22:12, 13 қараша 2026
«Әділет» партиясының кандидаттары «ТрубРемЦентр» ұжымымен кездесті
«Әділет» партиясынан Маңғыстау облыстық және Жаңаөзен қалалық мәслихат депутаттығына кандидаттар Жаңаөзен қаласындағы «ТрубРемЦентр» мекемесінің қызметкерлерімен кездесті.Үгіт-насихат жұмыстары аясында өткен жиында кандидаттар партияның 2026–2031 жылдарға арналған сайлауалды бағдарламасын таныстырып, Мемлекет басшысының Қазақстан халқына Жолдауында белгіленген стратегиялық міндеттерді түсіндірді.Кездесуде өңірдің әлеуметтік инфрақұрылымын жетілдіру, тұрғын үй-коммуналдық шаруашылық жүйесін жаңғырту, ауызсумен тұрақты қамтамасыз ету және қаланың инженерлік желілерін кезең-кезеңімен жаңарту мәселелеріне басымдық берілді.Сонымен қатар кандидаттар Жаңаөзен қаласының тұрақты дамуы үшін коммуналдық қызметтердің сапасын арттыру, тұрғындарға қолайлы өмір сүру ортасын қалыптастыру және әлеуметтік нысандардың қолжетімділігін қамтамасыз ету маңызды екенін атап өтті.«Халықтың өмір сапасы ең алдымен күнделікті тұрмыстағы жағдаймен өлшенеді. Таза ауызсу, тұрақты жылу мен электр энергиясы, сапалы жол және қолжетімді әлеуметтік қызметтер – тұрғындар үшін ең өзекті мәселелер. Сондықтан қаланың инженерлік инфрақұрылымын жаңарту мен коммуналдық жүйелердің үздіксіз жұмысын қамтамасыз етуге ерекше көңіл бөлінуі тиіс. Мемлекет басшысының Жолдауында да инфрақұрылымды жаңғырту және елді мекендердің дамуындағы теңсіздікті азайту міндеттері айқындалған. Бұл бағытта жүйелі әрі нәтижелі жұмыс жүргізу маңызды», – деді Римма Мұханова.Бұдан бөлек, жиында білім беру және денсаулық сақтау салаларындағы қызмет сапасын арттыру, заманауи әлеуметтік нысандар салу және жастардың кәсіби білім алу мүмкіндіктерін кеңейту мәселелері де сөз болды.Кездесу соңында еңбек ұжымы сауалдарын қойып, қаланың дамуына қатысты ұсыныстарын жеткізді. Кандидаттар тұрғындармен тұрақты байланыс орнатудың және өзекті мәселелерді бірлесіп талқылаудың маңызын атап өтті.Маңғыстау облыстық мәслихаты депутаттарының сайлауында партиялық тізімді ұсынған «Әділет» партиясы Сайлау қорының қаражатынан төленді.Дайындаған: «Маңғыстау Медиа» ЖШС;Мекенжайы: Ақтау қ., 9 шағынаудан, 42/1;Тапсырыс беруші: Маңғыстау облыстық мәслихаты депутаттарын сайлауына партиялық тізімді ұсынған «Әділет» партиясының атынан өкілдік ететін Нұрбек Қарасайұлы Қарасаев арқылы партияның сайлау қоры қаражаты есебінен дайындалды.
