Бүгінгі Казахстан және әлемдегі соңғы жаңалықтар

Ақтаулық зейнеткер ауласында інжір өсіреді

Анонс

Жаңалықты көру →

Ақтаулық зейнеткер ауласында інжір өсіреді

Ақтаулық зейнеткер Нұрмаханбет Құлмағамбетов 20 жылдан бері ауласында жеміс ағаштарын егеді. Осыдан бес жыл бұрын ол інжір көшетін әкеліп еккен. Бүгінде ағаш жеміс беріп, көбейіп жатыр. Мұнда қара өрік, алмұрт, шие, жүзім, алма да бар. 69 жастағы зейнеткердің жұмыстан тыс уақыттағы ермегі бүгінгі таңда үлкен қызығушылығына айналған. otpannews.kz сайтының түсірілім тобы зейнеткермен сұқбаттасуға келді.«Інжір жемісі суыққа төзімсіз. Сол үшін қыста ағашты киізбен орап баптаймыз. Маңғыстауда қыс қатты аяз болмаған соң, жемісін жақсы беріп жатыр. Биыл тіпті бір бұтақтан шығатын жемістердің саны көбейгені байқалады. Көлемі ұсақтау болып өскенімен, өте дәмді. Балаларым мен немерелерім піскен кезін асыға күтіп, жинап алады. Маңғыстауда барлық жеміс, ағаш та өседі. Тек дұрыс баптап, уақытында күтімін жасау керек. «Ағашты ектім, су құйып қойдым, әрі қарай өсе береді» деген болмайды. Өнім алу үшін үлкен еңбек пен шыдамдылық керек. Бұл - менің ермегім, өте қатты қызығамын. Қара, жасыл жүзім, айва, алма, қара өрік, шие өсіремін. Бабын тапсаң, барлығы өседі. Бұтақтарын қиып, күн көзіне шығарып, ара-арасына ауа баратындай етіп баптау қажет», - деді зейнеткер.Ағаның жұбайы Рахат Күзембаева жемістерден дәмді тосап пен компот жасайды. Жаздай үлкен еңбекпен бапталып, жиналған өнімнің рахатын қыста балалары мен немерелері көреді дейді олар.«Жолдасым зейнеткер болса да, қысы-жазы осы жеміс ағаштарының күтімімен айналысады. Бұл - өзінің сүйікті ісі. Кейде «босқа шаршама» десем де, мені тыңдамайды. Бір жақсысы, балаларымыз бен немерелеріміз дүкеннен газдалған сусын сатып алмайды. Қолдан жапқан компотты ішіп, аулада өскен табиғи жемістерді жейді. Таза, экологиялық өнімге не жетсін. Үйге келген туған-туысқандар мен қонақтарға да сыйға тартамыз», - деді Рахат Күзембаева.Күтім жасай білген жанға Маңғыстаудың күн шуақты топырағында да бау-бақша өсіріп, берекелі өнім алуға болады екен. Қолынан іс келетін, еңбегін бағалай білетін ағамыздың бұл ісі қоршаған ортаны көгалдандырып қана қоймай, жас ұрпаққа еңбекқорлықтың да үлгісін көрсетіп отыр.

Гүлсезім Әбдіжәлел

15:57, 18 қыркүйек 2026

Жарнама бөлімі: +7 (778) 145 90 93

Редакция: +7 (7292) 20 48 42

Ақтауда декреттегі аналар сәбилерімен бірге стретчингпен айналысады

Анонс

Роза Әділханқызы

10:17, 17 қыркүйек 2026

Ақтауда декреттегі аналар сәбилерімен бірге стретчингпен айналысады

Бүгінгі таңда ана мен бала денсаулығын сақтау, салауатты өмір салтын насихаттау – қоғамдағы маңызды мәселелердің бірі. Осы орайда екі баланың анасы, стретчинг жаттықтырушысы Шырынгүлдің бастамасы көпшілікке үлгі боларлықтай. Үнемі қозғалыста жүретін жаттықтырушысымен otpannews.kz тілшісі арнайы сұхбаттасты. Кейіпкердің пайымынша, жүктілік – диагноз емес, ал бала әйелге кедергі келтірмейді. Бұл сөзге Шырынгүлдің өзі – дәлел. Тұңғышы 1 жаста болғанда стретчингпен айналыса бастаған оның қазір екі баласы бар. Босанғанына төрт ай ғана өтсе де Шырынгүл залға қайта оралып, қыз-келіншектерді жаттықтырып жүр. «Мен бұл салада жүргелі биыл – 3 жыл. Декретте отырған кезде өзім жаттығу үшін стретчингке келдім. Қыз-келіншектер қарапайым әрі пайдалы жаттығуларды білмейтінін көргенде ішіп ашып, “мен жаттықтырушы боламын” деген ой түйдім. Үш ай оқып, бірден топ аштым. Содан бері біраз уақыт өтті. Қазір екі балам бар»,- деді Шырынгүл Лесбаева. Шырынгүл стретчинг жаттықтырушысы қызметін атқарып, денсаулықты күту қажет екенін өз тәжірибесімен дәлелдеп келеді. Ол тек қыздарды ғана емес, декреттегі ана мен баланы қатар қабылдап, белсенді өмір салтын насихаттайды. Мәселен, «Ана мен сәби» тобына келетін жас аналар аптасына 3 рет тұрақты түрде жаттығады. Мұнда дүниеге келгеніне бірнеше ғана ай толған сәбилер мен жасқа толған бүлдіршіндер де бар. «Мен жүктіліктің 37-аптасына дейін осы залда жүріп, қыздармен бірге жаттықтым. Ал 38-аптада босанып, екінші рет ана болдым. Арада бір ай өткесін залға қайта оралып, жұмысыма кірістім. Үнемі қозғалыста жүргендіктен маған осы өмір салтым ұнайды. Жалпы, босанғанына 3 ай толған қыз-келіншектерді қабылдаймыз. Ал кесір тілігі арқылы босанған жандар жаттығуды 6 айдан кейін бастаған жөн. Бірақ ескеру қажет, әр адам өзінің физикалық күйін, әл-ауқатын жақсы біледі. Сондықтан әйел өзін қашан дайын сезінсе, сол кезде жаттыға бастаса болады»,- дейді стретчинг жаттықтырушысы. «Балаға дені сау ана қажет» деген ұстанымды басшылыққа алған жас босанған аналар осы жерге келіп, аяқ-қол бұлшық еттерін шынықтырады, белдегі ауырсынуды басып, жүктіліктен кейінгі ішті кетіруге жұмыстанады. Стретчинг жаттығуларына келетін нәзік жандылардың қатары тек жас келіншектермен шектелмейді. Шырынгүлдің айтуынша, мұнда тіпті 60 жастағы аналар мен әжелер де қатысып, денсаулықтарын күтеді. Жаттықтырушының басты мақсаты – тек сымбатты мүсін қалыптастыру ғана емес, дені сау әйел болу және өзгелерге де осы бағытта қол ұшын созу. Ол омыртқаның қисаюы, жамбас сүйек пен белдің ауырсынуының алдын алуға көмектеседі. Сонымен қатар Шырынгүл адам ағзасының қалыпты жұмыс істеуін қадағалап, жатырдың түсуіне жол бермеуді басты назарда ұстайды. Өйткені дені сау ана – бақытты отбасы мен салауатты қоғамның кепілі.

Депутат ұлттық құндылықтарды дәріптейтін заманауи медиа-жобаларды қолдауды сұрады

Анонс

Гүлсезім Әбдіжәлел

16:26, 16 қыркүйек 2026

Депутат ұлттық құндылықтарды дәріптейтін заманауи медиа-жобаларды қолдауды сұрады

«Әділет» саяси партиясы фракциясының депутаты Шолпан Каринова Мәдениет және ақпарат министрі Арман Қырықбаевқа арнайы депутаттық ұсыныс жолдады, деп хабарлайды otpannews.kz сайты."Мемлекет басшысы Құрылтай сессиясының ашылуында ұлттық сана-сезімді қалыптастыруға ерекше мән беруді атап: «Ұлттың жадын күмәнді дерекпен, бұрмаланған мәліметпен улауға болмайды. Мұндай әрекет өткен күнге деген сенімді, келешекке деген үмітті әлсіретеді», – деді. Бұл – ұлттық тарихи сананы қалыптастыруға мемлекеттік деңгейде жүйелі көзқарас қажет екенін көрсетеді. «Әділет» саяси партиясының ұстанымы – әділдік ұлттық сана мен болмыстың негізгі қағидасының бірі болуы тиіс. Ал әділдік тарихи шындыққа объективті көзқарастан басталады. Бүгінде тарихи сана тек оқулық пен ғылыми еңбектер арқылы қалыптаспайды. Әлеуметтік желі мен цифрлық платформаның ықпалы артып келеді. Әсіресе жастар TikTok, Instagram, YouTube сияқты платформалардан ақпаратты көп алады. Сондықтан Қазақстан тарихы туралы қандай ақпарат тарайды, оның дереккөзі қандай және ол қоғамға қалай жеткізіледі деген сұрақтың маңызы артып келеді. Өкінішке орай, әлеуметтік желілерде тарихи тақырыптағы күмәнді және бұрмаланған ақпарат тез таралады. Оған дер кезінде кәсіби жауап беріп, нақты дерек ұсынатын жүйелі тетік қажет. Бұл мәселе тарихпен ғана шектелмейді. Халықпен кездесулер кезінде елде атқарылып жатқан көптеген маңызды жұмыстарды азаматтардың толық біле бермейтініне көз жеткіздік. Мәселе жұмыстың жоқтығында емес. Мәселе – оның мәні мен нәтижесін халыққа түсінікті тілде жеткізуде. Сондықтан ақпаратты жай жариялау жеткіліксіз. Оны түсіндіру де маңызды. Азаматқа реформаның мақсатын, оның нәтижесін және қоғамға әсерін түсіндіретін журналистика қажет. Мемлекеттік ақпараттық саясат та осы бағытқа басымдық беруі керек. Ол тек мемлекеттік бастамаларды жариялаумен шектелмеуі тиіс. Ақпараттық саясат тарихи сананы қалыптастыруға, ұлттық құндылықты дәріптеуге және елдегі өзгерісті дұрыс түсіндіруге қызмет етуі қажет. Бұл әсіресе жастар үшін маңызды. Өйткені бүгінгі ақпарат ертеңгі қоғамдық көзқарасқа әсер етеді. Сондықтан ақпараттық кеңістіктегі бәсеке – ұлттық санаға ықпал ететін бәсеке. Осыған байланысты Үкіметтен:1.Ұлттық тарихи сананы мемлекеттік ақпараттық саясаттың басым бағытының бірі ретінде айқындауды;2.Қазақстан тарихына қатысты контенттің ғылыми негізділігі мен деректілігін қамтамасыз ететін жүйе қалыптастыруды;3.Тарихи жад пен ұлттық құндылықтарды дәріптейтін заманауи медиа-жобаларды қолдауды;4.TikTok, Instagram, YouTube сияқты платформаларда Қазақстан тарихын заманауи әрі түсінікті форматта насихаттайтын жобаларды іске асыруды;5.Тарихқа қатысты жалған және бұрмаланған ақпаратқа жедел жауап беретін тиімді тетік қалыптастыруды сұраймыз", - деді «Әділет» саяси партиясы фракциясының депутаты Шолпан Каринова.

Барлық жаңалықтар

Маңғыстау жаңалықтары

Жаңалықты көру →

Гүлсезім Әбдіжәлел

17:05, 18 қыркүйек 2026

Маңғыстауда «Медициналық көмектің флагманы» байқауының жеңімпаздары марапатталды

Ақтау қаласында медициналық көмек көрсету практикасын одан әрі дамыту және жетілдіру мақсатында үздіктерді марапаттау рәсімі өтті. Іс-шарада байқау жеңімпаздары марапатталды, деп хабарлайды otpannews.kz.Облыстық байқауды «Әлеуметтік медициналық сақтандыру қоры» КЕАҚ Маңғыстау облысы бойынша филиалы ұйымдастырды.Байқаудың басты мақсаты - өңірдегі медициналық қызмет көрсету сапасын арттырып жүрген сала мамандары мен ұйымдардың еңбегін бағалау. Байқау қорытындысы бойынша үздік деп танылған жеңімпаздарға арнайы мақтау қағаздары мен статуеткалар табысталды. Жарыс нәтижесінде Маңғыстау аудандық ауруханасы емханалық бағыт бойынша жеңімпаз атанса, стационарлық қызмет бойынша Ана мен бала орталығы жеңіске жетті.«Медициналық қызметтің әлеуметтік медициналық сақтандыру жүйесі және тегін медициналық көмектің кепілдік берілген көлемі бойынша облыс көлемінде 85 медициналық ұйым бар. Солардың арасында өзінің біліктілігі мен кәсібилігін көрсету мақсатында әрбір медициналық мекеме сайысқа түсті. 2026 жылдан бастап бұл байқауға тек емханалар емес, стационарлық медицина мекемелері де қатысып жатыр. Бұл байқау "Әлеуметтік медициналық сақтандыру қорының" құрылғанына 10 жыл толуымен тұспа-тұс келіп отыр. Басты мақсат - медициналық мекемелер мен қоғам арасында тығыз қарым-қатынас орнатып, сапалы әрі дер кезінде медициналық көмек көрсету», - деді Әлеуметтік медициналық сақтандыру қоры Маңғыстау облысы филиалының директоры Абылайхан Рахымов.Сондай-ақ жиын барысында байқау жеңімпаздарының күнделікті жұмысы мен атқарып жатқан еңбегі туралы арнайы видеоматериалдар көрсетілді. Бұл дәрігерлер мен медицина қызметкерлерінің жауапты жұмысын көпшілікке таныстыруға тамаша мүмкіндік болды.

Жаңалықты көру →

Otpan News

16:21, 18 қыркүйек 2026

Жаңаөзенде сот жетім баланы тұрғын үй кезегіне қайта қойды

Маңғыстау облысының мамандандырылған ауданаралық әкімшілік соты Жаңаөзен қаласының тұрғынының қалалық ТКШ бөліміне қатысты талап арызын қанағаттандырды. Сот оны «жетім балалар және ата-анасының қамқорлығынсыз қалған балалар» санаты бойынша тұрғын үй алу кезегіне 2009 жылғы 7 желтоқсандағы кезектілігін сақтай отырып қайта қоюды міндеттеді, деп хабарлайды otpannews.kz. Сот анықтағандай, талап қоюшы П. ата-анасы қайтыс болғаннан кейін 2002 жылдан 2013 жылға дейін облыстық балалар үйінде тәрбиеленген. 2009 жылы ол «жетім балалар» санаты бойынша коммуналдық тұрғын үй қорынан тұрғын үйге мұқтаждар есебіне қойылған. Іс материалдарында «Жаңаөзен жаршысы» газетінің көшірмесі де ұсынылған. Оған сәйкес, 2018 жылғы 1 қаңтардағы жағдай бойынша ер адам тұрғын үй алу кезегінде №21 болып тұрған. Алайда 2020 жылы ол есептен шығарылған. Бұған оның тұрақты тіркеу мекенжайының өзгеруі себеп болған.Сот кезектен шығарылған кезде қолданыста болған «Тұрғын үй қатынастары туралы» заң нормаларында жетім балалар мен ата-анасының қамқорлығынсыз қалған балалар үшін ерекше кепілдіктер қарастырылғанын атап өтті. Тұрғын үйге мұқтаж деп танылған және тиісті есепке қойылған осы санаттағы азаматтар пәтер алғанға дейін есептен шығарылуға жатпаған.Нәтижесінде талап арыз қанағаттандырылды. Жаңаөзен қаласының ТКШ бөліміне талап қоюшыны тұрғын үй алу кезегіне қайта қою тапсырылды. Сот шешімі заңды күшіне енді.

Жаңалықты көру →

Otpan News

16:16, 18 қыркүйек 2026

Ақтауда мектептің спорт алаңы қайта жаңғырды

Ақтауда Н.Марабаев атындағы №7 мектеп-лицейінің жаңартылған спорт алаңының ашылу салтанаты өтті. Мектеп ұжымы үшін маңызды шараға ұстаздар, оқушылар, ата-аналар, білім саласының өкілдері және демеушілер қатысты, деп хабарлайды otpannews.kz. Салтанатты шара 18 қыркүйек күні мектептің спорт алаңында ұйымдастырылды.Жиын барысында мектеп директоры Гүлден Иманғалиева оқушылар үшін спорттың маңызына тоқталып, жаңа алаңның пайдалануға берілуі мектеп ұжымы үшін көптен күткен қуанышты жаңалық екенін атап өтті.«Спорт - денсаулықтың кепілі. Әр баланың балалық шағының жарқын өтуіне спорттың ықпалы зор. Білім мен тәрбие сапалы болуы үшін қазіргі заманға сай спорттық жағдайдың жасалуы маңызды. Бүгін біздің көптен күткен мақсатымыз орындалып, оқушыларымыз жаңа спорт алаңына ие болып отыр», - деді мектеп директоры.Жаңартылған спорт алаңының ашылуына мектепке қолдау көрсеткен «A B technology» ЖШС өкілдерінің үлесі зор. Іс-шара барысында демеушілерге балалардың денсаулығы мен болашағына жасаған қолдауы үшін алғыс айтылды.Салтанатты шараға «A B technology» ЖШС құрылтайшылары Болат Арқаров пен Азиз Мәметов, компанияның күрделі құрылыс бөлімінің басшысы Арман Бидайбеков, облыстық мәслихаттың VII және VIII шақырылым депутаты Людмила Меңдіғалиева бастаған топ арнайы қатысты.Мектеп-лицей оқушылары спорт бағытында да бірқатар жетістіктерге қол жеткізіп келеді. Атап айтқанда, оқушылар республикалық мектеп лигасы аясындағы баскетбол жарыстарында жүлделі орындарға ие болса, шахматтан өтетін республикалық мектеп лигасында да жүлдегерлер қатарынан көрініп жүр.Жаңа спорт алаңы оқушылардың дене шынықтырумен тұрақты айналысуына, спорттық қабілеттерін дамытуына және мектепішілік әрі қалалық, республикалық жарыстарға сапалы дайындалуына мүмкіндік береді.Спорт алаңының жаңаруы - мектеп оқушыларының салауатты өмір салтын ұстануына жасалған тағы бір маңызды қадам. Ендігі жерде бұл алаң жас спортшылардың жаттығу орнына, достық жарыстар мен жаңа жеңістердің алаңына айналмақ.

Жаңалықты көру →

Гүлсезім Әбдіжәлел

15:57, 18 қыркүйек 2026

18 қыркүйек күні Ақтауда «Оразмағанбет Тұрмағанбетұлы: таным және тағылым» атты ғылыми конференция өтеді, деп хабарлайды otpannews.kz.Іс-шараның негізгі мақсаты - Оразмағанбет Тұрмағанбетұлының өмірі мен қызметін кеңінен насихаттау, оның өнегелі мұрасын қоғамға үлгі ету, тарихи сабақтастықты нығайту, сондай-ақ ұлттық және рухани-адамгершілік құндылықтарды дәріптеу.Алқалы жиынға шетелдік және республикалық деңгейдегі ғалымдар, қоғам және мәдениет қайраткерлері, тарихшылар, мәслихат депутаттары, білім беру ұйымдарының өкілдері, үкіметтік емес ұйымдар, бұқаралық ақпарат құралдарының өкілдері мен студенттер қатысады.Конференция барысында қатысушылар Әбіш Кекілбаев атындағы Маңғыстау облыстық тарихи-өлкетану музейінің қорындағы экспонаттар қойылған көрмені тамашалайды.Өтетін орны: Ақтау қаласы, 34-шағынаудан, Достық үйіУақыты: 10:00

Солтүстік Америка құрлығында бес аптаға созылған футбол мерекесі мәресіне жетті. АҚШ, Канада және Мексика бірлесіп өткізген теңбіл доп додасы 48 құраманың қатысуымен тарихтағы ең ауқымды чемпионат ретінде есте қалды. 104 матч, миллиардтаған жанкүйердің назары және соңында АҚШ-тың Нью-Джерси штатындағы «МетЛайф» стадионында өткен финалдық ойындар 38 күн бойы футбол жанкүйерлерінің назарынан тыс қалмады. Әлем чемпионы атағы үшін өткен финалдық ойында Испания құрамасы Аргентинаны қосымша уақыттағы соғылған жалғыз голдың арқасында 1:0 есебімен жеңіп, араға 16 жыл салып қайтадан әлемнің үздігі атанды. Финал тағдырын 106-минутта Ферран Торрес шешті. Қосалқы құрамнан алаңға шыққан шабуылшы тарихи голдың авторына айналды. Осылайша Испания екінші мәрте әлем чемпионы атанды. Торрес әлем чемпионаты финалында жеңіс голын соққан тарихтағы екінші қосалқы ойыншы болып отыр. Бұған дейін мұндай нәтижені 2014 жылы Германия құрамасының шабуылшысы Марио Гетце тіркеген еді. Испания бұл жеңіске кездейсоқ жетті дей алмаймыз. Луис де ла Фуэнтенің шәкірттері турнир бойы жоғары деңгейдегі тұрақты ойын өрнегін көрсетіп, сегіз матчтың қорытындысында өз қақпаларына бір ғана гол жіберген. Бұған дейін жалғыз допты Испания қақпасына ширек финалдық ойында Бельгия ойыншалары соқты. Бұл әлем чемпион ы атанған ұлттық құрамалар арасындағы жаңа рекордқа баланады. Айта кететін жайт, финалда да испандар ойын тізгінін толық өз қолында ұстады. Аргентина негізгі уақытта қарсылас қақпасына бірде-бір дәл соққы жасай алмауы еуропалық құрама деңгейінің қандай деңгейде екенін анық көрсетті деуге толық негіз бар. Мұндай көрсеткіш әлем чемпионаттары тарихындағы антирекорд ретінде тіркелгенін де ұмытпауымыз керек. Егер аргентиналық қақпашы Эмилиано Мартинес бірнеше мәрте командасын құтқармағанда, есеп бұдан да ірі болуы әбден мүмкін еді.Әлемдік жаңа рекорд - жеңіліссіз 38 матч Әлем чемпиондығымен бірге Испания тағы бір тарихи белесті бағындыра алды. Ұлттық құрама ойыншылары қатарынан 38 матч бойы жеңіліссіз өнер көрсетіп, Италия құрамасына тиесілі 37 ойындық әлемдік рекордқа өзгеріс енгізді. Испандар соңғы рет ресми кездесуде 2024 жылдың наурызында жеңілген болатын.Бұл көрсеткіш қазіргі Испания құрамасының тек жекелеген жұлдыздарға емес, тұтас ойын жүйесіне сүйенетінін дәлелдей түскендей. Әлем чемпионатының топтық кезеңінен сүрінбей өткен испандар Аустрия, Португалия, Бельгия, Францияны және финалда Аргентина құрамасын жеңістен айырды. Мессидің көз жасы немесе ұлттық құрамадағы соңғы ойынФинал аяқталған сәтте әлем назары алтын кубоктан гөрі теңбіл доп шебері Лионель Мессиге ауа түсті. Қорытынды ысқырықтан кейін аргентиналық капитан көз жасына ерік беріп, бір сәтке тоқтай алмады. 39 жастағы аргентиналық форвард әлем чемпионаты тарихында үш финалда капитан ретінде негізгі құрамда алаңға шыққан тұңғыш футболшы атанды. Сонымен қатар ол әлем чемпионаты финалында ойнаған ең егде жастағы екінші футболшы ретінде тарихтың беттеріне жазылды. 2022 жылы Қатарда әлем чемпионы атанған Месси бұл жолы қатарынан екінші рет чемпиона атануға өте жақын қалған еді. Бірақ футбол тағдыры басқаша сипатта өрбіді. Көпшілік дәл осы матчты ұлы футболшының әлем чемпионатындағы соңғы кездесуі болуы мүмкін деген оймен қабылдады. Мбаппе - жаңа рекорд иесіБұл турнирде 2018 жылғы әлем чемпионы - Франция құрамасы чемпиондыққа жете алмағанымен, Килиан Мбаппе тағы бір тарихи жетістікке қол жеткізіп үлгерді. 27 жастағы шабуылшы сегіз кездесуде 10 гол соғып, төрт нәтижелі пас беріп, «Алтын бутсаның» иегері атанды. Ол 2022 және 2026 жылдары қатарынан әлем чемпионатының үздік сұрмергені болған тарихтағы алғашқы футболшыға айналды.Сонымен қатар Мбаппе әлем чемпионаттарындағы жалпы гол санын 22-ге жеткізіп, Лионель Мессиден (21) озып, мундиаль тарихының ең үздік мергені деп танылды. Бұл ретте мундиалдың «Күміс бутсасы» Мессиге бұйырса, «Қола бутсаны» Джуд Беллингем мен Эрлинг Холанд өзара бөлісті.Ямаль - жас буыннан шыққан әлем үздігі Бұл әлем чемпионаты Ламин Ямальдың жаңа футбол дәуірінің басты тұлғаларының бірі екенін айқын көрсетті деп санауға болады. Небәрі 19 жастағы футболшы Еуропа чемпионы атағынан кейін әлем чемпионы атанып үлгерді. Оның турнирдегі сенімді ойыны Испания құрамасы шабуылының басты қаруына айналды. Ал финалдан кейін Ямальдың көзіне жас алған Мессиді құшақтап жұбатуы футболдағы буын алмасуының символындай әсер қалдырғаны рас. Жалпы, 2026 жылғы әлем чемпионаты бірнеше күтпеген нәтижемен де есте қалды. Норвегия құрамасы Бразилияны жарыстан шығарып, үлкен сенсация жасады. Марокко тағы да плей-офф кезеңіне дейін жетіп, Африка футболының тұрақты дамып келе жатқанын дәлелдеп берді. Ал Парагвай футболшылары Германияны пенальти сериясында жеңсе, әлем чемпионатына алғаш қатысқан Кабо-Верде топтық кезеңнен шығып, көпшіліктің ықыласына бөленді.Чемпионат қорытындысы бойынша Родри турнирдің ең үздік ойыншысы атанды. Испания қақпашысы Унаи Симон үздік қақпашы деп танылса, Пау Кубарси үздік жас футболшы жүлдесін иеленді.Футбол сарапшыларының пікірінше, 2026 жылғы әлем чемпионаты - жеңісті жекелеген жұлдыздар емес, ұйымшыл команда мен дұрыс құрылған жүйе әкелетінін анық көрсетті. Мәселен, Аргентина сапында әлемнің ең үздік ойыншысы Лионель Месси болды. Франция құрамасында турнирдің ең үздік сұрмергені Килиан Мбаппе өнер көрсетті. Англияның ең қымбат құрамаларының бірі жасақталды. Бірақ алтын кубок Испанияның қолына тиді. Өйткені бұл чемпионатта атақтан бұрын тәртіп, жұлдыздардан бұрын жүйе, ал эмоциядан бұрын тактика жеңіске жететіні кезекті рет дәлелденді. Әлем чемпионаты футбол тарихында Ферран Торрестің шешуші голымен, Испанияның тарихи үстемдігімен, Мбаппенің рекордтарымен, Ламин Ямальдың жарқын жұлдызға айналуымен және ең бастысы - Лионель Мессидің үнсіз төгілген көз жасымен жанкүйерлер жадында мәңгі ұмытылмасы анық...

YouTube бейнелер

Ақтаулық зейнеткер ауласында інжір өсіреді

Ақтауда декреттегі аналар сәбилерімен бірге стретчингпен айналысады

Депутат ұлттық құндылықтарды дәріптейтін заманауи медиа-жобаларды қолдауды сұрады

«Тұмар» және «Үркер» мерейтойлық ұлттық сыйлықтарына өтінім қабылдау басталды

Қазақстан World Cleanup Day акциясына қосылады

Маңғыстауда «Медициналық көмектің флагманы» байқауының жеңімпаздары марапатталды

«Өзіңнен баста» жалпыұлттық челленджі өтеді

Жаңаөзенде сот жетім баланы тұрғын үй кезегіне қайта қойды

Ақтауда мектептің спорт алаңы қайта жаңғырды

Шевченкодан Ақтауға дейін: Ақтаулық тұрғынның коллекциясында 10 мың архив сурет бар

Мобильді аударымдарға салық салына ма?

Шығыстанушы Ислам Жеменей: «Оразмағанбет Тұрмағанбетұлы туралы бала күнімізден естіп өстік»

Ақтауда Оразмағанбет Тұрмағанбетұлына арналған ғылыми конференция өтіп жатыр

Қазақстанда әлеуметтік маңызы бар тауарлар бағасының төмендеуі тіркелді

Жаңаөзенде психотроптық зат тасымалдаған күдікті ұсталды

Әділбек Ниязымбетов жаңа қызметке тағайындалды

Таушық ауылында Николай Негруцыдың есімін ұлықтауға арналған ескерткіш тақта орнатылды

Қарақияда жастарға арналған тегін оқыту курсы басталды

Жетібайда 9 мың тонна мұнай қалдығы сот шешімімен иесіз мүлік деп танылды

Ақтауда Оразмағанбет Тұрмағанбетұлының мұрасына арналған ғылыми конференция өтеді

Есімі көлегейленген жыршы

Қазақстан эксперименттік ядролық физиканың заманауи бағыттарын дамытуда

Атом саласына маман даярлау: Қазақстан жастарға қандай мүмкіндік ұсынып отыр?

Есімі көлегейленген жыршы

Қазақстан мен Оңтүстік Корея қалалық әуе мобильділігі (UAM) және ұшқышсыз авиацияны дамыту жөніндегі келісімдерге қол қойды

Ақтауда жаңа заманауи автовокзал құрылысы қарқынды жүріп жатыр

Қазақстандықтар әлеуметтік инфрақұрылымның қолжетімділігін жоғары бағалайды

«Заң мен тәртіп» қағидатын қолдау азаматтардың заң үстемдігін орнатуға деген құлшынысымен ұштасады

Маңғыстаулық дзюдошы Бакуде өтетін әлем чемпионатында сынға түседі

Нұрлыбек Нәлібаев Маңғыстаудағы стратегиялық нысандардың жұмысымен танысты

Маңғыстауда «Кітап оқитын ұлт» республикалық марафоны басталды

Ақтауда екі жаңа магистратура бағдарламасы ашылды

«Бірыңғай есеп беру күні» іс-шарасына шақырады

Маңғыстауда «Медициналық көмектің флагманы» байқауының жеңімпаздары марапатталды

Жаңаөзенде сот жетім баланы тұрғын үй кезегіне қайта қойды

Ақтауда мектептің спорт алаңы қайта жаңғырды

Ақтаулық зейнеткер ауласында інжір өсіреді

Шевченкодан Ақтауға дейін: Ақтаулық тұрғынның коллекциясында 10 мың архив сурет бар

Мобильді аударымдарға салық салына ма?

Шығыстанушы Ислам Жеменей: «Оразмағанбет Тұрмағанбетұлы туралы бала күнімізден естіп өстік»

Ақтауда Оразмағанбет Тұрмағанбетұлына арналған ғылыми конференция өтіп жатыр

Әділбек Ниязымбетов жаңа қызметке тағайындалды

Таушық ауылында Николай Негруцыдың есімін ұлықтауға арналған ескерткіш тақта орнатылды

Жетібайда 9 мың тонна мұнай қалдығы сот шешімімен иесіз мүлік деп танылды

Ақтауда Оразмағанбет Тұрмағанбетұлының мұрасына арналған ғылыми конференция өтеді

Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады

Маңғыстаулық дзюдошылар Қазақстан чемпионатында бес жүлде жеңіп алды

Маңғыстаулық дзюдошылар ел чемпионатында төрт жүлде иеленді

Ақтауда халықаралық деңгейдегі Wilson Cup by Rixos теннис турнирі басталды

Есту қабілеті зақымданған спортшылар арасында республикалық IV Спартакиадасының салтанатты ашылу рәсімі өтті

Хаби Алонсо Дастан Сәтбаевқа матч кезінде тікелей нұсқау берді

Айбек Имашев Қазақстан дзюдо федерациясының Бас хатшысы қызметіне тағайындалды

«Маңғыстаулық бапкердің еңбегі бар»: Қазақстан волейболды отырып ойнаудан әлем чемпионатының қола жүлдегері атанды

ӘЧ-2026: Испания Аргентинаны жеңіп әлем чемпионы атанды

Месси жылап, Испания қуанды: 2026 жылғы әлем чемпионаты несімен есте қалды?

Қалай баруға болады