Бүгінгі Казахстан және әлемдегі соңғы жаңалықтар

Ақтауда бокстан Шоқыр Бөлтекұлын еске алуға арналған халықаралық турнир өтеді

Анонс

Жаңалықты көру →

Ақтауда бокстан Шоқыр Бөлтекұлын еске алуға арналған халықаралық турнир өтеді

15-19 қыркүйек аралығында Ақтау қаласында Қазақстан Республикасының еңбек сіңірген жаттықтырушысы, «қазақ боксының атасы» атанған Шоқыр Бөлтекұлын еске алуға арналған ерлер мен әйелдер арасындағы XVIII халықаралық бокс турнирі өтеді, деп хабарлайды otpannews.kz.Дәстүрлі түрде ұйымдастырылып келе жатқан дүбірлі дода биыл 18-ші рет өткізілмек. Халықаралық турнирге Қазақстан спортшыларымен қатар Түркия, Ресей Федерациясы, Иран, Грузия, Әзірбайжан, Өзбекстан, Тәжікстан, Қырғызстан және Түрікменстаннан келген былғары қолғап шеберлері қатысады.Бес күнге жоспарланған жарыс барысында елдерден келген үздік боксшылар өзара мықтыны анықтап, шаршы алаңда шеберліктерін сарапқа салады. Халықаралық турнир Halyk Arena спорт кешенінде өтеді. «Шоқыр Бөлтекұлының есімін ұлықтап, бокс спортының дамуына үлес қосып келе жатқан дәстүрлі жарысқа барлық бокс жанкүйерлерін шақырамыз! Тартысты жекпе-жектер мен жарқын жеңістерге куә болыңыздар!», - деді ұйымдастыру комитетінің өкілі Жанпейіс Назарғали.

Жанкелді Қаржан

11:19, 14 қыркүйек 2026

Жарнама бөлімі: +7 (778) 145 90 93

Редакция: +7 (7292) 20 48 42

Маңғыстауда өрттен кейін мұнай компаниясына айыппұл салынды

Анонс

Гүлсезім Әбдіжәлел

11:14, 10 қыркүйек 2026

Маңғыстауда өрттен кейін мұнай компаниясына айыппұл салынды

Маңғыстау облысындағы Құлжан кен орнындағы өрттен соң «Meerbusch» ЖШС әкімшілік жауапкершілікке тартылды. Тексеру барысында нысанда қоршаған ортаны қорғау талаптарының сақталмағаны анықталды, деп хабарлайды otpannews.kz.Өрт 7 тамыз күні №2 РВС резервуарында ішкі тазалау жұмыстарын жүргізу кезінде болған.«Өрттің салдарынан атмосфералық ауаға жану өнімдері, оның ішінде ластаушы заттар шығарылып, қоршаған ортаға залал келген. Объектіні пайдалану және өндірістік жұмыстарды жүргізу барысында қоршаған ортаға зиянды әсерді болдырмау жөніндегі экологиялық рұқсатта белгіленген талаптардың сақталмағаны анықталды», деп мәлімдеді облыстық экология департаментінің баспасөз қызметі.Экологиялық заңнама талаптарын (ҚР Экология кодексінің 13-бабы, 4-тармағы) өрескел бұзғаны үшін компанияға ҚР ӘҚБтК-нің 326-бабы 1-бөлігіне («Экологиялық рұқсат шарттарын орындамау») сәйкес 648 750 теңге көлемінде әкімшілік айыппұл салынды.

Маңғыстаудағы кәсіпорын күніне 10 мыңнан астам қапшық өндіреді

Анонс

Гүлсезім Әбдіжәлел

16:00, 9 қыркүйек 2026

Маңғыстаудағы кәсіпорын күніне 10 мыңнан астам қапшық өндіреді

«WestEcoPlast»компаниясының негізі 2023 жылы қаланды. Кәсіпорын «Ақтау теңіз порты» арнайы экономикалық аймағында орналасқан. Қапшық пен үлкен биг-бэг өндіретін кәсіпорында бүгінде 100-ден астам адам жұмыс істейді. Олар күніне 10 мың, ал айына 400 мыңнан астам өнім шығарады. Кәсіпорынның жұмыс тынысымен otpannews.kz сайтының түсірілім тобы танысып қайтты.«Қазіргі таңда жұмыс қарқынды жүріп жатыр. Дайын өнімдерді Қазақстанның әр өңіріне жібереміз. Айына 50 келілік қапшықтар 400 мыңнан астам, ал үлкен биг-бэг қаптары 150 мың шамасында өндіріледі. Біздің өнімдерді химия, құрылыс және тауар өндірісі салалары сатып алады. Алдағы уақытта өндіріс қуатын арттырып, басқа да цехтарды ашқымыз келеді», - деді «WestEcoPlast» ЖШС өндіріс басшысы Кирилл Демченко.Қапшық жасауға қолданылатын шикізаттың 90%-ы - отандық өнім. Мамандардың айтуынша, қапшықтарға өзге өңірлерден сұраныс өте жоғары.«Жұмысымызды жақсы көреміз. Бұл - адал еңбек. Қазақстанның дамуына сәл де болсын өз үлесімізді қосып жатырмыз. Шетелден тасымалдамай, өзімізде шикізат өндіріп, өзге өңірлерге жіберіп жатқанымызды мақтан тұтамыз. Алдағы уақытта елімізде шығатын өнім саны арта берсе деген ниет бар. 4 жылдан бері осы компанияда қойма меңгерушісі болып қызмет атқарамын. Қапшықтарды санап, түгендеп, тиісті орынға жөнелтеміз», - деді қойма меңгерушісі Жанар Бөлшебаева. Өндіріс алдағы уақытта құрылғылар мен аппараттарды көбейтіп, жұмысшылар санын арттыруды жоспарлап отыр. «Келген шикізатты жіпке айналдырып, арнайы станоктарда тоқимыз. Қапшық дайын болғанда үстіне арнайы логотиптері басылып, буылып жиналады. Осылайша дайын өнімдерді Маңғыстау өңірі мен Қазақстанның түкпір-түкпіріне жібереміз», - деді ауысым басшысы Рысгүл Өтепова.

Барлық жаңалықтар

Танымал

Бүгін Ақтауда әйелдердің кәсіпкерлік және кәсіби әлеуетін арттыруға бағытталған «UMAY» оқыту бағдарламасы басталды, деп хабарлайды otpannews.kz. Жобаның басты мақсаты — әйелдердің кәсіби және тұлғалық дамуына ықпал етіп, олардың кәсіпкерлік бастамаларын қолдау және жаңа жобаларды жүзеге асыруына мүмкіндік беру. «UMAY»: Өзгеріс тәжірибесі» оқыту бағдарламасы аясында аясында тәжірибелі мамандар қаржылық сауаттылықты арттыру, жеке және бизнес қаржысын тиімді басқару, кәсіпкерліктің негізгі қағидалары, бизнес-жоспарлау және инвестициялық мүмкіндіктерді бағалау бойынша практикалық білім береді. Маңғыстау облысының ақпарат және қоғамдық даму басқармасының басшысы Гүлмира Балғожаева жобаның әйелдер үшін жаңа мүмкіндік беретінін атап өтті.- Бұл - әйелдер үшін өз ісін бастап, оны дамытуға өте жақсы мүмкіндік. Былтыр жобаға қатысқан әйелдердің арасынан кәсіп бастап, өз өнімін нарыққа шығарған, жеке брендін қалыптастырған қатысушылар болды. Сондықтан биылғы қатысушыларға да өткен жылғы нәтижелер үлкен мотивация береді деп ойлаймын. «UMAY» бағдарламасы тек білім берумен шектелмейді. Қатысушылар оқу барысында алған білімдерін нақты бизнес-жобаларға айналдырып, кейін үш ай бойы мамандардың қолдауын алады. Сонымен қатар, үздік жобаларға қаржылай қолдау көрсетіледі. Жобаға қатысып отырған барлық әйелдерге сәттілік тілеймін, - деді Гүлмира Балғожаева.Жобаға қатысуға өтінім қабылдау оқу басталғанға дейін екі апта бұрын жүргізілді. Нәтижесінде ұйымдастырушыларға шамамен 220 өтінім келіп түскен. Қатысушыларды арнайы комиссия олардың әлеуметтік санатына, қажеттіліктері мен ұсынған бизнес идеяларына қарай бағалап, 100 әйелді іріктеп алды. Іріктеу барысында ерекше қажеттілігі бар балаларды тәрбиелеп отырған аналарға, көпбалалы аналарға және жұмыссыз ретінде тіркелген әйелдерге басымдық берілді.«GUMOL» стратегиялық зерттеулер орталығы» КЕМ директоры Лаура Сәрсенбаева биылғы бағдарламаның негізгі ерекшеліктерінің біріне тоқталды.- Биылғы жоба да өте нәтижелі болады деп сенеміз. Бағдарламаның өткен жылдан ерекшелігі 18 қыркүйекте қатысушылар өздерінің жаңа бизнес-жобаларын қорғайды. Әр бағыт бойынша 500 мың теңгеден, жалпы 2 миллион 500 мың теңге көлемінде жүлде қоры қарастырылған. Бұл әйелдерге жаңа кәсіп бастауға және өз бастамаларын жүзеге асыруға үлкен мүмкіндік әрі қолдау болады деп сенеміз, - деді Лаура Сәрсенбаева.Биыл жоба тренерлері қатарында қаржы және кәсіпкерлік саласында 30 жылдан астам тәжірибесі бар кәсіпкер, қаржы сарапшысы, бизнес-стратег және инвестор Шолпан Түсіпбекова, тігін саласында 10 жылдан астам тәжірибесі бар Гүлмира Серікқызы, маркетплейстар және электрондық коммерция маманы Артем Бухонин, жасанды интеллект бойынша практик-тренер Марат Оразбаев бар. Сондай-ақ мемлекеттік тапсырыстар мен гранттық менеджмент саласының маманы Асанәлі Тапен өз білімімен бөліседі. Мамандар қатысушыларға теориялық біліммен қатар, оны өз кәсібінде және күнделікті жұмысында қолдануға мүмкіндік беретін практикалық дағдыларды үйретеді.Жиында былтыр жобаға қатысып, оқ бойы оза шыққан қатысушылар Қарлығаш Матжанова мен Эльмира Мергенбаева өз тәжірибелерімен бөлісіп, қатысушыларға қолдау білдірді.

Маңғыстауда биыл 5 тарихи ескерткішке ғылыми-реставрация жұмыстары жүргізілді

Жаңалықты көру →

Гүлсезім Әбдіжәлел

13:53, 14 қыркүйек 2026

Маңғыстауда биыл 5 тарихи ескерткішке ғылыми-реставрация жұмыстары жүргізілді

Маңғыстауда жергілікті дәрежеде мемлекеттік қорғаудағы бес тарих және мәдениет ескерткішіне ғылыми-реставрация жұмыстары жүргізілді, деп хабарлайды otpannews.kz сайты.Маңғыстау ауданындағы Қожакүмбет, Олжа қыз күмбезтамы, Толыбай және Тілеміс некропольдеріне, сондай-ақ Түпқараған ауданындағы Қосым некрополіне ғылыми-реставрация жұмыстары аяқталды.Жұмыс барысында Толыбай қорымындағы бірнеше күмбезтам мен сағанатам, Тілеміс, Қосым қорымындағы күмбезтамдар, сағанатамдар және сандықтас қалпына келтірілді.Облыста мемлекеттік қорғауға алынған 601 тарих және мәдениет ескерткіші бар. Оның 25-і республикалық, 576-сы жергілікті маңызы бар ескерткіштер санатына жатады.Ескерткіштерді сақтау мақсатында соңғы жылдары оларды қалпына келтіру жұмыстары кезең-кезеңімен жүзеге асырылып келеді.

Жаңалықты көру →

Жанкелді Қаржан

11:19, 14 қыркүйек 2026

Ақтауда бокстан Шоқыр Бөлтекұлын еске алуға арналған халықаралық турнир өтеді

Ақтауда IT Community Day технологиялық жиын өтті

Жаңалықты көру →

Otpan News

10:14, 14 қыркүйек 2026

Ақтауда IT Community Day технологиялық жиын өтті

Ақтауда IT Community Day технологиялық іс-шарасы өтті. Кездесуге IT-мамандар, кәсіпкерлер, стартап өкілдері және технология саласына қызығушылық танытқан жастар қатысты, деп хабарлайды otpannews.kz.Жиын Маңғыстау облысының цифрлық технологиялар басқармасының қолдауымен Mangystau Hub алаңында ұйымдастырылды. IT Community Day аясында қатысушылар IT-бизнесті дамыту, инвестиция тарту, стартаптарды іске қосу және технологиялық жобаларды ілгерілету мүмкіндіктерімен танысты.Іс-шара барысында Astana Hub қаржыландыру бағдарламалары кеңсесінің аға менеджері Акежан Чайжунусов сөз сөйлеп, технологиялық жобаларды қаржыландыру мен инвестиция тарту мүмкіндіктері туралы ақпарат берді. Сонымен қатар, ол IT-мамандардың кәсіби дағдыларын дамытуға бағытталған «Тех Орда» бағдарламасының мүмкіндіктерін таныстырды.Жергілікті кәсіпкер Алтын Аулиехан да қатысушылармен өз тәжірибесімен бөлісті. Ол бизнесті құру және дамыту жолындағы тәжірибесі, кәсіпкерліктегі практикалық қадамдар және стартаптарды дамытуға қатысты өзекті мәселелер жөнінде айтып берді.Іс-шараның маңызды бөліктерінің бірі - жергілікті стартаптардың таныстырылымы болды. Қатысушыларға Menti AI, Qamal HR және Synapp жобалары ұсынылды. Стартап өкілдері өздерінің технологиялық шешімдері, қол жеткізген нәтижелері және алдағы даму жоспарлары туралы баяндады.Солардың бірі - еңбек нарығына арналған Qamal HR мобильді қосымшасы. Жоба жұмыс берушілер мен жұмыс іздеушілерді бір цифрлық платформада байланыстыруға бағытталған.-HR саласында Qamal атты мобильді қосымша ойлап шығардық. Бұл жұмыс берушілер мен қызметкерлерді бір арнада тоғыстыратын мобильді қосымша. Қосымша арқылы жұмыс іздеушілер өздеріне қажетті бос жұмыс орындарын тауып, жеке мәліметтерін бір рет енгізіп, сақтай алады. Ал кәсіпкерлер мен жұмыс берушілер платформаға тіркеліп, қажетті мамандарды іздей алады. Осылайша екі тарап бір-бірін оңай табуға мүмкіндігі бар, - деді Qamal HR мобильді қосымшасының негізін қалаушылардың бірі Назкен Ибраева.Кездесу барысында қатысушыларға «Тех Орда» бағдарламасы да таныстырылды. Бағдарлама IT саласында білім алып, практикалық дағдыларды дамытуға ниетті азаматтарға арналған мүмкіндіктерді қамтиды.Жиын соңында нетворкинг ұйымдастырылды. Қатысушылар тәжірибе алмасып, жаңа кәсіби байланыстар орнатты және бірлескен жобалар мен ынтымақтастық бағыттарын талқылады.

Маңғыстаулық блогер Dostaniya отбасылық өміріндегі дәстүрімен бөлісті

Жаңалықты көру →

Гүлсезім Әбдіжәлел

15:39, 12 қыркүйек 2026

Маңғыстаулық блогер Dostaniya отбасылық өміріндегі дәстүрімен бөлісті

Отбасы күніне орай otpannews.kz сайтының түсірілім тобы Ақтаудағы танымал блогерлер Досмұхаммед пен Танияның берекелі шаңырағына барды. Жас болса да үш бала тәрбиелеп, блогерлік, дәрігерлік және келіндік өмірді қатар алып жүрген отбасының тыныс-тіршілігімен тілші Гүлсезім Әбдіжәлел танысып келді. Досмұхаммед пен Тания 2019 жылы шаңырақ көтерді. Бүгінде бір ұл, екі қыз тәрбиелеп отырған жас отбасыны көпшілік блогер ретінде жақсы таниды. Осыдан жеті жыл бұрын инстаграм парақшасын жүргізе бастаған Танияны оқырмандары қыз бен жігіт болып жүрген кездерінен қызығып қарайды. Бүгінде инстаграм оқырмандары олардың үш баланың ата-анасы болып, үлкен шаңырақтың отын жағып отырған өмірінің куәсі. Танияның айтуынша, жолдасы әрбір бастамасына үнемі қолдау білдіреді."Блогерлік жұмыс өзіме қатты ұнайды. Отбасым өнерлі адамдар болғандықтан осы салаға жақын болдым. Қызығушылығыма ешкім қарсы болмады. Керісінше жолдасым қолдап, мотивация беріп отырады. Жолдасым кез келген қиындықта ақыл-кеңесін айтып, бірінші болып қол ұшын созады. Бала тәрбиесіне келгенде екі жақтан атсалысамыз. Өзім педагог әрі ана ретінде балаларыма дұрыс тәрбие беріп жатырмын деп ойлаймын. Ал жолдасым көбіне балаларды тәртіпке, ережеге үйретеді. Өзі стоматолог болғандықтан тіс тазалығына қатты мән береді. Уақытылы ұйықтап, ерте тұрып, денсаулығына жауапкершілікпен қарауға әкесі баулиды. Отбасымызда бір-бірімізге махаббатымызды жасырмай, ашық көрсету қалыпты. Осыны көргендіктен балаларым: "Мама әдемі болып тұрсың", "Папа екеуің бір-біріңді құшақтаңдар", -деп айтып жүреді", - деді Тания Есқараева. Отбасының өзіндік дәстүрі бар. Мәселен, апта сайын отбасы күнін белгілеп, бір-біріне және балаларға көңіл бөледі. Дәмханаға барып кешкі ас ішу, бірге тамақ жасау, бір-біріне көмектесу - отбасында қалыптасқан дәстүр. Мұндай жылы сәттер балалардың санасына отбасылық құндылықтарды сіңіріп қана қоймай, ата-ана мен бала арасындағы сыйластықты нығайта түседі."Отбасылық дәстүр мен тәртіпті қатар қоямын. Аптаның әр сәрсенбісі - отбасы күні. Бұл күні кешкі асты даладан ішіп, серуендеп, көңіл көтеріп, балаларға көңіл бөлеміз. Сондай-ақ күніне 2-3 рет балаларды тіс тазалығына дағдыландырамын. Себебі денсаулық - бірінші кезекте. Болашақта өз клиникамызды ашып, кәсіпкер ретінде дамып, көпбалалы отбасы болсақ дейміз. "Үйлену оңай, үй болу қиын", - демекші отбасы болған соң түсініспеушілік болады. Дегенмен, әйел адамды тыңдап, түсіне білсең кез келген қиындықтан шығуға болады. Ең бастысы бір-біріңе деген сыйластық пен махаббатты өшірмеу", - деді Досмұхаммед Көбесов. Шаңырақтың сәні мен шаттығына айналған бүлдіршіндер балабақшаға барады. Балалардың күлкісі, еркелігі шаңыраққа ерекше шуақ сыйлайды. Балалар әкесінің жолын қуып, тіс дәрігері болғысы келеді. "Мен әженің баласымын. Әкем мен анам бізді қыдыртады, бассейнге апарады. Өскенде стоматолог болғым келеді", - деді Аяна Досмұхамедқызы.Отбасының берекесі мен тыныштығын сақтауға екеуі де атсалысып, балалардың бақытына жағдай жасап жүрген Досмұхаммед пен Тания үшін ең басты құндылық – отбасының бірлігі. Олар үшін шаңырақтың шаттығы – күнделікті өмірдегі кішкентай қуаныштардан басталады.

Солтүстік Америка құрлығында бес аптаға созылған футбол мерекесі мәресіне жетті. АҚШ, Канада және Мексика бірлесіп өткізген теңбіл доп додасы 48 құраманың қатысуымен тарихтағы ең ауқымды чемпионат ретінде есте қалды. 104 матч, миллиардтаған жанкүйердің назары және соңында АҚШ-тың Нью-Джерси штатындағы «МетЛайф» стадионында өткен финалдық ойындар 38 күн бойы футбол жанкүйерлерінің назарынан тыс қалмады. Әлем чемпионы атағы үшін өткен финалдық ойында Испания құрамасы Аргентинаны қосымша уақыттағы соғылған жалғыз голдың арқасында 1:0 есебімен жеңіп, араға 16 жыл салып қайтадан әлемнің үздігі атанды. Финал тағдырын 106-минутта Ферран Торрес шешті. Қосалқы құрамнан алаңға шыққан шабуылшы тарихи голдың авторына айналды. Осылайша Испания екінші мәрте әлем чемпионы атанды. Торрес әлем чемпионаты финалында жеңіс голын соққан тарихтағы екінші қосалқы ойыншы болып отыр. Бұған дейін мұндай нәтижені 2014 жылы Германия құрамасының шабуылшысы Марио Гетце тіркеген еді. Испания бұл жеңіске кездейсоқ жетті дей алмаймыз. Луис де ла Фуэнтенің шәкірттері турнир бойы жоғары деңгейдегі тұрақты ойын өрнегін көрсетіп, сегіз матчтың қорытындысында өз қақпаларына бір ғана гол жіберген. Бұған дейін жалғыз допты Испания қақпасына ширек финалдық ойында Бельгия ойыншалары соқты. Бұл әлем чемпион ы атанған ұлттық құрамалар арасындағы жаңа рекордқа баланады. Айта кететін жайт, финалда да испандар ойын тізгінін толық өз қолында ұстады. Аргентина негізгі уақытта қарсылас қақпасына бірде-бір дәл соққы жасай алмауы еуропалық құрама деңгейінің қандай деңгейде екенін анық көрсетті деуге толық негіз бар. Мұндай көрсеткіш әлем чемпионаттары тарихындағы антирекорд ретінде тіркелгенін де ұмытпауымыз керек. Егер аргентиналық қақпашы Эмилиано Мартинес бірнеше мәрте командасын құтқармағанда, есеп бұдан да ірі болуы әбден мүмкін еді.Әлемдік жаңа рекорд - жеңіліссіз 38 матч Әлем чемпиондығымен бірге Испания тағы бір тарихи белесті бағындыра алды. Ұлттық құрама ойыншылары қатарынан 38 матч бойы жеңіліссіз өнер көрсетіп, Италия құрамасына тиесілі 37 ойындық әлемдік рекордқа өзгеріс енгізді. Испандар соңғы рет ресми кездесуде 2024 жылдың наурызында жеңілген болатын.Бұл көрсеткіш қазіргі Испания құрамасының тек жекелеген жұлдыздарға емес, тұтас ойын жүйесіне сүйенетінін дәлелдей түскендей. Әлем чемпионатының топтық кезеңінен сүрінбей өткен испандар Аустрия, Португалия, Бельгия, Францияны және финалда Аргентина құрамасын жеңістен айырды. Мессидің көз жасы немесе ұлттық құрамадағы соңғы ойынФинал аяқталған сәтте әлем назары алтын кубоктан гөрі теңбіл доп шебері Лионель Мессиге ауа түсті. Қорытынды ысқырықтан кейін аргентиналық капитан көз жасына ерік беріп, бір сәтке тоқтай алмады. 39 жастағы аргентиналық форвард әлем чемпионаты тарихында үш финалда капитан ретінде негізгі құрамда алаңға шыққан тұңғыш футболшы атанды. Сонымен қатар ол әлем чемпионаты финалында ойнаған ең егде жастағы екінші футболшы ретінде тарихтың беттеріне жазылды. 2022 жылы Қатарда әлем чемпионы атанған Месси бұл жолы қатарынан екінші рет чемпиона атануға өте жақын қалған еді. Бірақ футбол тағдыры басқаша сипатта өрбіді. Көпшілік дәл осы матчты ұлы футболшының әлем чемпионатындағы соңғы кездесуі болуы мүмкін деген оймен қабылдады. Мбаппе - жаңа рекорд иесіБұл турнирде 2018 жылғы әлем чемпионы - Франция құрамасы чемпиондыққа жете алмағанымен, Килиан Мбаппе тағы бір тарихи жетістікке қол жеткізіп үлгерді. 27 жастағы шабуылшы сегіз кездесуде 10 гол соғып, төрт нәтижелі пас беріп, «Алтын бутсаның» иегері атанды. Ол 2022 және 2026 жылдары қатарынан әлем чемпионатының үздік сұрмергені болған тарихтағы алғашқы футболшыға айналды.Сонымен қатар Мбаппе әлем чемпионаттарындағы жалпы гол санын 22-ге жеткізіп, Лионель Мессиден (21) озып, мундиаль тарихының ең үздік мергені деп танылды. Бұл ретте мундиалдың «Күміс бутсасы» Мессиге бұйырса, «Қола бутсаны» Джуд Беллингем мен Эрлинг Холанд өзара бөлісті.Ямаль - жас буыннан шыққан әлем үздігі Бұл әлем чемпионаты Ламин Ямальдың жаңа футбол дәуірінің басты тұлғаларының бірі екенін айқын көрсетті деп санауға болады. Небәрі 19 жастағы футболшы Еуропа чемпионы атағынан кейін әлем чемпионы атанып үлгерді. Оның турнирдегі сенімді ойыны Испания құрамасы шабуылының басты қаруына айналды. Ал финалдан кейін Ямальдың көзіне жас алған Мессиді құшақтап жұбатуы футболдағы буын алмасуының символындай әсер қалдырғаны рас. Жалпы, 2026 жылғы әлем чемпионаты бірнеше күтпеген нәтижемен де есте қалды. Норвегия құрамасы Бразилияны жарыстан шығарып, үлкен сенсация жасады. Марокко тағы да плей-офф кезеңіне дейін жетіп, Африка футболының тұрақты дамып келе жатқанын дәлелдеп берді. Ал Парагвай футболшылары Германияны пенальти сериясында жеңсе, әлем чемпионатына алғаш қатысқан Кабо-Верде топтық кезеңнен шығып, көпшіліктің ықыласына бөленді.Чемпионат қорытындысы бойынша Родри турнирдің ең үздік ойыншысы атанды. Испания қақпашысы Унаи Симон үздік қақпашы деп танылса, Пау Кубарси үздік жас футболшы жүлдесін иеленді.Футбол сарапшыларының пікірінше, 2026 жылғы әлем чемпионаты - жеңісті жекелеген жұлдыздар емес, ұйымшыл команда мен дұрыс құрылған жүйе әкелетінін анық көрсетті. Мәселен, Аргентина сапында әлемнің ең үздік ойыншысы Лионель Месси болды. Франция құрамасында турнирдің ең үздік сұрмергені Килиан Мбаппе өнер көрсетті. Англияның ең қымбат құрамаларының бірі жасақталды. Бірақ алтын кубок Испанияның қолына тиді. Өйткені бұл чемпионатта атақтан бұрын тәртіп, жұлдыздардан бұрын жүйе, ал эмоциядан бұрын тактика жеңіске жететіні кезекті рет дәлелденді. Әлем чемпионаты футбол тарихында Ферран Торрестің шешуші голымен, Испанияның тарихи үстемдігімен, Мбаппенің рекордтарымен, Ламин Ямальдың жарқын жұлдызға айналуымен және ең бастысы - Лионель Мессидің үнсіз төгілген көз жасымен жанкүйерлер жадында мәңгі ұмытылмасы анық...

YouTube бейнелер

Ақтауда бокстан Шоқыр Бөлтекұлын еске алуға арналған халықаралық турнир өтеді

Маңғыстауда өрттен кейін мұнай компаниясына айыппұл салынды

Маңғыстаудағы кәсіпорын күніне 10 мыңнан астам қапшық өндіреді

«Ақтау қалалық жолаушылар көлігі және автомобиль жолдары бөлімі» ММ-де жүргізілген аудит нәтижелері туралы ақпарат

2026 жылдың 2-тоқсанына арналған камералдық бақылау нәтижесі бойынша қорытынды

Радиофармацевтика ауруды анықтап, емдеуге қалай көмектеседі

Мемлекет басшысы Қазақ-корей дөңгелек үстелінің ашылуында сөз сөйледі

Мемлекет басшысына Қазақстан мен Оңтүстік Кореяның инвестициялық жобалары таныстырылды

Ақтауда жаңа заманауи автовокзал құрылысы қарқынды жүріп жатыр

«Бірыңғай есеп беру күні» іс-шарасына шақырады

Президент Қасым-Жомарт Тоқаев Hanwha Group вице-төрағасы Ким Дон Вонды қабылдады

Мемлекет басшысы Lotte Group компаниясының басқарма төрағасы Дон Бин Шинді қабылдады

Асхат Оралов «Әділет» партиясы төрағасының орынбасары болып тағайындалды

Ақтауда ауқымды сенбілік өтеді

Нұрлыбек Нәлібаев Маңғыстаудағы стратегиялық нысандардың жұмысымен танысты

Маңғыстауда «Кітап оқитын ұлт» республикалық марафоны басталды

Ақтауда жылу желілері тексеріледі: тұрғындарға сақтық шаралары ескертілді

«Заң мен тәртіп» қағидатын қолдау азаматтардың заң үстемдігін орнатуға деген құлшынысымен ұштасады

ҚҚДИ зерттеуі: қазақстандықтардың 86,7%-ы Президентке сенім білдіреді

Ұстаздықты басты құндылыққа балаған отбасы

Ақтауда екі жаңа магистратура бағдарламасы ашылды

Ақтауда «UMAY» оқыту бағдарламасы басталды

Қазақстандықтар әлеуметтік инфрақұрылымның қолжетімділігін жоғары бағалайды

Нұрдәулет Қилыбай Маңғыстау тұрғындарының өтініштері бойынша нақты шешімдер қабылдауды тапсырды

Маңғыстау ауданында ардагер теміржолшыларға арналған ескерткіш тақта ашылды

Радиофобия дегеніміз не және ол неге қауіпті?

«Кітап оқитын университет»: Ғылым және жоғары білім министрлігі мен «Кітап оқитын ұлт» қоры студенттер арасында кітап оқу мәдениетін дамытуда

Ақтауда екі жаңа магистратура бағдарламасы ашылды

«Берекелі отбасы – берік қоғам»: Ақтауда отбасы құндылықтары талқыланды

«Күн сәулелі жандар» маңғыстаулықтардан көмек сұрайды

Қазақстан статистика саласында ЭЫДҰ халықаралық стандарттарына сәйкестіктің жоғары деңгейіне қол жеткізді

Ақтауда жаңа заманауи автовокзал құрылысы қарқынды жүріп жатыр

«Бірыңғай есеп беру күні» іс-шарасына шақырады

Ақтауда ауқымды сенбілік өтеді

Нұрлыбек Нәлібаев Маңғыстаудағы стратегиялық нысандардың жұмысымен танысты

Маңғыстауда «Кітап оқитын ұлт» республикалық марафоны басталды

Ұстаздықты басты құндылыққа балаған отбасы

Ақтауда екі жаңа магистратура бағдарламасы ашылды

Ақтауда «UMAY» оқыту бағдарламасы басталды

Маңғыстауда биыл 5 тарихи ескерткішке ғылыми-реставрация жұмыстары жүргізілді

Ақтауда бокстан Шоқыр Бөлтекұлын еске алуға арналған халықаралық турнир өтеді

Ақтауда IT Community Day технологиялық жиын өтті

Маңғыстаулық блогер Dostaniya отбасылық өміріндегі дәстүрімен бөлісті

Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады

Маңғыстаулық дзюдошылар Қазақстан чемпионатында бес жүлде жеңіп алды

Маңғыстаулық дзюдошылар ел чемпионатында төрт жүлде иеленді

Ақтауда халықаралық деңгейдегі Wilson Cup by Rixos теннис турнирі басталды

Есту қабілеті зақымданған спортшылар арасында республикалық IV Спартакиадасының салтанатты ашылу рәсімі өтті

Хаби Алонсо Дастан Сәтбаевқа матч кезінде тікелей нұсқау берді

Айбек Имашев Қазақстан дзюдо федерациясының Бас хатшысы қызметіне тағайындалды

«Маңғыстаулық бапкердің еңбегі бар»: Қазақстан волейболды отырып ойнаудан әлем чемпионатының қола жүлдегері атанды

ӘЧ-2026: Испания Аргентинаны жеңіп әлем чемпионы атанды

Месси жылап, Испания қуанды: 2026 жылғы әлем чемпионаты несімен есте қалды?

Қалай баруға болады