Otpan News Logo
Елімізде бастауыш сыныптарда БЖБ мен ТЖБ сабағы өткізілмейді
Анонс
Жаңалықты көру →

Елімізде бастауыш сыныптарда БЖБ мен ТЖБ сабағы өткізілмейді

Қазақстан мектептерінде 2026 жылғы 1 қыркүйектен бастап бастауыш сынып оқушыларын бағалау жүйесіне өзгерістер енгізіледі. Енді 1–4-сыныптарда бөлім бойынша жиынтық бағалау (БЖБ) мен тоқсан бойынша жиынтық бағалау (ТЖБ) өткізілмейді, деп жазады otpannews.kz.Бұл туралы Оқу-ағарту министрлігі мәлімдеді. Минисрліктің мәліметінше, бұл шешім ата-аналар мен педагогтердің ұсыныс-пікірлері негізінде қабылданған. Оқу-ағарту министрлігі мен Ыбырай Алтынсарин атындағы Ұлттық білім академиясы бастауыш сыныптардағы бағалау жүйесінің тиімділігіне жан-жақты талдау жүргізген.Зерттеу барысында білім беру ұйымдарындағы оқыту тәжірибесі, педагогтердің кәсіби пікірі, 4-сынып оқушыларының оқу жетістіктерін бағалау мониторингінің нәтижелері, сондай-ақ бастауыш сынып оқушыларының жас ерекшеліктері ескерілген.Министрліктің хабарлауынша, жүргізілген талдау БЖБ мен ТЖБ бастауыш сынып оқушыларының білім жетістіктерін толыққанды көрсете алмайтынын, сонымен қатар балаларға қосымша оқу және эмоционалдық жүктеме түсіретінін көрсеткен. Осыған байланысты 2026 жылғы 1 қыркүйектен бастап 1-4-сынып оқушыларының оқу жетістіктерін бағалаудың бастапқы, аралық және тоқсандық бағалау тәсілдері қайта қаралады.БЖБ мен ТЖБ-ның орнына оқушылардың жас ерекшеліктеріне сәйкес келетін ағымдағы бағалау түрлері енгізіледі. Білім деңгейі диктант, мазмұндама, бақылау жұмыстары, практикалық және шығармашылық тапсырмалар арқылы бағаланатын болады.Министрліктің пікірінше, мұндай бағалау тәсілдері оқушылардың пәндік білім деңгейін объективті анықтауға мүмкіндік береді. Сонымен қатар бұл жүйе оқу және жазу сауаттылығын дамытуға, функционалдық сауаттылықты қалыптастыруға, танымдық қабілеттерді, сыни ойлау мен коммуникативтік дағдыларды дамытуға оң ықпал етпек.

Author AvatarOtpan News

11:18, 6 тамыз 2026

Жарнама бөлімі: +7 (778) 145 90 93

Редакция: +7 (7292) 20 48 42

Маңғыстаулық таэквондошы Корея төрінде топ жарды
Анонс
AuthorЖанкелді Қаржан
09:38, 4 тамыз 2026

Маңғыстаулық таэквондошы Корея төрінде топ жарды

Ақтауда жасыл желектерді суару және күтіп-баптау жұмыстары тұрақты жүргізілуде
Анонс
AuthorЖанкелді Қаржан
12:24, 1 тамыз 2026

Ақтауда жасыл желектерді суару және күтіп-баптау жұмыстары тұрақты жүргізілуде

Барлық жаңалықтар
11 жыл үздік оқыған Шетпе түлегіне «Алтын белгі» берілмей, оқу грантынан айырылуы мүмкін еді
Жаңалықты көру →
14:32, 11 тамыз 2026

11 жыл үздік оқыған Шетпе түлегіне «Алтын белгі» берілмей, оқу грантынан айырылуы мүмкін еді

Ақтау тұрғынының көлігінен 250 кг-дан астам бекіре балығы табылды
Жаңалықты көру →
14:24, 11 тамыз 2026

Ақтау тұрғынының көлігінен 250 кг-дан астам бекіре балығы табылды

Болашақ реакторларға арналған материалдар қалай сыналады?
Жаңалықты көру →
14:18, 11 тамыз 2026

Болашақ реакторларға арналған материалдар қалай сыналады?

Мейрамбек Жаңабай: «Өз таңдауыңды жаса, болашаққа үлес қос»
Жаңалықты көру →
14:16, 11 тамыз 2026

Мейрамбек Жаңабай: «Өз таңдауыңды жаса, болашаққа үлес қос»

Нұрдаулет Әймбетов: «Дауыс беру – әрқайсымыздың азаматтық борышымыз»
Жаңалықты көру →
14:14, 11 тамыз 2026

Нұрдаулет Әймбетов: «Дауыс беру – әрқайсымыздың азаматтық борышымыз»

Ақтауда Абай мұрасына арналған ашық микрофон кеші өтті
Жаңалықты көру →
11:06, 11 тамыз 2026

Ақтауда Абай мұрасына арналған ашық микрофон кеші өтті

АЭС және радиациялық қауіпсіздік: Қазақстан мамандарды қалай даярлап жатыр?
Жаңалықты көру →
10:49, 11 тамыз 2026

АЭС және радиациялық қауіпсіздік: Қазақстан мамандарды қалай даярлап жатыр?

«Тәжен» кеден бекетінің қызметкерлері дизель отынын заңсыз әкетудің жолын кесті
Жаңалықты көру →
10:25, 11 тамыз 2026

«Тәжен» кеден бекетінің қызметкерлері дизель отынын заңсыз әкетудің жолын кесті

Зардап шеккендер жоқ: Ақтаудағы 12 шағынауданда пәтер өртенді
Жаңалықты көру →
09:44, 11 тамыз 2026

Зардап шеккендер жоқ: Ақтаудағы 12 шағынауданда пәтер өртенді

Ақтауда пара пауэрлифтингтен Қазақстан чемпионаты басталды
Жаңалықты көру →
21:01, 10 тамыз 2026

Ақтауда пара пауэрлифтингтен Қазақстан чемпионаты басталды

Ақтауда қаржылық қауіпсіздік сабақтары мен спорттық фестиваль өтті
Жаңалықты көру →
20:55, 10 тамыз 2026

Ақтауда қаржылық қауіпсіздік сабақтары мен спорттық фестиваль өтті

Жаңаөзенде Абайдың қара сөздерін жатқа айтудан жарыс өтті
Жаңалықты көру →
20:47, 10 тамыз 2026

Жаңаөзенде Абайдың қара сөздерін жатқа айтудан жарыс өтті

Жаңаөзенде Абай күніне орай көркемсөз байқауы өтті
Жаңалықты көру →
20:43, 10 тамыз 2026

Жаңаөзенде Абай күніне орай көркемсөз байқауы өтті

Ақтауда өрт кезінде сегіз адам құтқарылды
Жаңалықты көру →
15:59, 10 тамыз 2026

Ақтауда өрт кезінде сегіз адам құтқарылды

Қазақстандықтардың басым бөлігі Қ.К.Тоқаевқа сенім білдіреді
Жаңалықты көру →
14:57, 10 тамыз 2026

Қазақстандықтардың басым бөлігі Қ.К.Тоқаевқа сенім білдіреді

Ақтоты Абдуллаева: «Әр таңдау – ертеңіміз үшін жасалған маңызды қадам»
Жаңалықты көру →
14:22, 10 тамыз 2026

Ақтоты Абдуллаева: «Әр таңдау – ертеңіміз үшін жасалған маңызды қадам»

Экологтар Каспий бетіндегі май тәрізді дақтарды тексеріп жатыр
Жаңалықты көру →
13:21, 10 тамыз 2026

Экологтар Каспий бетіндегі май тәрізді дақтарды тексеріп жатыр

Орталық сайлау комиссиясының Төрағасы Ақтаудағы сайлау учаскелерін тексерді
Жаңалықты көру →
13:14, 10 тамыз 2026

Орталық сайлау комиссиясының Төрағасы Ақтаудағы сайлау учаскелерін тексерді

19 мыңға жуық қазақстандық Абай есімін иеленген
Жаңалықты көру →
12:38, 10 тамыз 2026

19 мыңға жуық қазақстандық Абай есімін иеленген

Төреекен Қобланов: «Ел ертеңі әр азаматтың таңдауынан басталады»
Жаңалықты көру →
11:47, 10 тамыз 2026

Төреекен Қобланов: «Ел ертеңі әр азаматтың таңдауынан басталады»

Advertisement
Маңғыстау жаңалықтары
11 жыл үздік оқыған Шетпе түлегіне «Алтын белгі» берілмей, оқу грантынан айырылуы мүмкін еді
Жаңалықты көру →
AuthorРоза Әділханқызы
14:32, 11 тамыз 2026

11 жыл үздік оқыған Шетпе түлегіне «Алтын белгі» берілмей, оқу грантынан айырылуы мүмкін еді

Шетпе ауылының 11-сынып түлегі Үміт Романқызы мектепті 11 жыл үздік оқыса да «Алтын белгі» төсбелгісіне үміткер болмаған. Осыған байланысты Алматыдағы «Тұран» университетінен жеңіп алған төрт жылдық оқу грантынан айырылып қалуы мүмкін болды. Маңғыстау облыстық білім басқармасы биылғы түлектің үндеуінен кейін тексеру жүргізіп, аудандық білім бөліміне қажетті шара қолдануды тапсырды, деп хабарлайды otpannews.kz.Бұл жағдай туралы Үміт Романқызы Threads әлеуметтік желісінде айтып берді. Оның айтуынша, ол 11 жыл бойы тек үздік баға алғанымен, «Алтын белгі» төсбелгісіне үміткерлер тізіміне енгізілмеген. Сонымен қатар түлек байқау жеңімпазы атанып, Алматыдағы «Тұран» университетінде төрт жыл бойы тегін оқу мүмкіндігіне ие болған. Алайда, Үміттің айтуынша, расталған «Алтын белгі» төсбелгісінің болуы бұл грантты алудың міндетті шарттарының бірі болған. Нәтижесінде қыз бір мезгілде «Алтын белгісіз» қалып, тегін білім алу мүмкіндігінен айырылып қалу қаупімен бетпе-бет келді. «Мен байқау жеңімпазы атанып, Алматы қаласындағы «Тұран» университетінде 4 жыл бойы тегін оқу мүмкіндігіне ие болдым. Оқуға түсу үшін маңызды бір шарт – «Алтын белгінің» болуы. Алайда, ол менде жоқ. Енді тегін оқу арманымен қоштасуға тура келеді сияқты», - деп жазды Үміт Романқызы. Үндеу жарияланғаннан кейін бұл жағдайды Маңғыстау облыстық білім басқармасы қарады. Ведомство Үміттің өтініші бойынша тексеру жүргізіп, оның қорытындысы бойынша Маңғыстау аудандық білім бөліміне нақты тапсырмалар берілгенін хабарлады. Басқарма бұл мәселе 10 тамызда арызданушының пайдасына шешілгенін айтты. «Аудандық білім бөлімі жүргізген жұмыстардың нәтижесінде 2026 жылдың 10 тамызында азаматтың өтініші толығымен қанағаттандырылды», - деп хабарлады Маңғыстау облыстық білім басқармасы. Мәселені түпкілікті шешу үшін қызға Шетпе ауылында орналасқан Маңғыстау аудандық білім бөліміне хабарласу ұсынылды. Сонымен қатар, ведомство орын алған жағдайға байланысты жауапты тұлғаларға тиісті шаралар қолданылатынын мәлімдеді.

Ақтау тұрғынының көлігінен 250 кг-дан астам бекіре балығы табылды
Жаңалықты көру →
AuthorРоза Әділханқызы
14:24, 11 тамыз 2026

Ақтау тұрғынының көлігінен 250 кг-дан астам бекіре балығы табылды

Ақтау тұрғыны көлігінің багажында заңсыз олжалаған бекіре тұқымдас балықты тасымалдаған. Көліктен жалпы салмағы 256 килограмм болатын 62 ұша анықталды. Осы факті бойынша сотқа дейінгі тергеу басталды, деп хабарлайды otpannews.kz.Маңғыстау облыстық ПД хабарлағанындай, Toyota Prado автокөлігі 8 тамызда жедел-іздестіру іс-шараларын жүргізу барысында тоқтатылған. Көлікті тексеру кезінде багаж бөлігінен жалпы салмағы 256 килограмм бекіре тұқымдас балық табылды. Тергеу Қазақстан Республикасы Қылмыстық кодексінің 339-бабының 1-бөлігі (Сирек кездесетін және құрып кету қаупі төнген жануарлар түрлерімен заңсыз айналысу) бойынша жүргізіліп жатыр. Күдіктіге 2 мың АЕК-ке дейін айыппұл салу немесе 600 сағатқа дейінгі түзеу не қоғамдық жұмыстар, болмаса 2 жылға дейінгі мерзімге бас бостандығын шектеу немесе айыру жазасы тағайындалуы мүмкін.Полиция өкілдері сирек кездесетін және құрып кету қаупі төнген жануарлар түрлерін заңсыз олжалау, сатып алу, сақтау, тасымалдау және өткізу заңда белгіленгендей жауапкершілікке тартылатынын еске салады.

Мейрамбек Жаңабай: «Өз таңдауыңды жаса, болашаққа үлес қос»
Жаңалықты көру →
AuthorРоза Әділханқызы
14:16, 11 тамыз 2026

Мейрамбек Жаңабай: «Өз таңдауыңды жаса, болашаққа үлес қос»

Қазақ күресінен Маңғыстау облысының аға жаттықтырушысы Мейрамбек Жаңабай 23 тамызда өтетін Құрылтай сайлауына қатысудың маңыздылығына тоқталып, азаматтарды өз таңдауын жасауға шақырды.– 23 тамыз – әр азаматтың дауысы маңызды күн. Құрылтай сайлауына қатысып, өз дауысыңызды беріңіз. Елдің ертеңі – бүгінгі біздің таңдауымыздан басталады. Әрқайсымыз өз ойымызды білдіріп, өз таңдауымызды жасау арқылы болашаққа үлес қоса аламыз. Сондықтан баршаңызды сайлауға белсенді қатысып, азаматтық ұстанымдарыңызды білдіруге шақырамын. Болашаққа өз үлесіңізді қосыңыз! – деді Мейрамбек Жаңабай.

Нұрдаулет Әймбетов: «Дауыс беру – әрқайсымыздың азаматтық борышымыз»
Жаңалықты көру →
AuthorРоза Әділханқызы
14:14, 11 тамыз 2026

Нұрдаулет Әймбетов: «Дауыс беру – әрқайсымыздың азаматтық борышымыз»

Халықаралық дәрежедегі спорт шебері, самбо күресінен аға жаттықтырушы Нұрдаулет Әймбетов 23 тамызда өтетін Құрылтай сайлауының маңызына тоқталып, азаматтарды сайлауға белсенді қатысып, өз таңдауын жасауға шақырды.– 23 тамызда Құрылтай сайлауы өтеді. Бұл – әрбір азаматтың өз таңдауын жасап, елдің болашағына үлес қосатын маңызды кезең. Біздің ортақ мақсатымыз – елдің дамуына үлес қосатын, халықтың сөзін сөйлейтін азаматтарды қолдау. Сондықтан баршаңызды сайлауға белсене қатысып, өз дауыстарыңызды беруге шақырамын. Дауыс беру – әрқайсымыздың азаматтық борышымыз. Бүгін берген дауысымыз – ертеңгі болашағымызға қосылған үлес. Еліміздің келешегі үшін бірге таңдау жасап, азаматтық белсенділік танытайық, – деді Нұрдаулет Әймбетов.

Ақтауда Абай мұрасына арналған ашық микрофон кеші өтті
Жаңалықты көру →
AuthorРоза Әділханқызы
11:06, 11 тамыз 2026

Ақтауда Абай мұрасына арналған ашық микрофон кеші өтті

Ақтауда Каспий теңізінің жағалауында Абай күніне орай «Абай мұрасы - ұлттың рухани қазынасы» атты ашық микрофон форматындағы мерекелік кеш өтті. Рухани-мәдени іс-шараны Абай атындағы мәдени-демалыс кешені ұйымдастырды, деп хабарлайды otpannews.kz Қоғамдық коммуникация орталығына сілтеме жасап. Ашық аспан астындағы кештің негізгі мақсаты - ұлы ақынның шығармашылығын насихаттап, Абайдың әдеби және рухани мұрасын жас ұрпаққа кеңінен таныту, сондай-ақ қала тұрғындарына ақын әлемімен еркін форматта қауышуға мүмкіндік беру.Мерекелік бағдарлама ұлттық өнермен өрнектелді. Кеш барысында күй тартыс ұйымдастырылып, Есір Айшуақұлы атындағы қазақ оркестрінің домбырашылар ансамблі, «Ақтау сазы» фольклорлық ансамблінің домбырашылар ансамблі, Ақтау қаласының «Тебірен» өнер орталығының домбырашылар ансамблі және «Самұрық» домбырашылар ансамблі өнер көрсетті. Сонымен қатар ұлттық билер орындалып, Абайдың әндері шырқалды. Абай атындағы мәдени-демалыс кешені әншілерінің орындауында ұлы ақынның туындылары көрерменге ұсынылып, халықтық ұжым - «Өркен» жастар театрының мүшелері Абай поэзиясын нақышына келтіре оқып, көрерменге ақын шығармаларының терең мазмұнын жеткізді.Кештің ерекше бөлігінің бірі - ашық микрофон алаңы болды. Еркін форматтағы сұрақ-жауап барысында қала тұрғындары Абай шығармашылығына қатысты ой-пікірлерін ортаға салып, ақынның өлеңдері мен қара сөздерінен үзінділер оқыды. Қатысушылар Абай әндерін орындап, поэзия оқып, ұлы ойшыл мұрасының бүгінгі қоғамдағы маңызы туралы пікір алмасты.Іс-шараға Абай атындағы мәдени-демалыс кешенінің «Өркен» жастар театрының мүшесі Жанерке Есенқұл да қатысты. Оның айтуынша, мұндай мәдени басқосулар Абай мұрасын заманауи форматта дәріптеп, жастардың ақын шығармашылығына деген қызығушылығын арттыруға мүмкіндік береді.- Бүгінгі мерекелік кеш - Абайға деген құрметті, ақын шығармашылығына деген сүйіспеншілікті білдіретін еркін мәдени кеңістік. Бұл жерде ақынның өлеңдері оқылып, қара сөздері жаңғырып, жүрекке жеткен әндері орындалып, Абай туралы жүрекжарды пікірлер айтылып жатыр. Өйткені Абай - бір дәуірдің ғана емес, барша қазақтың рухани ұстазы. Мен Абайдың өлеңдерін бала кезден сүйіп оқимын. Ұлы ақынның «Әсемпаз болма әрнеге», «Желсіз түнде жарық ай», «Сегіз аяқ» сынды шығармалары адамды ойлануға, ізденуге, білімге ұмтылуға үндейді. Абайдың әрбір өлеңінен адам болмысына, өмірге, қоғамға деген терең көзқарасты байқауға болады. Сондықтан оның шығармаларының мәні уақыт өткен сайын арта түседі, - деді Жанерке Есенқұл.Ұлы ақынның мұрасын дәріптеуге арналған кеш Каспий жағалауындағы ерекше атмосферамен үйлесіп, өнер мен әдебиетті тоғыстырған мазмұнды мәдени іс-шараға айналды. Қала тұрғындары мен жастар үшін ұйымдастырылған ашық микрофон кеші Абай шығармашылығын көпшілікпен бірге оқып, тыңдап, талқылауға мүмкіндік берген еркін рухани алаң болды.

«Тәжен» кеден бекетінің қызметкерлері дизель отынын заңсыз әкетудің жолын кесті
Жаңалықты көру →
AuthorРоза Әділханқызы
10:25, 11 тамыз 2026

«Тәжен» кеден бекетінің қызметкерлері дизель отынын заңсыз әкетудің жолын кесті

Маңғыстау облысында елдің энергетикалық қауіпсіздігін қамтамасыз ету және мұнай өнімдерін әкетуге уақытша шектеулерді сақтау бойынша жүйелі жұмыс жалғасып жатыр. Маңғыстау облысы бойынша Мемлекеттік кірістер департаментінің «Тәжен» кеден бекетінің қызметкерлері ішкі нарыққа зиян келтіруі мүмкін дизель отынын заңсыз әкету әрекеттерін анықтады, деп хабарлайды otpannews.kz. Қазақстан Республикасы Энергетика министрлігінің 2026 жылғы 30 сәуірдегі № 175-Н/К бұйрығына сәйкес, 2026 жылғы 21 мамырдан 21 қарашаға дейін автомобиль көлігімен Қазақстан аумағынан, оның ішінде Еуразиялық экономикалық одаққа мүше мемлекеттерге бензин, дизель отыны мен мұнай өнімдерінің жекелеген түрлерін әкетуге тыйым салынды. Бұл уақытша, бірақ түбегейлі маңызды шара ішкі нарықты тұрақтандыруға және отын тапшылығын болдырмауға бағытталған.Тыйым салынғанына қарамастан, халықаралық рейстердің жекелеген жүргізушілері оны айналып өтуге тырысады, жүк көліктеріне зауыттық конструкцияда қарастырылмаған қосымша жанармай бактарын орнатады. Дәл осындай бұзушылықтарды «Тәжен» кеден бекетінің инспекторлары үнемі анықтап, жолын кеседі.Маңғыстау облысының Бейнеу аудандық соты Қазақстан Республикасының Әкімшілік құқық бұзушылық туралы Кодексінің 545-бабы бойынша бірқатар әкімшілік істі қарады. Барлық жағдайда халықаралық жүргізушілер, негізінен «Тәжен» кеден бекеті арқылы дизель отынын әкетуге тырысқан Өзбекстан азаматтары құқық бұзушылар болды.Атап айтқанда:- Б.У.М. жүргізушісінен (DAF автомобилі) көлемі 180 литр толық толтырылған қосымша бак анықталды;- П.А.С. бейресми бактан 95 литр дизель тәркіленді;- Х.Ф.Я. (Isuzu автомобилі) — 120 литр;- Э.Ф.Т. — 500 литр;- Р.А.Ю. — 70 литр;- А.Н. — 500 литр.Барлық жағдайда сот жүргізушілерді кінәлі деп тауып, отынды мемлекет кірісіне тәркілеп, әрқайсысына 64875 теңге (15 айлық есептіккөрсеткіш) көлемінде айыппұл тағайындады. Сот қылмыскерлердің кінәсін мойындау мен өкінетіндерін ескерді, алайда санкцияны заңда көзделген толық көлемде қалдырды.Кеден бекетінің қызметкерлері құжаттарды ресми тексеруді ғана емес, сонымен қатар көлік құралдарын мұқият тексеруді жүргізеді, жүргізушілер кейіннен әкету мақсатында ЖМҚС-қа жиі толтыратын қосымша сыйымдылықтарды анықтайды.Заңсыз әкетілген дизель отынының әрбір литрі ішкі нарыққа қауіп төндіреді. Уақытша шектеулер жағдайында кеденшілердің жұмысы Қазақстан азаматтары мен кәсіпорындарының мүдделерін тікелей қорғайды. Олардың қырағылығы — бұл аймақтың отынмен қамтамасыз етілуінің тұрақтылығына нақты үлес.«Тыйымды сақтау — халықаралық тасымалдардың барлық қатысушыларының міндеті. Қосымша жанармай бактары арқылы заңды айналып өту әрекеттері алдағы уақытта да қатаң түрде тоқтатылады»,- деді Мемлекеттік кірістер департаменті өкілдері.

Зардап шеккендер жоқ: Ақтаудағы 12 шағынауданда пәтер өртенді
Жаңалықты көру →
AuthorРоза Әділханқызы
09:44, 11 тамыз 2026

Зардап шеккендер жоқ: Ақтаудағы 12 шағынауданда пәтер өртенді

Бүгін сағат 07:50-де 101 қызметіне қоңырау түсті. Куәгерлер 12 ш/а 23 үй мекенжайында екінші қабаттағы пәтердің өртеніп жатқанын хабарлады, деп жазады otpannews.kz.Төтенше жағдайлар департаментінің мәліметінше, өрт 20 шаршы метр аумақта орын алған.Сағат 08:19-да өрт толығымен сөндірілді. Зардап шеккендер жоқ. Оқиға орнына ТЖД-ның 17 өрт сөндірушісі мен 3 техникасы, сондай-ақ Апаттар медицинасы орталығының арнайы көлігі шықты.

Ақтауда пара пауэрлифтингтен Қазақстан чемпионаты басталды
Жаңалықты көру →
AuthorРоза Әділханқызы
21:01, 10 тамыз 2026

Ақтауда пара пауэрлифтингтен Қазақстан чемпионаты басталды

Бүгін Ақтауда пара пауэрлифтингтен ел чемпионаты басталды. Республиканың түкпір-түкпірінен келген 200-ден астам спортшы, оның ішінде тірек-қимыл аппараты бұзылған және көру қабілеті нашар атлеттер күш сынауда, деп хабарлайды otpannews.kz.Бірнеше күн бойы қатысушылар еліміздің үздік пара пауэрлифтерлері атағы үшін сайысады. Атлеттер белгіленген салмақта жаттығулар орындап, чемпионат медальдары үшін бақ сынайды. Жарысқа Қазақстанның үш өңірінің өкілдері қатысуда. Мүмкіндігі шектеулі спортшылар үшін мұндай турнирлердің маңызы ерекше. Жарыстар оларға спорттық дайындықтарын көрсетуге, өз күштерін сынап көруге және шеберліктерін шыңдауға мүмкіндік береді. Тұрақты жаттығулар мен турнирлерге қатысу спортшыларға алдарына жаңа мақсаттар қойып, жоғары нәтижелерге қол жеткізуге көмектеседі.«Бүгін пара пауэрлифтинг бойынша Қазақстан чемпионаты басталды. Маңғыстау облысында бұл жарыс екінші рет өткізіліп отыр. Үш қаладан 18 команда қатысады. Маңғыстау облысынан бес спортшы сынға түсуде. Осы чемпионатта жеңіске жеткен спортшылар алдағы Азия ойындарына жолдама алып, бақ сынайды. Ақтауда бұл спорт түрі жақсы дамып келеді. Осы жарысқа қатысып жатқан біздің бес спортшымыз нәтижелі өнер көрсетіп жатыр»,- деді Мүгедектер спорт клубының басшысы Азамат Ахмедов.

Ақтауда қаржылық қауіпсіздік сабақтары мен спорттық фестиваль өтті
Жаңалықты көру →
AuthorРоза Әділханқызы
20:55, 10 тамыз 2026

Ақтауда қаржылық қауіпсіздік сабақтары мен спорттық фестиваль өтті

Спорттық бәсекелер, күш сынасу өнерлері және қаржылық сауаттылық сабақтары Ақтау тұрғындарын ерекше фестивальде біріктірді. Қалалық жағалауда кәсіби спортшылар, волонтерлар, сарапшылар мен жүздеген қала тұрғыны жиналды. Қатысушыларға салауатты өмір салтының маңызымен қатар қаржылық алаяқтықтан қорғану жолдары да түсіндірілді, деп хабарлайды otpannews.kz.Фестиваль бағдарламасында грек-рим және еркін күрес, армрестлинг, кроссфит, воркаут және күш экстримінен жарыстар өтті. Қатысушылар күш, төзімділік пен жоғары деңгейдегі физикалық дайындықтарын көрсетті. Спортшылардың жарқын өнерлері көрерменнің үлкен қызығушылығын тудырды. Ұйымдастырушылар спорттық сайыстар арқылы жастардың назарын салауатты өмір салтына, өзін-өзі тәртіпке келтіруге және белсенді азаматтық ұстанымға аударуды көздейді.«Бұл іс-шараны ұйымдастыруға шамамен 40–50 адам жұмылдырылды. Жобаның басты идеясы — Ақтауды спорттық және туристік қала ретінде дамыту. Бүгінде бағдарлама бірден жеті спорт түрін біріктіріп отыр, сондықтан біз қандай да бір жеке бағытқа ғана басымдық бермейміз. Біздің міндетіміз — спортты кешенді түрде дамыту, мүмкіндігінше көп қатысушылар мен қонақтарды тарту және бір мезгілде қаламыздың қаншалықты әдемі әрі қызықты екенін көрсету. Бүгінгі таңда бізге Қызылорда, Шардара, Шымкент, Ақтөбе, Атырау және Қазақстанның басқа да қалаларынан қатысушылар келіп үлгерді. Алдағы уақытта іс-шараның ауқымын кеңейтіп, бүкіл өңірден, сондай-ақ Ресей, Грузия, Армения және басқа да елдерден спортшыларды тартқымыз келеді», — деп атап өтті ұйымдастырушы Нұрсұлтан Амантай.Жарыста Алматы, Ақтөбе, Орал, Түркістан және Маңғыстау облысынан келген командалар бақ сынады. Жеңімпаздар мен жүлдегерлер медальдармен, дипломдармен және ақшалай сертификаттармен марапатталды. Спортшылардың айтуынша, мұндай турнирлер спортты насихаттап қана қоймай, жастарды белсенді әрі салауатты өмір салтын таңдауға ынталандырады.«Жастардың басын қосатын осындай іс-шараға қатысып жатқаныма өте қуаныштымын. Мұндай фестивальдер жастарға спортқа, белсенді өмір салтына деген қызығушылықты және өз денсаулығына жауапкершілікпен қарауды дәріптейді. Мен фитнеспен айналысамын және спортшылардың дене бітімі бағаланатын санатта өнер көрсетемін. Мұнда дене құрылысына, пропорциялары мен бұлшықеттердің үйлесімді дамуына баса назар аударылады. Бұл бағыттың өзіндік ерекшеліктері мен қиындықтары бар. Спортшылар тамақтануын мұқият қадағалайды: көмірсулар мен ақуыз мөлшерін бақылап, өнімдерді өлшейді, су ішу режимін сақтайды. Тіпті рациондағы тұз мөлшерін де бақылауға тура келеді. Сонымен қатар нақты күн тәртібін ұстану маңызды. Сондықтан жақсы нәтижеге жету үшін үлкен еңбек, тәртіп пен тұрақтылық қажет»,— деді қатысушы Батырхан Ерғашев.Экономикалық тергеу департаментінің мамандары келушілерге интернет-алаяқтарды қалай тануға болатынын, қаржылық пирамидалардан қалай аулақ болу керегін және дропперлік схемалардан сақтану жолдарын түсіндірді. Қонақтар үшін интерактивті ойындар, тақырыптық викториналар мен тәжірибелік кеңестер дайындалды. Фестивальдің басты оқиғаларының бірі еріктілер қозғалысы болды. Фестивальді Маңғыстау облысы бойынша Экономикалық тергеу департаментімен бірлесіп BROGYM спорт клубы «Заң мен тәртіп», «Адал Азамат» және «Таза Қазақстан» тұжырымдамалары аясында ұйымдастырды. Ұйымдастырушылар спорт, волонтерлық және пайдалы білім бір алаңда біріккен кезде, спорт аренасында ғана емес, сонымен бірге қазіргі заманғы қаржылық қатерлерге қарсы тұра алатын қоғам қалыптасатынын айтты.

Жаңаөзенде Абайдың қара сөздерін жатқа айтудан жарыс өтті
Жаңалықты көру →
AuthorРоза Әділханқызы
20:47, 10 тамыз 2026

Жаңаөзенде Абайдың қара сөздерін жатқа айтудан жарыс өтті

10 тамыз – Абай күніне орай қала мектептерінің оқушылары арасында ұлы ақын, ойшыл Абай Құнанбайұлының шығармашылық мұрасын насихаттау, жас ұрпақтың рухани-адамгершілік құндылықтарын қалыптастыру мақсатында «Абай әлемі» қалалық қара сөздерді жатқа айту байқауы өтті, деп хабарлайды otpannews.kz.Байқауға қала мектептерінің оқушылары қатысып, Абай Құнанбайұлының қара сөздерін жатқа айтып, ұлы ойшылдың тағылымды ойларын көпшілікке жеткізді.Қатысушылардың өнері мәнерлеп оқу шеберлігі, мәтінді жеткізу ерекшелігі және Абай мұрасын терең түсінуі бағыттары бойынша бағаланды.Байқау қорытындысы бойынша барлық қатысушыларға арнайы дипломдар мен қаржылай сыйақылар табысталды.Іс-шара барысында жас ұрпаққа Абай шығармашылығының тәрбиелік мәні түсіндіріліп, ақынның рухани мұрасын дәріптеудің маңыздылығы туралы айтылды.

Жаңаөзенде Абай күніне орай көркемсөз байқауы өтті
Жаңалықты көру →
AuthorРоза Әділханқызы
20:43, 10 тамыз 2026

Жаңаөзенде Абай күніне орай көркемсөз байқауы өтті

10 тамыз – Абай күніне орай «Ұзақбай жырау Қазжанұлы» МКҚК ұйымдастыруымен «Абай сөзі – ақылдың кені» атты қалалық көркемсөз байқауы өтті, деп хабарлайды otpannews.kz. Байқаудың басты мақсаты – қазақтың ұлы ақыны, ойшыл, ағартушы Абай Құнанбайұлының мол мұрасын жас ұрпақ арасында кеңінен насихаттау, оқушылардың көркемсөз оқу шеберлігін шыңдау, әдебиетке деген қызығушылығын арттыру және ұлттық рухани құндылықтарды дәріптеу.«Абай – халқымыздың рухани мәдениетіне өлшеусіз үлес қосқан ұлы тұлға. Оның өлеңдері, поэмалары, аудармалары мен «Қара сөздері» ұрпақты білім мен ғылымға, адал еңбекке, адамгершілік пен өнерге үндейді. Ақын шығармаларында ел бірлігі, ар-ұят, әділет, еңбекқорлық пен адамдық қасиеттер терең насихатталған»,- деді ұйымдастырушылар. Қалалық байқауға барлығы 19 оқушы қатысып, Абай шығармаларын мәнерлеп оқудағы шеберліктерін ортаға салды. Қатысушылар үлкен және кіші топ бойынша бақ сынап, үздіктер анықталды.Үлкен топ бойынша:Бас жүлде – Орынбай МирасІ орын – Жақсамбай АйаруІІ орын – Эсен РаянаІІІ орын – Садулла АружанКіші топ бойынша:Бас жүлде – Дүйсембай БексұлтанІ орын – Тұрғанбай АминаІІ орын – Садулла ТоғжанІІІ орын – Қуаныш Раяна

Ақтауда өрт кезінде сегіз адам құтқарылды
Жаңалықты көру →
AuthorOtpan News
15:59, 10 тамыз 2026

Ақтауда өрт кезінде сегіз адам құтқарылды

Ақтауда 17-шағынауданның 18 қабатты тұрғын үй кешенінің 10 және 12 қабаттарындағы пәтерлерден өрт шықты, деп хабарлайды otpannews.kz.Оқиға орнына Төтенше жағдайлар министрлігінің қызметкерлері жедел жетіп, тұрғындарды эвакуациялаумен қатар өртті сөндіруге кірісті.Өртті сөндіру барысында құтқарушылар 8 адамды, оның ішінде 3 баланы құтқарды. Ал 60 тұрғын, оның ішінде 21 бала өздігінен эвакуацияланды.Қазіргі уақытта өрт оқшауланды. Зардап шеккендер жоқ.

Спорт
Хаби Алонсо Дастан Сәтбаевқа матч кезінде тікелей нұсқау берді
Жаңалықты көру →
AuthorOtpan News
12:56, 2 тамыз 2026

Хаби Алонсо Дастан Сәтбаевқа матч кезінде тікелей нұсқау берді

«Челсидің» бас бапкері Хаби Алонсо жолдастық кездесу барысында қазақстандық шабуылшы Дастан Сәтбаевқа бірнеше рет тактикалық нұсқау берді, деп хабарлайды otpannews.kz. Лондондық клуб Австралияда өткен жолдастық матчта «Тоттенхэммен» кездесті. Кездесу барысында испаниялық маман 17 жастағы қазақстандық футболшымен бірнеше рет байланысқа шығып, оның ойын барысындағы әрекеттеріне жеке көңіл бөлді. Атап айтқанда, матчтың 90-минутында Хаби Алонсо алаң жиегінен «Дастан!» деп дауыстап, белсенді түрде ишара жасап, шабуылшыға алаңда қалай әрекет ету керектігін көрсетті. Бұдан бөлек, екінші таймда ойын сәтке тоқтаған кезде Алонсо Сәтбаевты алаң жиегіне шақырып, бірнеше секунд бойы тактикалық тапсырмаларды түсіндірген. Қазақстандық шабуылшы бапкердің айтқанын мұқият тыңдап, кейін бірден алаңға қайта оралып, берілген нұсқауды орындауға кірісті. Еске салайық, Австралияда өткен жолдастық кездесуде «Тоттенхэм» екінші таймның басым бөлігін бір ойыншы кем өткізгеніне қарамастан, соңғы минутта жеңіс голын соғып, «Челсиді» 2:1 есебімен ұтты. Бұл матчта Қазақстан ұлттық құрамасының шабуылшысы Дастан Сәтбаев қосалқы құрамнан алаңға шықты. Ол ойынның 70-минутында «Челсидің» жалғыз голының авторы болған бразилиялық шабуылшы Эстеваоның орнына ойынға қосылды. Жас қазақстандық шабуылшыға әлемдік деңгейдегі бапкер Хаби Алонсоның матч барысында тікелей тактикалық нұсқау беруі оның командадағы рөлінің артып келе жатқанын және бапкерлер штабының Сәтбаевқа сенім артатынын аңғартады.

Айбек Имашев Қазақстан дзюдо федерациясының Бас хатшысы қызметіне тағайындалды
Жаңалықты көру →
AuthorЖанкелді Қаржан
14:26, 21 шілде 2026

Айбек Имашев Қазақстан дзюдо федерациясының Бас хатшысы қызметіне тағайындалды

Маңғыстау облысының дзюдо федерациясының президенті Айбек Имашев Қазақстан дзюдо федерациясының Бас хатшысы болып тағайындалды, деп хабарлайды otpannews.kz. Еліміздің туризм және спорт министрлігінің келісімімен және Қазақстан дзюдо федерациясы басшылығының шешімімен Айбек Әсетұлы Имашев жаңа қызметке кіріскені мәлім болды. Айбек Имашев 1992 жылы Маңғыстау облысында дүниеге келген. Ол дзюдодан халықаралық дәрежедегі спорт шебері, 5 ДАН иегері, жоғары санатты бірінші біліктілік санатындағы жаттықтырушы.Спортшы ретінде ол Азия және Еуропа чемпионаттарында жеңімпаз атанып, Әлем кубогында күміс жүлде иеленді. Сонымен қатар «Grand Slam» және «Grand Prix» халықаралық турнирлерінде жүлдегерлер қатарынан көрінді.Спорттық мансабын аяқтағаннан кейін Айбек Имашев жаттықтырушылық және басқарушылық бағытта еңбек етті. Ол Маңғыстау облысы дзюдо құрамасының аға жаттықтырушысы, Қазақстан жастар құрамасының аға жаттықтырушысы, Маңғыстау облысы дзюдо орталығының директоры қызметтерін атқарды.Сондай-ақ ол Маңғыстау облысы дене шынықтыру және спорт басқармасы басшысының орынбасары болып жұмыс істеп, 2023-2025 жылдары Қазақстан дзюдо федерациясының атқарушы директоры қызметін атқарған. Айбек Имашев Қазақстан Президентінің Жарлығымен «Ерен еңбегі үшін» медалімен, Қазақстан дзюдо федерациясының «Дзюдо тарланы» орденімен және Қазақстан Республикасы Мәдениет және спорт министрлігі Спорт және дене шынықтыру істері комитетінің Алғыс хатымен марапатталған.Бұған дейін федерацияның Бас хатшысы лауазымын атқарған Тимур Болат Қазақстан дзюдо федерациясының атқарушы директоры қызметіне тағайындалды.Федерация мәліметінше, бұл кадрлық өзгерістер отандық дзюдоны дамытуға бағытталған стратегиялық міндеттерді тиімді жүзеге асыруға, ұйым жұмысының сапасын арттыруға және Қазақстан дзюдосының халықаралық аренадағы беделін нығайтуға ықпал етеді.Айта кетейік, Айбек Имашев 2026 жылдың қаңтар айында Маңғыстау облысының дзюдо федерациясының президенті қызметіне сайланып, өңірдегі дзюдо қозғалысының дамуына елеулі үлес қосты.

«Маңғыстаулық бапкердің еңбегі бар»: Қазақстан волейболды отырып ойнаудан әлем чемпионатының қола жүлдегері атанды
Жаңалықты көру →
AuthorЖанкелді Қаржан
11:47, 21 шілде 2026

«Маңғыстаулық бапкердің еңбегі бар»: Қазақстан волейболды отырып ойнаудан әлем чемпионатының қола жүлдегері атанды

Қытайдың Ханчжоу қаласында 10-17 шілде аралығында волейболды отырып ойнаудан өткен әлем чемпионатында Қазақстан ерлер құрамасы тарихи жетістікке қол жеткізіп, алғаш рет әлем біріншілігінің қола жүлдесін жеңіп алды, деп хабарлайды otpannews.kz.Әлем чемпионатына әлемнің үздік 16 құрамасы қатысты. Қазақстан құрамасы С тобында Бразилия, Хорватия және Ирак командаларымен бақ сынасып, топтық кезеңді екінші орынмен аяқтап, плей-оффқа жолдама алды.Жарыстың шешуші кезеңінде қазақстандықтар Польша құрамасын 3:0, кейін Руанданы да дәл осындай есеппен жеңіп, жартылай финалға шықты. Финал жолдамасы үшін өткен кездесуде әлемнің ең мықты командаларының бірі саналатын Иран құрамасына 0:3 есебімен есе жіберді.Ал үшінші орын үшін өткен тартысты матчта Қазақстан құрамасы топтық кезеңдегі жеңілісінің есесін қайтарып, Бразилияны 3:2 есебімен жеңіп, тарихи қола жүлдеге қол жеткізді.Айта кетерлігі, ұлттық құраманың бапкерлер штабының құрамында маңғыстаулық маман Құралбек Сейітов те еңбек етті. Оның айтуынша, бұл жетістік үлкен еңбек пен табандылықтың нәтижесі.«Алынбайтын қамал жоқ екенін тағы бір дәлелдедік. Әлем бойынша 70-тен астам құрама арасынан іріктелген 16 үздік команда бақ сынады. Қазақстан құрамасы тарихта тұңғыш рет әлем чемпионатының қола жүлдесін жеңіп алды. Иранға есе жібергеннен кейін жігіттер жігерін жоғалтқан жоқ. Қола жүлде үшін өткен кездесуде Бразилиядан есемізді қайтардық. Бірінші партияда 21:25 есебімен ұтылғанымызға қарамастан, ойын тізгінін қолға алып, келесі екі партияда 25:23 және 25:22 есебімен басым түстік. Соңына дейін күресіп, тарихи нәтижеге қол жеткіздік», - деді Құралбек Сейітов.Бұл нәтиже Қазақстан параспортындағы ең ірі жетістіктердің бірі саналады. Сонымен бірге, ұлттық құраманың халықаралық аренадағы әлеуетінің артып келе жатқанын айқын көрсетіп отыр.

ӘЧ-2026: Испания Аргентинаны жеңіп әлем чемпионы атанды
Жаңалықты көру →
AuthorOtpan News
10:00, 20 шілде 2026

ӘЧ-2026: Испания Аргентинаны жеңіп әлем чемпионы атанды

Испания құрамасы 2026 жылғы футболдан әлем чемпионатының финалында Аргентинаны қосымша уақытта 1:0 есебімен жеңіп, тарихында екінші рет әлем чемпионы атанды деп хабарлайды otpannews.kz.Финалдық ойын АҚШ-тың Нью-Джерси штатындағы MetLife Stadium аренасында өтті. Матчтың негізгі уақыты 0:0 есебімен аяқталды. Аргентина құрамасы 90 минут ішінде қарсылас қақпасына бірде-бір дәл соққы жасай алмады және бұл әлем чемпионаттары тарихындағы антирекордтардың бірі болып отыр. Ойынның 90+3-минутында аргентиналық Энцо Фернандес Пау Кубарсиге қарсы дөрекі ойнап, екінші сары қағаз алып, алаңнан қуылды. Ойыншылар саны басымдығын пайдаланған Испания қосымша уақытта шабуылды күшейте түсті. Алдымен 97-минутта Нико Уильямстың добы ереже бұзушылыққа байланысты есепке алынбады. Ал 106-минутта Ферран Торрес жеңіс голын соғып, Испанияға чемпиондық сыйлады. Оның 114-минуттағы екінші голы офсайдқа байланысты есептелмеді.Бұл жеңіс арқылы Испания 2010 жылдан бері алғаш рет әлем чемпионы атанып, өз тарихындағы екінші алтын жүлдесін иеленді. Сондай-ақ команда турнир барысында бірде-бір рет жеңілген жоқ.Аргентина құрамасының капитаны Лионель Месси әлем чемпионаттарының үш финалында негізгі құрамда капитан ретінде шыққан алғашқы футболшы атанды. Сонымен қатар, 39 жастағы Месси әлем чемпионаты финалында ойнаған ең егде жастағы екінші ойыншы болды.Испания құрамасы бұған қоса 38 матч қатарынан жеңілмей, Италияның 37 ойындық әлемдік рекордын жаңартты. Испандар соңғы рет ресми кездесуде 2024 жылдың наурызында жеңілген болатын.Ал Аргентина өз чемпиондық атағын қорғай алмады. Команда плей-офф кезеңінде Кабо-Верде, Египет, Швейцария және Англия құрамаларын жеңіп, финалға дейін жеткен еді. Финалдық кездесуді АҚШ президенті Дональд Трамп, Испания королі Филипп VI жұбайы Летисиямен бірге және Испания премьер-министрі Педро Санчес трибунадан тамашалады.

Месси жылап, Испания қуанды: 2026 жылғы әлем чемпионаты несімен есте қалды?
Жаңалықты көру →
AuthorЖанкелді Қаржан
09:38, 20 шілде 2026

Месси жылап, Испания қуанды: 2026 жылғы әлем чемпионаты несімен есте қалды?

Солтүстік Америка құрлығында бес аптаға созылған футбол мерекесі мәресіне жетті. АҚШ, Канада және Мексика бірлесіп өткізген теңбіл доп додасы 48 құраманың қатысуымен тарихтағы ең ауқымды чемпионат ретінде есте қалды. 104 матч, миллиардтаған жанкүйердің назары және соңында АҚШ-тың Нью-Джерси штатындағы «МетЛайф» стадионында өткен финалдық ойындар 38 күн бойы футбол жанкүйерлерінің назарынан тыс қалмады. Әлем чемпионы атағы үшін өткен финалдық ойында Испания құрамасы Аргентинаны қосымша уақыттағы соғылған жалғыз голдың арқасында 1:0 есебімен жеңіп, араға 16 жыл салып қайтадан әлемнің үздігі атанды. Финал тағдырын 106-минутта Ферран Торрес шешті. Қосалқы құрамнан алаңға шыққан шабуылшы тарихи голдың авторына айналды. Осылайша Испания екінші мәрте әлем чемпионы атанды. Торрес әлем чемпионаты финалында жеңіс голын соққан тарихтағы екінші қосалқы ойыншы болып отыр. Бұған дейін мұндай нәтижені 2014 жылы Германия құрамасының шабуылшысы Марио Гетце тіркеген еді. Испания бұл жеңіске кездейсоқ жетті дей алмаймыз. Луис де ла Фуэнтенің шәкірттері турнир бойы жоғары деңгейдегі тұрақты ойын өрнегін көрсетіп, сегіз матчтың қорытындысында өз қақпаларына бір ғана гол жіберген. Бұған дейін жалғыз допты Испания қақпасына ширек финалдық ойында Бельгия ойыншалары соқты. Бұл әлем чемпион ы атанған ұлттық құрамалар арасындағы жаңа рекордқа баланады. Айта кететін жайт, финалда да испандар ойын тізгінін толық өз қолында ұстады. Аргентина негізгі уақытта қарсылас қақпасына бірде-бір дәл соққы жасай алмауы еуропалық құрама деңгейінің қандай деңгейде екенін анық көрсетті деуге толық негіз бар. Мұндай көрсеткіш әлем чемпионаттары тарихындағы антирекорд ретінде тіркелгенін де ұмытпауымыз керек. Егер аргентиналық қақпашы Эмилиано Мартинес бірнеше мәрте командасын құтқармағанда, есеп бұдан да ірі болуы әбден мүмкін еді.Әлемдік жаңа рекорд - жеңіліссіз 38 матч Әлем чемпиондығымен бірге Испания тағы бір тарихи белесті бағындыра алды. Ұлттық құрама ойыншылары қатарынан 38 матч бойы жеңіліссіз өнер көрсетіп, Италия құрамасына тиесілі 37 ойындық әлемдік рекордқа өзгеріс енгізді. Испандар соңғы рет ресми кездесуде 2024 жылдың наурызында жеңілген болатын.Бұл көрсеткіш қазіргі Испания құрамасының тек жекелеген жұлдыздарға емес, тұтас ойын жүйесіне сүйенетінін дәлелдей түскендей. Әлем чемпионатының топтық кезеңінен сүрінбей өткен испандар Аустрия, Португалия, Бельгия, Францияны және финалда Аргентина құрамасын жеңістен айырды. Мессидің көз жасы немесе ұлттық құрамадағы соңғы ойынФинал аяқталған сәтте әлем назары алтын кубоктан гөрі теңбіл доп шебері Лионель Мессиге ауа түсті. Қорытынды ысқырықтан кейін аргентиналық капитан көз жасына ерік беріп, бір сәтке тоқтай алмады. 39 жастағы аргентиналық форвард әлем чемпионаты тарихында үш финалда капитан ретінде негізгі құрамда алаңға шыққан тұңғыш футболшы атанды. Сонымен қатар ол әлем чемпионаты финалында ойнаған ең егде жастағы екінші футболшы ретінде тарихтың беттеріне жазылды. 2022 жылы Қатарда әлем чемпионы атанған Месси бұл жолы қатарынан екінші рет чемпиона атануға өте жақын қалған еді. Бірақ футбол тағдыры басқаша сипатта өрбіді. Көпшілік дәл осы матчты ұлы футболшының әлем чемпионатындағы соңғы кездесуі болуы мүмкін деген оймен қабылдады. Мбаппе - жаңа рекорд иесіБұл турнирде 2018 жылғы әлем чемпионы - Франция құрамасы чемпиондыққа жете алмағанымен, Килиан Мбаппе тағы бір тарихи жетістікке қол жеткізіп үлгерді. 27 жастағы шабуылшы сегіз кездесуде 10 гол соғып, төрт нәтижелі пас беріп, «Алтын бутсаның» иегері атанды. Ол 2022 және 2026 жылдары қатарынан әлем чемпионатының үздік сұрмергені болған тарихтағы алғашқы футболшыға айналды.Сонымен қатар Мбаппе әлем чемпионаттарындағы жалпы гол санын 22-ге жеткізіп, Лионель Мессиден (21) озып, мундиаль тарихының ең үздік мергені деп танылды. Бұл ретте мундиалдың «Күміс бутсасы» Мессиге бұйырса, «Қола бутсаны» Джуд Беллингем мен Эрлинг Холанд өзара бөлісті.Ямаль - жас буыннан шыққан әлем үздігі Бұл әлем чемпионаты Ламин Ямальдың жаңа футбол дәуірінің басты тұлғаларының бірі екенін айқын көрсетті деп санауға болады. Небәрі 19 жастағы футболшы Еуропа чемпионы атағынан кейін әлем чемпионы атанып үлгерді. Оның турнирдегі сенімді ойыны Испания құрамасы шабуылының басты қаруына айналды. Ал финалдан кейін Ямальдың көзіне жас алған Мессиді құшақтап жұбатуы футболдағы буын алмасуының символындай әсер қалдырғаны рас. Жалпы, 2026 жылғы әлем чемпионаты бірнеше күтпеген нәтижемен де есте қалды. Норвегия құрамасы Бразилияны жарыстан шығарып, үлкен сенсация жасады. Марокко тағы да плей-офф кезеңіне дейін жетіп, Африка футболының тұрақты дамып келе жатқанын дәлелдеп берді. Ал Парагвай футболшылары Германияны пенальти сериясында жеңсе, әлем чемпионатына алғаш қатысқан Кабо-Верде топтық кезеңнен шығып, көпшіліктің ықыласына бөленді.Чемпионат қорытындысы бойынша Родри турнирдің ең үздік ойыншысы атанды. Испания қақпашысы Унаи Симон үздік қақпашы деп танылса, Пау Кубарси үздік жас футболшы жүлдесін иеленді.Футбол сарапшыларының пікірінше, 2026 жылғы әлем чемпионаты - жеңісті жекелеген жұлдыздар емес, ұйымшыл команда мен дұрыс құрылған жүйе әкелетінін анық көрсетті. Мәселен, Аргентина сапында әлемнің ең үздік ойыншысы Лионель Месси болды. Франция құрамасында турнирдің ең үздік сұрмергені Килиан Мбаппе өнер көрсетті. Англияның ең қымбат құрамаларының бірі жасақталды. Бірақ алтын кубок Испанияның қолына тиді. Өйткені бұл чемпионатта атақтан бұрын тәртіп, жұлдыздардан бұрын жүйе, ал эмоциядан бұрын тактика жеңіске жететіні кезекті рет дәлелденді. Әлем чемпионаты футбол тарихында Ферран Торрестің шешуші голымен, Испанияның тарихи үстемдігімен, Мбаппенің рекордтарымен, Ламин Ямальдың жарқын жұлдызға айналуымен және ең бастысы - Лионель Мессидің үнсіз төгілген көз жасымен жанкүйерлер жадында мәңгі ұмытылмасы анық...

Аргентина құрамасы қатарынан екінші рет әлем чемпионатының финалына шықты
Жаңалықты көру →
AuthorOtpan News
11:00, 16 шілде 2026

Аргентина құрамасы қатарынан екінші рет әлем чемпионатының финалына шықты

Аргентина құрамасы футболдан әлем чемпионатының жартылай финалында Англияны 2:1 есебімен жеңіп, қатарынан екінші рет турнирдің финалына жолдама алды, деп хабарлайды otpannews.kz. Кездесу барысында ағылшындар 55-минутта Энтони Гордонның голының арқасында алға шыққан болатын. Алайда матчтың соңғы минуттарында аргентиналықтар камбэк жасап, 85-минутта Энцо Фернандес есепті теңестірсе, 90+2-минутта Лаутаро Мартинес жеңіс голын соқты. Команда капитаны Лионель Месси екі нәтижелі паспен көзге түсті.Осылайша, 2022 жылғы әлем чемпионы Аргентина өз титулын қорғауды жалғастырып, тағы бір финалға шықты. Шешуші кездесуде олар Испания құрамасымен кездеседі. Финал 19 шілдеде өтеді.Матч барысында бірнеше тарихи көрсеткіш тіркелді. Opta дерегіне сәйкес, алғашқы соққы тек 33-минутта жасалып, бұл 1966 жылдан бергі әлем чемпионаттары тарихындағы ең кеш жасалған алғашқы соққы ретінде тіркелді.Сондай-ақ 39 жастағы Лионель Месси әлем чемпионатының жартылай финалында алаңға шыққан ең егде жастағы алаң ойыншысы атанды. Ал Англия капитаны Гарри Кейн ұлттық құрама сапында ең көп матч өткізген алаң ойыншысы ретінде рекорд жаңартты.Ал Англия құрамасы 19 шілдеге қараған түні өтетін үшінші орын үшін матчта Франциямен кездеседі.

ӘЧ-2026: Франция мен Испания құрамалары арасындағы фаворит кім?
Жаңалықты көру →
AuthorЖанкелді Қаржан
10:31, 14 шілде 2026

ӘЧ-2026: Франция мен Испания құрамалары арасындағы фаворит кім?

Футболдан әлем чемпионатының жартылай финалында Франция мен Испания құрамалары кездеседі. Сарапшылар мен букмекерлік кеңселер бұл матчта Франция құрамасын фаворит ретінде бағалап отыр, деп жазады otpannews.kz. Opta суперкомпьютерінің болжамына сәйкес, Францияның финалға шығу ықтималдығы 57,7 пайызды құраса, Испанияның мүмкіндігі 42,3 пайыз деп есептелген. Жартылай финалдық кездесу 15 шілде күні Арлингтон қаласындағы «Даллас Стэдиум» аренасында өтеді. Матч Астана уақыты бойынша 00:00-де басталады. Ширек финалдар аяқталғаннан кейін Opta турнирде чемпион атану мүмкіндігі ең жоғары команда ретінде де Францияны атады. Сарапшылардың бағалауынша, француздардың әлем чемпионы атану ықтималдығы 34 пайызды құрап отыр. Франция құрамасы топтық кезеңде Сенегал, Ирак және Норвегияны жеңіп, плей-офф кезеңінде Швецияны (2:0), Парагвайды (2:1) және ширек финалда Марокконы (2:0) тізе бүктірді. Ал Испания құрамасы топтық кезеңде Кабо-Вердемен тең ойнап, кейін Сауд Арабиясы мен Уругвайды ұтты. Плей-оффта Австрияны (3:0), Португалияны (1:0) және Бельгияны (2:1) жеңіп, жартылай финалға жолдама алды. Футбол жанкүйерлері асыға күткен Франция мен Испания арасындағы тартысты кездесу әлем чемпионатының финалына шығатын алғашқы команданы анықтамақ.

Төрткүл дүние көз тіккен әлем чемпионаты: жартылай финалға шыққан құрамалар кімдер?
Жаңалықты көру →
AuthorOtpan News
11:58, 13 шілде 2026

Төрткүл дүние көз тіккен әлем чемпионаты: жартылай финалға шыққан құрамалар кімдер?

2026 жылғы футболдан әлем чемпионаты шешуші кезеңге жақындады. Бір айға жуық уақытқа созылған тартысты додада 48 құраманың ішінен тек төртеуі ғана чемпиондыққа таласу мүмкіндігін сақтап қалды. Бұл жолы жартылай финалға Аргентина, Франция, Испания және Англия құрамалары шықты. Бір қызығы, бұл – әлем футболының қазіргі көшбасшылары саналатын төрт құраманың бір мезгілде әлем чемпионатының жартылай финалына алғаш рет шығуы болып отыр, деп жазады otpannews.kz.Аргентина – Мессидің соңғы миссиясыӘлемнің қазіргі чемпионы Аргентина бұл турнирде де тұрақты ойын өрнегін көрсетті. Лионель Месси өзінің 39 жасында да команданың басты көшбасшысы екенін дәлелдеп келеді. Ол турнирдің үздік сұрмергендерінің қатарында болса, Хулиан Альварес пен Лаутаро Мартинес шабуыл шебін сәтті толықтырып келеді. Ширек финалда аргентиналықтар Швейцарияны қосымша уақытта 3:1 есебімен жеңіп, қатарынан екінші рет әлем чемпионатының жартылай финалына жолдама алды. Енді Лионель Скалони шәкірттері Англиямен кездеседі. Франция – басты фаворитКөпшілік сарапшылар Франция құрамасын турнирдің негізгі фавориті санайды. Дидье Дешам шәкірттері шабуылда да, қорғаныста да өте сенімді ойын көрсетіп келеді.Килиан Мбаппе мен Усман Дембеле қарсыластар қорғанысын жиі тығырыққа тіресе, команданың ойын жүйесі тұрақтылығымен ерекшеленуде. Франция ширек финалда Марокконы жеңіп, кезекті рет үздік төрттікке енді. Испания – жас буынның жарқын ойыныИспания құрамасы бұл әлем чемпионатында техникалық әрі комбинациялық футболымен көзге түсті. Команда сапындағы жас жұлдыз Ламин Ямаль тәжірибелі ойыншылармен үйлесімді байланыс орнатып, испандықтардың шабуылын жаңа деңгейге көтерді.Ширек финалда Испания Бельгияны жеңіп, жартылай финалға шықты. Енді олар финал жолдамасы үшін Франциямен кездеседі. Бұл матч турнирдің ең қызықты текетірестерінің бірі болмақ. Англия – ұзақ күткен мүмкіндікАнглия құрамасы бұл жолы чемпиондыққа бұрынғыдан да жақын көрінеді. Томас Тухельдің командасы плей-офф кезеңінде қиын қарсыластардан сүрінбей өтті.Ширек финалда ағылшындар Норвегияны қосымша уақытта жеңіп, жартылай финалға жолдама алды. Команданың негізгі үміті – Харри Кейн мен Джуд Беллингем. Екеуі де турнир барысында шешуші сәттерде нәтижелі ойын көрсетіп келеді. Жартылай финалдағы басты тартыстарЖартылай финалда футбол жанкүйерлерін екі тарихи текетірес күтеді:Франция – ИспанияАнглия – АргентинаБірінші жұпта қазіргі Еуропаның ең қуатты құрамалары кездессе, екінші ойында әлем чемпиондары мен ағылшындардың тарихи бәсекесі жалғасады. Чемпиондыққа кім жақын?Франция құрамасы ойын сапасы жағынан фаворит саналғанымен, Аргентина тәжірибесімен ерекшеленеді. Испания жас әрі қарқынды футболымен қауіпті болса, Англия ұзақ жылғы күткен чемпиондықты жеңіп алуға бар күшін салатыны анық.Қалай болғанда да, 2026 жылғы әлем чемпионатының жартылай финалы әлем футболының төрт алыбын бір алаңға тоғыстырды. Сондықтан алдағы кездесулер тек чемпионды анықтап қана қоймай, қазіргі заман футболындағы ең мықты құраманың кім екенін де айқындайды.

Англия мен Аргентина әлем чемпионатының жартылай финалына жолдама алды
Жаңалықты көру →
AuthorOtpan News
11:12, 12 шілде 2026

Англия мен Аргентина әлем чемпионатының жартылай финалына жолдама алды

2026 жылғы футболдан әлем чемпионатының жартылай финалына шыққан барлық құрамалар анықталды, деп хабарлайды otpannews.kz. Ширек финалдық кездесулерде Англия Норвегияны, ал Аргентина Швейцарияны жеңіп, жүлделі орындар үшін күресті жалғастыратын болды.Англия құрамасы Майамиде өткен тартысты кездесуде Норвегияны қосымша уақытта 2:1 есебімен тізе бүктірді. Норвегиялықтар сапынан Андреас Шельдеруп 36-минутта есеп ашқанымен, бірінші таймға қосылған уақытта Джуд Беллингем таразы басын теңестірді. Ал қосымша уақыттың 93-минутында дәл сол Беллингем жеңіс голын соғып, командасын жартылай финалға алып шықты.Матчтың 55-минутында норвегиялық Торбьерн Хеггемнің соққан добы Эрлинг Холандтың ереже бұзғаны анықталғаннан кейін есепке алынған жоқ.Осылайша Англия құрамасы 2018 жылдан бері алғаш рет әлем чемпионатының жартылай финалына жолдама алды. Ол кезде ағылшындар төртінші орынмен аяқтаған болатын. Ал Норвегия өз тарихында тұңғыш рет әлем чемпионатының ширек финалына дейін жетіп, тарихи нәтижеге қол жеткізді.Өз кезегінде қазіргі әлем чемпионы Аргентина Канзас-Ситиде өткен кездесуде Швейцарияны 3:1 есебімен жеңіп, қатарынан екінші рет әлем чемпионатының жартылай финалына шықты.Аргентиналықтардың сапында Алексис Макаллистер 10-минутта есеп ашса, негізгі уақыттың соңында швейцариялық Дан Ндойе таразы басын теңестірді. Алайда қосымша уақытта Хулиан Альварес (112-минут) пен Лаутаро Мартинес (120+1) мергендік танытып, Аргентинаға сенімді жеңіс сыйлады.Бұл жеңіс Аргентина құрамасының әлем чемпионаттарындағы жеңіліссіз сериясын 12 матчқа дейін ұзартты. Сонымен қатар команда капитаны Лионель Месси әлем чемпионаттарының плей-офф кезеңіндегі 15-матчын өткізіп, Германияның бұрынғы шабуылшысы Мирослав Клозенің (14 матч) рекордын жаңартты.Енді 15 шілдеде өтетін жартылай финалда Англия мен Аргентина өзара кездеседі. Ал алғашқы жартылай финалда 14 шілдеде Испания мен Франция финал жолдамасын сарапқа салады.Әлем чемпионатының қола жүлде үшін кездесуі 18 шілдеде Майамиде өтсе, турнирдің финалы 19 шілдеде Нью-Йоркте ұйымдастырылады.

Бибісара Асаубаева Women’s Speed Chess-2026 турнирінің ширек финалына шықты
Жаңалықты көру →
AuthorOtpan News
10:51, 11 шілде 2026

Бибісара Асаубаева Women’s Speed Chess-2026 турнирінің ширек финалына шықты

Қазақстандық шахматшы Бибісара Асаубаева Women’s Speed Chess Championship 2026 беделді онлайн турнирін сәтті бастады, деп хабарлайды otpannews.kz. Sports.kz басылымының жазуынша, 1/8 финалда қазақстандық гроссмейстер Өзбекстан өкілі Афруза Хамдамованы жалпы 10,5:3,5 есебімен жеңіп, жарыстың ширек финалына жолдама алды. Асаубаева матчтың барлық үш кезеңінде қарсыласынан басым түсті. 5+1 уақыт бақылауындағы блицте 3,5:1,5 есебімен жеңіске жетсе, 3+1 форматында 4:1 есебімен басым болды. Ал 1+1 форматындағы пулда да Хамдамоваға мүмкіндік бермей, 3:1 есебімен жеңді. Осылайша, Бибісара Асаубаева матчты 10,5:3,5 есебімен аяқтап, Women’s Speed Chess Championship 2026 турнирінің ширек финалында чемпиондық атақ үшін күресін жалғастырады.

YouTube бейнелер
Карта

Қалай баруға болады

9-й микрорайон, 42/1
Актау, Актау городская администрация

Ең жақын аялдама: 9-й микрорайон д.18 (350 м, 4 мин)

Маршрут құру
Соңғы жаңалықтардан хабардар бол!