Бүгінгі Казахстан және әлемдегі соңғы жаңалықтар

Маңғыстаулық кандидаттар Құрылтай мандатын иеленді

Анонс

Жаңалықты көру →

Маңғыстаулық кандидаттар Құрылтай мандатын иеленді

Астанада Айбек Дәдебайдың төрағалығымен «Әділет» партиясы Саяси кеңесі Бюросының отырысы өтті. Отырыс барысында Бюро еліміздің бір палаталы парламентінде депутаттық мандатқа ие болған 110 кандидаттың тізімін бекітті. Олардың қатарында Маңғыстау облысынан үш кандидат депутаттық мандатты иеленді. Тиісті шешім мен партиялық тізім Құрылтайдың бірінші шақырылымы депутаттарын ресми тіркеу үшін ҚР Орталық сайлау комиссиясына жолданды, деп хабарлайды otpannews.kz. Партияның баспасөз қызметінің дерегінше, депутаттардың 37-сі әйел (33,6%), 13-і жас (11,8%), 2-еуі мүгедектігі бар азамат (1,8%). 21-і (19%) – өзге ұлт өкілі. Орташа жасы – 46,7 жас.Олардың қатарында Ұлттық Құрылтайдың бұрынғы 13 мүшесі, Мәжілістің 20 экс-депутаты және Сенаттың 4 экс-депутаты бар. Жалпы, Парламентте депутаттық тәжірибесі бар 24 адам бар. Сонымен қатар 10 адам Президенттік жастар кадр резервінің мүшесі, 4-еуі Президент жанындағы Жастар саясаты жөніндегі кеңестің мүшесі, 5-еуі Президент жанындағы Әйелдер істері және отбасылық-демографиялық саясат жөніндегі ұлттық комиссияның мүшесі. Тағы 26 адам мәслихат депутаты болып сайланған.Құрамда әртүрлі саланың мамандары бар. Олардың ішінде 3 эколог, 2 волонтерлік қозғалыс өкілі және IT саласының 4 маманы бар.Депутаттық мандаттар бөлінген кандидаттартізімі:1. Авершин Константин Викторович2. Адаев Ербол Дәненұлы3. Адамбеков Тілектес Серікбайұлы4. Аймағамбетов Асхат Қанатұлы5. Аймағанова Айжан Талғатқызы6. Алтай Абай7. Атабаева Гүлзира Нұржанқызы8. Атамқұлова Гүлназ Төреханқызы9. Ахмедиев Дархан Мейрамұлы10. Адамбек Кендебай Сарыбайұлы11. Амантайұлы Жарқынбек12. Әбдікешов Алмат13. Әмірғалиев Мадияр Орынтайұлы14. Әлімқұлов Бекжан Мухидинұлы15. Әшімова Аяужан Тұрсынбекқызы16. Әшімжанов Жанарбек Садықанұлы17. Бәденова Әсел Жанболатқызы18. Байсақова Зүлфия Мұхамедбекқызы19. Басин Вадим Борисович20. Батырбеков Ерлан Ғаділетұлы21. Башымов Марат Советұлы22. Бекназаров Нұрлан Құдиярұлы23. Беркімбаев Берік Серікұлы24. Больгерт Евгений Андреевич25. Бұршақов Сатыбалды Ересұлы26. Байбеков Шалқар Заманбекұлы27. Бәзенов Айрат Бәзенұлы28. Балташева Айнагүл Қыдырбайқызы29. Бақытбекұлы Нұркен30. Баялышбаев Елдос Қайыркенұлы31. Годунова Наталья Николаевна32. Дәдебай Айбек Арқабайұлы33. Данилов Александр Сергеевич34. Данағұлов Ербол Жеткергенұлы35. Данбаева Жұлдыз Сейітқамзақызы36. Ділдабек Дидарбек Жұмағалиұлы37. Дулатбеков Нұрлан Орынбасарұлы38. Ералиев Бегалы Ералыұлы39. Ерназар Шынасыл Жеңісұлы40. Есімханов Сұңғат Қуатұлы41. Ескендірова Ақерке Нұрғалиқызы42. Елеусізова Бота Серікқызы43. Ералиев Мағжан Абзалұлы44. Ергешбек Нұрсадық Ергешбекұлы45. Жансеңгіров Арман Серікұлы46. Жаманқұлова Қарлығаш Қалибекқызы47. Жамалов Бауыржан Салдарұлы48. Жүкебаев Алмат Отаубайұлы49. Жылқыбаева Ләззат Әуезханқызы50. Зәкиева Динара Болатқызы51. Имашева Снежанна Валерьевна52. Қарабасова Лаура Шапайқызы53. Қаринова Шолпан Таңатқызы54. Қайырова Әсел Әнуарқызы55. Қожаниязов Серік Салауатұлы56. Кемалов Мейрамбай Тамабайұлы57. Кәрібек Дәулет Жамаубайұлы58. Қожаев Марат Шәдетханұлы59. Қожахметова Ләззат Таймырқызы60. Кузиева Замира Закировна61. Кучинская Юлия Владимировна62. Қамзабекұлы Дихан63. Оспанбеков Әмірбек Қанатбекұлы64. Оспанов Шота Сәбитбекұлы65. Өрісбаев Аббат Жәңгірханұлы66. Перепечина Ольга Валентиновна67. Петров Константин Викторович68. Пономарёв Сергей Михайлович69. Пулатов Шерзод Аббозович70. Рамазанова Наталья Сергеевна71. Рожин Максим Николаевич72. Рымжанов Мәди Рысбекұлы73. Савельева Татьяна Михайловна74. Сайыров Ерлан Бияхметұлы75. Сарым Айдос Әміроллаұлы76. Смышляева Екатерина Васильевна77. Сүгірбай Аят Исатайұлы78. Сулаймонова Русана Русланқызы79. Сүлейменова Айсұлу Қанатқызы80. Сағынов Замир Садықұлы81. Себасов Марат Бақбергенұлы82. Семидоцких Елена Александровна83. Темірбаева Айжан Маратқызы84. Тен Ирина Сергеевна85. Тоқтамұрат Армангүл86. Талаева Тәттігүл Жақсыбайқызы87. Теңізбаев Нұрбақыт Молдахметұлы88. Тамабек Әбілқайыр Ғалымұлы89. Тілемісов Тұрарбек Тілемісұлы90. Теренченко Илья Сергеевич91. Тоқшылық Ерлан Бейсенұлы92. Толыбаев Нұрлан Әлішерұлы93. Шапақ Үнзила94. Шаталов Никита Сергеевич95. Шибұтов Марат Мақсұмұлы96. Щербаков Станислав Александрович97. Маралов Дәурен Әділмырзаұлы98. Мұсылманбек Ерқанат99. Мұхамбедиев Мұратбек Қайырсәпиұлы100. Медеуова Дана Теміртайқызы101. Нахбаева Гүлісхан Сайфулинқызы102. Нарымбетов Бахадыр Мадалыұлы103. Найымбекова Айжан Ізбасханқызы104. Нұрмұхамедов Бөріхан Жолбарысұлы105. Ниязалиев Нұржан Әуезұлы106. Нұрғалиев Ербол Жолдаспекұлы107. Халықов Арман Қобыландыұлы108. Хайруллин Арман Ғабидоллаұлы109. Хайруллиев Мұса Қарашаұлы110. Ысқақова Айжан АмангелдіқызыБюро мүшелері «Әділет» партиясының Құрылтайдағы депутаттық фракциясы туралы ережені бекітті. Сайлау қорытындысы бойынша «Әділет» партиясы сайлаушылардың 71,17% дауысын жинап, 145 депутаттық мандаттың 110-ын иеленді. Партияны 6,5 миллионнан астам қазақстандық қолдады.

Otpan News

10:48, 27 тамыз 2026

Жарнама бөлімі: +7 (778) 145 90 93

Редакция: +7 (7292) 20 48 42

Тәжімұрат Найзабеков: «Біз чемпион ғана дайындамаймыз, адам тәрбиелейміз»

Анонс

Жанкелді Қаржан

10:10, 26 тамыз 2026

Тәжімұрат Найзабеков: «Біз чемпион ғана дайындамаймыз, адам тәрбиелейміз»

Ақтау қаласында балалар мен жасөспірімдер арасындағы кумитэ, ката, Heart Point бағыттары бойынша әлем чемпионаты өтіп, оған 22 елден 1000-нан астам спортшы қатысты. Аталған дүбірлі дода қарсаңында 19-22 тамыз аралығында қалада халықаралық семинар ұйымдастырылып, оған Кёкушинкай каратэнің әлемдік деңгейдегі шеберлері қатысты. Халықаралық семинар мен әлем чемпионаты – еліміздегі, соның ішінде Маңғыстаудағы кёкушинкай каратэнің дамуына тың серпін берген айтулы спорттық шаралардың бірі болды деуге болады. Осы орайда otpannews.kz тілшісі «Бүкілқазақстандық Кёкушинкай каратэ ұйымы» РҚБ президенті, Қазақстан Республикасының еңбек сіңірген жаттықтырушысы, Тәжімұрат Найзабековпен арнайы сұхбаттасқан еді.- Тәжімұрат аға, Ақтауда халықаралық семинардың өтуі – Маңғыстау үшін үлкен оқиға. Бұл семинардың еліміздегі кёкушинкайдың дамуы үшін қандай маңызы бар? Әлемдік деңгейдегі шеберлердің тәжірибесін қазақстандық спортшылар мен жаттықтырушыларға жеткізуде мұндай кездесулер қаншалықты маңызды?- Абай атамыздың «Ұстаздық еткен жалықпас, үйретуден балаға» деген сөзі бар. Спортта да осы қағида маңызды. Нағыз шебер өзінің білгенін өзімен бірге алып кетпей, кейінгі ұрпаққа аманат етуі керек. Ақтауда әлемдік деңгейдегі шеберлердің бас қосуы – жай ғана бірнеше күнге жоспарланған семинар емес. Бұл – тәжірибе алмасу, кәсіби білімді жетілдіру, ұстаз бен шәкірт арасындағы сабақтастықты нығайту. Әсіресе Кёкушинкай секілді тек спорттық шеберлікті емес, тәртіп пен рухты қатар талап ететін мектеп үшін мұндай кездесулердің маңызы зор. Шебердің бір қимылын көзбен көру кейде жүз кітап оқығаннан да әсерлі. Себебі Кёкушинкай – қол мен аяқтың қозғалысы ғана емес. Оның ар жағында мінез, сабыр, тәртіп, рух және адамның өзін-өзі жеңуі жатыр. Біз әлемнің үздік шеберлерінен үйренгенімізді қазақ баласына жеткізуіміз керек. Бүгін семинарға қатысқан бір жаттықтырушы ертең жүз баланы тәрбиелейді. Сол жүз баланың арасынан чемпион шығуы мүмкін. Бірақ чемпионнан да маңыздысы – сол жүз баланың жақсы азамат болып қалыптасуы. Мен үшін Кёкушинкайдың ең үлкен жеңісі – медаль емес. Ең үлкен жеңіс – баланың мінезінің түзелуі, рухының өсуі, ата-анасын сыйлайтын, елін сүйетін азамат болып қалыптасуы. Халықаралық семинарлардың шынайы мәні де осында.- Сіз өзіңіз кёкушинкайдан алғашқы жаттықтырушы-нұсқаушы ретінде 1990 жылы Ақтауда еңбек жолыңызды бастаған екенсіз. Осы жылдар ішінде бұл спорт Маңғыстауда қандай жолдан өтті? Бүгінде өңірдегі кёкушинкайдың жағдайын қалай бағалайсыз?- 1990 жылы Ақтауда Кёкушинкайды бастаған кезде бүгінгідей мүмкіндік болған жоқ. Арнайы зал аз, ақпарат тапшы, халықаралық байланыс жоқтың қасы еді. Бірақ бір нәрсе болды. Ол – ықылас, сенім және намыс. Кейде үлкен істің басталуына қомақты қаражаттан бұрын үлкен сенім қажет. Алғашқы жаттығуларға келген балалардың көзіндегі отты әлі күнге дейін ұмытпаймын. Бір залдан басталған жұмыс жылдар өте үлкен мектепке айналды. Шәкірттер өсті, жарыстарға қатысты, жеңіске жетті. Кешегі бала бүгін ұстаз болды. Кешегі шәкірт өз шәкіртін тәрбиелеп отыр. Мен үшін тарих деген – осы. Тарих тек жылдармен өлшенбейді, адамнан адамға жалғасқан аманатпен өлшенеді. Бүгін Маңғыстаудағы Кёкушинкайдың жағдайына қарасам, үлкен үміт көремін. Маңғыстау – мінезді өлке. Желіне де, шөліне де төтеп берген халықтың баласында төзім бар. Ал Кёкушинкайға ең керегі де – төзім мен рух. Ендігі міндетіміз – осы рухты жоғалтпай, жаңа буынға дұрыс бағыт беру.- Кёкушинкай Қазақстанға алғаш келген кезеңнен бері спорттың ауқымы қаншалықты өзгерді? Қазіргі таңда елімізде және Маңғыстау облысында кёкушинкаймен қанша адам айналысады, оның ішінде балалар мен жасөспірімдердің үлесі қандай?- Біз алғаш бастаған кезде Кёкушинкайды білетін адамның өзі аз еді. Бүгінде Қазақстанның көптеген қалалары мен аудандарында мыңдаған бала мен жасөспірім кимоно киіп, жаттығу жасап жүр. Бұл – үлкен өзгеріс. Дегенмен мен үшін саннан бұрын сапа маңызды. Мыңдаған спортшы болғанымен, оның тәрбиелік мәні болмаса, жетістіктің салмағы азаяды. Ал жүз баланың бойына тәртіп, намыс, еңбекқорлық сіңіре алсақ, сол жүз бала ертең жүз отбасының, жүз ортаның тірегіне айналады. Абай атамыз «Адамның адамшылығы – ақыл, ғылым, жақсы ата, жақсы ана, жақсы құрбы, жақсы ұстаздан болады» дейді. Сол жақсы ұстаздың бірі спорттағы жаттықтырушы болуы керек. Бүгінде Кёкушинкаймен айналысушылардың басым бөлігін балалар мен жастар құрайды. Сондықтан біздің жауапкершілігіміз де үлкен. Біз баланы тек соққы жасауға үйретпеуіміз керек. Оған қай жерде күш қолданбау керегін де түсіндіруіміз қажет. Күшті болуды ғана емес, өз күшін басқара білуді үйретуіміз керек. Кёкушинкайдың тәрбиелік мәні осында.- Ақтауда өтетін әлем чемпионатына 22 елден 1000-нан астам спортшының қатысуы жоспарланып отыр. Мұндай ауқымды халықаралық жарыстың Маңғыстауда өтуі өңірдегі балалар спорты мен кёкушинкайдың бұқаралық дамуына қандай серпін береді деп ойлайсыз?- Балаға кейде ұзақ насихат айтудың қажеті жоқ. Оған бір жақсы үлгі көрсету жеткілікті. Ақтаулық бала әлем чемпионын телефоннан көрсе – қызығады. Ал әлем чемпионының өз қаласында, өз көзінің алдында татамиге шығып жатқанын көрсе – армандай бастайды. Арман туған жерде мақсат пайда болады. Мақсат бар жерде еңбек басталады. Еңбек бар жерде нәтиже болады. Сондықтан әлемдік деңгейдегі жарыстың Маңғыстауда өтуі – балалар спорты үшін үлкен серпін. Алайда чемпионаттың ең үлкен мұрасы медаль мен кубок болмауы керек. Оның басты нәтижесі – жарыстан кейін спорт залдарының есігін ашып кірген жаңа балалар. Егер осы чемпионаттан кейін мың бала спортқа келсе, жүз бала жаман әдеттен алыстаса, он бала болашақта Қазақстанның намысын халықаралық аренада қорғаса – жарыстың шынайы жеңісі сол болмақ. Бүгін татамиге шыққан чемпион – ертеңгі баланың арманы. Ал бүгін армандаған бала – ертеңгі чемпион болуы мүмкін.- Алдағы жылдары Қазақстанда, соның ішінде Маңғыстауда кёкушинкайды одан әрі дамыту үшін қандай мәселелерге басымдық беру керек? Білікті жаттықтырушылар даярлау, балаларды спортқа тарту, спорттық инфрақұрылым және халықаралық жарыстар өткізу бағыттарында қандай жұмыстар қажет деп санайсыз?- Алдағы уақытта біз ең алдымен адам тәрбиесіне көңіл бөлуіміз керек. Зал салуға болады, татами сатып алуға болады, жарыс өткізуге болады. Бірақ ұстазды сатып ала алмайсың. Нағыз ұстаз жылдармен қалыптасады. Сондықтан бірінші міндет – білімді, адал, балаға жүрегімен қарайтын жаттықтырушыларды көбейту. Екіншіден, ауыл мен қала баласының мүмкіндігін теңестіруіміз керек. Спорт тек үлкен қаланың мүмкіндігі болмауы тиіс. Алыстағы ауылдағы бір баланың бойында болашақ әлем чемпионының жүрегі соғып тұруы мүмкін. Үшінші мәселе – инфрақұрылым. Балалардың қауіпсіз әрі сапалы жағдайда жаттығуына мүмкіндік беретін залдар, татами және қажетті спорттық құрал-жабдықтар керек. Төртінші бағыт – халықаралық тәжірибе. Қазақстандық спортшылар мен жаттықтырушылар әлемнің үздік мектептерімен тәжірибе алмасып, халықаралық жарыстар мен семинарларға тұрақты қатысуы қажет. Ал бесінші және ең маңыздысы – бірлік. Абай атамыз «Біріңді, қазақ, бірің дос, Көрмесең, істің бәрі бос» дейді. Спорт ұйымдары әртүрлі болуы мүмкін, эмблемаларымыз да бөлек болуы мүмкін. Бірақ біз тәрбиелейтін бала – бір елдің баласы. Біз қорғайтын ту – бір Қазақстанның туы. Сондықтан Кёкушинкайды бөлетін нәрсені емес, біріктіретін дүниені іздеуіміз керек. Менің арманым – Қазақстанның Кёкушинкайы тек чемпиондарымен ғана емес, тәрбиесімен, бірлігімен, мектебімен және адамгершілік рухымен әлемге үлгі болуы. Өйткені мықты мемлекет мықты адамнан құралады. Ал мықты адам – ең алдымен өзін жеңе білген адам. Мен үшін Кёкушинкай – спорттан да үлкен ұғым. Спортшының дәуірі қысқа болуы мүмкін. Чемпионның да бір күні орнына басқа чемпион келеді. Ал жақсы тәрбиенің ғұмыры ұзақ. Бізден кейін медальдар сөреде қалуы мүмкін. Бірақ біздің тәрбиемізді көрген шәкірттер, олардың тәрбиелеген балалары қалады. Сондықтан мен әрдайым айтамын: біз чемпион ғана дайындамаймыз, біз адам тәрбиелейміз. Ал адам тәрбиелеу – елдің болашағын тәрбиелеу. Кёкушинкайдағы әрбір жаттығу – денені шынықтыру ғана емес, мінезді шыңдау. Әрбір белбеу – адамның өзіне қойған талабының бір сатысы. Әрбір жеңіс – қарсыласты жеңуден бұрын өз бойыңдағы қорқынышты, жалқаулықты, әлсіздікті жеңу. Егер біз осы ұстанымды жас ұрпақтың жүрегіне жеткізе алсақ, Кёкушинкай Қазақстан спортына ғана емес, елдің болашағына да қызмет етеді. Біздің ең үлкен чемпионатымыз – өмір. Ал сол өмірдегі ең үлкен жеңіс - адам болып қалу.- Әңгімеңізге рахмет!

Мемлекет басшысы қазақстандық дзюдошыларды әлем чемпионатында тарихи жетістігімен құттықтады

Анонс

Жанкелді Қаржан

10:43, 24 тамыз 2026

Мемлекет басшысы қазақстандық дзюдошыларды әлем чемпионатында тарихи жетістігімен құттықтады

Қасым-Жомарт Тоқаев Эквадордың Гуаякиль қаласында өтіп жатқан дзюдодан жастар арасындағы әлем чемпионатында Қазақстан құрамасын аралас командалық жарыстағы айтулы жеңісімен, ал Ғабит Расулханды, Фатима Сұпығалиеваны, Әділжан Жаудиновті жекелеген сында алтын медальға ие болуымен құттықтады, деп хабарлайды otpannews.kz Ақордаға сілтеме жасап. Президент жас чемпиондардың спорттағы жолы жарқын болуына және жаңа биіктерді бағындыра беруіне тілектестік білдірді.Қазақстандық дзюдошылар әлем біріншілігінде 4 алтын, 3 күміс және 4 қола – барлығы 11 медаль жеңіп алып, отандық дзюдо тарихындағы үздік нәтижеге қол жеткізді.Кеше кешкісін Қасым-Жомарт Тоқаев Халықаралық дзюдо федерациясының президенті Мариус Визермен сөйлесті. Ұйым жетекшісі Мемлекет басшысын балуандарымыздың әлемдік жастар турниріндегі бұрын-соңды болмаған бірегей жеңісімен құттықтады.Қасым-Жомарт Тоқаев Қазақстанның Туризм және спорт министрлігімен, сондай-ақ ұлттық федерациямен сындарлы ынтымақтастық орнатқаны үшін халықаралық ұйымның басшысына ризашылығын білдіріп, соның нәтижесінде елімізде дзюдо күресі кеңінен дамып келе жатқанына тоқталды.

Барлық жаңалықтар

Танымал

Маңғыстау жаңалықтары

Жаңалықты көру →

Гүлсезім Әбдіжәлел

15:13, 28 тамыз 2026

Сапалы білім және жаңа технологиялар: Маңғыстауда Тамыз кеңесі өтті

Ақтауда «Сапалы білім, берік құндылық, табысты тұлға: жаңа оқу жылындағы міндеттер» тақырыбында педагогтердің дәстүрлі облыстық тамыз кеңесі өтті. Жиында білім сапасын арттыру, педагогтердің кәсіби дамуы, цифрландыру және жасанды интеллектіні оқу үдерісіне енгізу мәселелері талқыланды, деп хабарлайды otpannews.kz сайты.Кеңесте сөз сөйлеген облыс әкімі Нұрдәулет Қилыбай ұстаздар қауымын келе жатқан Білім күнімен құттықтап, білім беру саласын дамыту өңір үшін стратегиялық маңызға ие екенін атап өтті."Маңғыстау облысында білім беру саласын дамытуға ерекше көңіл бөлінуде. Өңірдегі демографиялық өсім білім беру инфрақұрылымын одан әрі жетілдіруді талап етеді. «Келешек мектептері» ұлттық жобасы аясында жаңа мектептер ашылып, үш ауысымды мектептер саны 10-нан 3-ке дейін қысқарды. Бұл – жүйелі жұмыстың және педагогтердің кәсіби еңбегінің нәтижесі. Сонымен қатар республикалық деңгейде алғашқылардың бірі болып шұбатты оқушылардың тамақтану рационына енгіздік. Бұл – балалардың денсаулығын нығайтумен қатар, жергілікті өнім өндірушілерді қолдауға және ұлттық тағам мәдениетін дәріптеуге бағытталған маңызды бастама. Мемлекет басшысы айқындаған міндеттерді сапалы орындау – баршамыздың ортақ міндетіміз. Өйткені жас ұрпақты біліммен қаруландырып, әлемдік бәсекеге қабілетті тұлға қалыптастырудың кілті – ұстаздардың қолында", – деді Нұрдәулет Қилыбай.Кеңес барысында өткен оқу жылының қорытындылары сараланып, 2026–2027 оқу жылында білім беру саласының алдында тұрған негізгі міндеттер айқындалды. 2025-2026 оқу жылының қорытындысы бойынша облыста білім сапасының орташа көрсеткіші 66,57 пайызды құрап, өткен оқу жылымен салыстырғанда 1,46 пайызға өсті. Өңірдің білім беру ұйымдарының 90 пайызы оң динамика көрсетті.Дарынды оқушылар да республикалық және халықаралық додаларда жоғары нәтижелерге қол жеткізді. Жыл ішінде 549 оқушы білім жарыстарына қатысып, 271 медаль иеленді. Оның ішінде 44 алтын, 92 күміс және 134 қола медаль бар.2026 жылғы ҰБТ нәтижесінде облыс бойынша 3 554 түлек мемлекеттік білім грантына ие болды. Бұл өткен жылмен салыстырғанда 265 грантқа артық. Оның ішінде 1 995 түлек нысаналы грантпен қамтылды. Сонымен қатар ҰБТ нәтижелері бойынша Маңғыстау облысы республикалық рейтингтегі көрсеткішін жақсартып, соңғы екі жылда 19-орыннан 13-орынға көтерілді.Білім беру инфрақұрылымын жаңғырту және қауіпсіздікті қамтамасыз ету бағытында да жүйелі жұмыстар жүргізілуде. Өңірдегі білім беру ұйымдары заманауи қауіпсіздік құралдарымен және жоғары жылдамдықты интернетпен толық қамтылды. 1-4 сынып оқушылары мен әлеуметтік осал санаттағы балалар тегін ыстық тамақпен қамтамасыз етілді.Сонымен бірге цифрландыру мен жасанды интеллект технологияларын білім беру үдерісіне тиімді енгізуге ерекше назар аударылды. Мамандардың пікірінше, заманауи технологияларды оқу процесіне енгізу педагогтің орнын алмастыру емес, оның жұмысын тиімді ұйымдастыруға және оқушының білім алу мүмкіндігін кеңейтуге бағытталуы тиіс.Жиында оқушылардың функционалдық сауаттылығын, шығармашылық және зерттеушілік қабілеттерін дамыту, кітап оқу мәдениетін қалыптастыру мәселелері де көтерілді. Кәсіптік білім беру жүйесін жаңа технологиялық талаптарға бейімдеу бағыттары да назардан тыс қалмады.Кеңес аясында білім беру саласындағы инновациялық жобалар мен заманауи шешімдер ұсынылған көрме ұйымдастырылды. Көрмеде STEAM білім беру, жасанды интеллект, жобалық оқыту, робототехника және бағдарламалау, кәсіпкерлік дағдыларын дамыту бағыттары қамтылды. Сондай-ақ заманауи оқу жабдықтары мен цифрлық білім беру ресурстары таныстырылды.Тамыз кеңесі барысында үздік ұстаздарға «Ерен еңбегі үшін» медалі, «Еңбек ардагері», «Ы. Алтынсарин», «Білім беру саласының үздігі» төсбелгілері табысталды. Сонымен қатар Қазақстан Республикасы Оқу-ағарту министрлігінің Құрмет грамоталары мен алғыстары берілді.Бұдан бөлек, «Орта білім беретін үздік ұйым» және «Техникалық және кәсіптік, орта білімінен кейінгі білім беретін үздік ұйым» гранттарының жеңімпаздары анықталды. Айта кетейік, облыстың барлық аудандары мен қалаларында тамыз кеңесі мен секциялық отырыстар ұйымдастырылды. Жиынға жалпы саны 3500-ге жуық педагог қатысты.

Жаңалықты көру →

Гүлсезім Әбдіжәлел

15:08, 28 тамыз 2026

Маңғыстауда сирек кездесетін қарақұс Қарағандыға жіберілді

Құс ем қабылдап, күрделі отадан өтіп, ұзақ уақыт бойы оңалды. Кейін Ақтаудан Қарағандыға жөнелтіліп, қазір зообақ мамандарының бақылауында өмір сүреді, деп хабарлайды Otpannews.kz.Ветеринар дәрігер, орнитолог Алина Шарипованың айтуынша, қарақұс ZOO LEKAR клиникасына өте ауыр жағдайда жеткізілген. Құс Жетібай мұнай кен орны аумағынан табылған. Оның денесі мұнай өнімдерімен ластанған.Жарақаты мен қауырсынының мұнайға былғануына байланысты қарақұс дұрыс ұша алмаған. Ол қатты әлсіреп, сусызданып, әбден арықтаған. Тіпті аяғына тұра алмаған.Құс клиникаға түскеннен кейін мамандар алдымен оның жағдайын тұрақтандырып, тексеруге кірісті. Алғашқы әрі маңызды міндеттердің бірі – денесі мен қауырсынындағы мұнай өнімдерін тазарту болды. Орнитологтар құсты ұзақ уақыт бойы арнайы өңдеуден өткізіп, ластанудан тазартты. Осы арқылы мұнай өнімдерінің ағзаға тигізетін уытты әсерін азайту көзделді.«Сонымен қатар тексеру барысында қанатынан сынық анықталды. Емдеу кезінде жарақаттың бастапқы болжамнан әлдеқайда күрделі екені белгілі болды. Зақымдалған аймақта ісіну, іріңдік, тіндердің бұзылуы және некроз дамыған. Қанатты толыққанды қызмет атқаратын күйде сақтап қалу мүмкін болмады. Біздің алдымызда қиын таңдау тұрды: өміршеңдігін жоғалтқан қанатты сақтап қалуға тырысып, инфекцияның таралуы мен асқыну қаупін арттыру немесе ампутация жасап, осылайша құстың өмірін сақтап қалу», – дейді дәрігер.Нәтижесінде қарақұстың зақымданған қанатына ампутация жасалды. Отадан кейін қарақұс ветеринар мамандар мен орнитологтардың бақылауымен клиникада оңалуын жалғастырды.Алайда осыдан кейін құсты табиғи ортаға қайтару мүмкін еместігі белгілі болды. Толыққанды қанаты болмағандықтан, ол табиғатта ұша алмайды, аң аулай алмайды, жыртқыштардан қорғана алмайды және қорек табуда қиындыққа тап болады. Сондықтан, құсты қауіпсіз жерге орналастырып, оған тұрақты әрі кәсіби күтім көрсететін жер керек болды. «Қарақұсқа жаңа мекен табудың сәті түсті. Ол – Қарағанды зообағы. Зообақ мамандары Қызыл кітапқа енген құсты қабылдап, оның әрі қарай күтімі мен ветеринарлық бақылауын қамтамасыз етуге келісті», – дейді маман.Қызыл кітапқа енген құсты тасымалдау үшін арнайы құжаттар дайындалды. Құстың денсаулығы туралы мемлекеттік ветеринариялық анықтама алынып, әуе көлігімен тасымалдау талаптарына сай арнайы авиациялық жәшік сатып алынды.Сонымен қатар тасымалдау мәселесі әуе компаниясымен және құсты қабылдайтын тараппен алдын ала келісілді. Клиника мамандары мен Umit MANGISTAU қорының өкілдері Қарағанды зообағы және оның ветеринар дәрігерімен бірлесіп жұмыс істеп, құсты барынша қауіпсіз жағдайда тапсыруды ұйымдастырды.27-нен 28 тамызға қараған түні қарақұс ұшақпен Қарағандыға жол тартты. Ал таңертең мамандар Қарағанды зообағындағы әріптестерінен құстың аман-есен жетіп, мекеме өкілдеріне тапсырылғаны туралы хабар алды.«Біз үшін бұл жай ғана жануарды бір қаладан екінші қалаға тасымалдау емес. Мұның артында бірнеше аптаға созылған ем, күрделі ота, оңалту, ондаған процедура, құжаттар мен келісімдер және сирек кездесетін құстың өмірі үшін күрес барысындағы алаңдаушылық тұр. Бірақ қазір мұның бәрі артта қалды. Қарақұс табиғатқа қайта орала алмаса да, Umit MANGISTAU қоры жүзеге асырып отырған жоба мен ZOO LEKAR клиникасы мамандарының арқасында өмірін жалғастыруға мүмкіндік алды. Біз үшін бұл – үлкен жеңіс» – дейді мамандар.Бүгінде қарақұс Қарағандыда зообақ мамандарының бақылауында.

Жаңалықты көру →

Гүлсезім Әбдіжәлел

15:05, 28 тамыз 2026

Маңғыстау облысында қылмыстық-атқару жүйесі мекемелеріндегі жағдай тексерілді

Shubat Fest-2026: «Ең үздік шұбат» номинациясының 20 финалисі анықталды

Жаңалықты көру →

Роза Әділханқызы

11:06, 26 тамыз 2026

Shubat Fest-2026: «Ең үздік шұбат» номинациясының 20 финалисі анықталды

Ұлттық сусынның мәртебесін көтеріп, шұбат өндіру мәдениетін дәріптеуге бағытталған SHUBAT FEST-2026 фестивалі аясында «Ең үздік шұбат» номинациясының финалистері анықталды, деп хабарлайды otpannews.kz сайты. Облыстық мәдениет, тілдерді дамыту және архив ісі басқармасының баспасөз қызметінің мәліметінше, байқауға еліміздің түкпір-түкпірінен шұбат өндіретін шаруашылықтар қатысып, өз өнімдерінің сапасы мен ерекшелігін ұсынды. Нәтижесінде үздіктер қатарынан 20 финалист іріктеліп, байқаудың шешуші кезеңіне жолдама алды.Финалистер 29 тамыз күні қазылар алқасының алдында өз өнімдерін ұсынып, кәсіби бағалаудан өтеді. Сонымен қатар жеңімпазды анықтауда жалпыхалықтық дауыс беру нәтижесі де ескерілмек.Бұл – дәстүрлі сусынның табиғи дәмі мен сапасын ғана емес, оны өндірушілердің еңбегін, шеберлігін және ұлттық құндылыққа деген құрметін бағалайтын маңызды кезең.Шұбат өндірушілердің еңбегі бағаланып, ұлттық сусынның сапасы мен өндіру мәдениетін дамытуға үлес қосқан үздіктер анықталатын болады.

2026 жылғы футболдан әлем чемпионаты шешуші кезеңге жақындады. Бір айға жуық уақытқа созылған тартысты додада 48 құраманың ішінен тек төртеуі ғана чемпиондыққа таласу мүмкіндігін сақтап қалды. Бұл жолы жартылай финалға Аргентина, Франция, Испания және Англия құрамалары шықты. Бір қызығы, бұл – әлем футболының қазіргі көшбасшылары саналатын төрт құраманың бір мезгілде әлем чемпионатының жартылай финалына алғаш рет шығуы болып отыр, деп жазады otpannews.kz.Аргентина – Мессидің соңғы миссиясыӘлемнің қазіргі чемпионы Аргентина бұл турнирде де тұрақты ойын өрнегін көрсетті. Лионель Месси өзінің 39 жасында да команданың басты көшбасшысы екенін дәлелдеп келеді. Ол турнирдің үздік сұрмергендерінің қатарында болса, Хулиан Альварес пен Лаутаро Мартинес шабуыл шебін сәтті толықтырып келеді. Ширек финалда аргентиналықтар Швейцарияны қосымша уақытта 3:1 есебімен жеңіп, қатарынан екінші рет әлем чемпионатының жартылай финалына жолдама алды. Енді Лионель Скалони шәкірттері Англиямен кездеседі. Франция – басты фаворитКөпшілік сарапшылар Франция құрамасын турнирдің негізгі фавориті санайды. Дидье Дешам шәкірттері шабуылда да, қорғаныста да өте сенімді ойын көрсетіп келеді.Килиан Мбаппе мен Усман Дембеле қарсыластар қорғанысын жиі тығырыққа тіресе, команданың ойын жүйесі тұрақтылығымен ерекшеленуде. Франция ширек финалда Марокконы жеңіп, кезекті рет үздік төрттікке енді. Испания – жас буынның жарқын ойыныИспания құрамасы бұл әлем чемпионатында техникалық әрі комбинациялық футболымен көзге түсті. Команда сапындағы жас жұлдыз Ламин Ямаль тәжірибелі ойыншылармен үйлесімді байланыс орнатып, испандықтардың шабуылын жаңа деңгейге көтерді.Ширек финалда Испания Бельгияны жеңіп, жартылай финалға шықты. Енді олар финал жолдамасы үшін Франциямен кездеседі. Бұл матч турнирдің ең қызықты текетірестерінің бірі болмақ. Англия – ұзақ күткен мүмкіндікАнглия құрамасы бұл жолы чемпиондыққа бұрынғыдан да жақын көрінеді. Томас Тухельдің командасы плей-офф кезеңінде қиын қарсыластардан сүрінбей өтті.Ширек финалда ағылшындар Норвегияны қосымша уақытта жеңіп, жартылай финалға жолдама алды. Команданың негізгі үміті – Харри Кейн мен Джуд Беллингем. Екеуі де турнир барысында шешуші сәттерде нәтижелі ойын көрсетіп келеді. Жартылай финалдағы басты тартыстарЖартылай финалда футбол жанкүйерлерін екі тарихи текетірес күтеді:Франция – ИспанияАнглия – АргентинаБірінші жұпта қазіргі Еуропаның ең қуатты құрамалары кездессе, екінші ойында әлем чемпиондары мен ағылшындардың тарихи бәсекесі жалғасады. Чемпиондыққа кім жақын?Франция құрамасы ойын сапасы жағынан фаворит саналғанымен, Аргентина тәжірибесімен ерекшеленеді. Испания жас әрі қарқынды футболымен қауіпті болса, Англия ұзақ жылғы күткен чемпиондықты жеңіп алуға бар күшін салатыны анық.Қалай болғанда да, 2026 жылғы әлем чемпионатының жартылай финалы әлем футболының төрт алыбын бір алаңға тоғыстырды. Сондықтан алдағы кездесулер тек чемпионды анықтап қана қоймай, қазіргі заман футболындағы ең мықты құраманың кім екенін де айқындайды.

YouTube бейнелер

Маңғыстаулық кандидаттар Құрылтай мандатын иеленді

Тәжімұрат Найзабеков: «Біз чемпион ғана дайындамаймыз, адам тәрбиелейміз»

Мемлекет басшысы қазақстандық дзюдошыларды әлем чемпионатында тарихи жетістігімен құттықтады

Семей полигонының жабылғанына 35 жыл: Курчатовта не өзгерді

Сапалы білім және жаңа технологиялар: Маңғыстауда Тамыз кеңесі өтті

Маңғыстауда сирек кездесетін қарақұс Қарағандыға жіберілді

Маңғыстау облысында қылмыстық-атқару жүйесі мекемелеріндегі жағдай тексерілді

Айбек Дәдебай Құрылтай төрағасы болып сайланды

Ақтауда азаматтардың құқықтарын қорғау бойынша атқарылған жұмыстар баяндалды

Қыркүйектің екінші жартысында Халық Кеңесі жасақталады

Президент Құрылтай депутаттарынан Айбек Дәдебайдың кандидатурасын қолдауды ұсынды

Үкімет 16 жасқа толмаған балалардың әлеуметтік желіге тіркелуіне заң арқылы тыйым салуды ұсынды

Президент ерекше қажеттілігі бар балаларды жан-жақты қолдау жөніндегі заңға баса назар аудару қажеттігін айтты

Қасым-Жомарт Тоқаев: Депутаттар бірінші сессияда бірқатар маңызды заңдарды қабылдауы қажет

Мемлекет басшысы: «Жаңа Конституция нормаларын ескере отырып, еліміздің заңнамасына түзетулер енгізу қажет»

Президент: Құрылтай билік жүйесін қалыптастыру ісінде маңызды рөл атқарады

Президент: Тарих өкпе-ренішпен емес, шынайы көзқараспен жазылуы тиіс

Президент Құрылтай депутаттарына жүктелетін жауапкершілікті атады

Реформаның арқасында тарихи тамыры тереңде жатқан Құрылтай ұғымы қайта жаңғырды — Президент

Президент: Құрылтай сайлауы ел бірлігінің мызғымас тірегін көрсетті

Бірінші шақырылымдағы Құрылтайдың бірінші сессиясы басталды

Үкімет жаңа құрам бекітілгенге дейін жұмысын жалғастырады

Әлеуметтік желілерде Қазақстан азаматтарының банктік депозиттер бойынша төленетін сыйақыға 5% салық ингизу туралы ұсыныс пайда болды деген ақпарат тарап жатыр.

Қазақстанның IT-қызметтер экспорты бес жылда шамамен 34 есеге өсті

Маңғыстау облысының әкімі Құрылтай депутаттарын сайлауға қатысып, өз таңдауын жасады

Нұрдәулет Жарылғапов қазақ күресінен әлем чемпионатында күміс жүлде иеленді

Татуласу жауаптылықтан қайталап босатпайды

«Маңғыстау» есімді азамат Құрылтай сайлауында дауыс берді

Ұлы дала жорығының чемпионы Нұрсағын Тұқымбай Құрылтай сайлауында өз таңдауын жасады

«Дарын» мемлекеттік жастар сыйлығына байқау жарияланды

Мәдениет майталманы Жеткізген Сейтов Құрылтай сайлауында дауыс берді

Qalqan жобасы 16 медициналық ұйымға артты

Маңғыстаулық блогер Азамат Сәрсенбаев Құрылтай сайлауында дауыс берді

Сапалы білім және жаңа технологиялар: Маңғыстауда Тамыз кеңесі өтті

Маңғыстауда сирек кездесетін қарақұс Қарағандыға жіберілді

Маңғыстау облысында қылмыстық-атқару жүйесі мекемелеріндегі жағдай тексерілді

Президент: Тарих өкпе-ренішпен емес, шынайы көзқараспен жазылуы тиіс

Экологиялық бақылау: «Таза Жаңаөзен» кәсіпорны 432 500 теңге айыппұл арқалады

Ақтаулық волонтер Әлия мен күн сәулелі жандар «Таза Маңғыстау» челленджіне екінші рет қатысуда

Ақтауда педагогтерге алғашқы көмек көрсету бойынша практикалық интенсив басталды

«Кендірлі» әуежайының құрылысы 49 пайызға орындалды

Балаларға арналған шұбат: Жаңаөзенде Қазақстандағы алғашқы жоба іске қосылады

Мемлекеттік қызмет алушылардың құқықтары қорғалды

Маңғыстау облысы Қазақстан оқушыларының ХІІІ жазғы гимназиадасы қорытындысы бойынша үздік атанды

Shubat Fest-2026: «Ең үздік шұбат» номинациясының 20 финалисі анықталды

Ақтауда халықаралық деңгейдегі Wilson Cup by Rixos теннис турнирі басталды

Есту қабілеті зақымданған спортшылар арасында республикалық IV Спартакиадасының салтанатты ашылу рәсімі өтті

Хаби Алонсо Дастан Сәтбаевқа матч кезінде тікелей нұсқау берді

Айбек Имашев Қазақстан дзюдо федерациясының Бас хатшысы қызметіне тағайындалды

«Маңғыстаулық бапкердің еңбегі бар»: Қазақстан волейболды отырып ойнаудан әлем чемпионатының қола жүлдегері атанды

ӘЧ-2026: Испания Аргентинаны жеңіп әлем чемпионы атанды

Месси жылап, Испания қуанды: 2026 жылғы әлем чемпионаты несімен есте қалды?

Аргентина құрамасы қатарынан екінші рет әлем чемпионатының финалына шықты

ӘЧ-2026: Франция мен Испания құрамалары арасындағы фаворит кім?

Төрткүл дүние көз тіккен әлем чемпионаты: жартылай финалға шыққан құрамалар кімдер?

Қалай баруға болады