Бүркітші Жеңіс Чүйшбаев ұлттық киіммен дауыс берді
Жаңаөзен қаласының тұрғыны, бүркітші Жеңіс Чүйшбаев Құрылтай депутаттарын сайлауға ұлттық киім киіп келіп, өз таңдауын жасады.
Ұлттық киімдегі бүркітшінің сайлау учаскесіне келуі тұрғындардың назарын аударып, сайлау барысына өзіндік ұлттық реңк қосты.
Бүркітші ел болашағына қатысты маңызды үдерістерге әр азаматтың белсенді қатысуы қажет екенін атап өтті.
- Ұлттық киім – біздің тарихымыз бен болмысымыздың бір бөлшегі. Бүгін сайлауға осы киіммен келуімнің себебі – елдің маңызды қоғамдық өміріне қатыса отырып, ұлттық құндылықтарымызды да дәріптеу. Бүркітшілік те атадан балаға жалғасып келе жатқан дәстүрлі өнеріміздің бірі. Оны сақтау – біздің міндетіміз. Елдің болашағы әрқайсымыздың таңдауымыздан басталады. Сондықтан бүгін азаматтық борышымды орындап, өз таңдауымды жасадым. Ұлттық дәстүріміз де, елдің бірлігі мен болашағы да әрдайым қатар жүрсе екен, – деді Жеңіс Чүйшбаев.
68
Комментарии
Комментарии
Нет комментариев
