Otpan News Logo
Ақтауда дзюдодан Азия ашық кубогының алғашқы күніндегі белдесулер аяқталды
Анонс
Жаңалықты көру →

Ақтауда дзюдодан Азия ашық кубогының алғашқы күніндегі белдесулер аяқталды

OTPANNEWS.KZ. - Ақтау қаласында Маңғыстау облысының Құрметті азаматы Тұрар Жолдыбаевты еске алуға арналған ерлер мен әйелдер арасындағы дзюдодан Азия ашық кубогының алғашқы жарыс күні аяқталды. Халықаралық дзюдо федерациясының (IJF) күнтізбесіне енген турнирге әлемнің жеті елінен 182 спортшы қатысып жатыр.Жарыстың алғашқы күнінде ерлер арасында үш, әйелдер арасында төрт салмақ дәрежесі бойынша жеңімпаздар мен жүлдегерлер анықталды.Қазақстандық Сымбат Тағай 48 келіге дейінгі салмақта күміс жүлдеге қол жеткізді. Ал 52 келіге дейінгі салмақта Гүлхан Шыңғысхан мен Нұрайым Сәрсенбек қола медаль жеңіп алды.Қазақстандық дзюдошылар ерлер арасындағы белдесулерде де жүлделі орындарға ие болды.Азия ашық кубогі 18 қазанда жалғасады. Екінші жарыс күні қалған салмақ дәрежелері бойынша белдесулер өтеді.Жарыстың алғашқы күніндегі жүлдегерлер тізіміЕрлер, -60 кг1. Сұңғат Нұрлатұлы (Қазақстан)2. Алдияр Қарғұлов (Қазақстан)3. Дилшод Миртурсун (Қазақстан)3. Асылхан Зинуллин (Қазақстан)Ерлер, -66 кг1. Ердәулет Бозша (Қазақстан)2. Назыр Талибов (Әзербайжан)3. Рашад Елкиев (Әзербайжан)3. Нұрсұлтан Зайзағалиев (Қазақстан)Ерлер, -73 кг1. Низомиддинхужа Тошпулатов (Өзбекстан)2. Камран Сүлейманов (Әзербайжан)3. Нариман Мирзаев (Әзербайжан)3. Руфат Шовлатов (Әзербайжан)Әйелдер, -48 кг1. Фотимахон Тұрсынбоева (Өзбекстан)2. Сымбат Тағай (Қазақстан)3. Халимажон Құрбонова (Өзбекстан)3. Иянат Жұбатқан (Қазақстан)Әйелдер, -52 кг* 🥇 Диёра Келдиёрова (Өзбекстан)* 🥈 Фарида Мирзаева (Әзербайжан)* 🥉 Гүлхан Шыңғысхан (Қазақстан)* 🥉 Нұрайым Сәрсенбек (Қазақстан)Әйелдер, -57 кг1. Дина Мұханбет (Қазақстан)2. Ульвия Байрамова (Әзербайжан)3. Мұхайё Ахматова (Өзбекстан)3. Гүлнара Байрамова (Әзербайжан)Әйелдер, -63 кг1. Самалай Ерғалиева (Қазақстан)2. Жібек Жайсаңбай (Қазақстан)3. Полина Слесаренко (Беларусь)3. Сарвиноз Хусанова (Өзбекстан).

Author AvatarOtpan News

20:21, 17 қазан 2026

Жарнама бөлімі: +7 (778) 145 90 93

Редакция: +7 (7292) 20 48 42

Маңғыстауда Қазақстанда баламасы жоқ жаңа форматтағы студенттік зерттеу орталығы ашылды
Анонс
AuthorOtpan News
13:47, 17 қазан 2026

Маңғыстауда Қазақстанда баламасы жоқ жаңа форматтағы студенттік зерттеу орталығы ашылды

Студенттерге қаржылық қауіпсіздік ережелері түсіндірілді
Анонс
AuthorГүлсезім Әбдіжәлел
21:42, 16 қазан 2026

Студенттерге қаржылық қауіпсіздік ережелері түсіндірілді

Барлық жаңалықтар
Қасым-Жомарт Тоқаев Камбоджа Премьер-министрімен шағын құрамда келіссөз жүргізді
Жаңалықты көру →
16:38, 17 қазан 2026

Қасым-Жомарт Тоқаев Камбоджа Премьер-министрімен шағын құрамда келіссөз жүргізді

Жаңаөзенде 500 адамға арналған жаңа спорт кешені салынып жатыр
Жаңалықты көру →
16:35, 17 қазан 2026

Жаңаөзенде 500 адамға арналған жаңа спорт кешені салынып жатыр

Ақордада елімізге ресми сапармен келген Камбоджа Корольдігінің Премьер-министрі Хун Манетті қарсы алу рәсімі өтті
Жаңалықты көру →
14:40, 17 қазан 2026

Ақордада елімізге ресми сапармен келген Камбоджа Корольдігінің Премьер-министрі Хун Манетті қарсы алу рәсімі өтті

Азия кубогы: Ақтауда дзюдодан Олимпиада чемпионы өнер көрсетіп жатыр
Жаңалықты көру →
13:35, 17 қазан 2026

Азия кубогы: Ақтауда дзюдодан Олимпиада чемпионы өнер көрсетіп жатыр

Ақтауда балалар хоккей мен мәнерлеп сырғанауды тегін үйрене алады
Жаңалықты көру →
12:56, 17 қазан 2026

Ақтауда балалар хоккей мен мәнерлеп сырғанауды тегін үйрене алады

«Әділет» партиясы ауқымды экологиялық акцияны қорытындылады
Жаңалықты көру →
12:24, 17 қазан 2026

«Әділет» партиясы ауқымды экологиялық акцияны қорытындылады

Жаңа Конституция – балалардың жарқын болашағы мен отбасы құндылықтарының берік кепілі
Жаңалықты көру →
10:15, 17 қазан 2026

Жаңа Конституция – балалардың жарқын болашағы мен отбасы құндылықтарының берік кепілі

Жаңа Конституция туризмді дамытып, елдің халықаралық беделін арттырады
Жаңалықты көру →
09:13, 17 қазан 2026

Жаңа Конституция туризмді дамытып, елдің халықаралық беделін арттырады

Нұрдәулет Қилыбай тұрғындарды жеке мәселелері бойынша қабылдады
Жаңалықты көру →
20:19, 16 қазан 2026

Нұрдәулет Қилыбай тұрғындарды жеке мәселелері бойынша қабылдады

Нұрдәулет Қилыбай Қазақстан Халық Кеңесінің мүшелерімен кездесті
Жаңалықты көру →
17:55, 16 қазан 2026

Нұрдәулет Қилыбай Қазақстан Халық Кеңесінің мүшелерімен кездесті

Мемлекет басшысы Қазақстанның сирек кездесетін жануарларды сақтау мен көбейту жолындағы күш-жігеріне тоқталды
Жаңалықты көру →
17:53, 16 қазан 2026

Мемлекет басшысы Қазақстанның сирек кездесетін жануарларды сақтау мен көбейту жолындағы күш-жігеріне тоқталды

Президент: «Таза Қазақстан» акциясы жалпыұлттық идеологияға айналып келеді
Жаңалықты көру →
17:51, 16 қазан 2026

Президент: «Таза Қазақстан» акциясы жалпыұлттық идеологияға айналып келеді

Ақтауда жаңа архивтік жинақ жарық көрді
Жаңалықты көру →
17:49, 16 қазан 2026

Ақтауда жаңа архивтік жинақ жарық көрді

Қазақстанда құрылыс жұмыстарының көлемі артты
Жаңалықты көру →
16:50, 16 қазан 2026

Қазақстанда құрылыс жұмыстарының көлемі артты

Маңғыстауда IV облыстық «Жас турист» слеті өтті
Жаңалықты көру →
16:46, 16 қазан 2026

Маңғыстауда IV облыстық «Жас турист» слеті өтті

Ақтауда дзюдодан Азия кубогында Олимпиада чемпионы күреседі
Жаңалықты көру →
16:37, 16 қазан 2026

Ақтауда дзюдодан Азия кубогында Олимпиада чемпионы күреседі

Жаңаөзендегі жол құрылысы кезінде бірқатар кемшілік анықталды
Жаңалықты көру →
16:13, 16 қазан 2026

Жаңаөзендегі жол құрылысы кезінде бірқатар кемшілік анықталды

Ақтауда ертең ауыл шаруашылығы өнімдерінің жәрмеңкесі өтеді
Жаңалықты көру →
15:51, 16 қазан 2026

Ақтауда ертең ауыл шаруашылығы өнімдерінің жәрмеңкесі өтеді

Нан күні: Маңғыстау облысы нан өнімдерін тұтыну көрсеткіші бойынша соңғы орында
Жаңалықты көру →
14:36, 16 қазан 2026

Нан күні: Маңғыстау облысы нан өнімдерін тұтыну көрсеткіші бойынша соңғы орында

Ақтаудағы зауыт күніне 25 мыңнан астам нан пісіреді
Жаңалықты көру →
11:50, 16 қазан 2026

Ақтаудағы зауыт күніне 25 мыңнан астам нан пісіреді

Advertisement
Маңғыстау жаңалықтары
Ақтауда дзюдодан Азия ашық кубогының алғашқы күніндегі белдесулер аяқталды
Жаңалықты көру →
AuthorOtpan News
20:21, 17 қазан 2026

Ақтауда дзюдодан Азия ашық кубогының алғашқы күніндегі белдесулер аяқталды

OTPANNEWS.KZ. - Ақтау қаласында Маңғыстау облысының Құрметті азаматы Тұрар Жолдыбаевты еске алуға арналған ерлер мен әйелдер арасындағы дзюдодан Азия ашық кубогының алғашқы жарыс күні аяқталды. Халықаралық дзюдо федерациясының (IJF) күнтізбесіне енген турнирге әлемнің жеті елінен 182 спортшы қатысып жатыр.Жарыстың алғашқы күнінде ерлер арасында үш, әйелдер арасында төрт салмақ дәрежесі бойынша жеңімпаздар мен жүлдегерлер анықталды.Қазақстандық Сымбат Тағай 48 келіге дейінгі салмақта күміс жүлдеге қол жеткізді. Ал 52 келіге дейінгі салмақта Гүлхан Шыңғысхан мен Нұрайым Сәрсенбек қола медаль жеңіп алды.Қазақстандық дзюдошылар ерлер арасындағы белдесулерде де жүлделі орындарға ие болды.Азия ашық кубогі 18 қазанда жалғасады. Екінші жарыс күні қалған салмақ дәрежелері бойынша белдесулер өтеді.Жарыстың алғашқы күніндегі жүлдегерлер тізіміЕрлер, -60 кг1. Сұңғат Нұрлатұлы (Қазақстан)2. Алдияр Қарғұлов (Қазақстан)3. Дилшод Миртурсун (Қазақстан)3. Асылхан Зинуллин (Қазақстан)Ерлер, -66 кг1. Ердәулет Бозша (Қазақстан)2. Назыр Талибов (Әзербайжан)3. Рашад Елкиев (Әзербайжан)3. Нұрсұлтан Зайзағалиев (Қазақстан)Ерлер, -73 кг1. Низомиддинхужа Тошпулатов (Өзбекстан)2. Камран Сүлейманов (Әзербайжан)3. Нариман Мирзаев (Әзербайжан)3. Руфат Шовлатов (Әзербайжан)Әйелдер, -48 кг1. Фотимахон Тұрсынбоева (Өзбекстан)2. Сымбат Тағай (Қазақстан)3. Халимажон Құрбонова (Өзбекстан)3. Иянат Жұбатқан (Қазақстан)Әйелдер, -52 кг* 🥇 Диёра Келдиёрова (Өзбекстан)* 🥈 Фарида Мирзаева (Әзербайжан)* 🥉 Гүлхан Шыңғысхан (Қазақстан)* 🥉 Нұрайым Сәрсенбек (Қазақстан)Әйелдер, -57 кг1. Дина Мұханбет (Қазақстан)2. Ульвия Байрамова (Әзербайжан)3. Мұхайё Ахматова (Өзбекстан)3. Гүлнара Байрамова (Әзербайжан)Әйелдер, -63 кг1. Самалай Ерғалиева (Қазақстан)2. Жібек Жайсаңбай (Қазақстан)3. Полина Слесаренко (Беларусь)3. Сарвиноз Хусанова (Өзбекстан).

Маңғыстауда Қазақстанда баламасы жоқ жаңа форматтағы студенттік зерттеу орталығы ашылды
Жаңалықты көру →
AuthorOtpan News
13:47, 17 қазан 2026

Маңғыстауда Қазақстанда баламасы жоқ жаңа форматтағы студенттік зерттеу орталығы ашылды

OTPANNEWS.KZ. - 17 қазанда Ақтауда Bilim Science студенттік зерттеу орталығы ашылды. Ашылу салтанатына Маңғыстау облысының әкімі Нұрдәулет Қилыбай, ғалымдар мен зиялы қауым өкілдері қатысты. Орталықтың негізгі мақсаты - жас зерттеушілердің ғылыми және шығармашылық әлеуетін арттыру, ғылыми жобаларды қолдау арқылы өңірдің әлеуметтік-экономикалық дамуына үлес қосу. Ашылу рәсімінде саяси ғылымдар докторы, профессор, Тарих және қоғамдық ғылымдар академиясының академигі Киікбай Жаулин сөз сөйлеп, жаңа орталықтың білім мен ғылымды дамытудағы маңызын атап өтті. «Мемлекет басшысы Қасым-Жомарт Тоқаев халыққа арнаған Жолдауында жаңа технологиялық білімді меңгеруге ерекше мән беру қажеттігін, осындай орталықтардың әр өңірде ашылуы керек екенін атап өтті. Білім бар жерде ғылым бар, ғылым бар жерде білім бар. Өңір басшысы Нұрдәулет Игіліқұлының жастарды қолдауға, білім мен ғылымды дамытуға бағытталған бастамаларға ерекше көңіл бөліп отырғанын атап өткен жөн. Алдағы уақытта мұнда ғалымдар, ғылым докторлары, профессорлар мен академиктер бас қосып, жастардың ғылыми әлеуетін арттыруға үлес қосады деп сенемін», - деді Киікбай Жаулин. Жалпы ауданы 3 мың шаршы метрлік бес қабатты ғимарат 250 адамға арналған. Мұнда 15 оқу кабинеті, заманауи конференц-залдар, асхана және өңірлерден келетін жас зерттеушілерге арналған 20 орындық қонақүй үлгісіндегі жатын орын қарастырылған. Орталықтағы оқу бағдарламалары тегін жүргізіледі. Орталық бакалавриат студенттеріне, магистранттар мен PhD докторанттарға арналған. Мұнда жастар ғылыми жобаларын әзірлеп, стартаптарын дамытып, жаңа идеяларын тәжірибе жүзінде сынай алады. Сонымен қатар студенттердің жобаларын инвесторларға таныстыруға және оларды нақты нәтижеге бағыттауға мүмкіндік бар. Bilim Science студенттік зерттеу орталығы жаратылыстану-техникалық, әлеуметтік-гуманитарлық және педагогикалық-шығармашылық бағыттар бойынша жұмыс істейді. Орталық қызметінің негізгі бағыттарына республикалық және халықаралық конференциялар, ғылыми-шығармашылық форумдар, интеллектуалдық академиялық сайыстар мен марафондар ұйымдастыру кіреді. Сондай-ақ үздік жобалар мен стартаптарды қолдауға арналған акселерациялық бағдарламалар өткізіліп, жас зерттеушілерге стипендиялық қолдау көрсету жүйесі жетілдіріледі. Бұдан бөлек, мектеп оқушыларының ғылымға қызығушылығын арттыруға және әлеуметтік осал топтарға жататын жастарды қолдауға бағытталған бағдарламалар жүзеге асырылады. Орталық директоры Марат Ұлықпановтың айтуынша, алдағы уақытта ғылыми ынтымақтастықты кеңейту, ғалымдар мен академиктерді шақырып, тәжірибе алмасу алаңдарын ұйымдастыру жоспарланып отыр. Сонымен қатар еліміздің ірі қалаларындағы жетекші жоғары оқу орындарының ғалымдарымен байланыс орнатып, болашақта шетелдік ғалымдарды да орталық жұмысына тарту көзделген.

Азия кубогы: Ақтауда дзюдодан Олимпиада чемпионы өнер көрсетіп жатыр
Жаңалықты көру →
AuthorOtpan News
13:35, 17 қазан 2026

Азия кубогы: Ақтауда дзюдодан Олимпиада чемпионы өнер көрсетіп жатыр

OTPANNEWS.KZ. - Ақтауда Тұрар Жолдыбаевты еске алуға арналған дзюдодан Азияның ашық кубогы басталды. Турнирдің алғашқы жарыс күнінде Париж Олимпиадасының чемпионы, Өзбекстан өкілі Диера Келдиерова да татамиге шықты. 52 келіге дейінгі салмақ дәрежесінде өнер көрсететін танымал дзюдошы екі жылдық үзілістен кейін алғаш рет жарысқа қатысып отыр. Ол алғашқы белдесуінде қазақстандық Нұрайлым Сәрсенбекпен кездесті. Ширек финалдық белдесуде өзбекстандық спортшы әуелі юко бағасын еншілеп, кейін қарсыласынан айқын басым түсіп, жартылай финалға жолдама алды. Енді Диера Келдиерова финалға шығу үшін Қазақстан құрамасының тағы бір өкілі Гүлхан Шыңғысханмен белдеседі. Ал финалға шыққан жағдайда кубок иегері атағын Өзбекстан мен Әзербайжан өкілдері арасындағы белдесудің жеңімпазымен сарапқа салады. Айта кетейік, Диера Келдиерова Париж Олимпиадасында сенсациялық жеңіске жеткен болатын. Ол жарыстың алғашқы белдесуінде Токио Олимпиадасының чемпионы, бірнеше дүркін әлем чемпионатының жеңімпазы, жапониялық Ута Абэні иппон бағасымен жеңіп, дзюдо әлемін таңғалдырған еді. Дәстүрлі кубок бәсекесіне әлемнің жеті елінен 182 дзюдошы қатысып жатыр. Олардың қатарында Қазақстан ұлттық құрамасының бірнеше өкілі де бар.

Студенттерге қаржылық қауіпсіздік ережелері түсіндірілді
Жаңалықты көру →
AuthorГүлсезім Әбдіжәлел
21:42, 16 қазан 2026

Студенттерге қаржылық қауіпсіздік ережелері түсіндірілді

OTPANNEWS.KZ - Ш.Есенов атындағы Каспий технологиялар және инжиниринг университетінің студенттері үшін «FinSafe» жобасы аясында интерактивті сабақ өтті. Шараны Қаржылық мониторинг агенттігінің Маңғыстау облысы бойынша Экономикалық тергеп-тексеру департаментінің еріктілері ұйымдастырды.Шара барысында еріктілер қаржылық пирамидалар, дропперлік және интернет-алаяқтықтан қорғану жолдары туралы айтты. Студенттер өзін қаржылық тәуекелдерден қалай қорғауға болатыны және қаскөйлердің арбауына түсіп қалмау туралы пайдалы ақпарат алды.Бастама еріктілер қозғалысын қолдауға, жастардың қаржылық сауаттылығын арттыруға және қаржылық құқық бұзушылықтардың алдын алуға бағытталған.

Нұрдәулет Қилыбай тұрғындарды жеке мәселелері бойынша қабылдады
Жаңалықты көру →
AuthorOtpan News
20:19, 16 қазан 2026

Нұрдәулет Қилыбай тұрғындарды жеке мәселелері бойынша қабылдады

OTPANNEWS.KZ. - 16 қазанда Маңғыстау облысының әкімі Нұрдәулет Қилыбай Ақтау қаласындағы Азаматтарды қабылдау орталығында тұрғындарды жеке мәселелері бойынша қабылдады.Қабылдау барысында тұрғындар жұмыспен қамту, тұрғын үй, әлеуметтік қолдау, денсаулық сақтау, жер қатынастары, мал шаруашылығы және басқа да өзекті мәселелер бойынша өтініштерін жеткізді.Өңір басшысы әрбір өтінішті мұқият тыңдап, көтерілген мәселелерді шешу жолдарын қарастырды. Тиісті мемлекеттік органдардың, қала және аудан әкімдіктерінің басшыларына өтініштерді жан-жақты зерделеп, заңнама аясында тиісті шаралар қабылдау жөнінде нақты тапсырмалар берді.Сондай-ақ жауапты тұлғаларға өтініштердің қаралу барысын бақылауда ұстап, тұрғындарға қабылданған шешімдер мен атқарылған жұмыстар туралы уақтылы ақпарат беруді тапсырды.

Нұрдәулет Қилыбай Қазақстан Халық Кеңесінің мүшелерімен кездесті
Жаңалықты көру →
AuthorOtpan News
17:55, 16 қазан 2026

Нұрдәулет Қилыбай Қазақстан Халық Кеңесінің мүшелерімен кездесті

OTPANNEWS.KZ. - Бүгін, 16 қазанда Маңғыстау облысының әкімі Нұрдәулет Қилыбай өңірден Қазақстан Халық Кеңесінің құрамына енген мүшелермен кездесті. Кездесу барысында өңірдегі өзекті мәселелер, оларды шешу жолдары және алдағы міндеттер талқыланды. Бұл туралы Маңғыстау облысы әкімінің баспасөз қызметі хабарлады.Өңір басшысы Халық Кеңесі мүшелерінің қоғамдық маңызы бар бастамаларды жүзеге асырудағы рөліне тоқталып, алдағы жұмыстарына сәттілік тіледі. Сондай-ақ қоғамдағы рухани құндылықтарды дәріптеу және азаматтардың қоғаммен байланысын жандандырудың маңызын атап өтті.Осы орайда Нұрдәулет Қилыбай тұрғындар арасында ағартушылық жұмыстарын жүргізуге, қоғамның өзекті сұрақтарын талқылап, азаматтарды толғандырған мәселелерге назар аударатын іс-шараларды ұйымдастыруды ұсынды. Айта кетейік, Қазақстан Халық Кеңесінің құрамына 126 адам енді. Олардың қатарында Маңғыстау облысының атынан «Саламатты Ел» қоғамдық қорының мүшесі Еділ Жаңбыршин, «Eco-social» қоғамдық бірлестігінің мүшесі, журналист Алмас Алтай, мәслихат депутаты Раушан Аймұрзаева, облыстық Қоғамдық кеңестің төрағасы Бекмұрат Жүсіпов және «ЭкоМаңғыстау» үкіметтік емес мекемесінің директоры Кирилл Осин бар.

Ақтауда жаңа архивтік жинақ жарық көрді
Жаңалықты көру →
AuthorГүлсезім Әбдіжәлел
17:49, 16 қазан 2026

Ақтауда жаңа архивтік жинақ жарық көрді

OTPANNEWS.KZ - Жыршы Сәттіғұл Жанғабылұлының 150 жылдығына орай «Халық ақыны, жыршы Сәттіғұл Жанғабылұлы (1876-1966 жж.)» жаңа жинағының тұсаукесер рәсімі өтті.Сәттіғұл Жанғабылұлы - Маңғыстау топырағында туып-өскен көрнекті халық ақыны, жыраулық-жыршылық дәстүрді жалғастырушы бірегей тұлға. Ол өңірде алғашқылардың бірі болып «Қазақ КСР-нің халық ақыны» құрметті атағына ие болып, КСРО Жазушылар одағына мүшелікке қабылданған. Ақын өз толғаулары мен арнауларында ел бірлігін, адалдық пен адамгершілікті дәріптеп, Маңғыстаудың бай әдеби мұрасын келер ұрпаққа жеткізуге зор үлес қосты.Маңғыстау облысының мемлекеттік архиві ұйымдастырған салтанатты жиынға қоғам қайраткерлері, ғалымдар, ардагерлер, зиялы қауым өкілдері мен ақынның ұрпақтары қатысты.Іс-шара барысында ақынның өміріне арналған арнайы бейнеролик көрсетіліп, құттықтау сөздер айтылды. Көлемді жинақты оқырмандарға оның құрастырушы-авторы, Маңғыстау облысының мемлекеттік архивінің бас сарапшысы Құралай Себепбаева таныстырды.Ресми жиында Сәттіғұл Жанғабылұлы туралы естеліктер айтылып, баяндамалар оқылды. Жазушы, өлкетанушы Кенжебек Сержанұлы да өз ойымен бөлісті.«Қазақ әдебиеті мен мәдениетінде ерекше орын алатын ақындардың арасында Сәттіғұл атамыздың есімі әрдайым құрметпен аталады. Сәттіғұл Жанғабылұлының халық арасындағы асыл мұрасы күн өткен сайын биікке көтеріліп келеді. Ақынның мерейтойы республикалық деңгейде аталып өтіп жатқанына өте қуаныштымыз. Осындай бірегей тұлғаның өмірі мен шығармашылығы тек Маңғыстауда ғана шектелмей, күллі Қазақстанға кеңінен жария болса, өзіне лайық шынайы бағасын алған болар еді», - деді жазушы, өлкетанушы Кенжебек Сержанұлы.

Ақтауда дзюдодан Азия кубогында Олимпиада чемпионы күреседі
Жаңалықты көру →
AuthorOtpan News
16:37, 16 қазан 2026

Ақтауда дзюдодан Азия кубогында Олимпиада чемпионы күреседі

OTPANNEWS.KZ. - Ақтауда дзюдодан Тұрар Жолдыбаевты еске алуға арналған Азияның ашық кубогы өтеді. Дәстүрлі турнир қарсаңында Қазақстан дзюдо федерациясы өкілдерінің қатысуымен баспасөз мәслихаты ұйымдастырылып, жарыстың маңызы мен алдағы жоспарлар талқыланды. ҚР дзюдо федерациясының бас хатшысы Айбек Имашевтің айтуынша, турнир Халықаралық дзюдо федерациясының күнтізбесіне енгізілген. Биыл татамиге жеті елдің спортшылары шығып, белдесулерге халықаралық дәрежедегі 13 төреші төрелік етеді. «Бұл жарыс ұлттық құрама спортшылары үшін тәжірибе жинауға және халықаралық рейтингтік ұпай алуға үлкен мүмкіндік береді. Турнирде жақсы нәтиже көрсеткен дзюдошылардың алдағы халықаралық жарыстарға қатысуына жол ашылады. Сонымен қатар, Азия кубогының Ақтауда өтуі Маңғыстау облысының спорттық әлеуетін танытып, туризмді дамытуға да ықпал етеді», - деді Айбек Имашев. Қазақстан құрамасының жаттықтырушысы Ғайнулла Есенғалиев жарыстың ел чемпионатында көзге түскен спортшылар үшін маңызды мүмкіндік екенін атап өтті. Оның сөзінше, бұл додада ұлттық құраманың резервіндегі дзюдошылар да өз мүмкіндіктерін сынап, халықаралық тәжірибе жинайды. Турнирдің тағы бір ерекшелігі – ересектер арасындағы бәсекеде 2028 жылғы Олимпиада ойындарына қажетті рейтингтік ұпайлардың сарапқа салынуы болып отыр. Азия кубогында бірінші орын алған спортшыға 100, екінші орынға 70, үшінші орынға 50 ұпай беріледі. Жүлдегерлерге ақшалай сыйақы емес, медальдар мен сертификаттар табысталады. Ұйымдастырушылардың мәліметінше, Тұрар Жолдыбаев атындағы турнирдің тарихы 2009 жылдан басталады. Ал 2018 жылдан бастап жарыс Азия кубогы мәртебесіне ие болып, халықаралық күнтізбеге енген. Айта кететін жайт, биылғы сында Париж Олимпиадасының чемпионы, өзбекстандық Диера Келдиерова (52 кг) мен Рио Олимпиадасының күміс жүлдегері, әзірбайжандық Элмар Гасимов (-100 кг) сынға түседі. «Сенбі күні Олимпиада чемпионы Диера Келдиерова татамиге шығады. Ол рейтингтегі жоғары тұрғандықтан, ол бірінші кездесуінде айналымда бос. Іріктеудегі екі спортшы қыздың қай жеңгенімен бірде күреседі. Жалпы ол спортшының Ақтау қаласындағы турнирді таңдағаны біз үшін үлкен құрмет. Жас спортшыларымыз Диераның күресін тамашалап, жігерленеді деген ойдамын. Біздің спортшылар үшін де осындай әлемдік деңгейдегі спортшылардың келуі үлкен мотивация. Сонымен бірге, -100 келіде Рио Олимпиадасының күміс жүлдегері Элмар Гасымов өнер көрсетеді. Одан бөлек әлемдік Гран-при, Гранд Слам жарыстарында өнер көрсететін спортшылардың күресіне куә боламыз», - деді Айбек Имашев. Сондай-ақ, баспасөз мәслихатында турнирді болашақта Гран-при деңгейіне көтеру мүмкіндігінің жайы да айтылды. Ұйымдастырушылардың айтуынша, Ақтауда мұндай халықаралық жарыстарды өткізуге қажетті инфрақұрылым бар. Дегенмен, бұл бастаманы жүзеге асыру үшін федерациялардың қолдауы мен дайындық жұмыстары қажет.

Жаңаөзендегі жол құрылысы кезінде бірқатар кемшілік анықталды
Жаңалықты көру →
AuthorOtpan News
16:13, 16 қазан 2026

Жаңаөзендегі жол құрылысы кезінде бірқатар кемшілік анықталды

OTPANNEWS.KZ. - «Жол активтері сапасының ұлттық орталығы» РМК Маңғыстау облыстық филиалы Жаңаөзен қаласының Теңге ауылында автомобиль жолдарын салу жұмыстарының сапасын тексеру барысында бірқатар кемшілікті анықтады.Атап айтқанда, А. Жұбанов көшесінің ПК 03+00 учаскесінде асфальтбетон жабынының қалыңдығы жобада көзделген 6 см орнына 4 см болған. Сондай-ақ, осы көшедегі 74-үйдің маңында жол жиегінде бойлық жарықтар анықталды.Сонымен қатар, Қоробайұлы көшесіндегі 53–66-үйлер аралығында жолға шығу кезінде жол-көлік оқиғаларының туындау қаупін арттыратын люктердің талапқа сай орнатылмағаны және бір люктің қақпағы жоқ екені тіркелді. Ал осы көшенің 66-үйі маңында асфальтбетон жабынында каток іздері байқалды.«Біздің міндетіміз — жол жұмыстарын жүргізу кезіндегі заңбұзушылықтарды анықтап қана қоймай, олардың жойылуын да бақылау. Жол жабынының сенімділігі осыған байланысты болғандықтан жол-құрылыс материалдарының сапасына және нормативтік талаптардың сақталуына ерекше назар аударамыз», — деп атап өтті «Жол активтері сапасының ұлттық орталығы» РМК Маңғыстау облыстық филиалының өкілдері.Жол активтерінің сапасын бақылау және анықталған кемшіліктердің жойылуын қадағалау жұмыстары жалғасады.

Ақтауда ертең ауыл шаруашылығы өнімдерінің жәрмеңкесі өтеді
Жаңалықты көру →
AuthorOtpan News
15:51, 16 қазан 2026

Ақтауда ертең ауыл шаруашылығы өнімдерінің жәрмеңкесі өтеді

OTPANNEWS.KZ.- Ақтау қаласында 17 қазан күні «Дала дәмі» республикалық акциясы аясында жергілікті ауыл шаруашылығы өнімдерінің жәрмеңкесі ұйымдастырылады.Жәрмеңкеде көкөністер мен жемістер, ет және сүт өнімдері, жұмыртқа, бал, нан-тоқаш өнімдері және басқа да азық-түлік өнімдері ұсынылады.Өтетін күні: 17 қазанБасталуы: 09:00Өтетін орны: 36-шағын аудан, «Көтерме сауда тарату орталығы» аумағы.

Ақтаудағы зауыт күніне 25 мыңнан астам нан пісіреді
Жаңалықты көру →
AuthorГүлсезім Әбдіжәлел
11:50, 16 қазан 2026

Ақтаудағы зауыт күніне 25 мыңнан астам нан пісіреді

«Мағаш нан» зауыты - Ақтауда нан пісіретін ірі кәсіпорын. Өндірісте күніне 25 мыңнан астам нан, 5 мыңдай кондитерлік өнім өндіріледі. Жаңа піскен нан мен дәмді өнімдердің дайындалуы барысы және наубайшылардың еңбегімен otpannews.kz сайтының түсірілім тобы танысып қайтты.16 қазан - Дүниежүзілік нан күні. Мерекеге орай өндіріс орнына барып, нанның дүкен сөрелеріне дейінгі дайындалу кезеңіне куә болдық. Қазіргі таңда кәсіпорында 220 адам қызмет етеді. Мұнда нанның 100-ден астам түрі мен кондитерлік өнімнің 80-нен астам түрі бар. Кәсіпорын тәулік бойы жұмыс істейді.«Зауыт заманауи үлгідегі құрал-жабдықтармен жабдықталған. Өнімдер Италия, Германия елінен келген аппараттармен дайындалады. Біз нан мен кондитерлік өнімдердің сапасына қатаң мән береміз. Оның ішінде арнайы нан өнімдеріне арналған ашытқы мен қайнатпа қолдан жасалады», - деді зауыттың техникалық қызметкері Дәулет Мылтықбай.Өндіріс орны Маңғыстау облысының елді мекендерін де нанмен қамтамасыз етеді. Сонымен қатар макарон өнімдері Түрікменстан еліне экспортталады. Кәсіпорын алдағы уақытта өндіріс ауқымын кеңейтіп, сыртқы нарықтағы үлесін арттыруды көздеп отыр.

Маңғыстаулық студент қант диабеті бар жандарға арналған өнім ұсынды
Жаңалықты көру →
AuthorГүлсезім Әбдіжәлел
10:39, 16 қазан 2026

Маңғыстаулық студент қант диабеті бар жандарға арналған өнім ұсынды

OTPANNEWS.KZ - Маңғыстау туризм колледжінің 1 курс студенті Айдана Изимова кондитерлік саладағы «Эко маффин» атты жаңа инновациялық жоба әзірледі. Кондитер мамандығында білім алып жатқан жас талапкердің бұл бастамасы денсаулыққа пайдалы әрі баламалы тәттілерді өндіруге бағытталған.Жобаның басты мақсаты - қант диабеті бар жандардың тамақтану ерекшеліктері мен қажеттіліктерін ескере отырып, құрамы мұқият таңдалған кондитерлік өнім ұсыну. Өндіріс барысында дәстүрлі ақ ұн мен қанттың орнына бадам және кокос ұны сияқты сапалы, калориясы төмен әрі пайдалы ингредиенттер қолданылған. Сондай-ақ бұл жоба студенттердің кәсіби құзыреттілігін арттыруға, заманауи технологияларды тәжірибеде тиімді қолдануға жол ашады.Айта кетейік, колледжде жыл сайын «Startup» жобасы ұйымдастырылады. Іс-шарада үздік жұмыс ұсынған студенттердің жобалары қолдау тауып, «Мен - кәсіпкермін» немесе Оқу-ағарту министрлігінің ұйымдастыруымен өтетін гранттық турнирлер мен конкурстарға жіберіледі.

Спорт
Қазақстан балуандары әлем чемпионатында үздік нәтижеге қол жеткізді
Жаңалықты көру →
AuthorЖанкелді Қаржан
10:14, 14 қазан 2026

Қазақстан балуандары әлем чемпионатында үздік нәтижеге қол жеткізді

OTPANNEWS.KZ. - Күрес түрлерінен АҚШ-тың Лас-Вегас қаласында өтіп жатқан 23 жасқа дейінгі әлем чемпионатында Қазақстан қоржынына қос бірдей алтын медаль иеленді. Спортты дамыту дирекциясының дерегінше, 60 келіде сынға түскен Айбек Айтбеков финалда дәл осы санат бойынша фаворит саналған әрі әлем чемпионы Елмир Алиевті (Әзірбайжан) 13:4 есебімен жеңіп, жаһандық додадағы алғашқы алтынды алып берді. Бұған дейін отандасымыз мамыр айында U23 санатында Азия чемпионы атағын да иеленген еді.72 келіде күрескен Юсуф Ашрапов та финалда Армения балуаны Гаспар Тертерянмен белдесіп, 4:3 есебімен камбэк жасап кетті. Бір ерекшелігі Армения өкілі бұған дейін U17 және U20 санатындағы жаһандық додада отандасымыздан басым түсіп, топ жарған еді.Одан бөлек, 87 келідегі Темірлан Тұрдақын да алтын жүлдеге таласуға мүмкіндік алды. Жерлесіміз ақтық сында ересектер арасында Азия чемпионатының күміс жүлдегері саналатын Ясин Әли Яздимен (Иран) өзара мықтыны анықтайды.Ал 130 келідегі Джохар Узаров қола жүлде үшін күреседі.Айта кетейік, 2017 жылдан бері тұрақты түрде өтіп келе жатқан U23 санатындағы әлем чемпионатында бұған дейін грек-рим күресінен 2023 жылы Сұлтан Әсетұлы ғана топ жарған болатын.

Роберт Мшвидобадзе: Біздің басты мәселеміз – спортшыларға сенімділіктің жетіспеуі
Жаңалықты көру →
AuthorЖанкелді Қаржан
13:46, 9 қазан 2026

Роберт Мшвидобадзе: Біздің басты мәселеміз – спортшыларға сенімділіктің жетіспеуі

Баку. OTPANNEWS.KZ - Қазақстан ұлттық құрамасының жаттықтырушы-консультанты Роберт Мшвидобадзе отандық дзюдошылардың әлем чемпионатындағы әлеуетіне шолу жасады. Оның пікірінше, спортшылардың өз күшіне деген сенімін арттырып, ішкі бәсекелестікті күшейту қажет. Маман әйелдер дзюдосының қазіргі деңгейіне, жас балуандардың мүмкіндігіне және ұлттық құраманың болашағына қатысты ойымен бөлісті. - Қазақстан дзюдосының қазіргі деңгейін қалай бағалайсыз? Құраманың нәтижелеріне көңіліңіз тола ма? - Өздеріңіз де байқап жүрсіздер, біз біртіндеп өсіп, алға жылжып келеміз. Қазақстанда бұл жұмысты енді ғана бастап жатырмыз. Соған қарамастан, ілгерілеу бар екенін көріп отырмын. Спортшыларымыз көп жаттығады, олардың әлеуеті де жоғары. Шын мәнінде, бізде өте мықты балуандар бар. Сондықтан алдағы уақытта жақсы нәтижелерге қол жеткізе алатынымызға сенемін. - Дегенмен, кейбір шешуші белдесулерде жеңіліп қалып жатамыз. Бұған не себеп? - Қазір біздің ең басты әрі ең үлкен мәселеміз – спортшыларға сенімділіктің жетіспеуі. Олар кейде қарсыластары өздерінен мықты деп ойлайды. Бұл - үлкен қателік. Әрине, халықаралық жарыстарда бәсекелестік жоғары. Бірақ қарсыластың мықтылығын мойындау мен одан қорқудың арасы екі бөлек. Спортшы өз мүмкіндігіне сеніп, татамиге жеңіске жету үшін шығуы керек.Өз күштеріне деген сенімділікті қалыптастыра алсақ, нәтижеміз де жақсарады. Өздеріңіз де көріп жүрсіздер, біз біртіндеп өсіп келеміз. Осы сенімділікті толық қалыптастырсақ, көп ұзамай жақсы нәтижелерге қол жеткіземіз. - Соңғы уақытта финалдық белдесулерде де жеңілістер болды. Бұл нені аңғартады?- Соңғы аптада ғана алты финалда жеңіліп қалдық. Бұл, әрине, жақсы нәтиже емес. Бізде әлі де жұмыс істейтін тұстар көп. Ұмтылатын белестеріміз де аз емес. Бірақ финалға дейін жетудің өзі спортшының белгілі бір деңгейге көтерілгенін көрсетеді. Ендігі міндет – шешуші сәттерде жеңіске жетуді үйрену. Ол үшін техникалық және тактикалық дайындықпен қатар, психологиялық тұрғыдан да мықты болу қажет. - Әйелдер дзюдосындағы бәсекелестік деңгейі туралы не айтасыз? Әсіресе ауыр салмақ дәрежелерінде жағдай қалай? - Қазір әйелдер дзюдосында ішкі бәсекелестік жеткіліксіз деп есептеймін. Жалпы, бұл бағытта әлі де атқаратын жұмыс көп. Дегенмен, жас қыздардың қатарға қосылып, жаттығып, бар күшін салып жүргені қуантады. Олардың дамуына мүмкіндік беруіміз керек. Мысалы, Азия ойындарында әйелдер құрамасы жақсы нәтиже көрсетті деп ойлаймын. Екі күміс және екі қола медаль жеңіп алдық. Командалық жарыста да қыздарымыз жақсы күресті. Мұның өзі белгілі бір ілгерілеудің бар екенін көрсетеді. - Жас спортшылардың өсіп-жетілуі үшін не қажет? - Ең алдымен, уақыт қажет. Жаңа жүйе қалыптасып жатқан кезде бірден нәтиже талап ету оңай емес. Әрине, мен де бәрін бірден қалаймын. Барлық жарыста жеңіске жетіп, алтын медальдарды бірден алғым келеді. Бірақ дзюдо – өте күрделі спорт түрі. Әлемде 184 елдің спортшылары дзюдомен айналысады. Бәсекелестік өте жоғары, әр елдің балуандары жақсы дайындалып, барын салады. Сондықтан спортшыны да, құраманы да кезең-кезеңімен дамыту керек. Жас балуандар тәжірибе жинап, халықаралық жарыстарда шыңдалуы тиіс. - Бүгін әлем чемпионатында күресіп, алғашқы айналымда сүрінген Аруна Жангелдинаның өнеріне қандай баға бересіз?- Аруна жаман күрескен жоқ. Дегенмен, әзірге мұндай ірі жарыстарға толық дайын емес деп ойлаймын. Оған әлі де тәжірибе жинау қажет. Жас спортшылардың дамуы бірден жүзеге аспайды. Сондықтан оларға уақыт беріп, жүйелі түрде жұмыс істеуіміз керек. - Алдағы әлем чемпионатында Қазақстан құрамасынан қандай нәтиже күтесіз?- Алдағы әлем чемпионатында жақсы нәтиже көрсетеміз деп ойлаймын. Қазақстан бұрын-соңды әлем чемпионаттарында қол жеткізген нәтижелерінен де жоғары көрсеткішке жетеді деп сенемін. Біздің спортшыларымыздың әлеуеті жеткілікті. Ең бастысы – өз күштеріне сеніп, дайындық барысында атқарған жұмыстарын татамиде көрсете білу. - Демек, Қазақстан дзюдосының басты мақсаты – спортшылардың өзіне деген сенімін арттыру ма? - Иә, бұл - ең маңызды мәселелердің бірі. Құрамадағы әр спортшыны көрген сайын оның қалай күресетінін білемін. Біздің жігіттер өте көп жаттығады, олардың мүмкіндіктері жоғары. Бірақ кейде өздерін қарсыластарынан төмен бағалайды. Спортшы өзіне сенуі керек. Егер біз осы сенімділікті қалыптастыра алсақ, жақсы нәтижелерге қол жеткіземіз. Қазақстан дзюдошыларының көптеген алтын медаль жеңіп ала алатынына сенімдімін. Біздің қолымыздан келеді. Ол үшін жүйелі еңбек етіп, алға қарай ұмтылуымыз қажет.

Ақтауда республикалық командалық шахмат турнирі өтті
Жаңалықты көру →
AuthorГүлсезім Әбдіжәлел
10:31, 9 қазан 2026

Ақтауда республикалық командалық шахмат турнирі өтті

OTPANNEWS.KZ - №31 ЖББМ базасында «Келешек мектептері» оқушылары арасында республикалық командалық шахмат турнирінің аймақтық іріктеу кезеңіне аудан, қала бойынша 9 командадан, 36 оқушы қатысты.Турнирдің негізгі мақсаты – «Келешек мектептері» оқушылары үшін бірыңғай ұлттық шахмат алаңын қалыптастыру, олардың интеллектуалдық қабілеттерін, стратегиялық ойлауын және командалық жұмыс дағдыларын дамыту, сондай-ақ оқушылар арасында шахматты кеңінен насихаттау.Турнирдің ашылуында Маңғыстау облыстық дене тәрбиесі және туризм орталығы директорының орынбасары Али Қабаков құттықтау сөз сөйлеп, қатысушыларға сәттілік тіледі. Жарыста №31 жалпы білім беретін мектептің директоры Ескендір Кумбаев және турнирдің бас төрешісі, Маңғыстау облысы Шахмат федерациясының бапкері Капаров Азамат тілектерін білдірді.Үздіктер қатарында:I орынды – Ақтау қаласы, №31 жалпы білім беретін мектебі; II орынды– Ақтау қаласы, №35 жалпы білім беретін мектебі;III орын – Мұнайлы ауданы, №19 жалпы білім беретін мектебі бар. Аймақтық кезеңнің жеңімпазы Астана қаласында өтетін республикалық ұлттық финалда Ақтау қаласының №31 жалпы білім беретін мектеп командасы Маңғыстау облысының намысын қорғайды.

Жаңаөзенде еліміздің үздік садақшылары бас қосты
Жаңалықты көру →
AuthorOtpan News
10:27, 7 қазан 2026

Жаңаөзенде еліміздің үздік садақшылары бас қосты

OTPANNEWS.KZ. - Жаңаөзен қаласында дәстүрлі садақ атудан жастар арасындағы ел чемпионаты өтіп жатыр. Ұлттық спортты дәріптеп, жас спортшылардың шеберлігін шыңдауға бағытталған дүбірлі додаға еліміздің өңірлерінен келген 70-ке жуық спортшы қатысады.Жарыс 18-24 жас аралығындағы жастар арасында ұйымдастырылған. Чемпионаттың басты мақсаты - дәстүрлі садақ атуды жастар арасында кеңінен насихаттау, ұлттық спорт түрлерінің дамуына серпін беру және оның бұқаралық сипат алуына ықпал ету.Сайыс бағдарламасына дәстүрлі садақ атудың бірнеше бағыты енгізілген. Атап айтқанда, спортшылар пута, қалқан, Орта Азия және жамбы нысаналары бойынша жекелей сында өнер көрсетеді. Чемпионаттың қорытындысы бойынша үздік нәтиже көрсеткен спортшылар анықталып, жеңімпаздар мен жүлдегерлер марапатталады.Жарыстың жабылу салтанаты 7 қазан күні Жаңаөзен қаласындағы Әмин Тұяқов атындағы стадионда өтеді.

Жаңаөзенде қазақ күресінен облыс чемпионаты өтті
Жаңалықты көру →
AuthorOtpan NEWS
15:05, 6 қазан 2026

Жаңаөзенде қазақ күресінен облыс чемпионаты өтті

OTPANNEWS.KZ. - 4 қазан күні Жаңаөзен қаласындағы «Энергетик» спорт кешенінде 2012-2013 жылы туған жасөспірімдер арасында Қазақстан Республикасы чемпионатына іріктеу бойынша Маңғыстау облысының чемпионаты өтті.Жарыстың басты мақсаты – ұлттық спортты насихаттау, жас балуандардың шеберлігін арттыру және ҚР чемпионатына баратын Маңғыстау облысының құрама командасын жасақтау.Жарысқа облыстың қалалары мен бес ауданынан келген жас балуандар қатысып, 10 салмақ дәрежесі бойынша өзара мықтыны анықтады.Жарыс нәтижесі:32 кг🥇 1-орын — Әліпбай Д (Бейнеу ауданы)🥈 2-орын — Дәлубай Е (Бейнеу ауданы)🥉 3-орын — Парахат Е (Бейнеу ауданы)🥉 3-орын — Дүйсенов Н (Бейнеу ауданы)35 кг🥇 Арыстан Азат (Ақтау қаласы)🥈 Силих Ерасыл (Жаңаөзен қаласы)🥉 Абдолхаким Абдулазиз (Маңғыстау ауданы)🥉 Балтабай Досжан (Ақтау қаласы)38 кг🥇 Рзагали А (Жаңаөзен қаласы)🥈 Инербаев Ж (Рахат БЖСМ)🥉 Серік Д (Маңғыстау ауданы)🥉 Бекболат А (Жетібай ауылы)42 кг🥇 Амангелді У (Жас Батыр спорт мектебі)🥈 Мақсут Е (Жаңаөзен қаласы)🥉 Бағдатұлы Е (Ұлттық спорт)🥉 Реш Д (Бейнеу ауданы)46 кг🥇 Абдрахман С (Мұнайлы ауданы)🥈 Сақтаған Р (Жас Батыр)🥉 Орынбасар А (Энергетик спорт мектебі)🥉 Исламұлы А (Рахат БЖСМ)50 кг🥇 Аманжолов Ш (Жас Батыр спорт мектебі)🥈 Ринатұлы А (Жетібай ауылы)🥉 Кемелхан Д (Рахат БЖСМ)🥉 Сәрсен А (Жаңаөзен қаласы)55 кг🥇 Серік Б (Ақтау қаласы)🥈 Абдынахул А (Ұлттық спорт)🥉 Нарынбай Қ (Жаңаөзен қаласы)🥉 Сүндетбайұлы А (Жаңаөзен қаласы)60 кг🥇 Абдымомын Н (Ақтау қаласы)🥈 Рзабек К (Маңғыстау ауданы)🥉 Шегебай Б (Бірлік спорт клубы)🥉 Исабай М (Сүлеймен спорт клубы)65 кг🥇 Басбай М (Теңге БЖСМ)🥈 Ерболат Д (Маңғыстау ауданы)🥉 Байболсин Н (Жас Батыр спорт мектебі)🥉 Киікбай И (Ардан спорт клубы)+65 кг🥇 Тіркеш Б (Энергетик спорт мектебі)🥈 Миргенбай Р (Ақтау қаласы)🥉 Жумахан Ж (Сүлеймен спорт клубы)🥉 Чаканбаев М (Бейнеу ауданы)

Ольга Шмелева мен Татьяна Токарницкая Азия ойындарының күміс жүлдегері атанды
Жаңалықты көру →
AuthorOtpan NEWS
09:54, 24 қыркүйек 2026

Ольга Шмелева мен Татьяна Токарницкая Азия ойындарының күміс жүлдегері атанды

Қазақстан ұлттық құрамасының өкілдері Ольга Шмелева мен Татьяна Токарницкая Жапонияның Айти–Нагоя қалаларында өтіп жатқан XX жазғы Азия ойындарының күміс жүлдегері атанды.Қазақстандық спортшылар байдарка мен каноэде есу жарысында әйелдер арасындағы 500 метрлік қашықтықта байдарка-екілік сайысында өнер көрсетті. Финалдық бәсекеде Шмелева мен Токарницкая екінші нәтиже көрсетіп, Қазақстан құрамасының қоржынына тағы бір күміс медаль салды.Соңғы жылдары Қазақстанда есу спортын дамытуға, соның ішінде заманауи спорт инфрақұрылымын нығайтуға ерекше көңіл бөлініп келеді. Осы бағыттағы маңызды жобалардың бірі – Мемлекет басшысының тапсырмасы бойынша Түркістанда салынған халықаралық деңгейдегі ескек есу каналы. 2025 жылы пайдалануға берілген кешеннің аумағы шамамен 100 гектарды, ұзындығы 2,2 шақырымнан асады. Заманауи нысан спортшылардың толыққанды жаттығуына, оқу-жаттығу жиындарын ел аумағында өткізуге және есу спортынан ірі халықаралық жарыстар ұйымдастыруға мүмкіндік береді.Жаңа спорт инфрақұрылымы ұлттық құраманың сапалы дайындығына жағдай жасап, Қазақстанда есу спортын одан әрі дамытуға қосымша серпін беріп отыр.Ольга Шмелева мен Татьяна Токарницкаяның күміс жүлдесі Қазақстан құрамасының XX жазғы Азия ойындарындағы кезекті медалі болды.

Владислав Яковлев пен Иван Чернухин академиялық ескек есуден Азия ойындарының чемпионы атанды
Жаңалықты көру →
AuthorOtpan NEWS
09:50, 24 қыркүйек 2026

Владислав Яковлев пен Иван Чернухин академиялық ескек есуден Азия ойындарының чемпионы атанды

Қазақстан ұлттық құрамасының өкілдері Владислав Яковлев пен Иван Чернухин Жапонияның Айчи–Нагоя қалаларында өтіп жатқан ХХ жазғы Азия ойындарының чемпионы атанды.Қазақстандық экипаж академиялық есуден ерлер арасындағы рульшісіз қос қайық (M2−) бәсекесінде алтын медаль жеңіп алды.А финалында Владислав Яковлев пен Иван Чернухин мәреге бірінші болып жетіп, басты қарсыластары Қытай экипажын 2,09 секундқа басып озды.Қазақстандық спортшылар бұған дейін ірі халықаралық жарыстарда да жүлделі нәтижелер көрсеткен. 2025 жылы Яковлев пен Чернухин ересектер арасындағы Азия чемпионатының қола жүлдегері атанса, биыл Оңтүстік Кореяның Чхунджу қаласында өткен Азия кубогында алтын медаль жеңіп алды. Азия ойындарындағы жеңіс олардың халықаралық аренадағы табысты нәтижелерінің жалғасы болды.Айта кетейік, академиялық есуден жарыстар Қазақстан құрамасы үшін жалғасуда. Бүгін Владислав Яковлев пен Иван Чернухин Ярослав Мельников және Тимур Фомичевпен бірге ерлер арасындағы рульшісіз төрттік сында А финалында да бақ сынайды.

Алексей Луценко алтын дубль жасап, Азия ойындарының алты дүркін чемпионы атанды
Жаңалықты көру →
AuthorOtpan NEWS
09:56, 23 қыркүйек 2026

Алексей Луценко алтын дубль жасап, Азия ойындарының алты дүркін чемпионы атанды

Қазақстандық велошабандоз Алексей Луценко Айти–Нагояда (Жапония) өтіп жатқан ХХ жазғы Азия ойындарында екінші алтын медалін жеңіп алды.Қазақстан ұлттық құрамасының көшбасшысы тасжолдағы велоспорттан ерлер арасындағы 160,5 шақырымдық топтық жарыста мәреге бірінші болып жетті. Луценконың нәтижесі – 4 сағат 13 минут 11 секунд.Қазақстан құрамасының спортшылары бұл жарыста тұғырдың алғашқы екі сатысына көтерілді. Евгений Федоров Алексей Луценкодан 1 минут 58 секундқа қалып, күміс медаль иеленді. Қола жүлде Жапония өкілі Юхэй Тодомеге бұйырды. Тағы бір қазақстандық Николя Винокуров жарысты жетінші орында аяқтады.Бұл – Алексей Луценконың биылғы Азия ойындарындағы екінші алтын жүлдесі. Бұған дейін, 20 қыркүйекте қазақстандық спортшы жекелей сын жарысында топ жарып, 41 минут 24,05 секунд нәтижемен чемпион атанған болатын.Осылайша, Алексей Луценко Азия ойындары-2026 додасында алтын дубль жасап, құрлықтық додадағы чемпиондық атақтарының санын алтыға жеткізді.Қазақстандық велошабандоз Азия ойындарына төртінші рет қатысып отыр. Ол алғашқы алтынын 2014 жылы Инчхонда жекелей сында жеңіп алды. 2018 жылы Джакартада өткен Азия ойындарында Луценко жекелей және топтық жарыста екі алтын медаль иеленді. Ханчжоудағы Азия ойындарында жекелей сында тағы да чемпион атанып, топтық жарыста күміс жүлде жеңіп алды. Енді Жапонияда спортшы өз жүлде қоржынына тағы екі алтын медаль қосты.Айта кетейік, Луценко Азия ойындарындағы топтық жарыста бұған дейін 2018 жылы да чемпион атанған.Ерлер арасындағы топтық жарыстың қорытындысы бойынша Қазақстан құрамасы бірден екі жүлдеге ие болды – Алексей Луценко алтын, Евгений Федоров күміс медаль жеңіп алды.

Нұрқанат Әжіқанов Азия ойындарында қола жүлде иеленді
Жаңалықты көру →
AuthorOtpan News
14:08, 22 қыркүйек 2026

Нұрқанат Әжіқанов Азия ойындарында қола жүлде иеленді

Нұрқанат Әжіқанов Айти–Нагояда (Жапония) өтіп жатқан XX жазғы Азия ойындарының қола жүлдегері атанды.Каратэ WKF бойынша кумитэ бәсекесінде 75 келіге дейінгі салмақ дәрежесінде үшінші орын үшін өткен белдесуде Қазақстан ұлттық құрамасының өкілі Филиппин спортшысы А. Батиканды 10:1 есебімен сенімді жеңіп, қола медаль иеленді.Бұл — Қазақстан құрамасының қазіргі Азия ойындарындағы каратэден екінші қола және жалпы бесінші жүлдесі.Осылайша, қазақстандық каратэшілердің еншісінде қазір бес медаль бар: екі алтын, бір күміс және екі қола.Каратэ Қазақстан ұлттық құрамасының XX жазғы Азия ойындарындағы жүлде қорын толықтыруды жалғастыруда.

ММА шебері Еркінғали Бүркіталин - XX жазғы Азия ойындарының чемпионы
Жаңалықты көру →
AuthorOtpan News
14:05, 22 қыркүйек 2026

ММА шебері Еркінғали Бүркіталин - XX жазғы Азия ойындарының чемпионы

Бүгін Жапонияның Нагоя қаласындағы Инаэ спорт орталығында аралас жекпе-жектен Азия ойындарының финалдары өтіп жатыр. Отандасымыз Еркінғали Бүркіталин (дәстүрлі стиль) 77 кг дейінгі салмақтың финалында бахрейндік қарсыласы Мұхаммед Нәбиевпен кездесіп, айқын басымдықпен жеңді. Есеп: 3-0. Осы тұста MMA Жапонияда алғаш рет жазғы Азиада бағдарламасына қосылғанын айта кетейік. Қазір Қазақстан командасының еншісінде Азиаданың 5 алтыны бар. Жалпы XX жазғы Азия ойындары 4 қазанға дейін жалғасады. Қазақстан Ұлттық құрамасының сапында 558 спортшысы қатысып жатыр. Олар жарыс бағдарламасындағы 35 спорт түрінен жүлдеге таласады.

YouTube бейнелер
Карта

Қалай баруға болады

9-й микрорайон, 42/1
Актау, Актау городская администрация

Ең жақын аялдама: 9-й микрорайон д.18 (350 м, 4 мин)

Маршрут құру
Соңғы жаңалықтардан хабардар бол!