Otpan News
Ақтауда «Кітап оқитын ұлт» марафоны аясында Әбіш Кекілбаевтың «Үркер» романы талқыланды
Otpan News
17:39, 17 қараша 2026

Ақтауда «Кітап оқитын ұлт» марафоны аясында Әбіш Кекілбаевтың «Үркер» романы талқыланды

OTPANNEWS.KZ. - Ақтауда ұлт тарихын ұлықтап, рухани мұрамызды дәріптеу мақсатында қазақ әдебиетінің көрнекті өкілі, заңғар жазушы Әбіш Кекілбайұлының «Үркер» романына арналған әдеби кездесу өтті.Кештің негізгі мақсаты – кітап оқуға деген қызығушылықты арттыру, ұлттық әдебиетімізді насихаттау және жас ұрпақтың бойына тарихқа деген құрметті қалыптастыру.Кездесу Әбіш Кекілбайұлының «Үркер» тарихи романына арналды. Шығарма аясында тарих пен тағылым сабақтастығы сөз болып, қазақ әдебиетінің көрнекті туындысы талқыланады.Кеш қонақтары Гүлажар Бақытжанова мен Бақтыбай Жайлау шығармаға қатысты пікірлерін айтып, оқырмандарға рухани әсер сыйлады. Романның көркемдік ерекшеліктерін талдап, тарихи мазмұны мен бүгінгі оқырман үшін маңызын түсіндірді. Сондай-ақ қатысушылардың сұрақтарына жауап беріп, пікір алмасты.Сонымен қатар іс-шарада әдеби мұра, ел тарихы мен ұлттық құндылықтар туралы ойлар ортаға салынды.Айта кетейік, аталған іс-шара Маңғыстау облысы бойынша «Кітап оқитын ұлт» өңірлік жобалық кеңсесінің ұйымдастыруымен өтті.

Creative Aimaq: Сауда көлемі бойынша Маңғыстау облысы көш бастады
Otpan News
16:06, 17 қараша 2026

Creative Aimaq: Сауда көлемі бойынша Маңғыстау облысы көш бастады

OTPANNEWS.KZ. - Қазақстанның 18 өңіріндегі шығармашылық кәсіпкерлердің басын қосқан Creative Aimaq республикалық жобасы қорытындыланды. 13 маусым мен 1 қараша аралығында жоба аясында өткен өңірлік жәрмеңкелерге 1000 креатор қатысты. Жәрмеңкелерге 85 мың адам келіп, жалпы 200 млн теңгенің өнімі сатылды.Дизайнерлер, суретшілер, зергерлер, қолөнершілер, аниматорлар мен цифрлық контент әзірлеушілер өз жұмыстарын көпшілікке ұсынды. Келушілер авторлық бұйымдарды сатып алуға, отандық брендтермен және заманауи шығармашылық жобалармен танысуға мүмкіндік алды.Сауда көлемі бойынша Маңғыстау облысы көш бастады – 33,26 млн теңге. Ақтөбе облысында бұл көрсеткіш 23,85 млн теңгені, Түркістан облысында 21 млн теңгені, Жетісу облысында 16 млн теңгені, Жамбыл облысында 15,2 млн теңгені құрады.Жәрмеңкелерде ұлттық киімдер, зергерлік әшекейлер, ағаштан, былғарыдан және киізден жасалған бұйымдар, кескіндеме туындылары, анимациялық жұмыстар, сондай-ақ жасанды интеллект көмегімен әзірленген цифрлық өнімдер ұсынылды.Саудамен қатар, жәрмеңкелерде әр өңірдің шығармашылық ерекшелігін танытатын сән көрсетілімдері, шеберлік сабақтары, концерттер, таныстырылымдар және өзге де мәдени іс-шаралар ұйымдастырылды.Жоба отандық креаторлардың өнімдерін нарыққа шығаруға, сату мүмкіндіктерін кеңейтуге және аудандар мен ауылдардағы шығармашылық кәсіпкерлікті қолдауға бағытталды. Қатысушылар өнімдерін сатып алушыларға тікелей таныстыруға, тұтынушылар сұранысын бағалауға, іскерлік байланыстар орнатуға және жаңа аудитория тартуға мүмкіндік алды.Creative Aimaq жобасының қорытындысы өңірлердегі креативті экономиканың әлеуетін және отандық шығармашылық өнімдерге сұраныс бар екенін көрсетті. Креаторларды қолдау, қазақстандық брендтерді ілгерілету және олардың өнімдерін өткізу мүмкіндіктерін кеңейту – креативті индустрияларды дамытудың маңызды бағыттары.

Спорт

Ақтауда медицина саласының қызметкерлері волейболдан бақ сынады
Otpan News
18:07, 16 қараша 2026

Ақтауда медицина саласының қызметкерлері волейболдан бақ сынады

Otpannews.kz. - Ақтау қаласында «Aqniet» кәсіподағы Маңғыстау облыстық филиалының ұйымдастыруымен медицина саласында еңбек ететін қыз-келіншектер арасында волейболдан турнир өтті. Спорттық додаға өңірдегі медициналық ұйымдардан жасақталған 7 команда қатысып, өзара мықтыны анықтады.Турнирдің басты мақсаты – медицина қызметкерлері арасында салауатты өмір салтын насихаттау, ұжымдар арасындағы ынтымақтастықты нығайту және спортқа деген қызығушылығын арттыру. Жарыстың салтанатты ашылу рәсімінде «Aqniet» кәсіподағы Маңғыстау облыстық филиалының төрағасы Жанна Сайым сөз сөйлеп, қатысушыларға сәттілік тіледі. Ол медицина қызметкерлерінің кәсіби қызметімен қатар қоғамдық және спорттық іс-шараларға белсенді қатысуының маңыздылығына тоқталды.«Медицина қызметкерлері күн сайын адам өмірі мен денсаулығы үшін жауапты қызмет атқарады. Спорттық іс-шаралар мамандардың күнделікті жұмыстан бір сәт сергіп, әріптестерімен бейресми ортада бас қосуына мүмкіндік береді. Спорт – денсаулық кепілі ғана емес, ұжымдық бірлік пен өзара қолдаудың да маңызды құралы. Бүгінгі турнир қатысушыларға көтеріңкі көңіл күй сыйлап, медицина ұйымдары арасындағы ынтымақтастықты одан әрі нығайтады», – деді Жанна Сайым.Жарыс барысында командалар жоғары дайындық деңгейін көрсетіп, жеңіске деген жігерімен ерекшеленді. Әр кездесу тартысты өтіп, ойыншылар шеберлігін, жылдамдығын және командалық үйлесімділігін танытты. Тартысты кездесулердің қорытындысы бойынша Маңғыстау облыстық көпбейінді ауруханасының құрамасы үздік нәтиже көрсетіп, турнир жеңімпазы атанды. 2-орынды Бейнеу көпбейінді орталық аудандық ауруханасының командасы иеленсе, жүлделі 3-орын Маңғыстау облыстық көпбейінді балалар ауруханасының құрамасына бұйырды. Ал Жаңаөзен қаласының құрама командасы 4-орынға тұрақтады.Турнир қорытындысында жеңімпаз және жүлдегер командалар қаржылай сыйлықтармен, арнайы кубоктармен және медальдармен марапатталды.Сонымен қатар жарыс барысында ерекше шеберлігімен көзге түскен ойыншылар жеке номинациялар бойынша марапатқа ие болды. Атап айтқанда, Сабира Оңдасова «Үздік ойыншы», Жасмина Жұмашева «Үздік байланыстырушы», ал Сапаргүл Қаратаева «Үздік шабуылшы» атанды.

Эксклюзив

Маңғыстауда 3 жұп егіз дүниеге келді

15:57, 15 қараша 2026

Маңғыстауда 3 жұп егіз дүниеге келді

Маңғыстаулық Жантілек Нұртілепұлы дзюдодан әлем чемпионатында өнер көрсетті
Жанкелді Қаржан14:30, 11 қазан 2026

Маңғыстаулық Жантілек Нұртілепұлы дзюдодан әлем чемпионатында өнер көрсетті

Маңғыстаулық суретшілер «рекорд» жасап, 4 метр кенепке сурет салды
Роза Әділханқызы14:34, 24 қыркүйек 2026

Маңғыстаулық суретшілер «рекорд» жасап, 4 метр кенепке сурет салды

Ақшұқыр тұрғыны бағында анар ағашын өсіреді
Роза Әділханқызы14:40, 16 қыркүйек 2026

Ақшұқыр тұрғыны бағында анар ағашын өсіреді

Advertisement

YouTube бейнелер

Карта

Қалай баруға болады

9-й микрорайон, 42/1
Актау, Актау городская администрация

Ең жақын аялдама: 9-й микрорайон д.18 (350 м, 4 мин)

Маршрут құру
Otpan News

Соңғы жаңалықтардан хабардар бол!