Ақтауда 13 жасар қыз баланы зорлағандар әлі де бостандықта жүр

Қылмыс өткен жылдың қыркүйек айында болған, бірақ ол туралы қазір, зорланған қыздың анасы «Немолчи.kz» қорына жүгінгенде ғана белгілі болды. Жәбірленуші қыздың анасы қорға айтып бергендей, полицияға арыз бірден берілген, сонымен қатар анасы прокуратураға да жүгінген. Алайда, қордың мәлімдеуінше, күдіктілердің ешқайсысы әлі ұсталмаған, деп хабарлайды otpannews.kz.Жетінші сынып оқушысын мектепке бара жатқан жолда ұстап алып, құрылыс алаңына сүйреп апарып, бәрін видеоға түсіріп, қорлаған. Қыз баланы бір топ адам зорлап, үстіне темекі тұқылын басқан, ішінен секіріп, соққыға жыққан. Қордың мәліметінше, зорлық-зомбылық эпизодтары бірнеше рет қайталанған.«Қыз анасымен сенімді қарым-қатынаста болғанына қарамастан, айтуға қорыққан. Ол ауыр депрессияға түсті. Қазір ол жарықсыз ұйықтай алмайды, мектепке бармайды – үйден оқуға ауыстырылды, психиатриялық клиникада емделіп шықты. Қазір ауыр дәрі-дәрмекпен емделуде. Анасына бәрін бөліп-бөліп, эпизодтармен айтып берген. Анасының өзі қорқынышты жайттарды білгенге дейін бұл буллингтің әсері деп ойлаған. Полиция не істеуі қажет еді?Полиция қылмыс болған жерді тексеруі керек еді, өйткені онда биоматериалдар қалуы мүмкін. Мектепке бара жатқан жолдағы камералардан жазбаларды алуға, барлық жазбаларды қарап шығуға, куәгерлерден жауап алуға және күдіктілер шеңберін анықтауға, мектеппен жұмыс жүргізуге, зорлаушылардың өздерін және олардың телефондарынан видеоайғақтарды табуға міндетті болған. Бірақ мұның ешқайсысы жасалмады. Мектеп те іске араласпай, шетте қалды. Қазір қыз бала өз қорқынышымен бетпе-бет қалды, ауыр депрессияда, ал мұндай әрекетке барған зорлаушылар тобы, басқа құрбанды қорлап жүруі де ғажап емес. Дәл қазір Ақтауда жасөспірімді зорлаған бес (мүмкін одан да көп) зорлаушы жүр. Басшысының аты «Заха» — ол жоғары сыныпта оқиды. Бұл оның есімі емес, лақап аты болуы да мүмкін. Неліктен зорлаушылар дәл осы қызды таңдады? Қызды бұл топқа бұзақылығы үшін мектептен шығарылған басқа бір қыз «бағыттап» жіберген деген болжам бар. Бұл зорлаушылар оны қорлап, соққыға жығып және зорлай отыра, таблетка ішіп өлуің керек деп азғырған. Манипуляция әсері сонша — қазір ол өзін және денесін жек көреді, өзін лас және өмір сүруге лайықсыз деп санайды. Әрине, ол бірнеше рет өзін-өзі өлтіруге әрекет жасады. Болжам бойынша: қатігез топтың барлық мүшесі әлі мектепте оқиды. Бірақ олар заңнан да, полициядан да, жазадан да қорықпайды», - деп жазады қор.Маңғыстау облыстық Полиция департаменті аталған факт бойынша ҚР Қылмыстық кодексінің 120-бабы 4-бөлігімен қылмыстық іс қозғалғанын хабарлады.«Қазіргі уақытта болған оқиғаның барлық мән-жайын анықтауға бағытталған жедел-тергеу іс-шаралары кешені жүргізілуде. Өзге ақпарат Қазақстан Республикасының Қылмыстық-процестік кодексінің талаптарына сәйкес жария етуге жатпайды. Қылмыстық іс Полиция департаменті басшылығының бақылауында», - делінген хабарламада.