Otpan News
Ақтауда 800 грамм болып туған сәбидің тұсауы кесілді
Роза Әділханқызы
12:46, 17 қараша 2026

Ақтауда 800 грамм болып туған сәбидің тұсауы кесілді

АҚТАУ. OTPANNEWS.KZ – 17 қараша – Халықаралық шала туған сәбилер күні. Осыған орай Маңғыстау облыстық перинаталдық орталығында мерекелік іс-шара ұйымдастырылды.Жиынға уақытынан бұрын дүниеге келген балалар мен олардың ата-аналары, медицина қызметкерлері қатысты. Мереке барысында бүлдіршіндерге сыйлықтар табысталып, концерттік бағдарлама ұсынылды.Маңғыстау облыстық перинаталдық орталығының директоры Жапырақ Епенованың айтуынша, биылғы жылдың алғашқы 10 айында орталықта салмағы 500-ден 2499 грамға дейінгі 390 сәби мерзімінен бұрын дүниеге келген.«Бүгін біз үшін ерекше күн. Балалардың қазір жүгіріп жүргенін, күліп, сөйлеп, тақпақ айтып тұрғанын көру бізге үлкен қуаныш сыйлайды. Олардың өмірге бейімделіп, қатарластары секілді өсіп келе жатқаны – дәрігерлер мен ата-аналар үшін үлкен жетістік. Әсіресе, шала туған сәбилердің аналарының еңбегі орасан зор. Олар баласының әр грамм қосқан салмағына дейін есептеп, тыныс алуын қадағалап, әр сәтін алаңдаумен өткізеді», – деді орталық директоры.Мамандардың сөзінше, салмағы 600-700 грамм болып туған нәрестелердің кейбірі орталықта 3,5-4 айға дейін ем қабылдайды. Реанимация бөлімінен кейін олар күтімнің келесі кезеңінен өтіп, салмағы 2,5 келіге жеткенше дәрігерлер бақылауында болады. Орталықта ең кіші салмақпен туған сәби – 500 грамм. Мұндай сәбилер жүктіліктің 23-24 аптасында дүниеге келген.Мерекелік шарада шала туған сәбилердің бірі – Айымның да қуанышты сәті атап өтілді. Оның анасы Ақсұңқар Сатаева 2024 жылғы қарашада қызын жүктіліктің 24-аптасында 800 грамм салмақпен босанған. Нәресте реанимация бөлімінде үш айға жуық, кейін күтімнің екінші кезеңінде тағы бір ай ем қабылдап, төрт айдан астам уақыт орталықта жатқан.Қазір Айым жасына сай өсіп, сөйлеп, айналасындағы заттарды танып, дені сау болып жетіліп келеді. Мереке аясында кішкентай Айымның тұсауы кесілді. Ақсұңқар Сатаева қызының аман-есен өсіп-жетілуіне үлес қосқан дәрігерлер мен медбикелерге алғысын білдірді.«Аллаға шүкір, қызым қазір алдымызда аман-есен жүр. Перинаталдық орталықтың дәрігерлері, неонатологтар, гинекологтар мен реанимация бөлімінің медбикелері үлкен еңбек сіңірді. Оларға алғысым шексіз. Осындай сәбилердің өмірі үшін күресіп, ата-аналарға қуаныш сыйлай берсін», – деді ол.Айта кетейік, Халықаралық шала туған сәбилер күні қоғам назарын мерзімінен бұрын дүниеге келген нәрестелердің денсаулығына, олардың күтімі мен оңалтуына аударуға бағытталған.

Ақтауда 800 грамм болып туған сәбидің тұсауы кесілді
Роза Әділханқызы
12:46, 17 қараша 2026

Ақтауда 800 грамм болып туған сәбидің тұсауы кесілді

АҚТАУ. OTPANNEWS.KZ – 17 қараша – Халықаралық шала туған сәбилер күні. Осыған орай Маңғыстау облыстық перинаталдық орталығында мерекелік іс-шара ұйымдастырылды.Жиынға уақытынан бұрын дүниеге келген балалар мен олардың ата-аналары, медицина қызметкерлері қатысты. Мереке барысында бүлдіршіндерге сыйлықтар табысталып, концерттік бағдарлама ұсынылды.Маңғыстау облыстық перинаталдық орталығының директоры Жапырақ Епенованың айтуынша, биылғы жылдың алғашқы 10 айында орталықта салмағы 500-ден 2499 грамға дейінгі 390 сәби мерзімінен бұрын дүниеге келген.«Бүгін біз үшін ерекше күн. Балалардың қазір жүгіріп жүргенін, күліп, сөйлеп, тақпақ айтып тұрғанын көру бізге үлкен қуаныш сыйлайды. Олардың өмірге бейімделіп, қатарластары секілді өсіп келе жатқаны – дәрігерлер мен ата-аналар үшін үлкен жетістік. Әсіресе, шала туған сәбилердің аналарының еңбегі орасан зор. Олар баласының әр грамм қосқан салмағына дейін есептеп, тыныс алуын қадағалап, әр сәтін алаңдаумен өткізеді», – деді орталық директоры.Мамандардың сөзінше, салмағы 600-700 грамм болып туған нәрестелердің кейбірі орталықта 3,5-4 айға дейін ем қабылдайды. Реанимация бөлімінен кейін олар күтімнің келесі кезеңінен өтіп, салмағы 2,5 келіге жеткенше дәрігерлер бақылауында болады. Орталықта ең кіші салмақпен туған сәби – 500 грамм. Мұндай сәбилер жүктіліктің 23-24 аптасында дүниеге келген.Мерекелік шарада шала туған сәбилердің бірі – Айымның да қуанышты сәті атап өтілді. Оның анасы Ақсұңқар Сатаева 2024 жылғы қарашада қызын жүктіліктің 24-аптасында 800 грамм салмақпен босанған. Нәресте реанимация бөлімінде үш айға жуық, кейін күтімнің екінші кезеңінде тағы бір ай ем қабылдап, төрт айдан астам уақыт орталықта жатқан.Қазір Айым жасына сай өсіп, сөйлеп, айналасындағы заттарды танып, дені сау болып жетіліп келеді. Мереке аясында кішкентай Айымның тұсауы кесілді. Ақсұңқар Сатаева қызының аман-есен өсіп-жетілуіне үлес қосқан дәрігерлер мен медбикелерге алғысын білдірді.«Аллаға шүкір, қызым қазір алдымызда аман-есен жүр. Перинаталдық орталықтың дәрігерлері, неонатологтар, гинекологтар мен реанимация бөлімінің медбикелері үлкен еңбек сіңірді. Оларға алғысым шексіз. Осындай сәбилердің өмірі үшін күресіп, ата-аналарға қуаныш сыйлай берсін», – деді ол.Айта кетейік, Халықаралық шала туған сәбилер күні қоғам назарын мерзімінен бұрын дүниеге келген нәрестелердің денсаулығына, олардың күтімі мен оңалтуына аударуға бағытталған.

Спорт

Ақтауда медицина саласының қызметкерлері волейболдан бақ сынады
Otpan News
18:07, 16 қараша 2026

Ақтауда медицина саласының қызметкерлері волейболдан бақ сынады

Otpannews.kz. - Ақтау қаласында «Aqniet» кәсіподағы Маңғыстау облыстық филиалының ұйымдастыруымен медицина саласында еңбек ететін қыз-келіншектер арасында волейболдан турнир өтті. Спорттық додаға өңірдегі медициналық ұйымдардан жасақталған 7 команда қатысып, өзара мықтыны анықтады.Турнирдің басты мақсаты – медицина қызметкерлері арасында салауатты өмір салтын насихаттау, ұжымдар арасындағы ынтымақтастықты нығайту және спортқа деген қызығушылығын арттыру. Жарыстың салтанатты ашылу рәсімінде «Aqniet» кәсіподағы Маңғыстау облыстық филиалының төрағасы Жанна Сайым сөз сөйлеп, қатысушыларға сәттілік тіледі. Ол медицина қызметкерлерінің кәсіби қызметімен қатар қоғамдық және спорттық іс-шараларға белсенді қатысуының маңыздылығына тоқталды.«Медицина қызметкерлері күн сайын адам өмірі мен денсаулығы үшін жауапты қызмет атқарады. Спорттық іс-шаралар мамандардың күнделікті жұмыстан бір сәт сергіп, әріптестерімен бейресми ортада бас қосуына мүмкіндік береді. Спорт – денсаулық кепілі ғана емес, ұжымдық бірлік пен өзара қолдаудың да маңызды құралы. Бүгінгі турнир қатысушыларға көтеріңкі көңіл күй сыйлап, медицина ұйымдары арасындағы ынтымақтастықты одан әрі нығайтады», – деді Жанна Сайым.Жарыс барысында командалар жоғары дайындық деңгейін көрсетіп, жеңіске деген жігерімен ерекшеленді. Әр кездесу тартысты өтіп, ойыншылар шеберлігін, жылдамдығын және командалық үйлесімділігін танытты. Тартысты кездесулердің қорытындысы бойынша Маңғыстау облыстық көпбейінді ауруханасының құрамасы үздік нәтиже көрсетіп, турнир жеңімпазы атанды. 2-орынды Бейнеу көпбейінді орталық аудандық ауруханасының командасы иеленсе, жүлделі 3-орын Маңғыстау облыстық көпбейінді балалар ауруханасының құрамасына бұйырды. Ал Жаңаөзен қаласының құрама командасы 4-орынға тұрақтады.Турнир қорытындысында жеңімпаз және жүлдегер командалар қаржылай сыйлықтармен, арнайы кубоктармен және медальдармен марапатталды.Сонымен қатар жарыс барысында ерекше шеберлігімен көзге түскен ойыншылар жеке номинациялар бойынша марапатқа ие болды. Атап айтқанда, Сабира Оңдасова «Үздік ойыншы», Жасмина Жұмашева «Үздік байланыстырушы», ал Сапаргүл Қаратаева «Үздік шабуылшы» атанды.

Эксклюзив

Маңғыстауда 3 жұп егіз дүниеге келді

15:57, 15 қараша 2026

Маңғыстауда 3 жұп егіз дүниеге келді

Маңғыстаулық Жантілек Нұртілепұлы дзюдодан әлем чемпионатында өнер көрсетті
Жанкелді Қаржан14:30, 11 қазан 2026

Маңғыстаулық Жантілек Нұртілепұлы дзюдодан әлем чемпионатында өнер көрсетті

Маңғыстаулық суретшілер «рекорд» жасап, 4 метр кенепке сурет салды
Роза Әділханқызы14:34, 24 қыркүйек 2026

Маңғыстаулық суретшілер «рекорд» жасап, 4 метр кенепке сурет салды

Ақшұқыр тұрғыны бағында анар ағашын өсіреді
Роза Әділханқызы14:40, 16 қыркүйек 2026

Ақшұқыр тұрғыны бағында анар ағашын өсіреді

Advertisement

YouTube бейнелер

Карта

Қалай баруға болады

9-й микрорайон, 42/1
Актау, Актау городская администрация

Ең жақын аялдама: 9-й микрорайон д.18 (350 м, 4 мин)

Маршрут құру
Otpan News

Соңғы жаңалықтардан хабардар бол!