Ақтаулық үшемдер: «Еліміздің амандығы мен тыныштығы – ең бастысы»
Ақтаулық үшемдер – Ақарыс, Бекарыс және Жанарыс Зекеновтер бүгін сайлау учаскесіне барып, өз таңдауын жасады.
Бір күнде дүниеге келген үшем үш күннен кейін, яғни 26 тамызда 25 жасқа толады. Биыл олар екінші мүшел жасына қадам басқалы отыр.
«Бауырларыммен бірге өз дауысымызды беруге келдік. Ең бастысы – еліміздің амандығы мен тыныштығы», – деді Бекарыс Зекенов.
Ал Ақарыс Зекенов елдің дамуы жастардың қолында екенін атап өтті.
«Еліміз дамып жатыр. Әрі қарай да дами беруін қалаймыз. Бүгінгі таңдауымыз - біздің болашағымыз. Баршаңызды сайлауға қатысуға шақырамын», – деді Ақарыс Зекенов.
57
Комментарии
Комментарии
Нет комментариев
