Otpan News
Ақтауда қоғамдық кеңестердің жұмысына арналған өңіраралық кездесулер өтті
Otpan News
09:48, 19 қараша 2026

Ақтауда қоғамдық кеңестердің жұмысына арналған өңіраралық кездесулер өтті

OTPANNEWS.KZ. - Қазақстанда қоғамдық кеңестер туралы заңнаманы жетілдіруге арналған өңіраралық талқылаулар жалғасуда. Кезекті кездесулер Алматы мен Ақтауда өтті. Бұл туралы Мәдениет және ақпарат министрлігінің баспасөз қызметі хабарлады.Жиындарға қоғамдық кеңестердің, мемлекеттік органдардың, үкіметтік емес ұйымдардың өкілдері, депутаттар мен сарапшылар қатысты. Екі қаладағы талқылауға 200-ден астам адам жиналды.Алматыдағы кездесуге Алматы қаласы мен Алматы, Шығыс Қазақстан, Жетісу және Абай облыстарының өкілдері қатысты. Ақтауда Маңғыстау, Ақтөбе, Батыс Қазақстан, Атырау және Қызылорда облыстарынан келген қатысушылар бас қосты.Кездесулерде Қазақстан Республикасы Мәдениет және ақпарат министрлігі Азаматтық қоғам істері комитетінің төрағасы Гүлбара Сұлтанова, Құрылтай депутаты Тәттігүл Талаева және Қазақстан Азаматтық альянсының президенті Бану Нұрғазиева сөз сөйледі.Қатысушылар қоғамдық кеңестердің құқықтық мәртебесі мен өкілеттігін, оларды құру тәртібінің ашықтығын және мемлекеттік органдармен байланысын талқылады. Қоғамдық бақылаудың пәрменділігін арттыруға және оның нәтижелері бойынша нақты шаралар қабылдауға ерекше көңіл бөлінді.Ашық пікір алмасу барысында кеңестер жұмысында кездесетін ұйымдастырушылық және құқықтық мәселелер, олардың қызметін қажетті ресурстармен қамтамасыз ету, жұмыс үдерістерін цифрландыру, сондай-ақ азаматтар мен үкіметтік емес ұйымдардың қатысу мүмкіндіктерін кеңейту жолдары қаралды.Өңіраралық кездесулер Қазақстан Республикасы Мәдениет және ақпарат министрлігінің қоғамдық кеңестер туралы заңнаманы жетілдіру жобасы аясында өтіп жатыр. Бұл жұмыс Мемлекет басшысы Қасым-Жомарт Тоқаевтың Қазақстан Халық Кеңесінің бірінші сессиясында берген тапсырмасына сәйкес қолға алынған.Кездесулер аяқталған соң, өңірлерден түскен ұсыныстар жинақталып, қорытынды құжат әзірленеді. Оны уәкілетті мемлекеттік органдарға жолдау жоспарланып отыр.

Ақтауда қоғамдық кеңестердің жұмысына арналған өңіраралық кездесулер өтті
Otpan News
09:48, 19 қараша 2026

Ақтауда қоғамдық кеңестердің жұмысына арналған өңіраралық кездесулер өтті

OTPANNEWS.KZ. - Қазақстанда қоғамдық кеңестер туралы заңнаманы жетілдіруге арналған өңіраралық талқылаулар жалғасуда. Кезекті кездесулер Алматы мен Ақтауда өтті. Бұл туралы Мәдениет және ақпарат министрлігінің баспасөз қызметі хабарлады.Жиындарға қоғамдық кеңестердің, мемлекеттік органдардың, үкіметтік емес ұйымдардың өкілдері, депутаттар мен сарапшылар қатысты. Екі қаладағы талқылауға 200-ден астам адам жиналды.Алматыдағы кездесуге Алматы қаласы мен Алматы, Шығыс Қазақстан, Жетісу және Абай облыстарының өкілдері қатысты. Ақтауда Маңғыстау, Ақтөбе, Батыс Қазақстан, Атырау және Қызылорда облыстарынан келген қатысушылар бас қосты.Кездесулерде Қазақстан Республикасы Мәдениет және ақпарат министрлігі Азаматтық қоғам істері комитетінің төрағасы Гүлбара Сұлтанова, Құрылтай депутаты Тәттігүл Талаева және Қазақстан Азаматтық альянсының президенті Бану Нұрғазиева сөз сөйледі.Қатысушылар қоғамдық кеңестердің құқықтық мәртебесі мен өкілеттігін, оларды құру тәртібінің ашықтығын және мемлекеттік органдармен байланысын талқылады. Қоғамдық бақылаудың пәрменділігін арттыруға және оның нәтижелері бойынша нақты шаралар қабылдауға ерекше көңіл бөлінді.Ашық пікір алмасу барысында кеңестер жұмысында кездесетін ұйымдастырушылық және құқықтық мәселелер, олардың қызметін қажетті ресурстармен қамтамасыз ету, жұмыс үдерістерін цифрландыру, сондай-ақ азаматтар мен үкіметтік емес ұйымдардың қатысу мүмкіндіктерін кеңейту жолдары қаралды.Өңіраралық кездесулер Қазақстан Республикасы Мәдениет және ақпарат министрлігінің қоғамдық кеңестер туралы заңнаманы жетілдіру жобасы аясында өтіп жатыр. Бұл жұмыс Мемлекет басшысы Қасым-Жомарт Тоқаевтың Қазақстан Халық Кеңесінің бірінші сессиясында берген тапсырмасына сәйкес қолға алынған.Кездесулер аяқталған соң, өңірлерден түскен ұсыныстар жинақталып, қорытынды құжат әзірленеді. Оны уәкілетті мемлекеттік органдарға жолдау жоспарланып отыр.

Спорт

Ақтауда медицина саласының қызметкерлері волейболдан бақ сынады
Otpan News
18:07, 16 қараша 2026

Ақтауда медицина саласының қызметкерлері волейболдан бақ сынады

Otpannews.kz. - Ақтау қаласында «Aqniet» кәсіподағы Маңғыстау облыстық филиалының ұйымдастыруымен медицина саласында еңбек ететін қыз-келіншектер арасында волейболдан турнир өтті. Спорттық додаға өңірдегі медициналық ұйымдардан жасақталған 7 команда қатысып, өзара мықтыны анықтады.Турнирдің басты мақсаты – медицина қызметкерлері арасында салауатты өмір салтын насихаттау, ұжымдар арасындағы ынтымақтастықты нығайту және спортқа деген қызығушылығын арттыру. Жарыстың салтанатты ашылу рәсімінде «Aqniet» кәсіподағы Маңғыстау облыстық филиалының төрағасы Жанна Сайым сөз сөйлеп, қатысушыларға сәттілік тіледі. Ол медицина қызметкерлерінің кәсіби қызметімен қатар қоғамдық және спорттық іс-шараларға белсенді қатысуының маңыздылығына тоқталды.«Медицина қызметкерлері күн сайын адам өмірі мен денсаулығы үшін жауапты қызмет атқарады. Спорттық іс-шаралар мамандардың күнделікті жұмыстан бір сәт сергіп, әріптестерімен бейресми ортада бас қосуына мүмкіндік береді. Спорт – денсаулық кепілі ғана емес, ұжымдық бірлік пен өзара қолдаудың да маңызды құралы. Бүгінгі турнир қатысушыларға көтеріңкі көңіл күй сыйлап, медицина ұйымдары арасындағы ынтымақтастықты одан әрі нығайтады», – деді Жанна Сайым.Жарыс барысында командалар жоғары дайындық деңгейін көрсетіп, жеңіске деген жігерімен ерекшеленді. Әр кездесу тартысты өтіп, ойыншылар шеберлігін, жылдамдығын және командалық үйлесімділігін танытты. Тартысты кездесулердің қорытындысы бойынша Маңғыстау облыстық көпбейінді ауруханасының құрамасы үздік нәтиже көрсетіп, турнир жеңімпазы атанды. 2-орынды Бейнеу көпбейінді орталық аудандық ауруханасының командасы иеленсе, жүлделі 3-орын Маңғыстау облыстық көпбейінді балалар ауруханасының құрамасына бұйырды. Ал Жаңаөзен қаласының құрама командасы 4-орынға тұрақтады.Турнир қорытындысында жеңімпаз және жүлдегер командалар қаржылай сыйлықтармен, арнайы кубоктармен және медальдармен марапатталды.Сонымен қатар жарыс барысында ерекше шеберлігімен көзге түскен ойыншылар жеке номинациялар бойынша марапатқа ие болды. Атап айтқанда, Сабира Оңдасова «Үздік ойыншы», Жасмина Жұмашева «Үздік байланыстырушы», ал Сапаргүл Қаратаева «Үздік шабуылшы» атанды.

Эксклюзив

Маңғыстауда 3 жұп егіз дүниеге келді

15:57, 15 қараша 2026

Маңғыстауда 3 жұп егіз дүниеге келді

Маңғыстаулық Жантілек Нұртілепұлы дзюдодан әлем чемпионатында өнер көрсетті
Жанкелді Қаржан14:30, 11 қазан 2026

Маңғыстаулық Жантілек Нұртілепұлы дзюдодан әлем чемпионатында өнер көрсетті

Маңғыстаулық суретшілер «рекорд» жасап, 4 метр кенепке сурет салды
Роза Әділханқызы14:34, 24 қыркүйек 2026

Маңғыстаулық суретшілер «рекорд» жасап, 4 метр кенепке сурет салды

Ақшұқыр тұрғыны бағында анар ағашын өсіреді
Роза Әділханқызы14:40, 16 қыркүйек 2026

Ақшұқыр тұрғыны бағында анар ағашын өсіреді

Advertisement

YouTube бейнелер

Карта

Қалай баруға болады

9-й микрорайон, 42/1
Актау, Актау городская администрация

Ең жақын аялдама: 9-й микрорайон д.18 (350 м, 4 мин)

Маршрут құру
Otpan News

Соңғы жаңалықтардан хабардар бол!