Нөлден стартапқа 90 күнде: Startup Orda Ақтау тұрғындарына IT-бизнеске жол ашады

Ақтауда IT-кәсіпкерлікті дамытуға арналған Startup Orda өңірлік инкубациялық бағдарламасының жаңа легі басталады. Бағдарлама кез келген ниет білдірушіге бар болғаны 3 ай ішінде - тіпті дайын идеясыз-ақ өз стартапын іске қосуға мүмкіндік береді, деп хабарлайды otpannews.kz.

Бағдарламаның басталуы маусым айына жоспарланған. Ақтау, Қостанай, Петропавл, Көкшетау, Ақтөбе және Талдықорған қалаларымен қатар алты қаланың бірі болды. Қатысуға 16 жастан асқан барлық ниет білдірушілер қатыса алады, қатысу толықтай тегін.

Startup Orda Mangystau Hub базасында қарқынды офлайн-бағдарлама ұсынады. Қатысушылар идеядан бастап ең төменгі өміршең өнімді (MVP) жасауға дейінгі жолдан өтеді, практикалық воркшоптарға қатысады, трекерлер мен сарапшылармен жұмыс істейді, сондай-ақ бизнес-модель құруды және гипотезаларды тестілеуді үйренеді.

Ақтауда бұл бағдарлама жергілікті тұрғындарға өз идеяларын жүзеге асырып, технология саласында ұлттық және халықаралық деңгейге шығуға мүмкіндік береді.

«Startup Orda-ның бірегейлігі - біз дайын кәсіпкерлерді күтпейміз, біз оларды нөлден қалыптастырамыз. Бұл жай ғана оқу емес, қысқа уақыт ішінде тәжірибе, қателіктер және трекерлермен тұрақты жұмыс арқылы негіз қалаушының ойлау жүйесі қалыптасатын орта. Сонымен қатар, 2026 жылғы бірінші легтің үздік стартаптары халықаралық Digital Bridge алаңындағы Startup Alley-ге қатысу мүмкіндігіне, сондай-ақ Astana Hub Battle жартылай финалына қол жеткізеді», — деді Astana Hub өңірлік даму кеңсесінің директоры Диан Айбашпанов.

Бағдарламаның тиімділігі оның түлектерінің жетістіктерімен де дәлелденеді. Мысалы, Ақтаудан шыққан Alem Go стартапы сатылым көлемін тұрақты түрде арттырып, нарықтағы өз қатысу аясын кеңейтіп келеді. Бұған дейін команда Digital Mangystau 2025 форумында бірінші орын алып, 1 млн теңге көлемінде жүлдеге ие болған. Жоба - пайдаланушыларға жіберушілер мен жолай жүрушілерді бір жүйеге біріктіре отырып, сәлемдемелерді жылдам, қауіпсіз және ыңғайлы жеткізуге мүмкіндік беретін стартап-платформа.

Startup Orda бастамашыл кәсіпкерлер арасында жоғары сұранысқа ие екенін әлдеқашан дәлелдеді. Алдыңғы легтің қорытындысы бойынша бағдарламаға еліміздің түкпір-түкпірінен 752 өтінім түсіп, 205 стартап бағдарламаның финалдық кезеңіне дейін жетті. 

Бүгінде Startup Orda Орталық Азияда инновация қарқынды дамып келе жатқан орталық ретінде Қазақстанның позициясын нығайта отырып, технологиялық кәсіпкерлердің жаңа буынын қалыптастыруда.

Өтінім қабылдау басталды. Өтінімді 25 мамырға дейін мына сілтеме арқылы жолдауға болады: https://astanahub.com/kk/l/startuporda