Otpan News Logo
«Қызылсай» паркінде күшейтілген рейдтік-бақылау жұмыстары жүргізіліп жатыр
Анонс
Жаңалықты көру →

«Қызылсай» паркінде күшейтілген рейдтік-бақылау жұмыстары жүргізіліп жатыр

Маңғыстаудағы «Қызылсай» мемлекеттік өңірлік табиғи паркіне қарасты барлық қаумал аумақтарында күшейтілген рейдтік-бақылау шаралары тұрақты түрде жүзеге асырылуда, деп хабарлайды otpannews.kz.Аталған жұмыстар табиғи кешендерді қорғау, заңсыз әрекеттердің алдын алу және экологиялық қауіпсіздікті қамтамасыз ету мақсатында ұйымдастырылып отыр.2026 жылдың 16 қаңтарында «Қызылсай» мемлекеттік өңірлік табиғи паркінің мәжіліс залында мекеме директоры Мыңберген Қаратауовтың төрағалығымен кеңейтілген жиын өтті. Жиын барысында бөлімдер мен қаумал басшылары 2025 жылы атқарылған жұмыстар бойынша есептерін ұсынды.Кеңесте табиғатты қорғау бағытындағы іс-шаралардың нәтижелері, рейдтік-бақылау жұмыстарының тиімділігі, сондай-ақ алдағы кезеңге арналған жоспарлар талқыланды. Әсіресе, қорғалатын аумақтарда тәртіпті күшейту, заңбұзушылықтарға жол бермеу және қызметкерлердің жауапкершілігін арттыру мәселелеріне ерекше назар аударылды.Жиын барысында мекеме директоры Мыңберген Қаратауов өз пікірін білдіріп, төмендегідей атап өтті. «Қызылсай өңірінің табиғи байлығын сақтау — баршамызға ортақ міндет. Осы бағытта жүргізіліп жатқан рейдтік-бақылау жұмыстары үздіксіз әрі жүйелі болуы тиіс. Әрбір қызметкер өзіне жүктелген жауапкершілікті терең сезініп, табиғатты қорғау ісіне адал қызмет етуі қажет. 2025 жылы атқарылған жұмыстарға талдау жасай отырып, алдағы уақытта бақылау шараларын одан әрі күшейтеміз», - деді Мыңберген ҚаратауовЖиын қорытындысы бойынша бөлімдер мен қаумал басшыларына алдағы кезеңге нақты тапсырмалар жүктеліп, қорғалатын табиғи аумақтарды сақтау бағытындағы жұмыстарды одан әрі жетілдіру жөнінде шешімдер қабылданды.

Author AvatarЖанкелді Қаржан

10:52, 22 қаңтар 2026

Жарнама бөлімі: +7 (778) 145 90 93

Редакция: +7 (7292) 20 48 42

«Реформа бар, жауапкершілік керек»: қоғам белсендісі Ұлттық құрылтайға қатысты ашық пікір білдірді
Анонс
AuthorЖанкелді Қаржан
12:37, 21 қаңтар 2026

«Реформа бар, жауапкершілік керек»: қоғам белсендісі Ұлттық құрылтайға қатысты ашық пікір білдірді

Ұлттық құрылтайда саяси реформаларды тереңдету мәселелері көтерілді
Анонс
AuthorЖанкелді Қаржан
11:03, 21 қаңтар 2026

Ұлттық құрылтайда саяси реформаларды тереңдету мәселелері көтерілді

Барлық жаңалықтар
Ақтауда қоғамдық кеңес бюджет қаражатының игерілуін талқылады
Жаңалықты көру →
15:12, 22 қаңтар 2026

Ақтауда қоғамдық кеңес бюджет қаражатының игерілуін талқылады

Бекбол Орынбасаров: “Маңғыстаудың рухани алыптары ескерусіз қалмауы тиіс”
Жаңалықты көру →
15:10, 22 қаңтар 2026

Бекбол Орынбасаров: “Маңғыстаудың рухани алыптары ескерусіз қалмауы тиіс”

Маңғыстау-Бейнеу пойызына қосымша 2 вагон қосылды
Жаңалықты көру →
09:53, 22 қаңтар 2026

Маңғыстау-Бейнеу пойызына қосымша 2 вагон қосылды

Нұрдәулет Қилыбай Бейнеу ауданында жол апатынан зардап шеккендердің хал-жағдайын білді
Жаңалықты көру →
20:14, 21 қаңтар 2026

Нұрдәулет Қилыбай Бейнеу ауданында жол апатынан зардап шеккендердің хал-жағдайын білді

Бейнеулік оқушы «XXI ғасыр көшбасшысы» жобасының іріктеу кезеңінен өтті
Жаңалықты көру →
19:59, 21 қаңтар 2026

Бейнеулік оқушы «XXI ғасыр көшбасшысы» жобасының іріктеу кезеңінен өтті

Қарақия музейінің маманы Президенттің ұлттық құрылтайдағы мәдениет пен тарихқа мән беруін қолдады
Жаңалықты көру →
17:07, 21 қаңтар 2026

Қарақия музейінің маманы Президенттің ұлттық құрылтайдағы мәдениет пен тарихқа мән беруін қолдады

Маңғыстаулық еріктілер өз қолымен дайындаған тәттілерін дәрігерлерге сыйлады
Жаңалықты көру →
16:20, 21 қаңтар 2026

Маңғыстаулық еріктілер өз қолымен дайындаған тәттілерін дәрігерлерге сыйлады

Ақтауға қонған аққұтан: Мамандар сирек құс туралы пікір білдірді
Жаңалықты көру →
16:13, 21 қаңтар 2026

Ақтауға қонған аққұтан: Мамандар сирек құс туралы пікір білдірді

ҚР ТЖМ-нің құрметті ардагері Қажымұрат Хайрушев жастарға батасын берді
Жаңалықты көру →
15:48, 21 қаңтар 2026

ҚР ТЖМ-нің құрметті ардагері Қажымұрат Хайрушев жастарға батасын берді

«Байтақ» партиясының Маңғыстаудағы алғашқы басқосуы өтті
Жаңалықты көру →
15:38, 21 қаңтар 2026

«Байтақ» партиясының Маңғыстаудағы алғашқы басқосуы өтті

Дәрігерге құрмет – адам өміріне құрмет
Жаңалықты көру →
15:28, 21 қаңтар 2026

Дәрігерге құрмет – адам өміріне құрмет

Жаңаөзен – индустриялық орталық: «Ақтау теңіз порты» АЭА аумағы кеңейді
Жаңалықты көру →
12:48, 21 қаңтар 2026

Жаңаөзен – индустриялық орталық: «Ақтау теңіз порты» АЭА аумағы кеңейді

2026 жылдың 1 қаңтарынан бастап зейнетақы мен әлеуметтік төлемдердің, жәрдемақылардың мөлшерін арттыру туралы
Жаңалықты көру →
12:24, 21 қаңтар 2026

2026 жылдың 1 қаңтарынан бастап зейнетақы мен әлеуметтік төлемдердің, жәрдемақылардың мөлшерін арттыру туралы

Ғалым Байжанов: Парламенттік реформа – қоғам мен билік арасындағы ашық диалогтың көрінісі
Жаңалықты көру →
12:11, 21 қаңтар 2026

Ғалым Байжанов: Парламенттік реформа – қоғам мен билік арасындағы ашық диалогтың көрінісі

Автокөлік жолдарын халықаралық стандарттарға сай жаңғырту: Маңғыстауда транзиттік әлеует пен қауіпсіздік нығаяды
Жаңалықты көру →
11:16, 21 қаңтар 2026

Автокөлік жолдарын халықаралық стандарттарға сай жаңғырту: Маңғыстауда транзиттік әлеует пен қауіпсіздік нығаяды

Маңғыстауда энергетика және су мәселесін шешуге әлемдік алпауыттардың бірі атсалыспақ
Жаңалықты көру →
11:06, 21 қаңтар 2026

Маңғыстауда энергетика және су мәселесін шешуге әлемдік алпауыттардың бірі атсалыспақ

Маңғыстау облыстық сауда және тұтынушылардың құқықтарын қорғау департаментіне екі мыңға жуық өтініш түсті
Жаңалықты көру →
17:54, 20 қаңтар 2026

Маңғыстау облыстық сауда және тұтынушылардың құқықтарын қорғау департаментіне екі мыңға жуық өтініш түсті

Маңғыстауда пластик қалдықтары игі іске жарап жатыр
Жаңалықты көру →
17:52, 20 қаңтар 2026

Маңғыстауда пластик қалдықтары игі іске жарап жатыр

Маңғыстауда робототехника чемпионатының жеңімпаздары анықталды
Жаңалықты көру →
17:49, 20 қаңтар 2026

Маңғыстауда робототехника чемпионатының жеңімпаздары анықталды

Жаңа Конституция референдум арқылы халыққа ұсынылмақ
Жаңалықты көру →
14:54, 20 қаңтар 2026

Жаңа Конституция референдум арқылы халыққа ұсынылмақ

Advertisement
Маңғыстау жаңалықтары
«Қызылсай» паркінде күшейтілген рейдтік-бақылау жұмыстары жүргізіліп жатыр
Жаңалықты көру →
AuthorЖанкелді Қаржан
10:52, 22 қаңтар 2026

«Қызылсай» паркінде күшейтілген рейдтік-бақылау жұмыстары жүргізіліп жатыр

Маңғыстаудағы «Қызылсай» мемлекеттік өңірлік табиғи паркіне қарасты барлық қаумал аумақтарында күшейтілген рейдтік-бақылау шаралары тұрақты түрде жүзеге асырылуда, деп хабарлайды otpannews.kz.Аталған жұмыстар табиғи кешендерді қорғау, заңсыз әрекеттердің алдын алу және экологиялық қауіпсіздікті қамтамасыз ету мақсатында ұйымдастырылып отыр.2026 жылдың 16 қаңтарында «Қызылсай» мемлекеттік өңірлік табиғи паркінің мәжіліс залында мекеме директоры Мыңберген Қаратауовтың төрағалығымен кеңейтілген жиын өтті. Жиын барысында бөлімдер мен қаумал басшылары 2025 жылы атқарылған жұмыстар бойынша есептерін ұсынды.Кеңесте табиғатты қорғау бағытындағы іс-шаралардың нәтижелері, рейдтік-бақылау жұмыстарының тиімділігі, сондай-ақ алдағы кезеңге арналған жоспарлар талқыланды. Әсіресе, қорғалатын аумақтарда тәртіпті күшейту, заңбұзушылықтарға жол бермеу және қызметкерлердің жауапкершілігін арттыру мәселелеріне ерекше назар аударылды.Жиын барысында мекеме директоры Мыңберген Қаратауов өз пікірін білдіріп, төмендегідей атап өтті. «Қызылсай өңірінің табиғи байлығын сақтау — баршамызға ортақ міндет. Осы бағытта жүргізіліп жатқан рейдтік-бақылау жұмыстары үздіксіз әрі жүйелі болуы тиіс. Әрбір қызметкер өзіне жүктелген жауапкершілікті терең сезініп, табиғатты қорғау ісіне адал қызмет етуі қажет. 2025 жылы атқарылған жұмыстарға талдау жасай отырып, алдағы уақытта бақылау шараларын одан әрі күшейтеміз», - деді Мыңберген ҚаратауовЖиын қорытындысы бойынша бөлімдер мен қаумал басшыларына алдағы кезеңге нақты тапсырмалар жүктеліп, қорғалатын табиғи аумақтарды сақтау бағытындағы жұмыстарды одан әрі жетілдіру жөнінде шешімдер қабылданды.

Маңғыстау-Бейнеу пойызына қосымша 2 вагон қосылды
Жаңалықты көру →
AuthorНұргүл Алясова
09:53, 22 қаңтар 2026

Маңғыстау-Бейнеу пойызына қосымша 2 вагон қосылды

Маңғыстау-Бейнеу пойызына қосымша 2 вагон қосылып, вагон саны 4-тен 6-ға көбейді, деп хабарлайды otpannews.kz.Көлік басқармасының мәліметінше, бұл жолаушыларға қолайлы жағдай жасау мақсатында іске асты. Сондай-ақ ауа райының маусымдық ерекшелігіне байланысты 22 қаңтардан бастап облыс орталығынан аудан орталықтары мен кейбір ауылдарға қатынайтын ауданаралық қоғамдық көлік маршруттарының қозғалыс кестесі өзгерді. Тұрғындардың қандай да бір сұрағы болған жағдайда, жолаушылар көлігі және автомобиль жолдары басқармасының 31-90-70 немесе 31-90-41 нөмеріне хабарласа алады.

Нұрдәулет Қилыбай Бейнеу ауданында жол апатынан зардап шеккендердің хал-жағдайын білді
Жаңалықты көру →
AuthorМахаббат Нұржанқызы
20:14, 21 қаңтар 2026

Нұрдәулет Қилыбай Бейнеу ауданында жол апатынан зардап шеккендердің хал-жағдайын білді

Маңғыстау облысының әкімі Нұрдәулет Қилыбай жұмыс сапарымен Бейнеу ауданына барды. Аймақ басшысы Ақтау-Бейнеу автожолында болған жол-көлік оқиғасы салдарынан қаза тапқан азаматтардың отбасыларына барып, көңіл айтты. Сонымен қатар апаттан зардап шеккен тұрғындардың жағдайымен танысты, деп хабарлайды otpannews.kz.Бейнеу аудандық ауруханасында түрлі жарақат алған жеті науқас ем қабылдап жатыр. Дәрігерлердің мәліметінше, барлығының жағдайы тұрақты, қажетті медициналық көмек толық көлемде көрсетіліп жатыр. Облыс әкімі науқастардың хал-жағдайын сұрап, медициналық қызметтің сапасы мен уақытылы көрсетілуін қамтамасыз ету бойынша нақты тапсырмалар берді.Сапар аясында Нұрдәулет Қилыбай жол апаты салдарынан қаза тапқан азаматтардың жақындарына арнайы барып, қайғыға ортақтасты.Еске сала кетейік, 16 қаңтар күні республикалық маңызы бар Ақтау-Бейнеу автожолында жол-көлік оқиғасы орын алып, салдарынан 5 адам қаза тауып, бірнеше азамат түрлі деңгейдегі жарақат алған болатын.Облыс әкімінің тапсырмасына сәйкес зардап шеккендерге медициналық көмекті күшейту мақсатында ауданға санитариялық авиация арқылы жоғары санатты профильдік мамандар жіберілді. Сонымен қатар жергілікті атқарушы органдар жанынан жедел штаб құрылды.

Бейнеулік оқушы «XXI ғасыр көшбасшысы» жобасының іріктеу кезеңінен өтті
Жаңалықты көру →
AuthorМахаббат Нұржанқызы
19:59, 21 қаңтар 2026

Бейнеулік оқушы «XXI ғасыр көшбасшысы» жобасының іріктеу кезеңінен өтті

Бейнеу ауданындағы Ж. Қалдығараев атындағы мектептің оқушысы Фатима Серік «XXI ғасыр көшбасшысы» республикалық зияткерлік жобасының іріктеу кезеңінен сәтті өтті, деп хабарлайды otpannews.kz.Оқушының айтуынша, байқауға қатысуына сынып жетекшісінің қолдауы мен ата-анасының сенімі үлкен әсер еткен. Серік«Менің әлеуетімді байқап, осы жарысқа қатысуға ынталандырған сынып жетекшіме алғыс білдіремін. Сенім білдірген ата-анама да үлкен рақмет. Бұрын бұл интеллектуалдық ойынды теледидардан көріп жүретінмін. Өте қызықты әрі мотивация береді», - деді Фатима Серік.Айта кетейік, Маңғыстау облысы бойынша іріктеуден өткен бес оқушы республикалық додада бақ сынамақ.

Қарақия музейінің маманы Президенттің ұлттық құрылтайдағы мәдениет пен тарихқа мән беруін қолдады
Жаңалықты көру →
AuthorМахаббат Нұржанқызы
17:07, 21 қаңтар 2026

Қарақия музейінің маманы Президенттің ұлттық құрылтайдағы мәдениет пен тарихқа мән беруін қолдады

Қарақия аудандық тарихи-өлкетану музейінің бас маманы Бибінұр Махамбетова 20 қаңтарда Қызылордада өткен Ұлттық құрылтайда Мемлекет басшысы Қасым-Жомарт Тоқаевтың сөйлеген сөзіне қатысты пікір білдірді, деп хабарлайды otpannews.kz.Маманның айтуынша, Ұлттық құрылтай ел дамуының басым бағыттарын нақтылап, мәдениет, өнер, ғылым-білім және тарихи мұраларды сақтау саласында стратегиялық қадамдарға жол ашты. Бибінұр Махамбетова Президенттің тарихи тұлғалардың есімін дәріптеу, музейлер мен рухани орталықтарды дамытуға ерекше мән беруін бағалады. «Тарихымызды танып, келешегімізге нық сеніммен қадам басу үшін өткенімізді үлгі тұтып, тарихи тұлғаларымыздың есімін дәріптеуді жалғастыра беруіміз керек. Ол үшін сол тарихымызды ұрпақ санасына жеткізе білетін рухани ордалар мен тарихи музейлер көп болуға тиіс. Музей – тарихи мектеп. Ол жерге келіп, ата-баба құндылықтары мен өңір тарихынан сабақ алған ұрпақ ел тағдырына қатысты бай мұраларымызды көз алдынан өткізіп, Отанға деген құрметі артады. Сол үшін әр өңірде музей жұмысын жандандырып, болашағымызға жұмыс атқару біздің парызымыз. Осы тұрғыда Мемлекет басшысы тарихи ғимараттарды да, қазақтың көне тарихын да назардан тыс қалдырмайтынын білдірді. Ұлттық құрылтайда қозғалған мәлелерердің бәрі де Мемлекетіміздің даму жолында айрықша маңызға ие. Жаңарған Қазақстан құру жолындағы Президентіміздің бастамаларын қоғамның қолдайтынына сенімдімін», – деді маман.Бибінұр Махамбетова алдағы Конституциялық реформаларды да ел болып қолдау қажет екенін айтты.

Маңғыстаулық еріктілер өз қолымен дайындаған тәттілерін дәрігерлерге сыйлады
Жаңалықты көру →
AuthorМахаббат Нұржанқызы
16:20, 21 қаңтар 2026

Маңғыстаулық еріктілер өз қолымен дайындаған тәттілерін дәрігерлерге сыйлады

«AMANAT» партиясы Маңғыстау облыстық филиалы жанындағы «Жастар Рухы» жастар қанатының еріктілері мен Ассамблея жастары өңірдегі медицина қызметкерлеріне қолдау көрсету мақсатында кондитерлік өнімдер тарату акциясын өткізді, деп хабарлайды otpannews.kz.Игі бастама науқастар саны артқан және медицина қызметкерлерінің жұмыс көлемі көбейген кезеңде дәрігерлер мен орта буын қызметкерлерінің еңбегін бағалау үшін ұйымдастырылған. Акцияға қатысқан еріктілер аурухана ұжымына жылы лебізін жеткізіп, ризашылығын білдірді.«Ерікті болу үшін міндетті түрде бос уақыт пен қаражат қажет емес. Ең бастысы – шынайы ниет пен жанашыр жүрек. Бүгінгі акцияға қатысқан жастар өз қолымен 10 түрлі кондитерлік өнім дайындап, медицина қызметкерлеріне тарту етті», – деді «Жастар Рухы» жастар қанатының төрағасы Абзал Марат.Айта кетейік, Мемлекет басшысы Қасым-Жомарт Тоқаевтың бастамасымен БҰҰ 2026 жылды Халықаралық еріктілер жылы деп жариялаған. Маңғыстау өңірінің жастары волонтерлік мәдениетті дамытуға үлес қосып келеді. Ұйымдастырушылар мейірім мен жанашырлықты насихаттайтын мұндай шаралар алдағы уақытта да тұрақты түрде жалғасатынын жеткізді.

Ақтауға қонған аққұтан: Мамандар сирек құс туралы пікір білдірді
Жаңалықты көру →
AuthorРоза Әділханқызы
16:13, 21 қаңтар 2026

Ақтауға қонған аққұтан: Мамандар сирек құс туралы пікір білдірді

Ақтау тұрғындары теңіз жағалауында сирек кездесетін аққұтанды көріп, таңданыстарын желіде жариялады. Otpannews.kz сайтының тілшісі көпшілікті көркімен таңдандырған жыл құсы туралы аумақтық орман шаруашылығы және жануарлар дүниесі инспекциясының басшысымен тілдесті. Аққұтан – өңірде кездесе бермейтін, теңіздің сазды, қамысты, таяз бөлігін мекен ететін жыл құсы. Маңғыстау облыстық орман шаруашылығы және жануарлар дүниесі инспекциясының басшысы Ғаббас Досатовтың айтуынша, Маңғыстауда байқалатын аққұтандар – көбіне миграция кезінде әлсіреп қалған құстар. Яғни, ұзақ сапарда шаршаған немесе әлсіреген кей құстар осында қонып, біраз дамылдағасын көшке кері қосылады. Аққұтан Каспий теңізінің солтүстік-шығыс жағалауында, әсіресе Жайық және Қиғаш өзендерінің атырауында өте көп. Бұл жерлер қамысқа бай және таяз болғандықтан, аққұтандардың ұя салуына өте қолайлы.

ҚР ТЖМ-нің құрметті ардагері Қажымұрат Хайрушев жастарға батасын берді
Жаңалықты көру →
AuthorМахаббат Нұржанқызы
15:48, 21 қаңтар 2026

ҚР ТЖМ-нің құрметті ардагері Қажымұрат Хайрушев жастарға батасын берді

«AMANAT» партиясы жанындағы «Жастар Рухы» жастар қанаты «Ардагерлерді ардақтайық» жобасы аясында Ақтау қаласында кездесу ұйымдастырды. Шараға партия мүшесі, құрметті азамат, ҚР ТЖМ-нің құрметті ардагері Қажымұрат Хайрушев Сейлханұлы қатысып, жастарға ақ батасын берді, деп хабарлайды otpannews.kz.Кездесу барысында Қажымұрат Сейлханұлы жастарға тәуелсіз еліміздің дамуына үлес қосудың маңыздылығын айтып, әрбір мақсат пен іс-әрекетті Қазақстанға қызмет етуге бағыттау керектігін ерекше атап өтті. Сонымен қатар, ол отбасы құндылықтарының маңызына тоқталып, бала тәрбиесі мен ұлттық жауапкершілік мәселелеріне назар аударды.«Сендер – жері бар, егемен елі бар ұрпақсыңдар. Сондықтан әрбір мақсат-мұраттарың Қазақстанға қызмет етуге бағытталуы тиіс», – деді Қажымұрат Хайрушев.Қажымұрат Сейлханұлы әкесінің – Ұлы Отан соғысының ардагері Сейлхан Хайрушевтің өмір жолын мысалға келтіріп, бірлік пен ауызбіршіліктің ел болашағы үшін маңызын түсіндірді.Кездесу соңында ардагерге шапан жабылып, партияның облыстық филиалы төрағасының орынбасары, ақын-журналист Анар Шамшадинова өлеңдер жинағын сыйлады. Қажымұрат Сейлханұлы жастарға елге адал қызмет ететін, жауапкершілігі жоғары азамат болуға тілектестік білдірді.

«Байтақ» партиясының Маңғыстаудағы алғашқы басқосуы өтті
Жаңалықты көру →
AuthorЖанкелді Қаржан
15:38, 21 қаңтар 2026

«Байтақ» партиясының Маңғыстаудағы алғашқы басқосуы өтті

«Байтақ» жасылдар партиясының Маңғыстау облыстық филиалында алғашқы саяси Кеңес отырысы өтті, деп хабарлайды otpannews.kz. Партияның өңірлік филиалы биылғы жылға арналған жоспарын пысықтап, саяси Кеңес отырысына филиал төрағасы Аллаберген Қонарбаев, облыс аумағындағы барлық аудандық және қалалық филиалдардың төрағалары, сондай-ақ өзге де мүшелері қатысты. Отырыс барысында күн тәртібіне сәйкес бірқатар өзекті мәселелер қаралды. Оның ішінде 2026 жылға арналған жұмыс жоспары, партиялық құрылымдардың белсенділігін арттыру, қоғамдық-саяси іс-шараларды жүйелі ұйымдастыру мәселелері талқыланып отыр. Жиында облыстық филиал төрағасы Аллаберген Әзірбайжанұлы Қонарбаев жасылдар партиясының алдағы кезеңдегі басым бағыттарына тоқталып, экологиялық саясатты ілгерілету, халықпен кері байланысты күшейту және партиялық тәртіпті нығайту жөніндегі ой-пікірлерімен бөлісті. Сондай-ақ партия филиалы жанынан құрылған Әйелдер қанатының 2026 жылға арналған жұмыс жоспары таныстырылды. Қарттар мен әлеуметтік осал топтар жөніндегі комиссия төрайымы Салтанат Андреевна өз бағыты бойынша атқарылатын іс-шаралармен бөліссе, бұдан бөлек, Жаңаөзен қалалық филиалы жетекшісінің орынбасары Уалихан Жақсылықов сөз алып, алдағы жылға арналған жоспарлар мен бастамаларды баяндады. Жиын барысында Мұнайлы аудандық филиалының төрағасы қызметіне Жұлдыз Елемесқызы сайланды. Сонымен қатар отырыс барысында түрлі өзекті мәселелер көтеріліп, қатысушылар тарапынан ұсыныстар мен пікірлер тыңдалды.

Жаңаөзен – индустриялық орталық: «Ақтау теңіз порты» АЭА аумағы кеңейді
Жаңалықты көру →
AuthorРоза Әділханқызы
12:48, 21 қаңтар 2026

Жаңаөзен – индустриялық орталық: «Ақтау теңіз порты» АЭА аумағы кеңейді

«Ақтау теңіз порты» арнайы экономикалық аймағының (АЭА) аумағы кеңейіп, субаймақтар саны 15-ке жетті. Бұл қатарға қосылған соңғы екі субаймақ Жаңаөзен қаласында орналасқан, деп хабарлайды otpannews.kz сайты. Бүгінде мұндағы 280 гектарды құрайтын өнеркәсіптік аймақта өңірдің индустриялық әлеуетін арттыруға бағытталған үш ірі инвестициялық жоба қарқынды жүзеге асырылуда.Жобалардың ішіндегі ең ірісі – «Каскор-Машзавод» ЖШС-нің мұнай-газ саласына қажетті сораптық-компрессорлық құбырлар мен штангалар өндірісі. Инвестиция көлемі 17,3 млрд теңгені құрайтын кәсіпорын жылына 540 мың дана штанга мен 51 мың тонна құбыр шығаруға қауқарлы. Өндіріс ошағы толық қуатына көшкенде 250 жаңа жұмыс орны ашылады, қазіргі таңда мамандарды іріктеу және оқыту жұмыстары басталып кетті.Сонымен қатар Жаңаөзенде жол инфрақұрылымын дамытуға бағытталған құны 300 млн теңгелік асфальтбетон зауыты мен мұнай-газ саласына арналған полиэтилен құбырларын шығаратын жаңа кәсіпорын бой көтеруде. 12 млрд теңгелік бұл жоба іске қосылған соң 50-ден астам адамды тұрақты жұмыспен қамтымақ. Бұл бастамалар №14 субаймақты қаланың машина жасау және мұнайсервис саласын дамытудың стратегиялық орталығына айналдырып отыр.Айта кетейік, Үкімет қаулысына сәйкес, АЭА құрамына Кендірлі курорттық аймағының қосылуымен арнайы экономикалық аймақтың жалпы аумағы 9 814 гектарға жетті. Енді «Ақтау теңіз порты» индустриялық, логистикалық және туристік бағыттағы 15 субаймақты қамтиды. Бұл өзгерістер өңірдегі салық түсімдерін арттырып, халықты тұрақты жұмыспен қамтуға және инвесторларға қолайлы жағдай жасауға бағытталған жүйелі жұмыстардың нәтижесі.

«Реформа бар, жауапкершілік керек»: қоғам белсендісі Ұлттық құрылтайға қатысты ашық пікір білдірді
Жаңалықты көру →
AuthorЖанкелді Қаржан
12:37, 21 қаңтар 2026

«Реформа бар, жауапкершілік керек»: қоғам белсендісі Ұлттық құрылтайға қатысты ашық пікір білдірді

Маңғыстау облыстық Қоғамдық кеңесінің мүшесі Сабина Бейсембаева Ұлттық құрылтайдың V отырысында айтылған саяси реформаларға қатысты пікір білдірді, деп хабарлайды otpannews.kz. Белгілі қоғам белсендісі Құрылтайға қатысты ойын айта келе, жалпы еліміздің саясатын қолдайтынының жеткізді. «Кез келген мемлекетке өзгеріс пен реформа керек. Уақыт өзгереді, сонымен бірге адамдардың ойы да, бағыттар да жаңарып отыруы тиіс. Барлық өзгерістің басты мақсаты - бейбіт аспан, тыныштық, әділдік және бәрімізді шаршатқан жемқорлықтың азаюы. Ассамблеяға берілген квотаны алып тастау туралы ұсыныс жақсы болған. Біз — бір елдің азаматтарымыз, бөлінбей, біртұтас қоғам болып дамығанымыз дұрыс. Сонымен қатар әйелдерге, жастарға және мүмкіндігі шектеулі жандарға арналған 30% квотаның сақталуы қуантады — бұл саясатта тең мүмкіндіктің бар екенін көрсетеді. Алдағы өзгерістер - вице-президент институты, бір палаталы жүйе сияқты - үлкен жаңалықтар әкеледі. Енді осының бәрі елге нақты пайда әкелсе екен деп тілеймін», - деді Сабина Бейсембаева. Сондай-ақ, ол елде шешілуі тиіс мәселелер өте көптігін жеткізді. «Экология, әлеуметтік жағдай, азық-түлік пен өнімдердің қымбаттауы, салықтық өзгерістер және тағы басқа проблемалар бар. Әрине, бұның бәрін жүйелі түрде шешу керек. Жаңа адамдар, жаңа тұлғалар келіп, нақты осы проблемаларды жергілікті деңгейде көріп, түсініп, өзгерістер енгізсе, нағыз нәтиже болатынына сенемін. Мәселе көп, сондықтан шаршамай жұмыс жасайық», - деді ол. Айта кететін жайт, кеше Қызылордада өткен кезекті Ұлттық Құрылтайда Мемлекет басшысы бірқатар әлеуметтік-экономикалық мәселелерді айта келе, биыл «Бейнеу-Сексеуі» автожол құрылысы басталатынын мәлімдеді.

Маңғыстауда энергетика және су мәселесін шешуге әлемдік алпауыттардың бірі атсалыспақ
Жаңалықты көру →
AuthorРоза Әділханқызы
11:06, 21 қаңтар 2026

Маңғыстауда энергетика және су мәселесін шешуге әлемдік алпауыттардың бірі атсалыспақ

Маңғыстау облысының әкімі Нұрдәулет Қилыбай әлемдегі жетекші инжинирингтік компаниялардың бірі – Power Construction Corporation of China (Power China) өкілдерімен кездесті, деп хабарлайды otpannews.kz сайты. Жиында өңірдегі энергетика және сумен жабдықтау салаларындағы инвестициялық жобалар талқыланды. Кездесу барысында әлемдегі жетекші инжинирингтік компаниялардың бірі саналатын Power China өкілдері су ресурстары, коммуналдық инфрақұрылым және экология бағыттарындағы халықаралық тәжірибелерімен бөлісті. Айта кету керек, аталған компания Қазақстан нарығында 2008 жылдан бері табысты жұмыс істеп келеді. Компания – еліміздегі келісімшарттарының жалпы көлемі 6,5 млрд АҚШ долларынан асқан ірі мердігер. Облыс басшысы Нұрдәулет Қилыбай Маңғыстау үшін энергетика мен су тапшылығын жою мәселелері стратегиялық маңызға ие екенін атап өтті. – Энергетика мен сумен жабдықтау – Маңғыстау үшін аса маңызды салалар. Егер ұсынылған жобалар өңірдің тұрақты дамуына, инфрақұрылымды жақсартуға және жаңа жұмыс орындарын ашуға ықпал етсе, біз заң аясында жан-жақты қолдау көрсетуге дайынбыз, – деді Нұрдәулет Қилыбай.Жиын қорытындысы бойынша тараптар ұсынылған бастамаларды бірлесе пысықтап, өзара тиімді ынтымақтастықты дамыту туралы келісімге келді.

Спорт
Бекзат Нұрдәулетов спорт мектебін басқарады
Жаңалықты көру →
AuthorНұргүл Алясова
20:30, 8 қаңтар 2026

Бекзат Нұрдәулетов спорт мектебін басқарады

Бекзат Нұрдәулетов Маңғыстау облыстық бокс бойынша олимпиадалық резервтің мамандандырылған балалар мен жасөспірімдер спорт мектебінің басшысы қызметіне тағайындалды, деп хабарлайды otpannews.kz облыстың спорт басқармасына сілтеме жасап.Бекзат Нұрдәулетов 1998 жылы 10 сәуірде дүниеге келді. 2015–2019 жылдары Алматы қаласындағы Қазақ спорт және туризм академиясында «Дене шынықтыру және спорт» мамандығы бойынша білім алды. 2019–2021 жылдары аталған академияда магистратураны аяқтап, магистр дәрежесін иеленді. Сондай-ақ Yessenov University «Құқықтану» мамандығын аяқтады.«Маңғыстау бокс клубы» ЖШС-да бокстан нұсқаушы-спортшы қызметін атқарды.Ол 2019 жыл бокстан Әлем чемпионы, 2021 жыл Олимпиада ойындарының қатысушысы болды, 2024 жыл Азия чемпионы атанса, 2025 жыл Әлем кубогының чемпионы болды.

«Келешек мектептерінің» спорт нысандары Маңғыстау тұрғындары үшін қолжетімді болды
Жаңалықты көру →
AuthorНұргүл Алясова
11:42, 7 қаңтар 2026

«Келешек мектептерінің» спорт нысандары Маңғыстау тұрғындары үшін қолжетімді болды

Маңғыстау облысында өңір әкімі Нұрдәулет Қилыбайдың тапсырмасына сәйкес, тұрғындардың дене шынықтырумен айналысуы үшін мектептердің спорттық инфрақұрылымына қолжетімділік қамтамасыз етілді, деп хабарлайды otpannews.kz.Облыс әкімінің баспасөз қызметінің хабарлауынша, Қазақстан Республикасы Президентінің бастамасымен жүзеге асып жатқан «Келешек мектептері» ұлттық жобасы аясында салынған мектептердің спорт стадиондары мен спорт залдары халық үшін ашық. Қазіргі таңда өңірде заманауи спорттық инфрақұрылыммен жабдықталған 13 «Келешек мектебі» жұмыс істеп тұр.«Келешек мектептерінің стадиондары мен спорт залдары тұрғындар үшін ашық болуға тиіс. Кешкі уақытта халық жүгіріп, балалар футбол ойнап, жастар спортпен айналыссын. Бұл нысандар ел игілігі үшін салынды және халыққа қызмет етуі керек», – деді Маңғыстау облысының әкімі Нұрдәулет Қилыбай.Бүгінде жобаға кіретін мектептердің аумағында тұрғындар мен жастар жүгірумен айналысып, спорттық құрал-жабдықтарды пайдалану арқылы белсенді әрі салауатты өмір салтын ұстануға мүмкіндік алып отыр.Аталған бастама бұқаралық спортты дамытуға, халықтың дене белсенділігін арттыруға және салауатты өмір салты мәдениетін қалыптастыруға бағытталған.Егер «Келешек мектептері» жобасы аясындағы мектептердің спорт нысандарына қолжетімділік шектелген жағдайда, Маңғыстау облысының білім басқармасына хабарласуыңызға болады.

Қызылордада өткен дзюдодан республикалық турнирде маңғыстаулықтар топ жарды
Жаңалықты көру →
AuthorНұргүл Алясова
12:07, 31 желтоқсан 2025

Қызылордада өткен дзюдодан республикалық турнирде маңғыстаулықтар топ жарды

Қызылорда қаласында дзюдодан кіші жасөспірімдер арасында республикалық SAKURA OPEN CAP турнирі өтті. Аталған жарысқа еліміздің әр өңірінен жас спортшылар қатысып, өзара мықтыны анықтады, деп хабарлайды otpannews.kz.Турнир қорытындысы бойынша 2014, 2015–2016, 2017 жылы туған кіші жасөспірімдер арасында бірқатар спортшы жүлделі орынға ие болды. Атап айтқанда, маңғыстаулық Мейірім Шамгун қарсыластарынан басым түсіп,I орынды жеңіп алды. Ал Марлен Нұрқожа тартысты белдесулердің нәтижесінде III орынға қол жеткізді.Жас дзюдошылардың бұл жетістігі — олардың тынымсыз еңбегі мен жүйелі дайындығының жемісі. Спортшыларды жарысқа дайындаған жаттықтырушы — Мереке Ақтаев.

Мемлекет басшысы Қасым-Жомарт Тоқаев Бибісара Асаубаеваны шахматтың блиц түрінен әлем чемпионатындағы жеңісімен құттықтады
Жаңалықты көру →
AuthorНұргүл Алясова
09:49, 31 желтоқсан 2025

Мемлекет басшысы Қасым-Жомарт Тоқаев Бибісара Асаубаеваны шахматтың блиц түрінен әлем чемпионатындағы жеңісімен құттықтады

– Бибісара Асаубаева Қазақстаннан шыққан блицтен үш дүркін әлем чемпионы және майталман шебер ретінде дүниежүзілік шахмат тарихына енді. Қазақстандық шахмат қауымдастығы мемлекетіміздің көк туын жаһандық аренада биік желбіреткен отандасымыздың жеңісін мақтан тұтады. Бибісара Асаубаеваның халықаралық жарыстардағы айтулы жетістіктері мен ел шахматын дамытуға қосқан елеулі үлесі үшін оны ІІ дәрежелі «Барыс» орденімен марапаттау туралы шешім қабылдадым, – делінген құттықтауда.t.me/aqorda_resmi

Боранқұл ауылында жаңа спорт зал пайдалануға берілді
Жаңалықты көру →
AuthorOtpan News
10:44, 17 желтоқсан 2025

Боранқұл ауылында жаңа спорт зал пайдалануға берілді

Бейнеу ауданына қарасты Боранқұл ауылында 16 желтоқсан Қазақстан Республикасының Тәуелсіздік күніне орай «Ауыл – ел бесігі» бағдарламасы аясында салынған жаңа спорт залдың салтанатты ашылуы өтті, деп хабарлайды otpannews.kz. Бейнеу ауданы әкімдігінің баспасөз қызметінің мәліметінше, іс-шараға аудан әкімі Рахымжан Шалбаев, ауыл ақсақалдары, сала мамандары және ауыл тұрғындары қатысты. Ашылу рәсімінде аудан әкімі жиналған қауымды Қазақстан Республикасының Тәуелсіздік күнімен құттықтап, Мемлекет басшысы Қасым-Жомарт Кемелұлы Тоқаевтың бұқаралық спортты дамыту жөніндегі тапсырмалары ауылдық жерлерде жүйелі түрде іске асып жатқанын атап өтті. Салтанатты жиында ауыл ақсақалы құттықтау сөз сөйлеп, спорт зал құрылысы белгіленген талаптарға сай әрі сапалы түрде жүргізілгенін жеткізді. Сонымен қатар, нысан ауыл жастарының спортпен тұрақты айналысуына толық мүмкіндік беретінін атап өтті.Спорт зал ауыл тұрғындарының, әсіресе балалар мен жасөспірімдердің дене шынықтырумен жүйелі түрде айналысуына, спорттық секциялар мен бұқаралық іс-шараларды ұйымдастыруға арналған. Енді ауыл жастары арасында салауатты өмір салтын қалыптастыруға және спорттық мәдениетті дамытуға жағдай жасалды. Спорт нысанын «СМК-Атамекен» ЖШС салды. Нысан 0,63 гектар аумақты қамтиды, ғимараттың жалпы көлемі 995,40 шаршы метр.Іс-шара соңында аудан әкімі құрылыс жұмыстарына атсалысқан мердігер ұйымға, сала мамандарына және жобаны жүзеге асыруға үлес қосқан барлық азаматқа алғыс білдіріп, спорт зал ауыл тұрғындарының игілігіне қызмет ететініне сенім білдірді.

Маңғыстауда 103 дзюдошы аттестациядан өтті
Жаңалықты көру →
AuthorМахаббат Нұржанқызы
21:35, 16 желтоқсан 2025

Маңғыстауда 103 дзюдошы аттестациядан өтті

16 желтоқсан – Тәуелсіздік күніне орай Әділ Темірхан атындағы дзюдо академиясында спортшыларды аттестациялау (КЮ–ДАН) іс-шарасы өтті. Оған академияның 103 тәрбиеленушісі қатысты, деп хабарлайды otpannews.kz.Аттестацияны тәжірибелі мамандар бағалады. Сарапшылар қатарында Маңғыстау облысы дзюдо федерациясының бірінші вице-президенті, халықаралық дәрежедегі спорт шебері Қанат Жұмабаев, дзюдодан 3 дан иегері, ката шебері Сергей Ермолаев, ҚР жастар құрамасының аға жаттықтырушысы Бағнұр Мырзай және дзюдодан шеберлер арасында әлем чемпионы Қайрат Бурбасов болды.Соңғы екі жылда академия спортшылары халықаралық оқу-жаттығу жиындарынан өтті. Оның ішінде Жапониядағы дзюдоның отаны саналатын Кодокан мектебінде дайындықтан өткендер бар. Қазіргі таңда көптеген тәрбиеленушілер Маңғыстау облысының құрама командасына қабылданып, Қазақстан чемпионаттарының жүлдегерлері атанған.Алдағы жылы академия командасы Австрияда өтетін Еуропа кубогіне және Египеттегі халықаралық турнирге қатысуды жоспарлап отыр.Аттестацияны ұйымдастырып, спортшыларды дайындаған бапкерлер — Дәулет Бисенқұлы, Нұрсұлтан Бисенқұлы және Ербол Саржанов.

Маңғыстаулық боксшы әлем чемпионатында жүлдесіз қалды
Жаңалықты көру →
AuthorЖанкелді Қаржан
10:33, 11 желтоқсан 2025

Маңғыстаулық боксшы әлем чемпионатында жүлдесіз қалды

Бокстан әлем чемпионатына барған маңғыстаулық боксшы Санатәлі Төлтаев ширек финалда есе жіберді, деп хабарлайды otpannews.kz.Жартылай финалға шығар жолда жерлесіміз Олимпиада чемпионы, өзбекстандық Асадхуджа Муйдинхужаев 1:4 есебімен жеңілді. Осылайша ұлттық құрама мүшесі ІВА ұйымдастырған әлем біріншілігін екінші рет ширек финалдан аяқтап отыр. Ол 2021 жылы Сербияда өткен чемпионаттың ширек финалына дейін жеткен еді. Айта кететін жайт, Санатәлі Төлтаев жақында Семейде өткен ел чемпионатында топ жарған болатын. Енді ұлттық құрама мүшесі ІВА чемпионатында ширек финалға шыққаны үшін қауымдастық атынан 10 мың АҚШ долларын иеленеді.

Әлем чемпионаты: Маңғыстаулық боксшы ширек финалда сынға түседі
Жаңалықты көру →
AuthorЖанкелді Қаржан
09:42, 10 желтоқсан 2025

Әлем чемпионаты: Маңғыстаулық боксшы ширек финалда сынға түседі

Бокстан Дубайда ІВА-ның ұйымдастыруымен өтіп жатқан әлем чемпионатының ширек финалында Қазақстан ұлттық құрамасының 10 боксшы бүгін шаршы алаңға шығады, деп хабарлайды otpannews.kz. Олардың арасында Маңғыстау облысының өкілі Санатәлі Төлтаев та бар. Ол 67 келіге дейінгі салмақ дәрежесінде осыған дейін екі жекпе-жекте жеңіске жетті. Жерлесіміз бүгін Париж Олимпиадасының чемпионы, 2023 жылғы әлем чемпионы Асахужа Муйдинхужаевпен (Өзбекстан) өзара мықтыны анықтайды. Бұдан бөлек ұлттық құрама сапында тағы 9 боксшы ширек финалда сынға түседі. Айта кететін жайт, ширек финалда есе жіберген боксшыларға ІВА тарапы 10 мың АҚШ доллары көлемінде сыйақы береді. Қола жүлде алған боксшы 75 мың доллар алса, күміс жүлдегер 150 мың, ал финалда жеңіске жеткен спортшы 300 мың долларға иелік етпек. 10 желтоқсандағы әлем чемпионатының ширек финалдық жекпе-жекке шығатын отандық боксшылар: Күндізгі сессия: 48 келі. Теміртас Жүсіпов vs Лал Прасад Упрети (Непал)54 келі. Сәкен Бибосынов vs Муенго Муале (Замбия)60 келі. Серік Теміржанов vs Акмал Убайдов (Тәжікстан)67 келі. Санатәлі Төлтаев vs Асахужа Муйдинхужаев (Өзбекстан)75 келі. Сабыржан Аққалықов vs Мирослав Капулер-Ищченко (Израиль)+92 келі. Нұрлан Сапарбай vs Давид Чалоян (Армения)Кешкі сессия:51 келі. Даниял Сәбит vs Патрик Чинемба (Замбия)57 келі. Оразбек Асылқұлов vs Карлос Мартиес Бернанд (Испания)63.5 келі. Ертуған Зейнулинов vs Ахмад Штиуи (Израиль)71 келі. Абылайхан Жүсіпов vs Сархан Алиев (Әзірбайжан).

Маңғыстаулық спортшы Дубайда әлем чемпионы атанды
Жаңалықты көру →
AuthorЖанкелді Қаржан
15:24, 9 желтоқсан 2025

Маңғыстаулық спортшы Дубайда әлем чемпионы атанды

2-7 желтоқсан аралығында өткен ашық суда жүзуден әлем чемпионатында Маңғыстау облыстық мүгедектер спорт клубының суға жүзу жаттықтырушысы Қуаныш Асқар мыңдаған қатысушы арасында чемпион атанды, деп хабарлайды otpannews.kz.Жерлесімізге бұл сында бір қолының жоқтығы кедергі бола алмады. Ол асқан жігері мен қайсарлығын дәлелдеп, жарыс жолында жоғары көрсеткішке қол жеткізді. Асқар Қуаныш - өзі жаттықтырушы бола отырып, халықаралық деңгейде белсенді түрде күрделі қашықтықтарды бағындырып жүрген спортшы.Ол тамыз айында Ақтауда өткен ашық теңіз жарысында 10 км қашықтықты 3 сағат 31 минутта жүзіп өтіп, Дубайдағы әлемдік финалға жолдама алған болатын. Осы жолы Қуаныш дәл сол 10 шақырымды 3 сағат 23 минутта еңсеріп, әлемнің әр түкпірінен келген мыңдаған спортшының ішінде үздік нәтиже көрсетті. Жарысқа шамамен 2500 қатысушы қатысқан. Бұл чемпионатта мүмкіндігі шектеулі спортшыларға бөлек категория қарастырылмаған - барлық қатысушылар бірдей уақыт лимитімен сынға түсті.«Бұл жарыста ешкімді мүмкіндігіне қарай бөлген жоқ. Белгіленген уақыттан кешіксең - нәтиже есептелмейді. Үш ай бойы дайындалып, бүгін алғашқы орынды алдым. 10 шақырым қашықтықта мүмкіндігі шектеулі спортшы ретінде жалғыз өзім қатыстым - бұл мен үшін үлкен мақтаныш», - деді ол.Сондай-ақ ол жарыс суының ерекшелігін де атап өтті. «Дубайда теңіз суы өте ащы. Көзге тисе - ашытады, ауызға түссе - күйдіреді. Бірақ бұл мені тоқтата алмады», - дейді спортшы.Әлем чемпионатында 2500 қатысушы қатаң уақыт лимиті, теңіз суының ащылығы мен физикалық қиындықтар тап болды. Бұл сында Қуаныш Асқар бұл сыннан абыроймен өтіп, өз шеберлігін дәлелдеп отыр.

Маңғыстаулық Наталья Горохова шахматтан Азия чемпионы атанды
Жаңалықты көру →
AuthorЖанкелді Қаржан
09:54, 9 желтоқсан 2025

Маңғыстаулық Наталья Горохова шахматтан Азия чемпионы атанды

Филиппиннің Тагайтай қаласында өткен есту қабілеті төмен спортшылар арасында өткен Азия чемпионатында Қазақстан спортшылары үздік нәтиже көрсетті, деп хабарлайды otpannews.kz.Маңғыстау облыстық мүгедектер спорт клубының өкілдері Азияның үздік шахматшыларының арасында жарысқа қатысып, елеулі жетістіктерге қол жеткізіп отыр. 2-7 желтоқсан аралығында өткен додаға сары құрлықтың 6 елінен 37 спортшы қатысып, Open, Women, Juniors, және Girls U20 санаттарында 90+30 классикалық бақылаумен ойнады.Қазақстандық спортшылардың нәтижелері:• Наталья Горохова – есту қабілеті төмен спортшылар арасындағы Азия чемпионы;• Әлімжан Аяпов – классикалық шахматта күміс медаль;• Ерлан Нұрхаев – керу қабілеті бұзылған спортшылар арасында қола медаль;• Айғаным Камбарова – блицтегі қола медальден кейін U20 санатында алтын медаль.Командалық есепте Қазақстан құрамасы жүлделі екінші орынға ие болып, тек Филиппин құрамасына жол берді. Бұл нәтиже еліміздің есту қабілеті төмен спортшылар арасындағы шахматта да жоғары деңгейде өнер көрсететінін тағы бір дәлелдеп отыр.

YouTube бейнелер
Қоғамдық келісім: Маңғыстауда жастардың белсенділігі артып келеді
YouTube
Бейнені көру →
18:39, 21 қаңтар 2026

Қоғамдық келісім: Маңғыстауда жастардың белсенділігі артып келеді

«Қоғамдық келісім» мекемесі елдегі этносаралық қатынастарды қамтамасыз ету саласында қызмет атқарады. Қазір өңірдегі бұл мекеме қандай жұмыстар атқарып жатыр, алда қандай жоспары бар деген сұрақтарға Маңғыстау облысының Ақпараттық және қоғамдық даму басқармасының «Қоғамдық келісім» мекемесінің басшысы Аманкүл Джайлханова жауап берді.

Каспий қазынасын қолдан өсірген кәсіпкер
YouTube
Бейнені көру →
17:07, 20 қаңтар 2026

Каспий қазынасын қолдан өсірген кәсіпкер

Балық шаруашылығы – азық-түлік саласын қамтамасыз ететін, экономикалық маңызы зор саланың бірі. Қазақстанда бұл бағыт соңғы жылдары қайта жанданып, әсіресе жасанды тоғандар мен өндірістік фермаларда балық өсіру қарқын ала бастады. Соның ішінде Маңғыстауда бекіре тұқымдас балықтарды өсіру жоғары технологияны, үлкен жауапкершілікті және ұзақ мерзімді инвестицияны талап етіп отыр. Бекіре өсіру кәсібі экологиялық талаптарға қатаң бағынады, себебі бекіре – Қызыл кітапқа енген бағалы балық түрі. Сондықтан заңнамалық талаптар, лицензиялау, тәуекелдер мен қаржылық шығындар кәсіп иелерінен кәсіби дайындық пен табандылықты қажет етеді. Осы салада еңбек етіп жүрген кәсіпкерлер тек табыс табуды емес, отандық өнімді дамыту, импортқа тәуелділікті азайту мен теңіз өнімдері мәдениетін қалыптастыруды да басты мақсат етеді. Сондай кәсіпкерлердің бірі, “Іскерлік әңгіме” подкастының кезекті қонағы – “Kazakh Osseter” ЖШС балық шаруашылығының құрылтайшысы және директор орынбасары, “Морепродукты Актау” ЖШС коммерциялық директоры Айбек Исембаев.

Карта

Қалай баруға болады

9-й микрорайон, 42/1
Актау, Актау городская администрация

Ең жақын аялдама: 9-й микрорайон д.18 (350 м, 4 мин)

Маршрут құру
Соңғы жаңалықтардан хабардар бол!