Ақтау маңындағы Қаракөлге қоқиқаздар келе бастады
Үстірт мемлекеттік табиғи қорығының Қарақия‑Қаракөл қаумалына Қазақстанның Қызыл кітабына енген қоқиқаздар келе бастады. Қоқиқаздар Ақтаудан бірнеше шақырым жердегі Қаракөлде жылына 2 рет қонақ болады, деп хабарлайды otpannews.kz сайты.
«Күзгі маусымда қаумал аумағы қоқиқаздар үшін маңызды аялдау орындарының біріне айналады. Қоқиқаздардың маусымдық көшуі - экожүйенің тұрақтылығы мен биоалуантүрліліктің сақталуын көрсетеді. Бұл маусымдық көшу еліміздің табиғатты қорғау бағытында маңызды рөл атқарады»,- дейді мамандар.
Үстірт мемлекеттік табиғи қорығы директорының орынбасары Қалдыбай Мамаевтың айтуынша, қызғылт қоқиқаздар көлдегі жәндіктермен, шаянмен және балдырлармен тамақтанады. Оның қызғылт реңкінің құпиясы да осында.
“Қаракөлде 300-ден астам құс түрі бар. Солардың бірі – қоқиқаз, ол еліміздің қызыл кітабына енген құс. Қоқиқаздың мойны мен аяғы ұзын, имек тұмсығы бар. Жас қоқиқаздың қауырсындары сұр түсті болады. Есейген сайын түсі қызғылт реңке боялады. Маусымында Қаракөлде 15-20 мыңға жуық қоқиқаз келеді”,- деді Қалдыбай Мамаев.
Қоқиқаздар өңірге жылына 2 рет қонақтайды. Көктемде олар Солтүстік Қазақстандағы “Қорғалжын” қорығына беттейді. Ал күзде Иранға ұшып кетеді. Осы екі нүкте арасында құстар демалып, Қаракөлге аялдайды.
20
Комментарии
Комментарии
Нет комментариев
