Otpan News Logo
«Қарасора-2026»: Маңғыстауда 230 грамнан астам марихуана тәркіленді
Анонс
Жаңалықты көру →

«Қарасора-2026»: Маңғыстауда 230 грамнан астам марихуана тәркіленді

АҚТАУ. OTPANNEWS.KZ - Маңғыстау облысында «Қарасора-2026» республикалық жедел-профилактикалық іс-шарасы аясында есірткінің заңсыз айналымына қарсы ауқымды операция жүргізілді. Полиция мен ҰҚК қызметкерлері арнайы бөлімшелердің қатысуымен өткен жедел-іздестіру шараларының нәтижесінде есірткінің заңсыз айналымына қатысты екі дерек әшкереленіп, 230 грамнан астам марихуана тәркіленді.Арнайы операцияға полиция мен ҰҚК қызметкерлерімен қатар, «Арлан» және «Бүркіт» арнайы мақсаттағы бөлімшелерінің жауынгерлері жұмылдырылды.Мұнайлы ауданындағы тексеріс кезінде күдік тудырған BMW маркалы автокөлігі тоқтатылып, тінту жұмыстары жүргізілді. Автокөлікті тексеру кезінде құқық қорғау органдарына «Кира» атты қызметтік ит көмектескен. Нәтижесінде көліктен 34,6 грамм марихуана тәркіленді. Сот шешімімен көлік жүргізушісі жеті жылға көлік басқару құқығынан айырылды. Сондай-ақ көлікте болған екінші азаматтың медициналық тексеруден өту барысында есірткілік масаң күйде екені анықталып, ол әкімшілік жауапкершілікке тартылды. Бұл жедел іс-шаралар Жаңаөзен қаласында да жалғасын тапты. Тәртіп сақшылары қаладағы жеке тұрғын үйлердің біріне тінту жұмыстарын жүргізді. Нәтижесінде гараж бен шаруашылық бөлмелерінен жалпы салмағы 198,37 грамм марихуана салынған көптеген орамалар мен пакеттер тәркіленді. Аталған дерек бойынша Қазақстан Республикасы Қылмыстық кодексінің 296-бабымен қылмыстық іс қозғалды.Жалпы бұл арнайы операциялар нәтижесінде заңсыз айналымнан 232,97 грамм марихуана алынды. Қазіргі уақытта оқиғаның барлық мән-жайын және бұл қылмысқа қатысы бар өзге де тұлғаларды анықтауға бағытталған тергеу амалдары жалғасуда. Маңғыстау облысы Полиция департаменті өңірде есірткі заттарының заңсыз айналымына қарсы күрес жұмыстары жүйелі түрде жалғасатынын ескертеді.

Author AvatarГүлсезім Әбдіжәлел

15:20, 20 қазан 2026

Жарнама бөлімі: +7 (778) 145 90 93

Редакция: +7 (7292) 20 48 42

25 қазанда дүниеге келген балаларға қандай ерекше есімдер қойылған
Анонс
AuthorГүлсезім Әбдіжәлел
14:53, 20 қазан 2026

25 қазанда дүниеге келген балаларға қандай ерекше есімдер қойылған

Ақтауда техникалық және кәсіптік білім беруді дамытуға арналған республикалық форум басталды
Анонс
AuthorРоза Әділханқызы
11:46, 20 қазан 2026

Ақтауда техникалық және кәсіптік білім беруді дамытуға арналған республикалық форум басталды

Барлық жаңалықтар
Ақтауда ұлттық қолөнер мен заманауи сәнді ұштастыратын кластер ашылды
Жаңалықты көру →
14:05, 21 қазан 2026

Ақтауда ұлттық қолөнер мен заманауи сәнді ұштастыратын кластер ашылды

Ақтауда «Ақберен» байқауының облыстық кезеңі өтті
Жаңалықты көру →
13:53, 21 қазан 2026

Ақтауда «Ақберен» байқауының облыстық кезеңі өтті

Қазақстан бойынша 600-ден астам сауда нысаны Republic Day және Bereke Fest акцияларына қосылды
Жаңалықты көру →
11:48, 21 қазан 2026

Қазақстан бойынша 600-ден астам сауда нысаны Republic Day және Bereke Fest акцияларына қосылды

Қарақияда теңіз жағалауынан 173 бекіренің өлексесі табылды
Жаңалықты көру →
11:40, 21 қазан 2026

Қарақияда теңіз жағалауынан 173 бекіренің өлексесі табылды

38 мың жастың талпынысына тірек: «Тәлімгер» білім мен бизнес серіктестігін кеңейтті
Жаңалықты көру →
11:22, 21 қазан 2026

38 мың жастың талпынысына тірек: «Тәлімгер» білім мен бизнес серіктестігін кеңейтті

ҰҚК Маңғыстауда мұнай өнімдері контрабандасының жолын кесті
Жаңалықты көру →
11:14, 21 қазан 2026

ҰҚК Маңғыстауда мұнай өнімдері контрабандасының жолын кесті

Мықты мемлекет адамды және оның еңбегін құрметтеуден басталады
Жаңалықты көру →
11:10, 21 қазан 2026

Мықты мемлекет адамды және оның еңбегін құрметтеуден басталады

Ақтауда «Егемендікке жол» тарихи-танымдық кездесуі өтті
Жаңалықты көру →
11:07, 21 қазан 2026

Ақтауда «Егемендікке жол» тарихи-танымдық кездесуі өтті

KazRoadLab: Жол сапасын бақылау цифрлық форматқа көшті
Жаңалықты көру →
10:43, 21 қазан 2026

KazRoadLab: Жол сапасын бақылау цифрлық форматқа көшті

Маңғыстау спортының жарқын бес жылы: әлемдік аренаны бағындырған чемпиондар
Жаңалықты көру →
10:40, 21 қазан 2026

Маңғыстау спортының жарқын бес жылы: әлемдік аренаны бағындырған чемпиондар

Әдебиеттанушы Әділет Қабылов: Республика күні – егемендігіміздің бастауы
Жаңалықты көру →
09:30, 21 қазан 2026

Әдебиеттанушы Әділет Қабылов: Республика күні – егемендігіміздің бастауы

Алматылық сәулетшілер Ақтау қаласының дамуына арналған жобалар әзірлейді
Жаңалықты көру →
09:16, 21 қазан 2026

Алматылық сәулетшілер Ақтау қаласының дамуына арналған жобалар әзірлейді

Ақтауда мектеп маңындағы құрылыс тұрғындарды алаңдатып отыр
Жаңалықты көру →
19:28, 20 қазан 2026

Ақтауда мектеп маңындағы құрылыс тұрғындарды алаңдатып отыр

Маңғыстауда әлеуметтік сала қызметкерлері флорболдан бақ сынады
Жаңалықты көру →
18:52, 20 қазан 2026

Маңғыстауда әлеуметтік сала қызметкерлері флорболдан бақ сынады

«Green Aral: volunteers for life 2026»: Арал теңізінің экологиялық болашағына бағытталған халықаралық бастама
Жаңалықты көру →
17:06, 20 қазан 2026

«Green Aral: volunteers for life 2026»: Арал теңізінің экологиялық болашағына бағытталған халықаралық бастама

Айбек Имашев жұртшылықты Республика күнімен құттықтады
Жаңалықты көру →
16:56, 20 қазан 2026

Айбек Имашев жұртшылықты Республика күнімен құттықтады

Маңғыстаудағы теміржол вокзалы заманауи келбетімен ерекшеленеді
Жаңалықты көру →
16:49, 20 қазан 2026

Маңғыстаудағы теміржол вокзалы заманауи келбетімен ерекшеленеді

Республика күні: Егемендік декларациясы елге не берді?
Жаңалықты көру →
16:06, 20 қазан 2026

Республика күні: Егемендік декларациясы елге не берді?

Маңғыстауда полицейлер өзіне қол жұмсамақ болған ер адамды құтқарып қалды
Жаңалықты көру →
15:34, 20 қазан 2026

Маңғыстауда полицейлер өзіне қол жұмсамақ болған ер адамды құтқарып қалды

Қазақстанда жеңіл автокөлік өндірісі артты
Жаңалықты көру →
14:57, 20 қазан 2026

Қазақстанда жеңіл автокөлік өндірісі артты

Advertisement
Маңғыстау жаңалықтары
Ақтауда ұлттық қолөнер мен заманауи сәнді ұштастыратын кластер ашылды
Жаңалықты көру →
AuthorГүлсезім Әбдіжәлел
14:05, 21 қазан 2026

Ақтауда ұлттық қолөнер мен заманауи сәнді ұштастыратын кластер ашылды

OTPANNEWS.KZ – Ақтау технологиялық қызмет көрсету колледжінде тігін өндірісі мен киімді модельдеу саласына арналған өңірлік білім беру-өндірістік кластері іске қосылды. «Fashion Skills Hub: Дәстүрді жалға, сәнді жаса!» көрмелік-практикалық алаңында 112 бала қолөнер бағытындағы шеберліктерін көрсетті.Жобаның негізгі мақсаты – балабақша, мектеп, колледж, жоғары оқу орны және өндіріс арасындағы байланысты нығайтып, жастарды ерте жастан кәсіпке баулу.Кластер жұмысы үш бағытты қамтиды. BabySkills алаңында балабақша тәрбиеленушілері алғашқы қолөнер дағдыларын көрсетсе, DalaSkills және Abilympics бағыттарында мектеп оқушылары мен колледж студенттері өз шеберліктерін таныстырды. Жобаға 24 балабақша тәрбиеленушісі, 40 мектеп оқушысы және 48 колледж студенті қатысты. Олардың қатарында ерекше білім беру қажеттіліктері бар балалар мен жастар да бар.Қатысушылар құрақ құрау, киіз басу, сән технологиясы, бау тоқу, бисерден бұйым жасау, ұлттық нақыштағы әшекейлер дайындау және ұлттық киімдерді цифрлық ортада модельдеу бойынша жұмыстарын ұсынды. Көрме барысында қатысушылар өз қолдарымен жасаған бұйымдарын таныстырып, олардың жасалу жолы мен идеясын түсіндірді. Сонымен қатар туындыларын келушілерге ұсынып, сатып алушылармен қарым-қатынас жасауда тәжірибе жинақтады. Іс-шараның тағы бір маңызды бағыты – ерекше білім беру қажеттіліктері бар балалардың шығармашылық қабілетін дамыту және олардың қоғамға белсенді араласуына жағдай жасау.Ақтау технологиялық қызмет көрсету колледжі басшысының оқу ісі жөніндегі орынбасары Алмагүл Каримованың айтуынша, жоба білім алушылардың кәсіби дағдыларын ерте жастан қалыптастыруға және оқу орындары арасындағы сабақтастықты дамытуға бағытталған.«Біздің мақсатымыз – кәсіптік білім беруді мектеп кезінен бастау. Бұл бағытта мектеп, колледж, жоғары оқу орны және жұмыс берушілер бірлесіп жұмыс істейді. Көрмеге мектеп оқушыларынан бастап колледж студенттеріне дейін қатысып, өзара тәжірибе алмасып жатыр. Ерекше білім беру қажеттіліктері бар балалар да өз қолдарымен бұйымдар жасап, тапсырыс қабылдауда. Біз әр баланың қабілетін ашып, алған білімін тәжірибеде қолдануына мүмкіндік бергіміз келеді», – деді ол. Форум аясында пленарлық отырыстар өткізіліп, кіріктірілген білім беру жүйесін дамыту, кәсіптік бағдар беру және оқу бағдарламаларын еңбек нарығының сұранысына бейімдеу мәселелері талқыланды. Оған Беларусь пен Өзбекстаннан келген өкілдер және еліміздің жеті өңірінен колледж басшылары қатысып, тәжірибе алмасты.

Ақтауда «Ақберен» байқауының облыстық кезеңі өтті
Жаңалықты көру →
AuthorРоза Әділханқызы
13:53, 21 қазан 2026

Ақтауда «Ақберен» байқауының облыстық кезеңі өтті

АҚТАУ. OTPANNEWS.KZ – 8-11 сынып оқушылары арасында республикалық «Ақберен» өнер байқауының облыстық кезеңі ұйымдастырылды. Алты номинация бойынша өткен сайысқа өңірдің әр аудан-қаласынан 44 оқушы қатысып, өз өнерлері мен шығармашылық қабілеттерін танытты.«Байқаудың мақсаты – дарынды оқушыларды қолдау, ұлттық өнерді дәріптеу және жас ұрпақтың шығармашылық әлеуетін дамыту»,- дейді білім басқармасының өкілдері. Қатысушылар «Ақындар мүшәйрасы», «Ақындар айтысы», «Ұлттық аспапта орындау», «Шешендік өнер және сөз сайысы», «Эссе және әдеби ойлау» және «Көркемсөз оқу өнері» бағыттары бойынша бақ сынады.«Ақындар мүшәйрасы» номинациясында Жаңаөзен қаласындағы №2 мектептің 11 сынып оқушысы Ниетқабыл Әділбек І орын иеленді. Мұнайлы ауданындағы №15 мектептің оқушысы Лавакбай Алина ІІ орынға лайық деп танылды. Ал Бейнеу ауданындағы Абай атындағы мектептің оқушысы Камаев Фараби, Ақтаудағы «ADVANTA.KZ» озық білім лицейінің оқушысы Ақмұрат Айзере және Қарақия ауданындағы №7 мектептің оқушысы Асқар Расул ІІІ орын алды.«Ақындар айтысы» бойынша Мұнайлы ауданындағы №16 мектептің 10 сынып оқушысы Сейдуллаева Қызылгүл жеңімпаз атанды. Ақтау қаласындағы №23 мектептің 8 сынып оқушысы Жетыбаев Алишер ІІ орынға ие болды.«Ұлттық аспапта орындау» номинациясында Қарақия ауданындағы жалпы білім беретін мектеп-гимназиясының 9 сынып оқушысы Тұрақбай Азат үздік нәтиже көрсетті. ІІ орын Ақтаудағы Ф. Оңғарсынова атындағы №29 мектеп-гимназиясының оқушысы Гайбулла Жансая мен облыстық мамандандырылған мектеп-интернатының оқушысы Клычбек Нұрлыханға бұйырды. ІІІ орынға Бейнеу ауданынан Сұлтанов Крымбек, Мұнайлы ауданынан Смағұл Мейрамбек және Түпқараған ауданынан Ашығали Айару ие болды.«Шешендік өнер және сөз сайысы» бағыты бойынша Мұнайлы ауданындағы №3 мектептің 11 сынып оқушысы Ақғали Нұржау І орынды иеленді. Ақтау қаласындағы №12 мектептің оқушысы Дағыстан Шаңды мен Қарақия ауданындағы З. Бекарыстанұлы атындағы мектептің оқушысы Бөрібай Арайлым ІІ орын алды. Бейнеу, Жаңаөзен және Түпқараған аудандарынан қатысқан Қарыбай Абдуали, Джадырасын Диас және Шалқарбекқызы Толғанай ІІІ орынмен марапатталды.«Эссе және әдеби ойлау» номинациясында Түпқараған ауданындағы Ақшұқыр мектеп-лицейінің 10 сынып оқушысы Қани Ботагөз жеңімпаз атанды. Бейнеу ауданындағы Ы. Алтынсарин атындағы мектептің оқушысы Теке Әсел мен Маңғыстау ауданындағы Жармыш мектебінің оқушысы Қуантқан Ақтоты ІІ орынға ие болды. Ал Ақтау, Мұнайлы және Жаңаөзен қаласы мен аудандарынан қатысқан Бирмашева Айнұр, Избасар Айкөркем және Амангелді Асия ІІІ орын алды.«Көркемсөз оқу өнері» номинациясында Жаңаөзен қаласындағы №15 мектептің 11 сынып оқушысы Ибырайм Дінмұхаммед І орын иеленді. Түпқараған ауданындағы Форт-Шевченко мектеп-лицейінің оқушысы Айболатқызы Ақнұр мен Ақтау қаласындағы №30 мектептің оқушысы Алинурова Марал ІІ орынға лайық деп танылды. Бейнеу ауданынан Дүйсенғали Аида, Мұнайлы ауданынан Кувандық Әбілмансұр және Маңғыстау ауданынан Айболатқызы Ақнұр ІІІ орын алды.

ҰҚК Маңғыстауда мұнай өнімдері контрабандасының жолын кесті
Жаңалықты көру →
AuthorOtpan News
11:14, 21 қазан 2026

ҰҚК Маңғыстауда мұнай өнімдері контрабандасының жолын кесті

OTPANNEWS.KZ.- Ұлттық қауіпсіздік комитеті мұнай өнімдерін Қазақстан Республикасынан тыс жерлерге заңсыз экспорттаумен айналысқан ұйымдасқан топтың әрекетінің жолын кесті. Бұл туралы комитеттің баспасөз қызметі хабарлады.Тергеу деректеріне сәйкес, қылмыстық схеманы ұйымдастырушы Маңғыстау облысының кәсіпкері жер қойнауын пайдаланушы компаниялармен шикі мұнай сатып алуға, кейіннен мұнай «Standart Petroleum» және «Mangystau Oil Refining» шағын мұнай өңдеу зауыттарында өңдеп, жалған сапа паспорттарын ресімдеуге шарттар жасасқан.Одан әрі өнім пеш отыны ретінде көрсетіліп, Ақтау теңіз порты арқылы танкермен шетелге шығарылған.2019–2023 жылдар аралығында тек «Batys Nefte Trade» ЖШС арқылы шетелге 160 мың тоннадан астам мұнай өнімі заңсыз экспортталған. Операциялардың жалпы көлемі шамамен 45 млрд теңгеге бағаланған.Биыл жүргізілген процестік іс-шаралар кешені аясында қылмыстық іс фигуранттарының активтері, сондай-ақ шағын мұнай өңдеу зауыттары, танкер және өзге де мүлік тәркіленді.Жалпы, заңсыз алынған кірістер мен төленбеген салықтар бойынша 2 млрд теңгеден астам қаражат мемлекет кірісіне өндірілді.Бұған дейін Ақтау қалалық сотының үкімімен ұйымдасқан қылмыстық топтың бес қатысушысы, оның ішінде шағын мұнай өңдеу зауыттары мен трейдерлік компанияның басшылары Қазақстан Республикасы Қылмыстық кодексінің 234-бабының 3-бөлігі және 262-бабының 2-бөлігі бойынша 8 жылға бас бостандығынан айырылған.Қылмыстық схеманы ұйымдастырушы халықаралық іздеуде.

Ақтауда «Егемендікке жол» тарихи-танымдық кездесуі өтті
Жаңалықты көру →
AuthorOtpan News
11:07, 21 қазан 2026

Ақтауда «Егемендікке жол» тарихи-танымдық кездесуі өтті

OTPANNEWS.KZ. - «Әділет» партиясы Маңғыстау облыстық филиалының бастамасымен Ш. Есенов атындағы Каспий технологиялар және инжиниринг университетінде Республика күніне орай «Егемендікке жол» атты тарихи-танымдық кездесу өтті.Жиынның мақсаты – мемлекеттік егемендік туралы декларацияның ел тарихындағы орнын кеңінен таныстыру, азаттық жолындағы тарихи оқиғалардың маңызын түсіндіріп, жастардың отаншылдық рухын қалыптастыру.Кездесу барысында «Әділет» партиясы Маңғыстау облыстық филиалы төрағасының орынбасары Анар Шамшадинова егемендіктің маңызы, қоғамдық келісім және ел болашағы жолындағы азаматтық жауапкершілік туралы ойымен бөлісті.«Егемендік – ата-бабамыздың арманы мен ұрпаққа қалдырған аманаты. Оны сақтау және нығайту – баршамызға жүктелген ортақ міндет. Әсіресе, жас ұрпақ ел тарихын терең біліп, ұлттық құндылықтарды құрметтеуі керек. Өйткені елдің болашағы – білімді, жауапты әрі отаншыл жастардың қолында», – деді төрағаның орынбасары Анар Шамшадинова.Сондай-ақ тарихшы-профессор Орынгүл Табылдиева 1990 жылғы 25 қазанда қабылданған егемендік туралы декларацияның тарихи маңызына тоқталды.Кездесу соңында қатысушылар пікір алмасып, егемендіктің тарихи мәні мен оны нығайтудағы жастардың рөлін талқылады.

Алматылық сәулетшілер Ақтау қаласының дамуына арналған жобалар әзірлейді
Жаңалықты көру →
AuthorOtpan News
09:16, 21 қазан 2026

Алматылық сәулетшілер Ақтау қаласының дамуына арналған жобалар әзірлейді

OTPANNEWS.KZ. - Ақтау қаласының әкімі Мақсат Мұқаштың арнайы шақыртуымен Алматы қаласынан бір топ ландшафт сәулетшісі келді. Мамандар алдағы күндері қала аумағындағы қоғамдық кеңістіктерді, атап айтқанда, саябақтар, аллеялар мен скверлерді зерттеп, олардың сәулеттік келбетін жақсартуға бағытталған жобалар әзірлейді. Бұл туралы Ақтау қаласы әкімінің баспасөз қызметі хабарлады. Шаһар басшысы мамандарға қала көшелерін таныстырып, олардың көмегімен тұрғындардың серуендеуіне қолайлы қоғамдық кеңістіктер құру, теңіз жағалауынан бөлек орталық көшелердің де сәулеттік және эстетикалық келбетін жақсарту қажеттігін атап өтті. Сондай-ақ кеңес дәуірінде салынған аллеялар мен скверлерді біртұтас сәулеттік тұжырымдама негізінде жаңғырту жөнінде ұсыныс білдірді. Өз кезегінде алматылық ландшафт сәулетші Баян Кәдірбекқызы Ақтаудың қазіргі сәулеттік келбетіне оң баға беріп, қаланың жаңа даму кезеңіне серпін беретін жобаларды жүзеге асыруға атсалысатынын жеткізді.– Ақтаудағы орталық көшелердің сәулеттік пішіні өте әдемі. Бұл аумақтарда ландшафттық дизайн бағытында жұмыс жүргізіп, оларды әлемдік деңгейдегі тартымды қоғамдық кеңістіктерге айналдыруға мүмкіндік бар. Сонымен қатар қаланың климаттық ерекшеліктерін ескере отырып, көгалдандыру жұмыстарына да үлес қосамыз, – деді ландшафт сәулетшісі Баян Кәдірбекқызы.

Ақтауда мектеп маңындағы құрылыс тұрғындарды алаңдатып отыр
Жаңалықты көру →
AuthorМахаббат Нұржанқызы
19:28, 20 қазан 2026

Ақтауда мектеп маңындағы құрылыс тұрғындарды алаңдатып отыр

OTPANNEWS.KZ. – Ақтаудың 5-шағынауданында №4 және №9 үйлердің арасындағы жолдың жабылып, құрылыс алаңын қоршауға арналған металл тіректер орнатыла бастауы тұрғындардың наразылығын тудырды. Олардың айтуынша, жұмыс басталғалы жаяу жүргіншілер жолы тарылып, көлік қоятын орындар азайған. Сонымен қатар шағынаудан ішіндегі көлік жүретін жолдардың бірі жабылған. Тұрғындардың сөзінше, бірнеше күн бұрын жұмысшылар қоршауға арналған металл құрылымдарды орната бастаған. Олар құрылыс басталатыны туралы алдын ала ескерту болмағанын айтады. Қала әкімдігінің мәліметінше, Ақтаудың 4 және 5-шағынаудандарында жылу желілері жаңғыртылып жатыр. Қолданыстағы екі құбырлы жүйе төрт құбырлы жүйеге ауыстырылмақ. Осыған байланысты орталық жылу пункттерін орнату жоспарланған. «Жаңа жүйенің ерекшеліктеріне байланысты орталық жылу пункттерін орнату көзделген. Орталық жылу пункттері жылуды реттеп, оны үйлерге таратады. Сондай-ақ тұрғындарға жылу мен ыстық судың тұрақты берілуін қамтамасыз етеді», – деп хабарлады қала әкімдігі. Алайда тұрғындар нысанның дәл осы жерге салынуына қарсы. Олардың пікірінше, құрылыс аяқталғаннан кейін аумақ одан әрі тарылып, жаяу жүргіншілер мен көліктердің қозғалысы қиындай түсуі мүмкін. Әсіресе, жақын маңда мектеп пен балабақша орналасқандықтан, таңертең, түсте және кешкі уақытта көлік қозғалысы қарқынды болады. «Маңайда мектеп пен балабақша бар. Таңертең, түсте, кешке мұнда қаншама көлік өтеді! Құрылыс басталмай тұрып-ақ бұл жерден өту қорқынышты еді. Енді көлік кептелісі болып, жағдай тіпті қиындай ма деп алаңдаймыз. №4 үйдің тұрғындары көлігін енді қайда қояды? Ал балалар бұл тар жолмен мектепке қалай барады?» – дейді тұрғындар. Тұрғындар жылу пунктін салуға неге осы аумақ таңдалғанын түсіндіруді сұрап отыр. Олар құрылыс жоспары кезінде өз мүдделері ескерілмегеніне наразы.

Маңғыстаудағы теміржол вокзалы заманауи келбетімен ерекшеленеді
Жаңалықты көру →
AuthorOtpan NEWS
16:49, 20 қазан 2026

Маңғыстаудағы теміржол вокзалы заманауи келбетімен ерекшеленеді

OTPANNEWS.KZ. - Мұнайлы ауданындағы заман талабына сай жаңа теміржол вокзалында қазіргі уақытта нысанда әрлеу, жиһаз орналастыру және аумақты абаттандыру жұмыстарының соңғы кезеңі жүріп жатыр, деп хабарлайды Қоғамдық коммуникация орталығы.Вокзал hi-tech стилінде салынған. Ғимараттың сыртқы келбетін айшықтайтын витраждар мен қасбеттегі сәулеттік шешімдер арқылы Маңғыстаудың табиғаты мен Каспий теңізінің асау толқындарын бейнелеуге басымдық берілген.«Ақ жол құрылыс» мекемесінің нысан басшысы Ақжол Әбдірамановтың айтуынша, қазіргі уақытта ғимарат ішінде соңғы жиһаздарды орналастыру және әрлеу жұмыстары жүргізіліп, вокзалды пайдалануға дайындау жұмыстары аяқталуға жақын.– Біздің басты мақсатымыз – халыққа сапалы қызмет көрсететін, заманауи әрі қолайлы вокзал салу. Осындай маңызды нысанның құрылысын жүргізу бізге үлкен жауапкершілік жүктейді. Теміржол вокзалы – мыңдаған адамның жолы тоғысатын, қуаныш пен сағыныш сезімдері ұштасатын ерекше мекен. Сондықтан ел игілігіне қызмет ететін нысанды сапалы аяқтап, пайдалануға беруге үлес қосу біз үшін маңызды, – деді Ақжол Әбдіраманов.Жаңа вокзал жолаушыларға қолайлы жағдай жасауға және теміржол инфрақұрылымын дамытуға бағытталған. Құрылыс жұмыстарының аяқталуы өңірдегі көлік қатынасының дамуына серпін беріп, тұрғындар мен қонақтарға заманауи қызмет көрсетуге мүмкіндік береді.

Маңғыстауда полицейлер өзіне қол жұмсамақ болған ер адамды құтқарып қалды
Жаңалықты көру →
AuthorРоза Әділханқызы
15:34, 20 қазан 2026

Маңғыстауда полицейлер өзіне қол жұмсамақ болған ер адамды құтқарып қалды

OTPANNEWS.KZ – Қарақия ауданында полиция қызметкерлері өзіне қол жұмсамақ болған 30 жастағы ер адамды құтқарды. Оқиға 7 қазаннан 8 қазанға қараған түні Құрық ауылында болған.Маңғыстау облыстық полиция департаментінің мәліметінше, түнгі сағат 02:40 шамасында учаскелік полиция инспекторына жергілікті тұрғын хабарласқан. Әйел отбасындағы жанжалдан кейін 30 жастағы ұлының гаражға кетіп, ұзақ уақыт бойы үйге оралмағанын айтқан.Хабарды алған полиция қызметкерлері дереу Құрық ауылындағы Геологтар тұрғын алабына барды. Оқиға орнына жеткен тәртіп сақшылары ер адамның өміріне қауіп төніп тұрғанын анықтап, оны құтқаруға кіріскен.Полицейлердің жедел әрі үйлесімді әрекеттерінің арқасында ер адам аман қалып, оған алғашқы көмек көрсетілген. Оқиға орнына жедел медициналық жәрдем бригадасы да шақырылды.

Ақтауда техникалық және кәсіптік білім беруді дамытуға арналған республикалық форум басталды
Жаңалықты көру →
AuthorРоза Әділханқызы
11:46, 20 қазан 2026

Ақтауда техникалық және кәсіптік білім беруді дамытуға арналған республикалық форум басталды

АҚТАУ. OTPANEWS.KZ – «CaseLab: Үздік тәжірибелер алаңы» республикалық іскерлік форумы басталды. Үш күнге жоспарланған іс-шара техникалық және кәсіптік білім беру саласындағы тиімді басқару шешімдерін, оқу-әдістемелік және тәрбие жұмысының озық тәжірибелерін талқылауға арналған.Форумға Қазақстанның әр өңірінен, сондай-ақ Беларусь және Өзбекстан республикаларынан білім беру саласының мамандары, колледж басшылары, әдіскерлер, сарапшылар мен әлеуметтік серіктестер арнайы келді.Форумның пленарлық отырысында техникалық және кәсіптік білім беру жүйесін жетілдіру, колледждерді басқарудың заманауи тәсілдері, цифрлық шешімдерді енгізу, педагогтерді әдістемелік қолдау және тәрбие жұмысының нәтижелілігі қаралды.Маңғыстау облысы білім басқармасы басшысының орынбасары Ақбөпе Исқалиева өз сөзінде кәсіптік білім беруді экономиканың нақты қажеттіліктерімен ұштастырудың маңызын атап өтті.«Қазіргі әлемде мемлекеттердің бәсекеге қабілеттілігі табиғи ресурстардың көлемімен ғана емес, ең алдымен адам капиталының сапасымен өлшенеді. Технологиялық өзгерістер, жасанды интеллектінің дамуы, өндірістік процестердің автоматтандырылуы және жаһандық еңбек нарығындағы жаңа талаптар кәсіптік білім беру жүйесінің маңызын бұрынғыдан да арттыра түсуде»,- деді ол.Сондай-ақ басқарма өкілі колледждерді тек маман даярлайтын оқу орындары емес, экономиканың жаңа салаларын дамытуға ықпал ететін заманауи құзыреттер орталығы ретінде қалыптастыру қажеттігін айтты. Жасыл энергетика, цифрлық өндіріс, автоматтандыру және жаңа технологиялар бағытында білікті кадрларға сұраныс артып келеді.«Облыста 25 техникалық және кәсіптік білім беру ұйымы жұмыс істейді. Онда 27 мыңнан астам студент білім алады. Олардың 17 мыңы мемлекеттік білім беру тапсырысы аясында оқыса, 7 мыңнан астамы дуальді оқыту жүйесімен қамтылған»,- деді Маңғыстау облысы білім басқармасының мектепке дейінгі, жалпы орта, техникалық және кәсіптік білім беру бөлімінің басшысы Қлара Құлатаева. Сонымен қатар Маңғыстау энергетикалық колледжі үздік колледждердің қатарына енген. Ал 2026 жылы өңірдің жеті студенті «Қазақстан Республикасы колледждерінің үздік 100 студенті» республикалық конкурсының жеңімпазы атанды.Қлара Құлатаева колледждерді цифрландыру бағытында электрондық басқару, оқу процесін жоспарлау, құжат айналымын цифрландыру, қауіпсіздік мониторингі және деректерді талдау жүйелері кезең-кезеңімен енгізіліп жатқанын жеткізді. Өңірдегі білім беру ұйымдары халықаралық ынтымақтастықты дамытуға және еңбек нарығының сұранысына сай мамандар даярлауға басымдық беріп отыр.Пленарлық отырыс барысында Беларусьтің Могилев облысы мен Өзбекстанның Самарқанд облысының өкілдері кәсіптік білім беру ұйымдарын әдістемелік сүйемелдеу және өңіраралық ынтымақтастықты дамыту тәжірибелерімен бөлісті. Сондай-ақ қатысушылар білім сапасын арттыру, басқарушылық көшбасшылық, ұжымдық мәдениет және тәрбие жұмысын жетілдіру мәселелерін талқылады.Форум аясында Маңғыстау облысының білім басқармасы мен Өзбекстан және Беларусь өкілдері арасында техникалық және кәсіптік білім беру саласындағы ынтымақтастық туралы меморандумдарға қол қойылды. Құжаттар білім беру ұйымдары арасындағы кәсіби байланысты нығайтуға, тәжірибе алмасуға және бірлескен жобаларды жүзеге асыруға мүмкіндік береді.

Ақтауда адам пышақтаған тұрғын 6 жылға сотталды
Жаңалықты көру →
AuthorРоза Әділханқызы
11:39, 20 қазан 2026

Ақтауда адам пышақтаған тұрғын 6 жылға сотталды

АҚТАУ. OTPANNEWS.KZ – Ақтауда дәмханада болған жанжал кезінде ер адамға пышақ сұғып, оның денсаулығына ауыр зиян келтірген азамат 6 жылға бас бостандығынан айырылды. Қалалық сот сотталушыға қатысты айыптау үкімін шығарды.Сот материалдарына сәйкес, оқиға 2026 жылғы 4 шілдеге қараған түні Ақтаудың 12 шағынауданындағы дәмханалардың бірінде болған. Сотталушы Е. алкогольдік ішімдік ішіп отырып, жәбірленуші А.-ның үстелінен рұқсатсыз тіскебасар алып, оның ішімдігін төгіп, кейін дәмханадан шығып кеткен.Жәбірленуші жағдайдың мән-жайын анықтау үшін сыртқа шыққан кезде, сотталушы өзімен бірге болған ас үй пышағымен оның шап тұсына соққы жасаған. Салдарынан жәбірленушінің денсаулығына қасақана ауыр зиян келтірілген.Сот отырысында мемлекеттік айыптаушы сотталушыны кінәлі деп танып, 6 жылға бас бостандығынан айыруды сұрады. Ал Е. өз кінәсін ішінара мойындап, жәбірленушіден кешірім сұрағанын айтып, бас бостандығынан айырмайтын жаза тағайындауды өтінді.Жаза тағайындау кезінде сот оның кәмелетке толмаған баласының барын жеңілдететін мән-жай ретінде ескерді.Сот үкімімен Е. Қазақстан Республикасы Қылмыстық кодексінің 106-бабы 2-бөлігінің 7) тармағы бойынша кінәлі деп танылып, 6 жылға бас бостандығынан айырылды.

Ақтауда ерекше балалар мен жастар арасында инклюзивті спорттық жарыс өтті
Жаңалықты көру →
AuthorРоза Әділханқызы
11:35, 20 қазан 2026

Ақтауда ерекше балалар мен жастар арасында инклюзивті спорттық жарыс өтті

АҚТАУ. OTPANNEWS.KZ – Ақтауда ерекше қажеттіліктері бар балалар мен жастар арасында «Жүрекпен жеңеміз» атты қалалық жеңіл атлетика жарысы ұйымдастырылды. Спорттық шараның негізгі мақсаты – қатысушыларды спортқа баулу, олардың қабілеттерін дамыту және қоғамға бейімделуіне жағдай жасау.Іс-шара Маңғыстау облысының мүгедектер дене тәрбиесі және спорт федерациясының қолдауымен ұйымдастылды. Жарыстың өтуі мен қатысушыларды марапаттауға жомарт жандар демеушілік көрсетті. Жарысқа даун синдромы және аутизмі бар балалар мен жастар қатысты. Қатысушылар жеңіл атлетика бойынша бақ сынап, өз мүмкіндіктерін көрсетуге мүмкіндік алды.«Жарыс балалардың дене белсенділігін арттырумен қатар, өзіне деген сенімін нығайтуға және спортқа қызығушылығын оятуға бағытталды. Сонымен бірге шара инклюзивті ортаны қалыптастыруға, ерекше қажеттіліктері бар жандардың қоғамдық өмірге белсенді араласуына ықпал етті»,- дейді «Жарқын Damu» ҚБ негізін қалаушы Әлия Якубқызы.

Алимент төлемегендер жауапқа тартылды: Мұнайлыда 37 млн теңге өндірілді
Жаңалықты көру →
AuthorРоза Әділханқызы
10:57, 20 қазан 2026

Алимент төлемегендер жауапқа тартылды: Мұнайлыда 37 млн теңге өндірілді

МАҢҒЫСТАУ. OTPANNEWS.KZ – Мұнайлы ауданында 37 млн теңге алимент өндіріліп, борышкерлер жауапқа тартылды. Бұл туралы Маңғыстау облысының прокуратурасы мәлімдеді. Мұнайлы ауданының прокуратурасы 22 борышкерді әкімшілік, 3 борышкерді қылмыстық жауаптылыққа тартты.Нәтижесінде балалардың пайдасына бірнеше уақыттан беру төленбеген алимент берешегі өндірілді. «Кәмелетке толмағандардың құқықтары мен заңды мүдделерін қорғау – прокуратура органдары қызметінің басым бағыттарының бірі»,- деп жазды Маңғыстау облысының прокуратурасы.

Спорт
Маңғыстау спортының жарқын бес жылы: әлемдік аренаны бағындырған чемпиондар
Жаңалықты көру →
AuthorЖанкелді Қаржан
10:40, 21 қазан 2026

Маңғыстау спортының жарқын бес жылы: әлемдік аренаны бағындырған чемпиондар

OTPANNEWS.KZ. - Соңғы жылдары Маңғыстау облысынан шыққан спортшылар халықаралық жарыстарда ел намысын абыроймен қорғап, құрлықтық және әлемдік додаларда жоғары нәтиже көрсетіп келеді. Бокс, дзюдо, джиу-джитсу, кикбоксинг және өзге де спорт түрлерінде топ жарған жерлестеріміз өңір спортының әлеуетін танытып, жас буынға үлгі болып отыр. Соңғы бес жылдағы спорттық жетістіктерге көз жүгіртсек, халықаралық аренадан көрінген тәжірибелі спортшылармен қатар, болашағынан үміт күттіретін жас чемпиондардың да қатары көбейгенін байқауға болады.Бокстағы жеңісті жолМаңғыстау спорты туралы сөз қозғағанда, алдымен боксшы Бекзат Нұрдәулетовтің жетістіктерін атап өткен жөн. Жаңаөзендік спортшы 2019 жылы әлем чемпионы атанып, Токио Олимпиадасына қатысқан еді. Кейінгі жылдары да жоғары деңгейдегі жарыстарда нәтижелі өнер көрсетті.2024 жылы Таиландта өткен Азия чемпионатында 86 келіге дейінгі салмақта қарсыластарынан басым түсіп, құрлық чемпионы атанды. Ал 2025 жылы Астанада ұйымдастырылған World Boxing Әлем кубогының кезеңдік турнирінде 85 келіге дейінгі салмақта жеңіске жетті. Бұл нәтиже оның халықаралық аренадағы бәсекеге қабілеттілігін тағы бір мәрте дәлелдеді.Бекзаттың жетістігі - ұзақ жылдық еңбектің, тәжірибенің және жүйелі дайындықтың жемісі. Оның спорттық жолы жас боксшылар үшін үлкен мектеп деуге болады.Әлем чемпионатында жарқыраған жастарМаңғыстаулық жас спортшылардың халықаралық деңгейдегі табыстарының бірі 2024 жылы Венгрияның Будапешт қаласында өткен кикбоксингтен әлем чемпионатында тіркелді. Жастар мен кадеттер арасындағы жарыста Базар Диас пен Құбаш Сахи әлем чемпионы атанса, Махмұт Мәди қола медаль иеленді.Базар Диас 54 келіге дейінгі, Құбаш Сахи 57 келіге дейінгі салмақ дәрежесінде жеңімпаз атанды. Ал 81 келіге дейінгі салмақта сынға түскен Махмұт Мәди әлемдік додада үздік үштіктен көрінді. Чемпионатқа 50 мемлекеттен 800-ден астам спортшы қатысқанын ескерсек, бұл нәтижелердің маңызы арта түседі.Жас кикбоксшылардың жетістігі өңірдегі спорт мектептерінде қалыптасқан дайындық жүйесінің әлеуетін көрсетеді. Сонымен бірге олардың жеңісі халықаралық аренада Маңғыстау атын танытуға мүмкіндік берді.Дзюдодағы жаңа есімдерӨңір спортының келешегінен үміт күттіретін жас дзюдошылардың қатарында Ғабит Расулхановтың (60 кг) есімін ерекше атауға болады. Ол 2026 жылы Эквадордың Гуаякиль қаласында өткен кадеттер арасындағы әлем чемпионатында 60 келіге дейінгі салмақта алтын медаль жеңіп алды.Ғабит финалда канадалық Роман Семирозумнан басым түсіп, әлем чемпионы атанды. Бұған дейін де халықаралық жарыстарда тәжірибе жинақтаған жас спортшы бұл жолы әлемдік додада үздік екенін дәлелдеді. Қазақстан құрамасы жекелей жарыстарда он медаль иеленіп, аралас командалық бәсекеде де чемпион атанды.Ғабиттің жеңісі – Маңғыстау спортының болашағына деген сенімді арттыратын нәтиже. Жасөспірімдер арасындағы әлем чемпионатында топ жару спортшының алдағы уақытта ересектер деңгейінде де үлкен жетістіктерге жетуіне жол ашады.Дзюдодан тағы бір назар аударарлық есім – Азат Күмісбаев. Ол 2024 жылы жастар арасындағы Азия чемпионатында қола жүлдегер атанды. Мұндай нәтижелер жас спортшылардың құрлықтық деңгейде бәсекеге түсуге қабілетті екенін көрсетеді.Джиу-джитсудан тарихи жеңіс2025 жылы Маңғыстау спортының шежіресіне енген тағы бір маңызды оқиға болды. Қытайдың Чэнду қаласында өткен XII Дүниежүзілік ойындарда джиу-джитсудан сынға түскен Жәнібек Әбу-Бәкір алтын медаль жеңіп алды.69 келіге дейінгі салмақта өнер көрсеткен маңғыстаулық спортшы финалда Фарид Бен Алиді 12:9 есебімен жеңді. Бұл жеңіс Қазақстан құрамасының жарыстағы алғашқы алтын медалі болды. Дүниежүзілік ойындар – олимпиадалық бағдарламаға кірмейтін спорт түрлерінің үздіктері бас қосатын ірі халықаралық бәсеке. Сондықтан Жәнібектің нәтижесі тек өңір үшін емес, еліміздің спорт тарихы үшін де маңызды.Оның жетістігі джиу-джитсудың Маңғыстаудағы әлеуетін көрсетіп, дәстүрлі спорт түрлерінен бөлек бағыттарда да әлемдік деңгейге көтерілуге болатынын аңғартты.Сурдлимпиададағы табысӨңір спортындағы маңызды жетістіктердің қатарында сурдлимпиадалық спортшылардың нәтижелері де бар. 2025 жылы дзюдодан Хамзе Ғұлама Сурдлимпиада чемпионы атанды. Бұл жеңіс мүмкіндігі шектеулі спортшылардың да халықаралық аренада жоғары нәтижеге қол жеткізе алатынын дәлелдеді.Спорттағы мұндай жетістіктер инклюзивті бағыттың маңызын арттырып, ерекше қажеттілігі бар балалар мен жастарды спортқа тартудың өзектілігін көрсетеді. Чемпиондардың тәжірибесі мен табандылығы өзге спортшыларға да жігер береді.Чемпиондарды тәрбиелейтін ортаСпортшының жетістігі тек жеке қабілеті мен табандылығына байланысты емес. Оның артында бапкердің еңбегі, спорт мектебінің дайындығы, заманауи инфрақұрылым және тұрақты қолдау тұрады. Осы тұрғыдан алғанда, Маңғыстаудағы спорт нысандарының жаңаруы мен жаңа кешендердің ашылуы да назар аударуға тұрарлық.Ақтаудағы Halyk Arena мен BS Arena секілді көпфункционалды спорт кешендері түрлі спорт бағытында жаттығуға және жарыстар өткізуге мүмкіндік береді. Сонымен бірге ауылдық елді мекендерде ашылған жаңа спорт нысандары балалар мен жасөспірімдердің спортпен жүйелі айналысуына жағдай жасауға бағытталған.Маңғыстаулық чемпиондардың жеңістері – жеке спортшылардың ғана емес, тұтас өңірдің жетістігі. Ал олардың ізін басқан жас буынның халықаралық аренада жаңа белестерді бағындыруы алдағы жылдардағы спорт дамуының негізгі көрсеткіштерінің бірі болмақ.

Маңғыстауда әлеуметтік сала қызметкерлері флорболдан бақ сынады
Жаңалықты көру →
AuthorМахаббат Нұржанқызы
18:52, 20 қазан 2026

Маңғыстауда әлеуметтік сала қызметкерлері флорболдан бақ сынады

OTPANNEWS.KZ. – Маңғыстауда Әлеуметтік қорғау саласы қызметкерлері күніне орай флорболдан турнир өтті. Екі күнге созылған жарысқа өңірдің қалалары мен аудандарынан 80-ге жуық қызметкер қатысып, 10 команда өзара мықтыны анықтады.Спорттық шараны облыстық жұмыспен қамтуды үйлестіру және әлеуметтік бағдарламалар басқармасы, «Біз спорт үшін, есірткіге қарсымыз» қоғамдық қоры және облыстық көгалдағы хоккей федерациясы бірлесіп ұйымдастырды. Іріктеу кезеңінен өткен бес команда жарыстың шешуші кезеңінде кездесті. Қоғамдық қор төрағасы Роман Уразимбетов алдағы уақытта да бұқаралық спортты дамытуға арналған осындай шараларды жалғастыру жоспарланғанын айтты.Турнир қорытындысы бойынша бірінші орынды №1 арнаулы әлеуметтік қызметтерді көрсету орталығының командасы иеленді. Екінші орын Ақтау қалалық әлеуметтік бейімдеу орталығына бұйырса, үшінші орынға Бейнеу аудандық жұмыспен қамту және әлеуметтік бағдарламалар бөлімінің командасы жайғасты.Жеңімпаздарға алғыс хаттар мен ақшалай сыйлықтар табысталды.

Ақтауда жеңіл атлеттер бақ сынады
Жаңалықты көру →
AuthorOtpan News
10:05, 19 қазан 2026

Ақтауда жеңіл атлеттер бақ сынады

OTPANNEWS.KZ. – Жуырда Ақтау қаласында КСРО-ның еңбек сіңірген спорт шебері, даңқты қазақ жеңіл атлеті Әмин Тұяқовтың жүлдесіне арналған жеңіл атлетикадан дәстүрлі республикалық жарыс «Аминиада» спорттық іс-шарасы ұйымдастырылды. Үш күнге созылған жарыс барысында қатысушылар жеңіл атлетиканың бірнеше түрінен бақ сынады. Биылғы додада алғаш рет биіктікке секіруден жарыс өткізіліп, спортшылар өз шеберліктерін көрсетті.Маңғыстау облысы жеңіл атлетика федерациясының президенті Дәурен Мұратбайдың айтуынша, өңірде жастардың жеңіл атлетикаға деген қызығушылығы артып келеді. Осыған байланысты спорттың бұл түрін дамытуға және жаңа бағыттарды енгізуге басымдық берілуде.- Жеңіл атлетика тек жүгірумен ғана шектелмейді. Оның құрамына биіктікке және ұзындыққа секіру, әртүрлі қашықтыққа жүгіру және басқа да бағыттар кіреді. Қазіргі таңда осы бағыттар бойынша жұмыстарды жоспарлап, облыстық спорт саласына қатысты алдағы міндеттерімізді айқындап, жүйелі түрде жұмыс жүргізіп келеміз. Біздің мақсатымыз - өңірде жеңіл атлетиканы дамыту, жас спортшыларды тәрбиелеу және жеңіл атлетикаға деген қызығушылықты арттыру, - деді Дәурен Мұратбай.Ал Маңғыстау облысы жеңіл атлетика федерациясының аға жаттықтырушысы Асия Рабаеваның айтуынша, өңірде жеңіл атлетиканың бірнеше бағыты бойынша спортшылар даярланады. - Кедергімен жүгіру бағыты бойынша дайындықтар басталды. Сонымен қатар, маңғыстаулық жеңіл атлеттер ұзындыққа секіру, биіктікке секіру және найза лақтырудан да жақсы нәтижелер көрсетіп жүр. Биіктікке секірудің жаңа бағыт ретінде енгізілуі жас спортшылардың мүмкіндіктерін кеңейтіп, олардың спорттық әлеуетін дамытуға жол ашады. Өңірде жеңіл атлетиканың жаңа бағыттарын дамыту жұмыстары алдағы уақытта да жалғасын таппақ, - деді Асия Рабаева.

Қазақстан балуандары әлем чемпионатында үздік нәтижеге қол жеткізді
Жаңалықты көру →
AuthorЖанкелді Қаржан
10:14, 14 қазан 2026

Қазақстан балуандары әлем чемпионатында үздік нәтижеге қол жеткізді

OTPANNEWS.KZ. - Күрес түрлерінен АҚШ-тың Лас-Вегас қаласында өтіп жатқан 23 жасқа дейінгі әлем чемпионатында Қазақстан қоржынына қос бірдей алтын медаль иеленді. Спортты дамыту дирекциясының дерегінше, 60 келіде сынға түскен Айбек Айтбеков финалда дәл осы санат бойынша фаворит саналған әрі әлем чемпионы Елмир Алиевті (Әзірбайжан) 13:4 есебімен жеңіп, жаһандық додадағы алғашқы алтынды алып берді. Бұған дейін отандасымыз мамыр айында U23 санатында Азия чемпионы атағын да иеленген еді.72 келіде күрескен Юсуф Ашрапов та финалда Армения балуаны Гаспар Тертерянмен белдесіп, 4:3 есебімен камбэк жасап кетті. Бір ерекшелігі Армения өкілі бұған дейін U17 және U20 санатындағы жаһандық додада отандасымыздан басым түсіп, топ жарған еді.Одан бөлек, 87 келідегі Темірлан Тұрдақын да алтын жүлдеге таласуға мүмкіндік алды. Жерлесіміз ақтық сында ересектер арасында Азия чемпионатының күміс жүлдегері саналатын Ясин Әли Яздимен (Иран) өзара мықтыны анықтайды.Ал 130 келідегі Джохар Узаров қола жүлде үшін күреседі.Айта кетейік, 2017 жылдан бері тұрақты түрде өтіп келе жатқан U23 санатындағы әлем чемпионатында бұған дейін грек-рим күресінен 2023 жылы Сұлтан Әсетұлы ғана топ жарған болатын.

Роберт Мшвидобадзе: Біздің басты мәселеміз – спортшыларға сенімділіктің жетіспеуі
Жаңалықты көру →
AuthorЖанкелді Қаржан
13:46, 9 қазан 2026

Роберт Мшвидобадзе: Біздің басты мәселеміз – спортшыларға сенімділіктің жетіспеуі

Баку. OTPANNEWS.KZ - Қазақстан ұлттық құрамасының жаттықтырушы-консультанты Роберт Мшвидобадзе отандық дзюдошылардың әлем чемпионатындағы әлеуетіне шолу жасады. Оның пікірінше, спортшылардың өз күшіне деген сенімін арттырып, ішкі бәсекелестікті күшейту қажет. Маман әйелдер дзюдосының қазіргі деңгейіне, жас балуандардың мүмкіндігіне және ұлттық құраманың болашағына қатысты ойымен бөлісті. - Қазақстан дзюдосының қазіргі деңгейін қалай бағалайсыз? Құраманың нәтижелеріне көңіліңіз тола ма? - Өздеріңіз де байқап жүрсіздер, біз біртіндеп өсіп, алға жылжып келеміз. Қазақстанда бұл жұмысты енді ғана бастап жатырмыз. Соған қарамастан, ілгерілеу бар екенін көріп отырмын. Спортшыларымыз көп жаттығады, олардың әлеуеті де жоғары. Шын мәнінде, бізде өте мықты балуандар бар. Сондықтан алдағы уақытта жақсы нәтижелерге қол жеткізе алатынымызға сенемін. - Дегенмен, кейбір шешуші белдесулерде жеңіліп қалып жатамыз. Бұған не себеп? - Қазір біздің ең басты әрі ең үлкен мәселеміз – спортшыларға сенімділіктің жетіспеуі. Олар кейде қарсыластары өздерінен мықты деп ойлайды. Бұл - үлкен қателік. Әрине, халықаралық жарыстарда бәсекелестік жоғары. Бірақ қарсыластың мықтылығын мойындау мен одан қорқудың арасы екі бөлек. Спортшы өз мүмкіндігіне сеніп, татамиге жеңіске жету үшін шығуы керек.Өз күштеріне деген сенімділікті қалыптастыра алсақ, нәтижеміз де жақсарады. Өздеріңіз де көріп жүрсіздер, біз біртіндеп өсіп келеміз. Осы сенімділікті толық қалыптастырсақ, көп ұзамай жақсы нәтижелерге қол жеткіземіз. - Соңғы уақытта финалдық белдесулерде де жеңілістер болды. Бұл нені аңғартады?- Соңғы аптада ғана алты финалда жеңіліп қалдық. Бұл, әрине, жақсы нәтиже емес. Бізде әлі де жұмыс істейтін тұстар көп. Ұмтылатын белестеріміз де аз емес. Бірақ финалға дейін жетудің өзі спортшының белгілі бір деңгейге көтерілгенін көрсетеді. Ендігі міндет – шешуші сәттерде жеңіске жетуді үйрену. Ол үшін техникалық және тактикалық дайындықпен қатар, психологиялық тұрғыдан да мықты болу қажет. - Әйелдер дзюдосындағы бәсекелестік деңгейі туралы не айтасыз? Әсіресе ауыр салмақ дәрежелерінде жағдай қалай? - Қазір әйелдер дзюдосында ішкі бәсекелестік жеткіліксіз деп есептеймін. Жалпы, бұл бағытта әлі де атқаратын жұмыс көп. Дегенмен, жас қыздардың қатарға қосылып, жаттығып, бар күшін салып жүргені қуантады. Олардың дамуына мүмкіндік беруіміз керек. Мысалы, Азия ойындарында әйелдер құрамасы жақсы нәтиже көрсетті деп ойлаймын. Екі күміс және екі қола медаль жеңіп алдық. Командалық жарыста да қыздарымыз жақсы күресті. Мұның өзі белгілі бір ілгерілеудің бар екенін көрсетеді. - Жас спортшылардың өсіп-жетілуі үшін не қажет? - Ең алдымен, уақыт қажет. Жаңа жүйе қалыптасып жатқан кезде бірден нәтиже талап ету оңай емес. Әрине, мен де бәрін бірден қалаймын. Барлық жарыста жеңіске жетіп, алтын медальдарды бірден алғым келеді. Бірақ дзюдо – өте күрделі спорт түрі. Әлемде 184 елдің спортшылары дзюдомен айналысады. Бәсекелестік өте жоғары, әр елдің балуандары жақсы дайындалып, барын салады. Сондықтан спортшыны да, құраманы да кезең-кезеңімен дамыту керек. Жас балуандар тәжірибе жинап, халықаралық жарыстарда шыңдалуы тиіс. - Бүгін әлем чемпионатында күресіп, алғашқы айналымда сүрінген Аруна Жангелдинаның өнеріне қандай баға бересіз?- Аруна жаман күрескен жоқ. Дегенмен, әзірге мұндай ірі жарыстарға толық дайын емес деп ойлаймын. Оған әлі де тәжірибе жинау қажет. Жас спортшылардың дамуы бірден жүзеге аспайды. Сондықтан оларға уақыт беріп, жүйелі түрде жұмыс істеуіміз керек. - Алдағы әлем чемпионатында Қазақстан құрамасынан қандай нәтиже күтесіз?- Алдағы әлем чемпионатында жақсы нәтиже көрсетеміз деп ойлаймын. Қазақстан бұрын-соңды әлем чемпионаттарында қол жеткізген нәтижелерінен де жоғары көрсеткішке жетеді деп сенемін. Біздің спортшыларымыздың әлеуеті жеткілікті. Ең бастысы – өз күштеріне сеніп, дайындық барысында атқарған жұмыстарын татамиде көрсете білу. - Демек, Қазақстан дзюдосының басты мақсаты – спортшылардың өзіне деген сенімін арттыру ма? - Иә, бұл - ең маңызды мәселелердің бірі. Құрамадағы әр спортшыны көрген сайын оның қалай күресетінін білемін. Біздің жігіттер өте көп жаттығады, олардың мүмкіндіктері жоғары. Бірақ кейде өздерін қарсыластарынан төмен бағалайды. Спортшы өзіне сенуі керек. Егер біз осы сенімділікті қалыптастыра алсақ, жақсы нәтижелерге қол жеткіземіз. Қазақстан дзюдошыларының көптеген алтын медаль жеңіп ала алатынына сенімдімін. Біздің қолымыздан келеді. Ол үшін жүйелі еңбек етіп, алға қарай ұмтылуымыз қажет.

Ақтауда республикалық командалық шахмат турнирі өтті
Жаңалықты көру →
AuthorГүлсезім Әбдіжәлел
10:31, 9 қазан 2026

Ақтауда республикалық командалық шахмат турнирі өтті

OTPANNEWS.KZ - №31 ЖББМ базасында «Келешек мектептері» оқушылары арасында республикалық командалық шахмат турнирінің аймақтық іріктеу кезеңіне аудан, қала бойынша 9 командадан, 36 оқушы қатысты.Турнирдің негізгі мақсаты – «Келешек мектептері» оқушылары үшін бірыңғай ұлттық шахмат алаңын қалыптастыру, олардың интеллектуалдық қабілеттерін, стратегиялық ойлауын және командалық жұмыс дағдыларын дамыту, сондай-ақ оқушылар арасында шахматты кеңінен насихаттау.Турнирдің ашылуында Маңғыстау облыстық дене тәрбиесі және туризм орталығы директорының орынбасары Али Қабаков құттықтау сөз сөйлеп, қатысушыларға сәттілік тіледі. Жарыста №31 жалпы білім беретін мектептің директоры Ескендір Кумбаев және турнирдің бас төрешісі, Маңғыстау облысы Шахмат федерациясының бапкері Капаров Азамат тілектерін білдірді.Үздіктер қатарында:I орынды – Ақтау қаласы, №31 жалпы білім беретін мектебі; II орынды– Ақтау қаласы, №35 жалпы білім беретін мектебі;III орын – Мұнайлы ауданы, №19 жалпы білім беретін мектебі бар. Аймақтық кезеңнің жеңімпазы Астана қаласында өтетін республикалық ұлттық финалда Ақтау қаласының №31 жалпы білім беретін мектеп командасы Маңғыстау облысының намысын қорғайды.

Жаңаөзенде еліміздің үздік садақшылары бас қосты
Жаңалықты көру →
AuthorOtpan News
10:27, 7 қазан 2026

Жаңаөзенде еліміздің үздік садақшылары бас қосты

OTPANNEWS.KZ. - Жаңаөзен қаласында дәстүрлі садақ атудан жастар арасындағы ел чемпионаты өтіп жатыр. Ұлттық спортты дәріптеп, жас спортшылардың шеберлігін шыңдауға бағытталған дүбірлі додаға еліміздің өңірлерінен келген 70-ке жуық спортшы қатысады.Жарыс 18-24 жас аралығындағы жастар арасында ұйымдастырылған. Чемпионаттың басты мақсаты - дәстүрлі садақ атуды жастар арасында кеңінен насихаттау, ұлттық спорт түрлерінің дамуына серпін беру және оның бұқаралық сипат алуына ықпал ету.Сайыс бағдарламасына дәстүрлі садақ атудың бірнеше бағыты енгізілген. Атап айтқанда, спортшылар пута, қалқан, Орта Азия және жамбы нысаналары бойынша жекелей сында өнер көрсетеді. Чемпионаттың қорытындысы бойынша үздік нәтиже көрсеткен спортшылар анықталып, жеңімпаздар мен жүлдегерлер марапатталады.Жарыстың жабылу салтанаты 7 қазан күні Жаңаөзен қаласындағы Әмин Тұяқов атындағы стадионда өтеді.

Жаңаөзенде қазақ күресінен облыс чемпионаты өтті
Жаңалықты көру →
AuthorOtpan NEWS
15:05, 6 қазан 2026

Жаңаөзенде қазақ күресінен облыс чемпионаты өтті

OTPANNEWS.KZ. - 4 қазан күні Жаңаөзен қаласындағы «Энергетик» спорт кешенінде 2012-2013 жылы туған жасөспірімдер арасында Қазақстан Республикасы чемпионатына іріктеу бойынша Маңғыстау облысының чемпионаты өтті.Жарыстың басты мақсаты – ұлттық спортты насихаттау, жас балуандардың шеберлігін арттыру және ҚР чемпионатына баратын Маңғыстау облысының құрама командасын жасақтау.Жарысқа облыстың қалалары мен бес ауданынан келген жас балуандар қатысып, 10 салмақ дәрежесі бойынша өзара мықтыны анықтады.Жарыс нәтижесі:32 кг🥇 1-орын — Әліпбай Д (Бейнеу ауданы)🥈 2-орын — Дәлубай Е (Бейнеу ауданы)🥉 3-орын — Парахат Е (Бейнеу ауданы)🥉 3-орын — Дүйсенов Н (Бейнеу ауданы)35 кг🥇 Арыстан Азат (Ақтау қаласы)🥈 Силих Ерасыл (Жаңаөзен қаласы)🥉 Абдолхаким Абдулазиз (Маңғыстау ауданы)🥉 Балтабай Досжан (Ақтау қаласы)38 кг🥇 Рзагали А (Жаңаөзен қаласы)🥈 Инербаев Ж (Рахат БЖСМ)🥉 Серік Д (Маңғыстау ауданы)🥉 Бекболат А (Жетібай ауылы)42 кг🥇 Амангелді У (Жас Батыр спорт мектебі)🥈 Мақсут Е (Жаңаөзен қаласы)🥉 Бағдатұлы Е (Ұлттық спорт)🥉 Реш Д (Бейнеу ауданы)46 кг🥇 Абдрахман С (Мұнайлы ауданы)🥈 Сақтаған Р (Жас Батыр)🥉 Орынбасар А (Энергетик спорт мектебі)🥉 Исламұлы А (Рахат БЖСМ)50 кг🥇 Аманжолов Ш (Жас Батыр спорт мектебі)🥈 Ринатұлы А (Жетібай ауылы)🥉 Кемелхан Д (Рахат БЖСМ)🥉 Сәрсен А (Жаңаөзен қаласы)55 кг🥇 Серік Б (Ақтау қаласы)🥈 Абдынахул А (Ұлттық спорт)🥉 Нарынбай Қ (Жаңаөзен қаласы)🥉 Сүндетбайұлы А (Жаңаөзен қаласы)60 кг🥇 Абдымомын Н (Ақтау қаласы)🥈 Рзабек К (Маңғыстау ауданы)🥉 Шегебай Б (Бірлік спорт клубы)🥉 Исабай М (Сүлеймен спорт клубы)65 кг🥇 Басбай М (Теңге БЖСМ)🥈 Ерболат Д (Маңғыстау ауданы)🥉 Байболсин Н (Жас Батыр спорт мектебі)🥉 Киікбай И (Ардан спорт клубы)+65 кг🥇 Тіркеш Б (Энергетик спорт мектебі)🥈 Миргенбай Р (Ақтау қаласы)🥉 Жумахан Ж (Сүлеймен спорт клубы)🥉 Чаканбаев М (Бейнеу ауданы)

Ольга Шмелева мен Татьяна Токарницкая Азия ойындарының күміс жүлдегері атанды
Жаңалықты көру →
AuthorOtpan NEWS
09:54, 24 қыркүйек 2026

Ольга Шмелева мен Татьяна Токарницкая Азия ойындарының күміс жүлдегері атанды

Қазақстан ұлттық құрамасының өкілдері Ольга Шмелева мен Татьяна Токарницкая Жапонияның Айти–Нагоя қалаларында өтіп жатқан XX жазғы Азия ойындарының күміс жүлдегері атанды.Қазақстандық спортшылар байдарка мен каноэде есу жарысында әйелдер арасындағы 500 метрлік қашықтықта байдарка-екілік сайысында өнер көрсетті. Финалдық бәсекеде Шмелева мен Токарницкая екінші нәтиже көрсетіп, Қазақстан құрамасының қоржынына тағы бір күміс медаль салды.Соңғы жылдары Қазақстанда есу спортын дамытуға, соның ішінде заманауи спорт инфрақұрылымын нығайтуға ерекше көңіл бөлініп келеді. Осы бағыттағы маңызды жобалардың бірі – Мемлекет басшысының тапсырмасы бойынша Түркістанда салынған халықаралық деңгейдегі ескек есу каналы. 2025 жылы пайдалануға берілген кешеннің аумағы шамамен 100 гектарды, ұзындығы 2,2 шақырымнан асады. Заманауи нысан спортшылардың толыққанды жаттығуына, оқу-жаттығу жиындарын ел аумағында өткізуге және есу спортынан ірі халықаралық жарыстар ұйымдастыруға мүмкіндік береді.Жаңа спорт инфрақұрылымы ұлттық құраманың сапалы дайындығына жағдай жасап, Қазақстанда есу спортын одан әрі дамытуға қосымша серпін беріп отыр.Ольга Шмелева мен Татьяна Токарницкаяның күміс жүлдесі Қазақстан құрамасының XX жазғы Азия ойындарындағы кезекті медалі болды.

Владислав Яковлев пен Иван Чернухин академиялық ескек есуден Азия ойындарының чемпионы атанды
Жаңалықты көру →
AuthorOtpan NEWS
09:50, 24 қыркүйек 2026

Владислав Яковлев пен Иван Чернухин академиялық ескек есуден Азия ойындарының чемпионы атанды

Қазақстан ұлттық құрамасының өкілдері Владислав Яковлев пен Иван Чернухин Жапонияның Айчи–Нагоя қалаларында өтіп жатқан ХХ жазғы Азия ойындарының чемпионы атанды.Қазақстандық экипаж академиялық есуден ерлер арасындағы рульшісіз қос қайық (M2−) бәсекесінде алтын медаль жеңіп алды.А финалында Владислав Яковлев пен Иван Чернухин мәреге бірінші болып жетіп, басты қарсыластары Қытай экипажын 2,09 секундқа басып озды.Қазақстандық спортшылар бұған дейін ірі халықаралық жарыстарда да жүлделі нәтижелер көрсеткен. 2025 жылы Яковлев пен Чернухин ересектер арасындағы Азия чемпионатының қола жүлдегері атанса, биыл Оңтүстік Кореяның Чхунджу қаласында өткен Азия кубогында алтын медаль жеңіп алды. Азия ойындарындағы жеңіс олардың халықаралық аренадағы табысты нәтижелерінің жалғасы болды.Айта кетейік, академиялық есуден жарыстар Қазақстан құрамасы үшін жалғасуда. Бүгін Владислав Яковлев пен Иван Чернухин Ярослав Мельников және Тимур Фомичевпен бірге ерлер арасындағы рульшісіз төрттік сында А финалында да бақ сынайды.

YouTube бейнелер
Карта

Қалай баруға болады

9-й микрорайон, 42/1
Актау, Актау городская администрация

Ең жақын аялдама: 9-й микрорайон д.18 (350 м, 4 мин)

Маршрут құру
Соңғы жаңалықтардан хабардар бол!