын, алдағы уақытта кемшіліктер жойылатындығын айтты.
Сот қаулысымен «Д» ЖШС-сы ӘҚБтК-нің 463-бабының 1-бөлігімен әкімшілік құқық бұзушылық жасағаны үшін кінәлі деп танылып, 25 айлық есептік көрсеткіш мөлшерінде (яғни 98 300 теңге) әкімшілік айыппұл тағайындалды.
Қаулы заңды күшіне енді.
