Otpan News Logo
Ақтауда студенттер кітап оқып, ақшалай сыйлыққа ие болды
Анонс
Жаңалықты көру →

Ақтауда студенттер кітап оқып, ақшалай сыйлыққа ие болды

OTPANNEWS.KZ – Ш. Есенов атындағы Каспий технологиялар және инжиниринг университеті кітапханасының ұйымдастыруымен «Кітап оқитын ұлт» марафоны аясында «YU Оқырманы» кітап оқу байқауының қорытынды кезеңі өтті.Байқаудың негізгі мақсаты – студенттердің кітап оқуға деген қызығушылығын арттыру, көркем шығармаларды терең түсініп, талдауға және өз ойын сауатты жеткізуге үйрету.Байқауға қатысушылар марафонның университет бағыты бойынша ұсынылған кітаптар тізімінен бір шығарманы таңдап оқып, сол туынды негізінде эссе жазды. Қазылар алқасының сараптауынан кейін үздік деп танылған 20 студент финалдық кезеңге жолдама алды.Қорытынды кезеңде қатысушылар оқыған шығармаларының мазмұны, негізгі идеясы, кейіпкерлері мен авторлық ұстанымы туралы сұрақтарға жауап берді. Сонымен қатар кітаптан алған әсерлері мен жеке көзқарастарын ортаға салып, өз білімдері мен талдау қабілеттерін көрсетті.«Байқауды ұйымдастырудағы басты мақсат - жастар арасында кітап оқуды әдетке айналдырып қана қоймай, оны бірге отырып талқылауға дағдыландыру. Сондай-ақ студенттердің өз ойын еркін айтып, пікір алмасу қабілетін дамыту. Жарыс барысында қатысушылар эссе жазып, жазу шеберлігін шыңдаса, финалдық кезеңде профессорлардың сұрақтарына жауап берді. Өз ойларын білдіру кезінде олар осыған дейін оқыған кітаптарын сараптап, талдап берді. Бұл сайыс студенттерге өте ұнады. Алдағы уақытта осындай іс-шараларды жиірек ұйымдастыруға күш саламыз», - деді ұйымдастырушы Бағила Дүйсенбаева.Байқау қорытындысы бойынша жеңімпаздар анықталып, оларға ақшалай сыйлықтар табысталды. Атап айтқанда:* І орын – Сағын Сая (50 мың теңге);* ІІ орын – Зайнолданова Жайна (30 мың теңге);* ІІІ орын – Габиденқызы Сымбат (20 мың теңге).Ал финалға шыққан 20 қатысушыға белсенділігі үшін алғыс хаттар мен ынталандыру сыйлықтары берілді.Айта кетейік, іс-шара «Кітап оқитын ұлт» марафонын қолдау мақсатында Маңғыстау облыстық орталық «Бекет ата» мешітінің бастамасымен ұйымдастырылып, Маңғыстау қажылар қауымдастығының қаржылай қолдауымен өтті.

Author AvatarГүлсезім Әбдіжәлел

12:39, 30 қазан 2026

Жарнама бөлімі: +7 (778) 145 90 93

Редакция: +7 (7292) 20 48 42

Қарақия ауданында ашық аспан астында кітапхана ашылды
Анонс
AuthorГүлсезім Әбдіжәлел
12:27, 30 қазан 2026

Қарақия ауданында ашық аспан астында кітапхана ашылды

Ақтаулық «Айрақты» инклюзивті би ансамблі республикалық байқауда жеңіске жетті
Анонс
AuthorРоза Әділханқызы
11:44, 30 қазан 2026

Ақтаулық «Айрақты» инклюзивті би ансамблі республикалық байқауда жеңіске жетті

Барлық жаңалықтар
Қанат Бозымбаев Маңғыстау облысында инфрақұрылымды жаңғырту жобаларының іске асырылу барысын тексерді
Жаңалықты көру →
18:11, 30 қазан 2026

Қанат Бозымбаев Маңғыстау облысында инфрақұрылымды жаңғырту жобаларының іске асырылу барысын тексерді

Маңғыстаулық журналист қырғыз спортшысына құрмет көрсетті
Жаңалықты көру →
16:31, 30 қазан 2026

Маңғыстаулық журналист қырғыз спортшысына құрмет көрсетті

Маңғыстауда оқушыларға суды үнемдеудің маңызы түсіндірілді
Жаңалықты көру →
15:35, 30 қазан 2026

Маңғыстауда оқушыларға суды үнемдеудің маңызы түсіндірілді

ТМҰ-ға мүше елдер басшылары түркі әлемі өнер шеберлерінің концертін тамашалады
Жаңалықты көру →
14:48, 30 қазан 2026

ТМҰ-ға мүше елдер басшылары түркі әлемі өнер шеберлерінің концертін тамашалады

Қасым-Жомарт Тоқаев Түркі мемлекеттері ұйымының 13-саммитінде сөз сөйледі
Жаңалықты көру →
14:45, 30 қазан 2026

Қасым-Жомарт Тоқаев Түркі мемлекеттері ұйымының 13-саммитінде сөз сөйледі

Жаңаөзендегі газ өңдеу зауытына Қытайдан жабдықтың алғашқы партиясы жеткізілді
Жаңалықты көру →
14:41, 30 қазан 2026

Жаңаөзендегі газ өңдеу зауытына Қытайдан жабдықтың алғашқы партиясы жеткізілді

Ақтауда инновациялық IT-жобаларды қолдауға бағытталған республикалық хакатон басталды
Жаңалықты көру →
14:33, 30 қазан 2026

Ақтауда инновациялық IT-жобаларды қолдауға бағытталған республикалық хакатон басталды

Маңғыстауда Түркияның Ұлттық күніне арналған салтанатты жиын өтті
Жаңалықты көру →
14:29, 30 қазан 2026

Маңғыстауда Түркияның Ұлттық күніне арналған салтанатты жиын өтті

Ақтауда үздік кәсіпкерлер марапатталды
Жаңалықты көру →
12:33, 30 қазан 2026

Ақтауда үздік кәсіпкерлер марапатталды

Ақтауда 350 орындық көпбейінді балалар ауруханасы салынады
Жаңалықты көру →
11:47, 30 қазан 2026

Ақтауда 350 орындық көпбейінді балалар ауруханасы салынады

Маңғыстауда қарасора өсірген жасырын орын анықталды
Жаңалықты көру →
11:34, 30 қазан 2026

Маңғыстауда қарасора өсірген жасырын орын анықталды

Ақтауда екі күндік «BootCamp» оқыту курсы аяқталды
Жаңалықты көру →
10:54, 30 қазан 2026

Ақтауда екі күндік «BootCamp» оқыту курсы аяқталды

«Халықтық құрылысқа – халықтық бақылау»: Бекмұрат Жүсіпов қоғамдық мониторинг жүргізуді ұсынды
Жаңалықты көру →
10:27, 30 қазан 2026

«Халықтық құрылысқа – халықтық бақылау»: Бекмұрат Жүсіпов қоғамдық мониторинг жүргізуді ұсынды

Қасым-Жомарт Тоқаев Түркі әлемі аллеясының ашылу рәсіміне қатысты
Жаңалықты көру →
10:07, 30 қазан 2026

Қасым-Жомарт Тоқаев Түркі әлемі аллеясының ашылу рәсіміне қатысты

Маңғыстауда балалар қауіпсіздігі мен жасөспірімдер арасындағы құқық бұзушылықтың алдын алу жұмыстары жүріп жатыр
Жаңалықты көру →
19:16, 29 қазан 2026

Маңғыстауда балалар қауіпсіздігі мен жасөспірімдер арасындағы құқық бұзушылықтың алдын алу жұмыстары жүріп жатыр

Ақтауда цифрландыру және жасанды интеллектіні дамыту мәселелері қаралды
Жаңалықты көру →
18:14, 29 қазан 2026

Ақтауда цифрландыру және жасанды интеллектіні дамыту мәселелері қаралды

Жаңаөзен полицейлері ұрланған 15 млн теңгенің алтын бұйымдарын іздеп жатыр
Жаңалықты көру →
16:27, 29 қазан 2026

Жаңаөзен полицейлері ұрланған 15 млн теңгенің алтын бұйымдарын іздеп жатыр

TikTok-та балағат сөз айтқан маңғыстаулық тұрғын 5 тәулікке қамалды
Жаңалықты көру →
16:19, 29 қазан 2026

TikTok-та балағат сөз айтқан маңғыстаулық тұрғын 5 тәулікке қамалды

Маңғыстау өңірі Еуропа елдерімен инвестициялық және көлік-логистикалық ынтымақтастықты кеңейтуге мүдделі
Жаңалықты көру →
15:57, 29 қазан 2026

Маңғыстау өңірі Еуропа елдерімен инвестициялық және көлік-логистикалық ынтымақтастықты кеңейтуге мүдделі

Су тапшылығы: көлік жуу орындарына жаңа шектеу енгізілмек
Жаңалықты көру →
14:54, 29 қазан 2026

Су тапшылығы: көлік жуу орындарына жаңа шектеу енгізілмек

Advertisement
Маңғыстау жаңалықтары
Маңғыстауда оқушыларға суды үнемдеудің маңызы түсіндірілді
Жаңалықты көру →
AuthorРоза Әділханқызы
15:35, 30 қазан 2026

Маңғыстауда оқушыларға суды үнемдеудің маңызы түсіндірілді

OTPANNEWS.KZ. – Ақтау қаласында 96 оқушы «Суды үнемде – болашақты сақта» атты ашық онлайн экологиялық сабаққа қатысты. Іс-шара барысында мектеп оқушыларына су тапшылығының себептері мен су ресурстарын тиімді пайдаланудың қарапайым жолдары түсіндірілді.Экологиялық сабақ Ақтаудағы дарынды балаларға арналған облыстық мамандандырылған мектеп-интернатында өтті. Оны Маңғыстау облыстық білім басқармасына қарасты дене тәрбиесі және туризм орталығы ұйымдастырды.Сабақтың негізгі мақсаты – оқушылардың су ресурстарының маңыздылығы туралы білімін арттырып, суды ұқыпты пайдалануға деген жауапкершілігін қалыптастыру.Кездесу барысында оқушыларға су тапшылығы мәселесі, оның негізгі себептері мен ықтимал салдары туралы ақпарат берілді. Сонымен қатар әр адамның күнделікті өмірде су қорын сақтауға қалай үлес қоса алатыны талқыланды.Мамандар суды үнемдеудің қарапайым тәсілдеріне де тоқталды. Атап айтқанда, кранды қажетсіз ашық қалдырмау, мүмкіндігінше суды қайта пайдалану және су құбырларындағы ақауларды уақытылы жөндеу қажеттігі айтылды.Оқушылар талқылауға белсенді қатысып, өз ойларын ортаға салды. Сабақ соңында табиғатты қорғау – баршаға ортақ міндет екенін, ал суды үнемдеу әр адамның күнделікті дағдысына айналуы керектігін атап өтті.

Ақтауда студенттер кітап оқып, ақшалай сыйлыққа ие болды
Жаңалықты көру →
AuthorГүлсезім Әбдіжәлел
12:39, 30 қазан 2026

Ақтауда студенттер кітап оқып, ақшалай сыйлыққа ие болды

OTPANNEWS.KZ – Ш. Есенов атындағы Каспий технологиялар және инжиниринг университеті кітапханасының ұйымдастыруымен «Кітап оқитын ұлт» марафоны аясында «YU Оқырманы» кітап оқу байқауының қорытынды кезеңі өтті.Байқаудың негізгі мақсаты – студенттердің кітап оқуға деген қызығушылығын арттыру, көркем шығармаларды терең түсініп, талдауға және өз ойын сауатты жеткізуге үйрету.Байқауға қатысушылар марафонның университет бағыты бойынша ұсынылған кітаптар тізімінен бір шығарманы таңдап оқып, сол туынды негізінде эссе жазды. Қазылар алқасының сараптауынан кейін үздік деп танылған 20 студент финалдық кезеңге жолдама алды.Қорытынды кезеңде қатысушылар оқыған шығармаларының мазмұны, негізгі идеясы, кейіпкерлері мен авторлық ұстанымы туралы сұрақтарға жауап берді. Сонымен қатар кітаптан алған әсерлері мен жеке көзқарастарын ортаға салып, өз білімдері мен талдау қабілеттерін көрсетті.«Байқауды ұйымдастырудағы басты мақсат - жастар арасында кітап оқуды әдетке айналдырып қана қоймай, оны бірге отырып талқылауға дағдыландыру. Сондай-ақ студенттердің өз ойын еркін айтып, пікір алмасу қабілетін дамыту. Жарыс барысында қатысушылар эссе жазып, жазу шеберлігін шыңдаса, финалдық кезеңде профессорлардың сұрақтарына жауап берді. Өз ойларын білдіру кезінде олар осыған дейін оқыған кітаптарын сараптап, талдап берді. Бұл сайыс студенттерге өте ұнады. Алдағы уақытта осындай іс-шараларды жиірек ұйымдастыруға күш саламыз», - деді ұйымдастырушы Бағила Дүйсенбаева.Байқау қорытындысы бойынша жеңімпаздар анықталып, оларға ақшалай сыйлықтар табысталды. Атап айтқанда:* І орын – Сағын Сая (50 мың теңге);* ІІ орын – Зайнолданова Жайна (30 мың теңге);* ІІІ орын – Габиденқызы Сымбат (20 мың теңге).Ал финалға шыққан 20 қатысушыға белсенділігі үшін алғыс хаттар мен ынталандыру сыйлықтары берілді.Айта кетейік, іс-шара «Кітап оқитын ұлт» марафонын қолдау мақсатында Маңғыстау облыстық орталық «Бекет ата» мешітінің бастамасымен ұйымдастырылып, Маңғыстау қажылар қауымдастығының қаржылай қолдауымен өтті.

Ақтауда үздік кәсіпкерлер марапатталды
Жаңалықты көру →
AuthorГүлсезім Әбдіжәлел
12:33, 30 қазан 2026

Ақтауда үздік кәсіпкерлер марапатталды

OTPANEWS.KZ – Маңғыстау облысының Кәсіпкерлер палатасы «Заң және тәртіп» тұжырымдамасы аясында ұйымдастырылған «Адал кәсіпкер» байқауының қорытындысын жариялады.Байқаудың мақсаты – кәсібін дамытумен қатар, мемлекет, қызметкерлер мен қоғам алдындағы жауапкершілігін жоғары қоятын кәсіпкерлерді қолдау және өзгелерге үлгі ету.Жеңімпаздарды анықтау барысында кәсіпорындардың заң талаптарын сақтауы, салық міндеттемелерін уақытылы орындауы, еңбек қауіпсіздігін қамтамасыз етуі, сондай-ақ әлеуметтік жауапкершілігі мен өңірдің дамуына қосқан үлесі ескерілді.Үміткерлерді жан-жақты әрі әділ бағалау мақсатында олардың кандидатуралары салық органдарына, прокуратураға және еңбек инспекциясына жолданып, тиісті тексерулер жүргізілді. Нәтижесінде заңдылық, ашықтық және әлеуметтік жауапкершілік қағидаттарын ұстанатын кәсіпкерлер жеңімпаз атанды.Байқау үш номинация бойынша қорытындыланды:* «Адал кәсіпкер» – «Берекет-Ф» ЖШС өкілі Зарета Фаталиева;* «Қауіпсіз кәсіпорын» – «OSS Kazakhstan» ЖШС өкілі Шыңғыс Есбосынов;* «Үлгілі салық төлеуші» – «ADONA LTD» ЖШС өкілі Александр Цхай.Жеңімпаздарға марапаттарды Кәсіпкерлер палатасы директорының экономикалық мәселелер жөніндегі орынбасары Ақиқат Шарапатдинов табыстады.«Біз кәсіпкерлерді заң талаптарын сақтап, салық міндеттемелерін уақытылы орындағаны, еңбек қауіпсіздігін қамтамасыз еткені және адал кәсіпкерлік қағидаттарын ұстанғаны үшін марапаттауды жөн көрдік. Бұл көрсеткіштер олардың жауапкершілігі мен азаматтық ұстанымын айқындайды. Сонымен қатар өзге кәсіпкерлерге де үлгі болуы тиіс», – деді Ақиқат Шарапатдинов.Жауапты бизнесті қолдау өңірде заңға құрметпен қарау мен адал бәсекелестік мәдениетін қалыптастыруға ықпал етеді. Мұндай бастамалар кәсіпкерліктің табысы экономикалық көрсеткіштермен ғана емес, оның қоғам алдындағы жауапкершілігімен де өлшенетінін көрсетеді.

Қарақия ауданында ашық аспан астында кітапхана ашылды
Жаңалықты көру →
AuthorГүлсезім Әбдіжәлел
12:27, 30 қазан 2026

Қарақия ауданында ашық аспан астында кітапхана ашылды

OTPANNEWS.KZ — «Jasa Mangystau» жобасы аясында Қарақия ауданының Жастар ресурстық орталығында ашық кітапхана ашылды.Жоба Маңғыстау облысы жастар саясаты мәселелері басқармасының қолдауымен жүзеге асырылған. Идея авторы – «Облыстық санаторлық мектеп-интернат» КММ-нің қазақ тілі мен әдебиеті пәнінің мұғалімі Ақбаян Жетіс. Кітапхананы Қарақия кәсіптік колледжінің өндірістік оқыту шебері Бақыт Оспанов құрастырды.Бұл орын ауыл жастарына бос уақытын пайдалы өткізуге мүмкіндік береді. Олар таза ауада кофе ішіп, кітап оқып, алған әсерін достарымен бөлісе алады. Кітап оқу жастардың сөздік қорын байытып, ой-өрісін кеңейтуге көмектессе, ортақ кітапхана бір-бірімен танысып, пікір алмасуға жол ашады.Оқырман аяқтаған кітабын сөреге қалдырып, оны басқа жанға сыйлай алады. Осылайша жастар кітап алмасып қана қоймай, өзара бөлісу мәдениетін де қалыптастырады. Алдағы уақытта кітап қорын тұрғындар сыйға тартқан кітаптармен толықтырып, ашық кітапхананы жастар жиі бас қосатын орынға айналдыру жоспарланып отыр.Айта кетейік, қазіргі таңда елімізде республикалық «Кітап оқитын ұлт» жобасы өтіп жатыр. Ал жастар бұл бастамаға аса белсенділік танытып, қарқынды қатысуда.

Ақтаулық «Айрақты» инклюзивті би ансамблі республикалық байқауда жеңіске жетті
Жаңалықты көру →
AuthorРоза Әділханқызы
11:44, 30 қазан 2026

Ақтаулық «Айрақты» инклюзивті би ансамблі республикалық байқауда жеңіске жетті

OTPANNEWS.KZ – Ақтаудағы «Жарқын DAMU» қоғамдық бірлестігінің «Айрақты» инклюзивті би ансамблі Алматы қаласында өткен байқауда жоғары нәтиже көрсетті. Өнер ұжымы төрт хореографиялық нөмір ұсынып, үш Гран-при және бір бірінші орын иеленді.«Байқауда ансамбль құрамындағы тоғыз биші өнер көрсетті. Атап айтқанда, Гаухар Алимуханбетова, Саламат Қойбағаров, Олжас Джангазиев, Зульфия Өтеулиева, Сәния Сырлыбаева, Қарлығаш Түркменбай, Мұхаммед Қарашаев, Малика Кенжебекова және Адина Серик жүлдегер атанды. Бұл жетістік балалардың табандылығы мен тынымсыз еңбегінің, сондай-ақ хореограф пен ата-аналардың қолдауының нәтижесі»,- дейді «Жарқын Damu» ҚБ негізін қалаушы Әлия Якубқызы. Әлияның айтуынша, ансамбль өкілдері үшін байқаудағы басты жетістік – жүлделі орындармен қатар, балалардың өзіне деген сенімін арттыруға ықпал етеді. Шығармашылық қабілетін дамыту арқылы қоғамға белсенді араласып жүрген өнерпаздар эковолонтердықпен де айналысып жүр.

Жаңаөзен полицейлері ұрланған 15 млн теңгенің алтын бұйымдарын іздеп жатыр
Жаңалықты көру →
AuthorМахаббат Нұржанқызы
16:27, 29 қазан 2026

Жаңаөзен полицейлері ұрланған 15 млн теңгенің алтын бұйымдарын іздеп жатыр

OTPANNEWS.KZ. – Жаңаөзенде зергерлік бұйымдар сататын дүкеннен 15 миллион теңгенің алтынын ұрлады деген күдікпен 19 жастағы жігіт ұсталды. Ол гауһар тастары бар 24 жұп сырға мен 24 алтын сақинаны алып кеткен.Оқиға 10 қазанда сауда орталығының екінші қабатында болған. Полицияның мәліметінше, күдікті зергерлік бұйымдар сататын дүкенге заңсыз кіріп, әшекейлерді ұрлаған. Оның бұл әрекеті бейнебақылау камераларына түсіп қалған. Келтірілген шығын 15 миллион теңгеге бағаланды.15 қазанда полицейлер 19 жастағы жігітті ұстап, уақытша ұстау изоляторына қамады. Ол ұрлық жасағанын мойындап, алтын бұйымдарды сатып жібергенін айтқан. Қазір полиция ұрланған әшекейлерді іздестіріп жатыр.Осы дерек бойынша Қылмыстық кодекстің 188-бабы 4-бөлігінің 3-тармағымен қылмыстық іс қозғалып, тергеу амалдары жалғасып жатыр.

TikTok-та балағат сөз айтқан маңғыстаулық тұрғын 5 тәулікке қамалды
Жаңалықты көру →
AuthorМахаббат Нұржанқызы
16:19, 29 қазан 2026

TikTok-та балағат сөз айтқан маңғыстаулық тұрғын 5 тәулікке қамалды

АҚТАУ. OTPANNEWS.KZ. – Маңғыстау облысында TikTok желісіндегі тікелей эфир кезінде былапыт сөздер айтқан 23 жастағы тұрғын бес тәулікке әкімшілік қамауға алынды. Бұл туралы облыстық полиция департаменті хабарлады.Әлеуметтік желілерге жүргізілген мониторинг барысында өңір тұрғыны Әмір Мирас тікелей эфир кезінде бірнеше рет балағат сөз айтқаны анықталған.Осы дерекке байланысты оған Әкімшілік құқық бұзушылық туралы кодекстің 434-бабының 1-бөлігі («Ұсақ бұзақылық») бойынша хаттама толтырылған. Сот ер адамды кінәлі деп танып, бес тәулікке әкімшілік қамауға алу туралы шешім шығарды.Полиция департаменті әлеуметтік желідегі әрекеттер де заң талаптарына сай бағаланатынын еске салды.

Ақтауда балаларға ұлттық құндылықтарды дәріптейтін «Текті бала» лагері басталды
Жаңалықты көру →
AuthorГүлсезім Әбдіжәлел
15:21, 29 қазан 2026

Ақтауда балаларға ұлттық құндылықтарды дәріптейтін «Текті бала» лагері басталды

OTPANNEWS.KZ – Ақтауда «Ұлттық құндылық – тәрбие негізі» рухани-дамыту жобасы аясында 8–15 жастағы балаларға арналған «Текті бала» ұлттық таным лагері басталды.Жоба «Parasat Aktau» қоғамдық бірлестігінің ұйымдастыруымен жүзеге асырылуда. Жеті күндік лагерьге түрлі әлеуметтік санаттағы отбасылардан 90 бала қатысады. Қатысушыларды іріктеу барысында әлеуметтік осал топтардағы балаларды қамтуға ерекше көңіл бөлінген.Лагерьдің мақсаты – балаларды қазақ халқының тарихымен, салт-дәстүрімен және рухани мұрасымен таныстыру, ұлттық өнерге қызығушылығын ояту, шығармашылық қабілеттерін дамыту. Бұл жобаның басты ерекшелігі - балалардың уақытын гаджетсіз, қызықты әрі пайдалы өткізуі.«Тегін білген – тектілік» тақырыбындағы алғашқы кездесуде балаларға жеті атаны білудің маңызы түсіндіріліп, шежіре ағашын құрастыру үйретілді. Балалар бесікке салу, тұсаукесер, сүндет той, беташар дәстүрлерімен танысады. Қазақ дастарханына арналған сабақтарда соғым мәдениеті, табақ тарту тәртібі, қолға су құю және ас ішу әдебі түсіндіріледі. Бата берудің тәрбиелік мәні таныстырылып, балалар арасында бата айту сайысы ұйымдастырылады.«Жеті қазына – ер қанаты» бағыты аясында қатысушылар көшпенділер дүниетанымымен танысып, домбыра,дәстүрлі ән және жыр-терме шеберлік сабақтарына қатысады. Лагерьде асық ату, садақ ату, тоғызқұмалақ сияқты ұлттық ойындар өткізіліп, мақал-мәтел мен шешендік өнер сайыстары ұйымдастырылады. Сондай-ақ, балалар қолөнер сабақтарында киіз бен теріден бұйымдар жасап, қорытынды көрмеге дайындалады. Оларға өңірдің тарихшылары, ақсақалдары, қолөнершілері мен өнерпаздары тәлімгерлік етеді.«Біздің мақсатымыз – балаларға салт-дәстүрді таныстырып қана қоймай, оның мағынасын түсінуге мүмкіндік беру. Бала өз тегін, халқының тарихы мен мәдениетін біліп өсуі керек. Лагерьде балалар ұлттық өнерді өздері жасап, ойындарды бірге ойнап, үлкендердің әңгімесін тыңдау арқылы үйренеді. Сонымен қатар жаңа достар тауып, жақсы ортаға қосылады, өнерлерін шыңдап, көпшілік алдында өзін еркін ұстауға дағдыланады. Бір-біріне көмектесіп, ортақ іске жауапкершілікпен қарауды үйренуі де біз үшін маңызды. Алдағы уақытта осы бағыттағы жұмысты жалғастырып, жобаның ауқымын кеңейтуге ниеттіміз», – дейді «Parasat Aktau» қоғамдық бірлестігінің төрағасы Толқын Кусаинова.Жеті күндік лагерь қорытындысында балалардың үйренген өнері мен жасаған жұмыстарын таныстыратын гала-концерт және қолөнер көрмесі ұйымдастырылады. Ұлттық тағамдар жәрмеңкесі өткізіліп, қатысушыларға сертификаттар табысталады.

Су тапшылығы: көлік жуу орындарына жаңа шектеу енгізілмек
Жаңалықты көру →
AuthorГүлсезім Әбдіжәлел
14:54, 29 қазан 2026

Су тапшылығы: көлік жуу орындарына жаңа шектеу енгізілмек

OTPANNEWS.KZ – Қазақстанда су тапшылығын азайту және су ресурстарын тиімді пайдалану мақсатында көлік жуу орындарында орталықтандырылған ауызсуды технологиялық мақсаттарға пайдалануды шектеу жоспарланып отыр. Осыған байланысты Су кодексіне тиісті түзетулер әзірленді.Бұл туралы Су ресурстары және ирригация министрі Нұржан Нұржігітов Үкімет отырысында мәлімдеді.Министрдің айтуынша, жыл басынан бері 758 заңбұзушылық анықталған. Бұл өткен жылдың сәйкес көрсеткішінен екі еседен астам.«Сонымен қатар, автокөлік жуу орындарында технологиялық мақсаттарға орталықтандырылған ауызсуды пайдалануды шектеу бойынша Су кодексіне түзетулер әзірленді», – деді Нұржан Нұржігітов.Ведомство басшысы Қазақстанда алынатын судың шамамен 60 пайызы ауыл шаруашылығына жұмсалатынын атап өтті. Осыған байланысты салада су үнемдеу технологияларын енгізуге басымдық беріліп отыр.Қазіргі уақытта мұндай технологиялар қолданылатын ауыл шаруашылығы алқаптарының көлемі 702 мың гектарға жеткен. Нәтижесінде шамамен 1,1 млрд текше метр су үнемделген.Суды тиімді пайдалану шаралары өнеркәсіп пен коммуналдық-тұрмыстық секторда да қолға алынған. Өнеркәсіп орындарын айналымды және қайта сумен жабдықтау жүйелеріне кезең-кезеңімен көшіру көзделген. 2030 жылға қарай суды қайта пайдалану үлесін 28 пайызға жеткізу жоспарланып отыр.Министрдің мәліметінше, коммуналдық-тұрмыстық секторда жыл сайын қосымша 260 млн текше метрге дейін су үнемдеуге мүмкіндік бар.

Жаңаөзенде «Қауіпсіз пеш» профилактикалық акциясы өтті
Жаңалықты көру →
AuthorOtpan News
10:03, 29 қазан 2026

Жаңаөзенде «Қауіпсіз пеш» профилактикалық акциясы өтті

OTPANNEWS.KZ. - Жаңаөзен қаласына қарасты Рахат ауылында жылыту маусымында өрт оқиғалары мен газдан уланудың алдын алу мақсатында республикалық «Қауіпсіз пеш» профилактикалық акциясы өткізілді.Іс-шараға Жаңаөзен қаласының Төтенше жағдайлар бөлімінің, «QazaqGaz Aimaq» мекемесінің және Рахат ауылы әкімдігінің қызметкерлері қатысты.Акция аясында әлеуметтік аз қамтылған отбасылардың тұрғын үйлеріне газдың қауіптілігін анықтайтын арнайы сигнализаторлар орнатылды. Сонымен қатар, тұрғындарға газ жабдықтарын қауіпсіз пайдалану, желдету жүйелерінің жарамдылығын қадағалау және өрт қауіпсіздігі талаптарын сақтау бойынша түсіндіру жұмыстары жүргізілді.

Ақтауда жастарға арналған екі күндік BootCamp өтіп жатыр
Жаңалықты көру →
AuthorРоза Әділханқызы
09:54, 29 қазан 2026

Ақтауда жастарға арналған екі күндік BootCamp өтіп жатыр

OTPANNEWS.KZ – Бұл жоба жастардың құқықтық сауаттылығын арттыруға бағытталған.Оқыту курсының алғашқы күні «Заңды білу және жауапкершілік» тақырыбына арналды. Қатысушылар Қазақстан Республикасы Конституциясының негізгі қағидаттарын, азаматтардың құқықтары мен міндеттерін талқылады. Сонымен қатар алаяқтық, кибербуллинг, еңбек құқықтары және қоғамдық тәртіпке қатысты өмірлік жағдаяттарды саралады.Маңғыстау облыстық жастар саясаты мәселелері басқармасының бөлім басшысы Дәулет Белектің айтуынша, жобаның басты мақсаты – жастардың құқықтық білімін жетілдіру, заңға құрметпен қарау мәдениетін қалыптастыру және құқықтық ақпаратты көпшілікке түсінікті түрде жеткізу дағдыларын дамыту.«Бүгінгі бағдарламаға 50 жас қатысып отыр. Олар түрлі бағыт бойынша құқықтық білімдерін арттырып, алған тәжірибелерін болашақта өз аудиториясына жеткізеді. Сонымен қатар білімдерін өзгелерге түсінікті тілмен түсіндіруді, аудиториямен жұмыс істеуді және құқықтық тақырыптарда тренинг өткізуді үйренеді», – деді Дәулет Белек.Екі күндік BootCamp аясында қатысушылар құқықтық мәселелерді талдау, ақпаратты сауатты жеткізу және жастар арасында құқықтық түсіндіру жұмыстарын жүргізу бойынша тәжірибе жинақтайды.Оқыту курсын Маңғыстау облысының жастар саясаты мәселелері жөніндегі басқармасының тапсырысымен, «Азаматтық бастамаларды қолдау орталығы» КЕАҚ қолдауымен жүзеге асуда. Ұйымдастырушысы – «Жас Ұлан» бірыңғай балалар мен жасөспірімдер ұйымы» республикалық қоғамдық бірлестігі.

Ақтауда жылу желілерінен 172 ақау анықталды: жөндеу жұмыстары қай жерде жүріп жатыр?
Жаңалықты көру →
AuthorРоза Әділханқызы
15:42, 28 қазан 2026

Ақтауда жылу желілерінен 172 ақау анықталды: жөндеу жұмыстары қай жерде жүріп жатыр?

АҚТАУ. OTPANNEWS.KZ – Ақтаудың жылу желілеріне жүргізілген гидравликалық сынақ кезінде 39 ақау анықталған. Ал су айналымы іске қосылғаннан кейін тағы 172 ақау тіркелген. Барлық анықталған учаскелерде жөндеу-қалпына келтіру жұмыстары жүргізілген. Бұл туралы «Каспий жылу су арнасы» мемлекеттік коммуналдық кәсіпорны хабарлады.Сонымен қатар кәсіпорынның балансына берілмеген және пайдалану жауапкершілігіне кірмейтін жылу желілерінде де мәселелер туындап отыр. Соған қарамастан, кепілдік міндеттемелері аясында әрі жылумен жабдықтаудың тұрақтылығын қамтамасыз ету үшін бұл учаскелерде де жөндеу және реттеу жұмыстары жүргізілуде.КЖСА мәліметінше, №21 сорғы станциясынан 28 шағынауданға дейінгі жылу трассасында құбыр жарылып, жөнделген. Ендігі кезекте сорғы станциясын іске қосып, жылу жүйесін қалыпты жұмыс режиміне келтіру көзделген.Құбырлардың тозу деңгейін ескере отырып, осы учаскені қайта жаңғырту мәселесі келесі жылға арналған жөндеу жұмыстарының жоспарын әзірлеу кезінде қарастырылмақ.Қаланы жылумен қамтамасыз ету үшін 32А, 19, 19А, 13 шағынаудандарда және Айрақты ауданында блокты-модульдік қазандықтар іске қосуға дайындалған. Ал 28 қазанда 15 және 33 шағынаудандардағы осындай қазандықтарды іске қосу жоспарланған.Кәсіпорын өкілдері тұрғындардан шағым түскен көпқабатты үйлердің жылу жүйелерін де тексеруді жоспарлап отырғанын хабарлады. Тексеру жұмыстары тұрғын үй коммуналдық шаруашылық бөлімі және тұрғын үй инспекциясымен бірлесіп жүргізіледі.Жылу желілеріндегі ақауларды жою, гидравликалық режимді реттеу және жылумен жабдықтау жүйелерін қалыпқа келтіру жұмыстары жалғасып жатыр.

Спорт
Ақтауда төрт елдің жасөспірім дзюдошылары «Er-xan IV» турнирінде бақ сынады
Жаңалықты көру →
AuthorМахаббат Нұржанқызы
20:27, 22 қазан 2026

Ақтауда төрт елдің жасөспірім дзюдошылары «Er-xan IV» турнирінде бақ сынады

OTPANNEWS.KZ. – Ақтауда жасөспірімдер арасында дзюдодан «International Tournament Judo Open Er-xan IV» халықаралық турнирі аяқталды. Үш күнге созылған жарыс «Халық арена» спорт кешенінде өтті.20 қазанда басталған байрақты бәсекеге Қазақстан, Әзербайжан, Қырғызстан және Өзбекстан елдерінен мыңға жуық жас дзюдошы қатысты. Тартысты додада 2011–2012, 2013–2014 және 2015–2016 жылдары туған ұлдар мен қыздар 36 салмақ дәрежесі бойынша бақ сынады. Халықаралық турнир жас спортшылардың шеберлігін шыңдап, өзге елдердің балуандарымен белдесіп, тәжірибе жинауына мүмкіндік берді. Ұйымдастырушылардың айтуынша, мұндай жарыстар жас дзюдошылардың үлкен спортқа қадам басуына ықпал етеді.«Бұл жарыс — өңіріміздегі кішкентай балаларымыздың, палуандарымыздың болашақта үлкен олимпиада шыңдарын бағындыруына жол ашатын маңызды қадам.Таяуда ғана қаламызда өткен Азия кубогінде дәл осы татамиде олимпиада жүлдегерлері белдескен еді. Біздің қатысушыларымыз да осындай халықаралық атмосфераны ерте жастан сезініп, алдағы уақытта үлкен жарыстарда ешқандай қорқынышсыз, қобалжусыз күресуді үйренеді. Сонымен қатар, басқа өңірлер мен шетелдерден келген команда өкілдерімен дос болып, өзара қарым-қатынас орнатудың тәрбиелік мәні зор. Осындай ауқымды турнирді ұйымдастыруға мұрындық болған облыстық дзюдо федерациясы мен спорт саласының өкілдеріне алғыс білдіреміз», — деді турнир ұйымдастырушысы Айбар Сайфенов.Үш күнге созылған тартысты жарыс қорытындысы бойынша жеңімпаздар мен жүлдегерлер арнайы медальдармен және дипломдармен марапатталды. Ұйымдастырушылар балалардың кәсіби спорттағы шеберлігін шыңдау үшін турнирді жыл сайын өткізуді жоспарлап отыр.

Маңғыстау спортының жарқын бес жылы: әлемдік аренаны бағындырған чемпиондар
Жаңалықты көру →
AuthorЖанкелді Қаржан
10:40, 21 қазан 2026

Маңғыстау спортының жарқын бес жылы: әлемдік аренаны бағындырған чемпиондар

OTPANNEWS.KZ. - Соңғы жылдары Маңғыстау облысынан шыққан спортшылар халықаралық жарыстарда ел намысын абыроймен қорғап, құрлықтық және әлемдік додаларда жоғары нәтиже көрсетіп келеді. Бокс, дзюдо, джиу-джитсу, кикбоксинг және өзге де спорт түрлерінде топ жарған жерлестеріміз өңір спортының әлеуетін танытып, жас буынға үлгі болып отыр. Соңғы бес жылдағы спорттық жетістіктерге көз жүгіртсек, халықаралық аренадан көрінген тәжірибелі спортшылармен қатар, болашағынан үміт күттіретін жас чемпиондардың да қатары көбейгенін байқауға болады.Бокстағы жеңісті жолМаңғыстау спорты туралы сөз қозғағанда, алдымен боксшы Бекзат Нұрдәулетовтің жетістіктерін атап өткен жөн. Жаңаөзендік спортшы 2019 жылы әлем чемпионы атанып, Токио Олимпиадасына қатысқан еді. Кейінгі жылдары да жоғары деңгейдегі жарыстарда нәтижелі өнер көрсетті.2024 жылы Таиландта өткен Азия чемпионатында 86 келіге дейінгі салмақта қарсыластарынан басым түсіп, құрлық чемпионы атанды. Ал 2025 жылы Астанада ұйымдастырылған World Boxing Әлем кубогының кезеңдік турнирінде 85 келіге дейінгі салмақта жеңіске жетті. Бұл нәтиже оның халықаралық аренадағы бәсекеге қабілеттілігін тағы бір мәрте дәлелдеді.Бекзаттың жетістігі - ұзақ жылдық еңбектің, тәжірибенің және жүйелі дайындықтың жемісі. Оның спорттық жолы жас боксшылар үшін үлкен мектеп деуге болады.Әлем чемпионатында жарқыраған жастарМаңғыстаулық жас спортшылардың халықаралық деңгейдегі табыстарының бірі 2024 жылы Венгрияның Будапешт қаласында өткен кикбоксингтен әлем чемпионатында тіркелді. Жастар мен кадеттер арасындағы жарыста Базар Диас пен Құбаш Сахи әлем чемпионы атанса, Махмұт Мәди қола медаль иеленді.Базар Диас 54 келіге дейінгі, Құбаш Сахи 57 келіге дейінгі салмақ дәрежесінде жеңімпаз атанды. Ал 81 келіге дейінгі салмақта сынға түскен Махмұт Мәди әлемдік додада үздік үштіктен көрінді. Чемпионатқа 50 мемлекеттен 800-ден астам спортшы қатысқанын ескерсек, бұл нәтижелердің маңызы арта түседі.Жас кикбоксшылардың жетістігі өңірдегі спорт мектептерінде қалыптасқан дайындық жүйесінің әлеуетін көрсетеді. Сонымен бірге олардың жеңісі халықаралық аренада Маңғыстау атын танытуға мүмкіндік берді.Дзюдодағы жаңа есімдерӨңір спортының келешегінен үміт күттіретін жас дзюдошылардың қатарында Ғабит Расулхановтың (60 кг) есімін ерекше атауға болады. Ол 2026 жылы Эквадордың Гуаякиль қаласында өткен кадеттер арасындағы әлем чемпионатында 60 келіге дейінгі салмақта алтын медаль жеңіп алды.Ғабит финалда канадалық Роман Семирозумнан басым түсіп, әлем чемпионы атанды. Бұған дейін де халықаралық жарыстарда тәжірибе жинақтаған жас спортшы бұл жолы әлемдік додада үздік екенін дәлелдеді. Қазақстан құрамасы жекелей жарыстарда он медаль иеленіп, аралас командалық бәсекеде де чемпион атанды.Ғабиттің жеңісі – Маңғыстау спортының болашағына деген сенімді арттыратын нәтиже. Жасөспірімдер арасындағы әлем чемпионатында топ жару спортшының алдағы уақытта ересектер деңгейінде де үлкен жетістіктерге жетуіне жол ашады.Дзюдодан тағы бір назар аударарлық есім – Азат Күмісбаев. Ол 2024 жылы жастар арасындағы Азия чемпионатында қола жүлдегер атанды. Мұндай нәтижелер жас спортшылардың құрлықтық деңгейде бәсекеге түсуге қабілетті екенін көрсетеді.Джиу-джитсудан тарихи жеңіс2025 жылы Маңғыстау спортының шежіресіне енген тағы бір маңызды оқиға болды. Қытайдың Чэнду қаласында өткен XII Дүниежүзілік ойындарда джиу-джитсудан сынға түскен Жәнібек Әбу-Бәкір алтын медаль жеңіп алды.69 келіге дейінгі салмақта өнер көрсеткен маңғыстаулық спортшы финалда Фарид Бен Алиді 12:9 есебімен жеңді. Бұл жеңіс Қазақстан құрамасының жарыстағы алғашқы алтын медалі болды. Дүниежүзілік ойындар – олимпиадалық бағдарламаға кірмейтін спорт түрлерінің үздіктері бас қосатын ірі халықаралық бәсеке. Сондықтан Жәнібектің нәтижесі тек өңір үшін емес, еліміздің спорт тарихы үшін де маңызды.Оның жетістігі джиу-джитсудың Маңғыстаудағы әлеуетін көрсетіп, дәстүрлі спорт түрлерінен бөлек бағыттарда да әлемдік деңгейге көтерілуге болатынын аңғартты.Сурдлимпиададағы табысӨңір спортындағы маңызды жетістіктердің қатарында сурдлимпиадалық спортшылардың нәтижелері де бар. 2025 жылы дзюдодан Хамзе Ғұлама Сурдлимпиада чемпионы атанды. Бұл жеңіс мүмкіндігі шектеулі спортшылардың да халықаралық аренада жоғары нәтижеге қол жеткізе алатынын дәлелдеді.Спорттағы мұндай жетістіктер инклюзивті бағыттың маңызын арттырып, ерекше қажеттілігі бар балалар мен жастарды спортқа тартудың өзектілігін көрсетеді. Чемпиондардың тәжірибесі мен табандылығы өзге спортшыларға да жігер береді.Чемпиондарды тәрбиелейтін ортаСпортшының жетістігі тек жеке қабілеті мен табандылығына байланысты емес. Оның артында бапкердің еңбегі, спорт мектебінің дайындығы, заманауи инфрақұрылым және тұрақты қолдау тұрады. Осы тұрғыдан алғанда, Маңғыстаудағы спорт нысандарының жаңаруы мен жаңа кешендердің ашылуы да назар аударуға тұрарлық.Ақтаудағы Halyk Arena мен BS Arena секілді көпфункционалды спорт кешендері түрлі спорт бағытында жаттығуға және жарыстар өткізуге мүмкіндік береді. Сонымен бірге ауылдық елді мекендерде ашылған жаңа спорт нысандары балалар мен жасөспірімдердің спортпен жүйелі айналысуына жағдай жасауға бағытталған.Маңғыстаулық чемпиондардың жеңістері – жеке спортшылардың ғана емес, тұтас өңірдің жетістігі. Ал олардың ізін басқан жас буынның халықаралық аренада жаңа белестерді бағындыруы алдағы жылдардағы спорт дамуының негізгі көрсеткіштерінің бірі болмақ.

Маңғыстауда әлеуметтік сала қызметкерлері флорболдан бақ сынады
Жаңалықты көру →
AuthorМахаббат Нұржанқызы
18:52, 20 қазан 2026

Маңғыстауда әлеуметтік сала қызметкерлері флорболдан бақ сынады

OTPANNEWS.KZ. – Маңғыстауда Әлеуметтік қорғау саласы қызметкерлері күніне орай флорболдан турнир өтті. Екі күнге созылған жарысқа өңірдің қалалары мен аудандарынан 80-ге жуық қызметкер қатысып, 10 команда өзара мықтыны анықтады.Спорттық шараны облыстық жұмыспен қамтуды үйлестіру және әлеуметтік бағдарламалар басқармасы, «Біз спорт үшін, есірткіге қарсымыз» қоғамдық қоры және облыстық көгалдағы хоккей федерациясы бірлесіп ұйымдастырды. Іріктеу кезеңінен өткен бес команда жарыстың шешуші кезеңінде кездесті. Қоғамдық қор төрағасы Роман Уразимбетов алдағы уақытта да бұқаралық спортты дамытуға арналған осындай шараларды жалғастыру жоспарланғанын айтты.Турнир қорытындысы бойынша бірінші орынды №1 арнаулы әлеуметтік қызметтерді көрсету орталығының командасы иеленді. Екінші орын Ақтау қалалық әлеуметтік бейімдеу орталығына бұйырса, үшінші орынға Бейнеу аудандық жұмыспен қамту және әлеуметтік бағдарламалар бөлімінің командасы жайғасты.Жеңімпаздарға алғыс хаттар мен ақшалай сыйлықтар табысталды.

Ақтауда жеңіл атлеттер бақ сынады
Жаңалықты көру →
AuthorOtpan News
10:05, 19 қазан 2026

Ақтауда жеңіл атлеттер бақ сынады

OTPANNEWS.KZ. – Жуырда Ақтау қаласында КСРО-ның еңбек сіңірген спорт шебері, даңқты қазақ жеңіл атлеті Әмин Тұяқовтың жүлдесіне арналған жеңіл атлетикадан дәстүрлі республикалық жарыс «Аминиада» спорттық іс-шарасы ұйымдастырылды. Үш күнге созылған жарыс барысында қатысушылар жеңіл атлетиканың бірнеше түрінен бақ сынады. Биылғы додада алғаш рет биіктікке секіруден жарыс өткізіліп, спортшылар өз шеберліктерін көрсетті.Маңғыстау облысы жеңіл атлетика федерациясының президенті Дәурен Мұратбайдың айтуынша, өңірде жастардың жеңіл атлетикаға деген қызығушылығы артып келеді. Осыған байланысты спорттың бұл түрін дамытуға және жаңа бағыттарды енгізуге басымдық берілуде.- Жеңіл атлетика тек жүгірумен ғана шектелмейді. Оның құрамына биіктікке және ұзындыққа секіру, әртүрлі қашықтыққа жүгіру және басқа да бағыттар кіреді. Қазіргі таңда осы бағыттар бойынша жұмыстарды жоспарлап, облыстық спорт саласына қатысты алдағы міндеттерімізді айқындап, жүйелі түрде жұмыс жүргізіп келеміз. Біздің мақсатымыз - өңірде жеңіл атлетиканы дамыту, жас спортшыларды тәрбиелеу және жеңіл атлетикаға деген қызығушылықты арттыру, - деді Дәурен Мұратбай.Ал Маңғыстау облысы жеңіл атлетика федерациясының аға жаттықтырушысы Асия Рабаеваның айтуынша, өңірде жеңіл атлетиканың бірнеше бағыты бойынша спортшылар даярланады. - Кедергімен жүгіру бағыты бойынша дайындықтар басталды. Сонымен қатар, маңғыстаулық жеңіл атлеттер ұзындыққа секіру, биіктікке секіру және найза лақтырудан да жақсы нәтижелер көрсетіп жүр. Биіктікке секірудің жаңа бағыт ретінде енгізілуі жас спортшылардың мүмкіндіктерін кеңейтіп, олардың спорттық әлеуетін дамытуға жол ашады. Өңірде жеңіл атлетиканың жаңа бағыттарын дамыту жұмыстары алдағы уақытта да жалғасын таппақ, - деді Асия Рабаева.

Қазақстан балуандары әлем чемпионатында үздік нәтижеге қол жеткізді
Жаңалықты көру →
AuthorЖанкелді Қаржан
10:14, 14 қазан 2026

Қазақстан балуандары әлем чемпионатында үздік нәтижеге қол жеткізді

OTPANNEWS.KZ. - Күрес түрлерінен АҚШ-тың Лас-Вегас қаласында өтіп жатқан 23 жасқа дейінгі әлем чемпионатында Қазақстан қоржынына қос бірдей алтын медаль иеленді. Спортты дамыту дирекциясының дерегінше, 60 келіде сынға түскен Айбек Айтбеков финалда дәл осы санат бойынша фаворит саналған әрі әлем чемпионы Елмир Алиевті (Әзірбайжан) 13:4 есебімен жеңіп, жаһандық додадағы алғашқы алтынды алып берді. Бұған дейін отандасымыз мамыр айында U23 санатында Азия чемпионы атағын да иеленген еді.72 келіде күрескен Юсуф Ашрапов та финалда Армения балуаны Гаспар Тертерянмен белдесіп, 4:3 есебімен камбэк жасап кетті. Бір ерекшелігі Армения өкілі бұған дейін U17 және U20 санатындағы жаһандық додада отандасымыздан басым түсіп, топ жарған еді.Одан бөлек, 87 келідегі Темірлан Тұрдақын да алтын жүлдеге таласуға мүмкіндік алды. Жерлесіміз ақтық сында ересектер арасында Азия чемпионатының күміс жүлдегері саналатын Ясин Әли Яздимен (Иран) өзара мықтыны анықтайды.Ал 130 келідегі Джохар Узаров қола жүлде үшін күреседі.Айта кетейік, 2017 жылдан бері тұрақты түрде өтіп келе жатқан U23 санатындағы әлем чемпионатында бұған дейін грек-рим күресінен 2023 жылы Сұлтан Әсетұлы ғана топ жарған болатын.

Роберт Мшвидобадзе: Біздің басты мәселеміз – спортшыларға сенімділіктің жетіспеуі
Жаңалықты көру →
AuthorЖанкелді Қаржан
13:46, 9 қазан 2026

Роберт Мшвидобадзе: Біздің басты мәселеміз – спортшыларға сенімділіктің жетіспеуі

Баку. OTPANNEWS.KZ - Қазақстан ұлттық құрамасының жаттықтырушы-консультанты Роберт Мшвидобадзе отандық дзюдошылардың әлем чемпионатындағы әлеуетіне шолу жасады. Оның пікірінше, спортшылардың өз күшіне деген сенімін арттырып, ішкі бәсекелестікті күшейту қажет. Маман әйелдер дзюдосының қазіргі деңгейіне, жас балуандардың мүмкіндігіне және ұлттық құраманың болашағына қатысты ойымен бөлісті. - Қазақстан дзюдосының қазіргі деңгейін қалай бағалайсыз? Құраманың нәтижелеріне көңіліңіз тола ма? - Өздеріңіз де байқап жүрсіздер, біз біртіндеп өсіп, алға жылжып келеміз. Қазақстанда бұл жұмысты енді ғана бастап жатырмыз. Соған қарамастан, ілгерілеу бар екенін көріп отырмын. Спортшыларымыз көп жаттығады, олардың әлеуеті де жоғары. Шын мәнінде, бізде өте мықты балуандар бар. Сондықтан алдағы уақытта жақсы нәтижелерге қол жеткізе алатынымызға сенемін. - Дегенмен, кейбір шешуші белдесулерде жеңіліп қалып жатамыз. Бұған не себеп? - Қазір біздің ең басты әрі ең үлкен мәселеміз – спортшыларға сенімділіктің жетіспеуі. Олар кейде қарсыластары өздерінен мықты деп ойлайды. Бұл - үлкен қателік. Әрине, халықаралық жарыстарда бәсекелестік жоғары. Бірақ қарсыластың мықтылығын мойындау мен одан қорқудың арасы екі бөлек. Спортшы өз мүмкіндігіне сеніп, татамиге жеңіске жету үшін шығуы керек.Өз күштеріне деген сенімділікті қалыптастыра алсақ, нәтижеміз де жақсарады. Өздеріңіз де көріп жүрсіздер, біз біртіндеп өсіп келеміз. Осы сенімділікті толық қалыптастырсақ, көп ұзамай жақсы нәтижелерге қол жеткіземіз. - Соңғы уақытта финалдық белдесулерде де жеңілістер болды. Бұл нені аңғартады?- Соңғы аптада ғана алты финалда жеңіліп қалдық. Бұл, әрине, жақсы нәтиже емес. Бізде әлі де жұмыс істейтін тұстар көп. Ұмтылатын белестеріміз де аз емес. Бірақ финалға дейін жетудің өзі спортшының белгілі бір деңгейге көтерілгенін көрсетеді. Ендігі міндет – шешуші сәттерде жеңіске жетуді үйрену. Ол үшін техникалық және тактикалық дайындықпен қатар, психологиялық тұрғыдан да мықты болу қажет. - Әйелдер дзюдосындағы бәсекелестік деңгейі туралы не айтасыз? Әсіресе ауыр салмақ дәрежелерінде жағдай қалай? - Қазір әйелдер дзюдосында ішкі бәсекелестік жеткіліксіз деп есептеймін. Жалпы, бұл бағытта әлі де атқаратын жұмыс көп. Дегенмен, жас қыздардың қатарға қосылып, жаттығып, бар күшін салып жүргені қуантады. Олардың дамуына мүмкіндік беруіміз керек. Мысалы, Азия ойындарында әйелдер құрамасы жақсы нәтиже көрсетті деп ойлаймын. Екі күміс және екі қола медаль жеңіп алдық. Командалық жарыста да қыздарымыз жақсы күресті. Мұның өзі белгілі бір ілгерілеудің бар екенін көрсетеді. - Жас спортшылардың өсіп-жетілуі үшін не қажет? - Ең алдымен, уақыт қажет. Жаңа жүйе қалыптасып жатқан кезде бірден нәтиже талап ету оңай емес. Әрине, мен де бәрін бірден қалаймын. Барлық жарыста жеңіске жетіп, алтын медальдарды бірден алғым келеді. Бірақ дзюдо – өте күрделі спорт түрі. Әлемде 184 елдің спортшылары дзюдомен айналысады. Бәсекелестік өте жоғары, әр елдің балуандары жақсы дайындалып, барын салады. Сондықтан спортшыны да, құраманы да кезең-кезеңімен дамыту керек. Жас балуандар тәжірибе жинап, халықаралық жарыстарда шыңдалуы тиіс. - Бүгін әлем чемпионатында күресіп, алғашқы айналымда сүрінген Аруна Жангелдинаның өнеріне қандай баға бересіз?- Аруна жаман күрескен жоқ. Дегенмен, әзірге мұндай ірі жарыстарға толық дайын емес деп ойлаймын. Оған әлі де тәжірибе жинау қажет. Жас спортшылардың дамуы бірден жүзеге аспайды. Сондықтан оларға уақыт беріп, жүйелі түрде жұмыс істеуіміз керек. - Алдағы әлем чемпионатында Қазақстан құрамасынан қандай нәтиже күтесіз?- Алдағы әлем чемпионатында жақсы нәтиже көрсетеміз деп ойлаймын. Қазақстан бұрын-соңды әлем чемпионаттарында қол жеткізген нәтижелерінен де жоғары көрсеткішке жетеді деп сенемін. Біздің спортшыларымыздың әлеуеті жеткілікті. Ең бастысы – өз күштеріне сеніп, дайындық барысында атқарған жұмыстарын татамиде көрсете білу. - Демек, Қазақстан дзюдосының басты мақсаты – спортшылардың өзіне деген сенімін арттыру ма? - Иә, бұл - ең маңызды мәселелердің бірі. Құрамадағы әр спортшыны көрген сайын оның қалай күресетінін білемін. Біздің жігіттер өте көп жаттығады, олардың мүмкіндіктері жоғары. Бірақ кейде өздерін қарсыластарынан төмен бағалайды. Спортшы өзіне сенуі керек. Егер біз осы сенімділікті қалыптастыра алсақ, жақсы нәтижелерге қол жеткіземіз. Қазақстан дзюдошыларының көптеген алтын медаль жеңіп ала алатынына сенімдімін. Біздің қолымыздан келеді. Ол үшін жүйелі еңбек етіп, алға қарай ұмтылуымыз қажет.

Ақтауда республикалық командалық шахмат турнирі өтті
Жаңалықты көру →
AuthorГүлсезім Әбдіжәлел
10:31, 9 қазан 2026

Ақтауда республикалық командалық шахмат турнирі өтті

OTPANNEWS.KZ - №31 ЖББМ базасында «Келешек мектептері» оқушылары арасында республикалық командалық шахмат турнирінің аймақтық іріктеу кезеңіне аудан, қала бойынша 9 командадан, 36 оқушы қатысты.Турнирдің негізгі мақсаты – «Келешек мектептері» оқушылары үшін бірыңғай ұлттық шахмат алаңын қалыптастыру, олардың интеллектуалдық қабілеттерін, стратегиялық ойлауын және командалық жұмыс дағдыларын дамыту, сондай-ақ оқушылар арасында шахматты кеңінен насихаттау.Турнирдің ашылуында Маңғыстау облыстық дене тәрбиесі және туризм орталығы директорының орынбасары Али Қабаков құттықтау сөз сөйлеп, қатысушыларға сәттілік тіледі. Жарыста №31 жалпы білім беретін мектептің директоры Ескендір Кумбаев және турнирдің бас төрешісі, Маңғыстау облысы Шахмат федерациясының бапкері Капаров Азамат тілектерін білдірді.Үздіктер қатарында:I орынды – Ақтау қаласы, №31 жалпы білім беретін мектебі; II орынды– Ақтау қаласы, №35 жалпы білім беретін мектебі;III орын – Мұнайлы ауданы, №19 жалпы білім беретін мектебі бар. Аймақтық кезеңнің жеңімпазы Астана қаласында өтетін республикалық ұлттық финалда Ақтау қаласының №31 жалпы білім беретін мектеп командасы Маңғыстау облысының намысын қорғайды.

Жаңаөзенде еліміздің үздік садақшылары бас қосты
Жаңалықты көру →
AuthorOtpan News
10:27, 7 қазан 2026

Жаңаөзенде еліміздің үздік садақшылары бас қосты

OTPANNEWS.KZ. - Жаңаөзен қаласында дәстүрлі садақ атудан жастар арасындағы ел чемпионаты өтіп жатыр. Ұлттық спортты дәріптеп, жас спортшылардың шеберлігін шыңдауға бағытталған дүбірлі додаға еліміздің өңірлерінен келген 70-ке жуық спортшы қатысады.Жарыс 18-24 жас аралығындағы жастар арасында ұйымдастырылған. Чемпионаттың басты мақсаты - дәстүрлі садақ атуды жастар арасында кеңінен насихаттау, ұлттық спорт түрлерінің дамуына серпін беру және оның бұқаралық сипат алуына ықпал ету.Сайыс бағдарламасына дәстүрлі садақ атудың бірнеше бағыты енгізілген. Атап айтқанда, спортшылар пута, қалқан, Орта Азия және жамбы нысаналары бойынша жекелей сында өнер көрсетеді. Чемпионаттың қорытындысы бойынша үздік нәтиже көрсеткен спортшылар анықталып, жеңімпаздар мен жүлдегерлер марапатталады.Жарыстың жабылу салтанаты 7 қазан күні Жаңаөзен қаласындағы Әмин Тұяқов атындағы стадионда өтеді.

Жаңаөзенде қазақ күресінен облыс чемпионаты өтті
Жаңалықты көру →
AuthorOtpan NEWS
15:05, 6 қазан 2026

Жаңаөзенде қазақ күресінен облыс чемпионаты өтті

OTPANNEWS.KZ. - 4 қазан күні Жаңаөзен қаласындағы «Энергетик» спорт кешенінде 2012-2013 жылы туған жасөспірімдер арасында Қазақстан Республикасы чемпионатына іріктеу бойынша Маңғыстау облысының чемпионаты өтті.Жарыстың басты мақсаты – ұлттық спортты насихаттау, жас балуандардың шеберлігін арттыру және ҚР чемпионатына баратын Маңғыстау облысының құрама командасын жасақтау.Жарысқа облыстың қалалары мен бес ауданынан келген жас балуандар қатысып, 10 салмақ дәрежесі бойынша өзара мықтыны анықтады.Жарыс нәтижесі:32 кг🥇 1-орын — Әліпбай Д (Бейнеу ауданы)🥈 2-орын — Дәлубай Е (Бейнеу ауданы)🥉 3-орын — Парахат Е (Бейнеу ауданы)🥉 3-орын — Дүйсенов Н (Бейнеу ауданы)35 кг🥇 Арыстан Азат (Ақтау қаласы)🥈 Силих Ерасыл (Жаңаөзен қаласы)🥉 Абдолхаким Абдулазиз (Маңғыстау ауданы)🥉 Балтабай Досжан (Ақтау қаласы)38 кг🥇 Рзагали А (Жаңаөзен қаласы)🥈 Инербаев Ж (Рахат БЖСМ)🥉 Серік Д (Маңғыстау ауданы)🥉 Бекболат А (Жетібай ауылы)42 кг🥇 Амангелді У (Жас Батыр спорт мектебі)🥈 Мақсут Е (Жаңаөзен қаласы)🥉 Бағдатұлы Е (Ұлттық спорт)🥉 Реш Д (Бейнеу ауданы)46 кг🥇 Абдрахман С (Мұнайлы ауданы)🥈 Сақтаған Р (Жас Батыр)🥉 Орынбасар А (Энергетик спорт мектебі)🥉 Исламұлы А (Рахат БЖСМ)50 кг🥇 Аманжолов Ш (Жас Батыр спорт мектебі)🥈 Ринатұлы А (Жетібай ауылы)🥉 Кемелхан Д (Рахат БЖСМ)🥉 Сәрсен А (Жаңаөзен қаласы)55 кг🥇 Серік Б (Ақтау қаласы)🥈 Абдынахул А (Ұлттық спорт)🥉 Нарынбай Қ (Жаңаөзен қаласы)🥉 Сүндетбайұлы А (Жаңаөзен қаласы)60 кг🥇 Абдымомын Н (Ақтау қаласы)🥈 Рзабек К (Маңғыстау ауданы)🥉 Шегебай Б (Бірлік спорт клубы)🥉 Исабай М (Сүлеймен спорт клубы)65 кг🥇 Басбай М (Теңге БЖСМ)🥈 Ерболат Д (Маңғыстау ауданы)🥉 Байболсин Н (Жас Батыр спорт мектебі)🥉 Киікбай И (Ардан спорт клубы)+65 кг🥇 Тіркеш Б (Энергетик спорт мектебі)🥈 Миргенбай Р (Ақтау қаласы)🥉 Жумахан Ж (Сүлеймен спорт клубы)🥉 Чаканбаев М (Бейнеу ауданы)

Ольга Шмелева мен Татьяна Токарницкая Азия ойындарының күміс жүлдегері атанды
Жаңалықты көру →
AuthorOtpan NEWS
09:54, 24 қыркүйек 2026

Ольга Шмелева мен Татьяна Токарницкая Азия ойындарының күміс жүлдегері атанды

Қазақстан ұлттық құрамасының өкілдері Ольга Шмелева мен Татьяна Токарницкая Жапонияның Айти–Нагоя қалаларында өтіп жатқан XX жазғы Азия ойындарының күміс жүлдегері атанды.Қазақстандық спортшылар байдарка мен каноэде есу жарысында әйелдер арасындағы 500 метрлік қашықтықта байдарка-екілік сайысында өнер көрсетті. Финалдық бәсекеде Шмелева мен Токарницкая екінші нәтиже көрсетіп, Қазақстан құрамасының қоржынына тағы бір күміс медаль салды.Соңғы жылдары Қазақстанда есу спортын дамытуға, соның ішінде заманауи спорт инфрақұрылымын нығайтуға ерекше көңіл бөлініп келеді. Осы бағыттағы маңызды жобалардың бірі – Мемлекет басшысының тапсырмасы бойынша Түркістанда салынған халықаралық деңгейдегі ескек есу каналы. 2025 жылы пайдалануға берілген кешеннің аумағы шамамен 100 гектарды, ұзындығы 2,2 шақырымнан асады. Заманауи нысан спортшылардың толыққанды жаттығуына, оқу-жаттығу жиындарын ел аумағында өткізуге және есу спортынан ірі халықаралық жарыстар ұйымдастыруға мүмкіндік береді.Жаңа спорт инфрақұрылымы ұлттық құраманың сапалы дайындығына жағдай жасап, Қазақстанда есу спортын одан әрі дамытуға қосымша серпін беріп отыр.Ольга Шмелева мен Татьяна Токарницкаяның күміс жүлдесі Қазақстан құрамасының XX жазғы Азия ойындарындағы кезекті медалі болды.

YouTube бейнелер
Карта

Қалай баруға болады

9-й микрорайон, 42/1
Актау, Актау городская администрация

Ең жақын аялдама: 9-й микрорайон д.18 (350 м, 4 мин)

Маршрут құру
Соңғы жаңалықтардан хабардар бол!