17:15, 9 қараша 2026
Бейнеуде «Әділет» партиясының кандидаттары «Интергаз Орталық Азия» ұжымымен кездесті
«Әділет» партиясынан Маңғыстау облыстық және Бейнеу аудандық мәслихаттарының депутаттығына кандидаттар «Интергаз Орталық Азия» АҚ «Ақтау» магистральдық газ құбырлары басқармасының Бейнеу желілік өндірітік басқармасының (ЖӨБ) қызметкерлерімен кездесті.Кездесуде кандидаттар партияның 2026–2031 жылдарға арналған сайлауалды бағдарламасының негізгі бағыттарын таныстырып, өңірдегі маңызды өнеркәсіп орындарының жұмысын жетілдіру, еңбек адамдарын әлеуметтік тұрғыдан қолдау және инфрақұрылымдық жобалардың әлеуетін арттыру мәселелерін талқылады.Кандидат Ардақ Бораш Мемлекет басшысы Қасым-Жомарт Тоқаевтың Қазақстан халқына Жолдауында айқындалған басым міндеттерге, әсіресе индустриалды секторды дамыту және өнеркәсіптік қауіпсіздікті қамтамасыз ету бағыттарына ерекше назар аударды.«Бейнеудегі стратегиялық маңызы бар тораптарда газ тасымалдау саласының тұрақты жұмыс істеуі — елдің энергетикалық қауіпсіздігінің кепілі. «Интергаз Орталық Азияның» Бейнеу ЖӨБ сияқты кәсіпорындары республикамыздың көгілдір отынмен үздіксіз қамтылуына өлшеусіз үлес қосып отыр. Мұндай өндірістік ұжымдардың еңбек жағдайын жақсарту, мамандардың кәсіби біліктілігін арттыру және өңірдің инженерлік инфрақұрылымын жаңғырту – біздің басты назарымызда болуы тиіс», – деді кандидат Назарбек Қадір.Кездесуде өндірістегі еңбекті қорғау шаралары, өнеркәсіптік қауіпсіздік стандарттарын қатаң сақтау және газ тасымалдау саласындағы мамандардың әлеуметтік мәртебесін көтеру мәселелері кеңінен сөз болды. Сондай-ақ қауіпті өндірістік объектілерде жұмыс істейтін азаматтардың әлеуметтік кепілдіктерін арттыру және өңірдегі жастарға жұмыс орындарын ашу тақырыптары көтерілді.Іс-шара соңында қатысушылар әр деңгейдегі мәслихат депутаттығына үміткерлерге өндірістік салаға қатысты ұсыныстарын жеткізіп, көкейде жүрген сұрақтарына тұшымды жауап алды.Маңғыстау облыстық мәслихаты депутаттарының сайлауында партиялық тізімді ұсынған «Әділет» партиясы Сайлау қорының қаражатынан төленді.Дайындаған: «Маңғыстау Медиа» ЖШС;Мекенжайы: Ақтау қ., 9 шағынаудан, 42/1;Тапсырыс беруші: Маңғыстау облыстық мәслихаты депутаттарын сайлауына партиялық тізімді ұсынған «Әділет» партиясының атынан өкілдік ететін Нұрбек Қарасайұлы Қарасаев арқылы партияның сайлау қоры қаражаты есебінен дайындалды.
