Otpan News Logo
Маңғыстауда 9 айда тұтынушыларға 65 млн теңгеден астам қаражат қайтарылды
Анонс
Жаңалықты көру →

Маңғыстауда 9 айда тұтынушыларға 65 млн теңгеден астам қаражат қайтарылды

АҚТАУ. OTPANNEWS.KZ – Маңғыстау облысы бойынша сауда және тұтынушылардың құқықтарын қорғау департаментіне 2026 жылдың тоғыз айында 1 337 өтініш түскен. Нәтижесінде тұтынушыларға 65,3 млн теңгеден астам қаражат қайтарылды.Департамент басшысы Рауан Мұқаевтың айтуынша, есепті кезеңде түскен өтініштердің 1 211-і жазбаша түрде қабылданса, 126 азамат жедел желі арқылы кеңес алған. Барлығы 1 337 өтініш қаралып, оның 280-і қанағаттандырылған, 354 өтініш бойынша түсіндірме берілген.«Жалпы, тоғыз ай ішінде департамент тұтынушыларға 41 млн 934 мың 463 теңге қайтарған. Сонымен қатар сот процестеріне үшінші тұлға ретінде қатысып, тұтынушылардың пайдасына 23 млн 409 мың 888 теңге өндірілген. Осылайша азаматтарға қайтарылған және өндірілген қаражаттың жалпы көлемі 65 млн 344 мың 351 теңгені құрады»,- деді Рауан Мұқаев. Шағымдарды талдау барысында тұрғындарды негізінен бөлшек сауда орындарынан сапасыз тауар сатып алу, тауарды айырбастау және қайтару мәселелері алаңдататыны анықталған. Сондай-ақ жиһаз жасау мен жөндеуді қоса алғанда, тұрмыстық қызметтердің сапасына қатысты шағымдар, электронды сауда, алтын бұйымдарды қайтару және дауларды сотқа дейін реттеу мәселелері де өзекті болып отыр.Мәселен, жыл басынан бері «Wildberries» компаниясына қатысты 26 өтініш түсіп, 21-і қанағаттандырылған. Нәтижесінде тұтынушыларға 69 мың 230 теңге қайтарылған.Департамент мамандары тұтынушылардың құқықтарын қорғау кезінде заңда белгіленген тәртіпті сақтаудың маңызды екенін атап өтеді. Қолданыстағы жүйеге сәйкес, азамат алдымен сатушыға наразылық хат жолдауы қажет. Мәселе шешілмеген жағдайда департаментке жүгінуге, ал дау одан әрі реттелмесе, азаматтық сотқа талап арыз беруге болады.

Author AvatarРоза Әділханқызы

14:40, 9 қазан 2026

Жарнама бөлімі: +7 (778) 145 90 93

Редакция: +7 (7292) 20 48 42

Ақтауда фискалдық чектерді қазақ тілінде беру мәселесі талқыланды
Анонс
AuthorРоза Әділханқызы
14:10, 9 қазан 2026

Ақтауда фискалдық чектерді қазақ тілінде беру мәселесі талқыланды

Маңғыстаулық мұғалім «Қазақстанның еңбек сіңірген ұстазы» атанды
Анонс
AuthorРоза Әділханқызы
16:23, 5 қазан 2026

Маңғыстаулық мұғалім «Қазақстанның еңбек сіңірген ұстазы» атанды

Барлық жаңалықтар
Ақтаулық оқушылар үш жылдан бері таңертең кітап оқуды қалай әдетке айналдырды?
Жаңалықты көру →
17:42, 9 қазан 2026

Ақтаулық оқушылар үш жылдан бері таңертең кітап оқуды қалай әдетке айналдырды?

13 миллионнан астам пайдаланушы: eGov Mobile 7 жыл ішінде Қазақстанның негізгі цифрлық платформаларының біріне айналды
Жаңалықты көру →
17:29, 9 қазан 2026

13 миллионнан астам пайдаланушы: eGov Mobile 7 жыл ішінде Қазақстанның негізгі цифрлық платформаларының біріне айналды

ТЖМ «Ата-анаңның үйін тексер» республикалық акциясын бастады
Жаңалықты көру →
17:15, 9 қазан 2026

ТЖМ «Ата-анаңның үйін тексер» республикалық акциясын бастады

«Әділет» партиясы ел аумағында әйелдерге медициналық тексерулер мен дәрігерлерден кеңес алу жұмысын ұйымдастырды
Жаңалықты көру →
16:29, 9 қазан 2026

«Әділет» партиясы ел аумағында әйелдерге медициналық тексерулер мен дәрігерлерден кеңес алу жұмысын ұйымдастырды

Қазақстанда бірқатар азық-түлік тауарының бағасы төмендеуін жалғастыруда
Жаңалықты көру →
15:10, 9 қазан 2026

Қазақстанда бірқатар азық-түлік тауарының бағасы төмендеуін жалғастыруда

Маңғыстауда ерекше жандар арасында «Сырлы әлем» шығармашылық байқауы өтті
Жаңалықты көру →
14:49, 9 қазан 2026

Маңғыстауда ерекше жандар арасында «Сырлы әлем» шығармашылық байқауы өтті

Роберт Мшвидобадзе: Біздің басты мәселеміз – спортшыларға сенімділіктің жетіспеуі
Жаңалықты көру →
13:46, 9 қазан 2026

Роберт Мшвидобадзе: Біздің басты мәселеміз – спортшыларға сенімділіктің жетіспеуі

Ақтауда Каспий маңы мемлекеттері университеттері мен ғылыми-зерттеу орталықтары қауымдастығының XXVIII Бас Ассамблеясы өтті
Жаңалықты көру →
13:02, 9 қазан 2026

Ақтауда Каспий маңы мемлекеттері университеттері мен ғылыми-зерттеу орталықтары қауымдастығының XXVIII Бас Ассамблеясы өтті

Ақтауда Маңғыстаудың киелі нысандарын қорғау мәселелері талқыланды
Жаңалықты көру →
11:48, 9 қазан 2026

Ақтауда Маңғыстаудың киелі нысандарын қорғау мәселелері талқыланды

G-TON бағдарламасына өтінім қабылдап жатыр: стартаптарға мүмкіндік
Жаңалықты көру →
11:25, 9 қазан 2026

G-TON бағдарламасына өтінім қабылдап жатыр: стартаптарға мүмкіндік

Құқықтық керуен Бейнеуге келді
Жаңалықты көру →
11:19, 9 қазан 2026

Құқықтық керуен Бейнеуге келді

Жаңаөзенде Орталық қалалық кітапхананың құрылысы жүріп жатыр
Жаңалықты көру →
10:45, 9 қазан 2026

Жаңаөзенде Орталық қалалық кітапхананың құрылысы жүріп жатыр

Ақтауда республикалық командалық шахмат турнирі өтті
Жаңалықты көру →
10:31, 9 қазан 2026

Ақтауда республикалық командалық шахмат турнирі өтті

Нұрдәулет Қилыбай: Жұмысты созбаңыздар
Жаңалықты көру →
09:04, 9 қазан 2026

Нұрдәулет Қилыбай: Жұмысты созбаңыздар

Ақтауда құны 48 млрд теңге болатын жылу қазандығы салынып жатыр
Жаңалықты көру →
18:23, 8 қазан 2026

Ақтауда құны 48 млрд теңге болатын жылу қазандығы салынып жатыр

Еңбекпен шыңдалған өмір
Жаңалықты көру →
18:03, 8 қазан 2026

Еңбекпен шыңдалған өмір

"Шам әдет қалыптастыру" жобасы: Жастар ерте тұрып, кітап оқуды қалай әдетке айналдырды?
Жаңалықты көру →
17:33, 8 қазан 2026

"Шам әдет қалыптастыру" жобасы: Жастар ерте тұрып, кітап оқуды қалай әдетке айналдырды?

Қарақия ауданында жолаушы әйелден 136 келі бекіре тәркіленді
Жаңалықты көру →
16:53, 8 қазан 2026

Қарақия ауданында жолаушы әйелден 136 келі бекіре тәркіленді

Ақтаулық креатордың жеке шығармашылық жобасы adidas назарын қалай аударды
Жаңалықты көру →
16:49, 8 қазан 2026

Ақтаулық креатордың жеке шығармашылық жобасы adidas назарын қалай аударды

Мақсат Мұқаш: Бұл нысанның құрылысы ұзаққа созылып кеткен
Жаңалықты көру →
16:16, 8 қазан 2026

Мақсат Мұқаш: Бұл нысанның құрылысы ұзаққа созылып кеткен

Advertisement
Маңғыстау жаңалықтары
Ақтаулық оқушылар үш жылдан бері таңертең кітап оқуды қалай әдетке айналдырды?
Жаңалықты көру →
AuthorГүлсезім Әбдіжәлел
17:42, 9 қазан 2026

Ақтаулық оқушылар үш жылдан бері таңертең кітап оқуды қалай әдетке айналдырды?

OTPANNEWS.KZ – Ақтаулық ұстаз Темірлан Жұмалиев білім саласында жеті жылдан бері еңбек етеді. Одан бөлек мұғалім оқушылар арасында кітап оқу мәдениет арттыруға үлес қосып жүр. Ол «Ренессанс» мектебінің оқу ісі жөніндегі орынбасары қызметін атқарады. Темірлан Жұмалиевтің айтуынша, мектептің негізгі мақсаты – бәсекеге қабілетті ұрпақ тәрбиелеу. Осы мақсатта білім ордасында күнделікті таңғы тәртіп кітап оқудан басталады.Мектепте сағат 09:00-ден 09:20-ға дейін мұғалімдер мен оқушылар бірге кітап оқиды. Бұл дәстүрдің қалыптасқанына биыл үш жыл.Оқушылар мен ұстаздар арасында кітап оқу мәдениетін қалыптастыруды көздеген мектеп алдағы уақытта «Оқырмандар клубын» құруды жоспарлап отыр.«Ұстаздар мен оқушылардың кітап оқуға деген қызығушылығын арттыру үшін жыл сайын түрлі байқаулар ұйымдастырамыз. Жеңімпаздарға бағалы сыйлықтар табысталады. Сонымен қатар ата-аналар арасында да түрлі сайыстар өткіземіз. Мәселен өткен жылы ата-аналарға Мағжан Жұмабаевтың педагогикалық еңбегін оқуды ұсындық. Екі ай ішінде кітапты оқып, меңгерген ата-аналар сенбі күні мектепке келіп, тест тапсырды. Жоғары нәтиже көрсеткендер бағалы сыйлықтарға ие болды», – дейді Темірлан Жұмалиев.Ұстаздың сөзінше, кітап оқуға ынталандыратын клубтар мен бастамалар көбейсе, тұрақты оқырмандардың қатары да арта түседі.Темірлан Жұмалиев оқушылардың білімін жетілдіруге көмектесу мақсатында оқу-әдістемелік құрал мен тест тапсырмалары жинағын әзірлеген. Жалпы таралымы 3 мың дана болған кітапшаны оқушылар тестке дайындық барысында пайдаланып жүр.«Тестке дайындалатын оқушыларға ыңғайлы болу үшін арнайы кітапша шығардым. Негізгі мақсатым – оқушылардың тақырыптарды сапалы әрі қолайлы тәсілмен меңгеруіне көмектесу», – дейді ұстаз.

Маңғыстауда ерекше жандар арасында «Сырлы әлем» шығармашылық байқауы өтті
Жаңалықты көру →
AuthorРоза Әділханқызы
14:49, 9 қазан 2026

Маңғыстауда ерекше жандар арасында «Сырлы әлем» шығармашылық байқауы өтті

АҚТАУ. OTPANNEWS.KZ – Маңғыстау облысында мүмкіндігі шектеулі жандар арасында дәстүрлі «Сырлы әлем» облыстық шығармашылық байқауы өтті.20 жылдан астам тарихы бар байқауға биыл облыстағы аудан-қалалардағы қоғамдық ұйымдар мен арнайы әлеуметтік қызмет көрсету орталықтарынан 96 өнерпаз қатысты.Байқауға қатысушылар ән, аспаптық орындау, хореография, бейнелеу өнері және қолөнер бағыттары бойынша өз өнерлерін ортаға салды.«Іс-шараның негізгі мақсаты – өнерпаздардың шығармашылық қабілетін қолдау, талантын таныту және олардың мәдени өмірге белсенді араласуына мүмкіндік беру. Байқау барысында қатысушылардың өнері мен еңбегіне ерекше мән беріліп, тең мүмкіндік, құрмет пен қолдау құндылықтары дәріптелді»,- дейді облыстық мәдениет, тілдерді дамыту және архив ісі басқармасы мамандары. Ұйымдастырушылардың айтуынша, «Сырлы әлем» байқауы ерекше жандардың шығармашылық әлеуетін дамытуға және олардың өнерін көпшілікке танытуға бағытталған маңызды мәдени жобалардың бірі.

Маңғыстауда 9 айда тұтынушыларға 65 млн теңгеден астам қаражат қайтарылды
Жаңалықты көру →
AuthorРоза Әділханқызы
14:40, 9 қазан 2026

Маңғыстауда 9 айда тұтынушыларға 65 млн теңгеден астам қаражат қайтарылды

АҚТАУ. OTPANNEWS.KZ – Маңғыстау облысы бойынша сауда және тұтынушылардың құқықтарын қорғау департаментіне 2026 жылдың тоғыз айында 1 337 өтініш түскен. Нәтижесінде тұтынушыларға 65,3 млн теңгеден астам қаражат қайтарылды.Департамент басшысы Рауан Мұқаевтың айтуынша, есепті кезеңде түскен өтініштердің 1 211-і жазбаша түрде қабылданса, 126 азамат жедел желі арқылы кеңес алған. Барлығы 1 337 өтініш қаралып, оның 280-і қанағаттандырылған, 354 өтініш бойынша түсіндірме берілген.«Жалпы, тоғыз ай ішінде департамент тұтынушыларға 41 млн 934 мың 463 теңге қайтарған. Сонымен қатар сот процестеріне үшінші тұлға ретінде қатысып, тұтынушылардың пайдасына 23 млн 409 мың 888 теңге өндірілген. Осылайша азаматтарға қайтарылған және өндірілген қаражаттың жалпы көлемі 65 млн 344 мың 351 теңгені құрады»,- деді Рауан Мұқаев. Шағымдарды талдау барысында тұрғындарды негізінен бөлшек сауда орындарынан сапасыз тауар сатып алу, тауарды айырбастау және қайтару мәселелері алаңдататыны анықталған. Сондай-ақ жиһаз жасау мен жөндеуді қоса алғанда, тұрмыстық қызметтердің сапасына қатысты шағымдар, электронды сауда, алтын бұйымдарды қайтару және дауларды сотқа дейін реттеу мәселелері де өзекті болып отыр.Мәселен, жыл басынан бері «Wildberries» компаниясына қатысты 26 өтініш түсіп, 21-і қанағаттандырылған. Нәтижесінде тұтынушыларға 69 мың 230 теңге қайтарылған.Департамент мамандары тұтынушылардың құқықтарын қорғау кезінде заңда белгіленген тәртіпті сақтаудың маңызды екенін атап өтеді. Қолданыстағы жүйеге сәйкес, азамат алдымен сатушыға наразылық хат жолдауы қажет. Мәселе шешілмеген жағдайда департаментке жүгінуге, ал дау одан әрі реттелмесе, азаматтық сотқа талап арыз беруге болады.

Ақтауда фискалдық чектерді қазақ тілінде беру мәселесі талқыланды
Жаңалықты көру →
AuthorРоза Әділханқызы
14:10, 9 қазан 2026

Ақтауда фискалдық чектерді қазақ тілінде беру мәселесі талқыланды

Ақтау. OTPANNEWS.KZ – Ақтауда кәсіпкерлердің фискалдық чектерді Қазақстан Республикасының тіл туралы заңнамасына сәйкес рәсімдеу мәселесіне арналған дөңгелек үстел өтті. Жиынға мемлекеттік орган өкілдері, кәсіпкерлер, сауда орталықтарының басшылары, қоғамдық ұйымдардың өкілдері қатысты.Іс-шара барысында мемлекеттік тілде фискалдық чек берудің заңнамалық талаптары, тұтынушылардың құқықтарын қорғау және кәсіпкерлік саласындағы тіл саясатының маңызы талқыланды.«Parasat Aktau» қоғамдық бірлестігінің төрайымы Толқын Құсайынова мемлекеттік тілдің кәсіпкерлік саласында қолданылуы тек талап қоюмен шектелмеуі керектігін атап өтті.«Біздің мақсатымыз – кәсіпкерлерге талап қою ғана емес, ең алдымен заң талаптарын түсіндіру және оларды орындауға көмектесу. Мемлекеттік тілде ақпарат алу – тұтынушының құқығы. Сондықтан фискалдық чектердің мемлекеттік тілде дұрыс берілуіне назар аударуымыз керек»,- деді ол.Оның айтуынша, кей жағдайда фискалдық чектің қазақ тілінде берілмеуі кәсіпкердің қарсылығынан емес, кассалық аппарат немесе бағдарламалық қамтамасыз етудің техникалық мүмкіндіктеріне байланысты болуы мүмкін.«Сондықтан біз үш бағытқа басымдық беруіміз қажет: заң талаптарын түсіндіру, техникалық мәселелерді шешуге жәрдемдесу және тұтынушылардың құқықтық сауаттылығын арттыру»,- деді Толқын Құсайынова.Жиында тұтынушылардың құқықтарын қорғау мәселесіне де кеңінен тоқталды. Маңғыстау облысы бойынша сауда және тұтынушылардың құқықтарын қорғау департаментінің басшысы Рауан Мұқаевтың мәліметінше, 2026 жылдың тоғыз айында департаментке 1337 өтініш түскен. Оның 1211-і жазбаша түрде қабылданса, 126 өтініш жедел желі арқылы келіп түскен.Осы кезеңде тұтынушыларға 41,9 млн теңге қайтарылған. Сонымен қатар департамент сот істеріне үшінші тұлға ретінде қатысып, тұтынушылардың пайдасына 23,4 млн теңге өндірілген. Нәтижесінде қайтарылған және өндірілген қаражаттың жалпы көлемі 65,3 млн теңгеден асты.Өтініштерді талдау барысында тұрғындарды сапасыз тауарлар, тауарларды айырбастау және қайтару, тұрмыстық қызметтердің сапасы, электронды сауда, алтын бұйымдарды қайтару және дауларды сотқа дейін реттеу мәселелері алаңдататыны анықталған.«Жыл басынан бері «Wildberries» ЖШС-ға қатысты 26 өтініш түсті. Оның 21-і қанағаттандырылып, тұтынушыларға 69 230 теңге қайтарылды. Азаматтар алдымен сатушыға наразылық хат жолдап, мәселе шешілмеген жағдайда департаментке жүгінуіне болады. Даулы жағдай реттелмесе, үшінші кезеңде сотқа жүгінуге мүмкіндік бар. Сонымен бірге 2026 жылдың тоғыз айында департамент тарапынан Қазақстан Республикасының «Тұтынушылардың құқықтарын қорғау туралы» заңнамасының сақталуына байланысты 31 жоспардан тыс тексеру тағайындалып, 27 кәсіпкерлік субъектісіне әкімшілік шара қолданылды»,- деді Рауан Мұқаев.Жиында фискалдық чектің тұтынушы құқығын қамтамасыз етудегі рөліне ерекше мән берілді. Департамент басшысының айтуынша, «Тұтынушылардың құқықтарын қорғау туралы» заңның 7-бабына сәйкес азаматтардың тауар, жұмыс, қызмет және сатушы туралы толық әрі сенімді ақпарат алуға, сондай-ақ сатып алу фактісін растайтын құжатты алуға құқығы бар.«Фискалдық чек — сату фактісін растайтын басты құжаттардың бірі. Сондықтан кассалық құжаттардағы ақпараттың мемлекеттік және орыс тілдерінде ұсынылуы тұтынушының заңмен бекітілген құқықтарын қамтамасыз етудің маңызды тетігі», — деді Рауан Мұқаев.Жиын қорытындысында кәсіпкерлерге тіл туралы және тұтынушылардың құқықтарын қорғау жөніндегі заңнама талаптарын сақтау бойынша түсіндіру жұмыстары жүргізіліп, техникалық мәселелерді шешу және тұтынушылардың құқықтық сауаттылығын арттыру бағытында ұсыныстар айтылды.

Ақтауда Каспий маңы мемлекеттері университеттері мен ғылыми-зерттеу орталықтары қауымдастығының XXVIII Бас Ассамблеясы өтті
Жаңалықты көру →
AuthorOtpan News
13:02, 9 қазан 2026

Ақтауда Каспий маңы мемлекеттері университеттері мен ғылыми-зерттеу орталықтары қауымдастығының XXVIII Бас Ассамблеясы өтті

OTPANNEWS.KZ. - Ақтау қаласында Каспий маңы мемлекеттері университеттері мен ғылыми-зерттеу орталықтары қауымдастығының XXVIII Бас Ассамблеясы өтті. Халықаралық жиын Ш. Есенов атындағы Каспий технологиялар және инжиниринг университетінің ұйымдастыруымен өтіп, Каспий өңіріндегі ғылыми-білім беру ынтымақтастығын дамыту мәселелеріне арналды. Бұл туралы Маңғыстау облысы әкімінің баспасөз қызметі хабарлады.Ассамблея жұмысына Маңғыстау облысы әкімінің бірінші орынбасары Ербол Ізбергенов, Каспий маңы елдерінің жоғары оқу орындары мен ғылыми-зерттеу ұйымдарының басшылары, ғалымдар және академиялық қоғамдастық өкілдері қатысты. Биылғы басқосу Yessenov University-дің 50 жылдығы және көрнекті ғалым, мемлекет және қоғам қайраткері Шахмардан Есеновтің туғанына 100 жыл толуы аясында ұйымдастырылды.1996 жылы құрылған қауымдастық Әзербайжан, Иран, Қазақстан, Ресей және Түрікменстанның жоғары оқу орындары мен ғылыми-зерттеу институттарын біріктіреді. Оның қызметі ортақ ғылыми-білім беру кеңістігін дамытуға, Каспий теңізінің өзекті мәселелерін бірлесіп зерттеуге және мемлекеттер арасындағы академиялық байланыстарды нығайтуға бағытталған.Ассамблеяда Каспий теңізінің экологиялық жағдайы, теңіз деңгейінің төмендеуі, су ресурстарының тапшылығы, биоалуантүрлілікті сақтау және климаттық өзгерістердің әсері мәселелері көтерілді. Қатысушылар өңірдегі экологиялық проблемаларды шешу үшін ғылыми деректермен алмасудың, бірлескен зерттеулер жүргізудің және ғылыми негізделген практикалық шешімдер әзірлеудің маңызын атап өтті.Маңғыстау облысы әкімінің бірінші орынбасары Ербол Ізбергенов Каспий өңіріндегі экологиялық қауіпсіздікті қамтамасыз ету мен ғылыми ынтымақтастықты нығайтудың маңызын айтты.– Мемлекет басшысы Қасым-Жомарт Кемелұлы Тоқаев экологиялық және су қауіпсіздігін қамтамасыз ету, табиғи және антропогендік қатерлердің алдын алу мемлекеттік саясаттың маңызды міндеттерінің бірі екенін үнемі атап көрсетеді. Маңғыстау облысының әкімдігі өңірдің ғылыми және білім беру әлеуетін дамытуға, халықаралық ынтымақтастықты кеңейтуге, ғылыми нәтижелерді өндіріске енгізуге және қоғамның өзекті мәселелерін шешуге бағытталған бастамаларды қолдауға дайын. Баршаңызға нәтижелі жұмыс, сындарлы пікір алмасу, жаңа ғылыми бастамалар мен табысты ынтымақтастық тілеймін, - деді Ербол Ізбергенов.Ассамблея аясында қауымдастыққа төрағалық ету өкілеттігін Х. Досмұхамедов атындағы Атырау университетінен Yessenov University-ге тапсыру рәсімі өтті. Сонымен қатар жиын қорытындысы бойынша мүше жоғары оқу орындары мен ғылыми-зерттеу ұйымдары арасында ынтымақтастық туралы меморандумдарға қол қойылып, бірлескен ғылыми жобалар мен білім беру бағдарламаларын дамыту мәселелері қарастырылды.

Ақтауда Маңғыстаудың киелі нысандарын қорғау мәселелері талқыланды
Жаңалықты көру →
AuthorРоза Әділханқызы
11:48, 9 қазан 2026

Ақтауда Маңғыстаудың киелі нысандарын қорғау мәселелері талқыланды

АҚТАУ. OTPANNEWS.KZ – Бүгін ЮНЕСКО-ның Бүкіләлемдік мұра тізіміне енген «Маңғыстаудың жартасты мешіттері және онымен сабақтас киелі нысандары» номинациясын іске асыруға арналған өңірлік жұмыс кездесуі өтті.Жиынға мемлекеттік органдардың, қоғамдық ұйымдар мен туристік компаниялардың өкілдері, сондай-ақ сала мамандары қатысты. Кездесуде ЮНЕСКО Бүкіләлемдік мұра комитетінің 48-сессиясында қабылданған 48 СОМ 8B.20 шешімін іске асыру, тарихи-мәдени нысандарды сақтау, қорғау және басқару мәселелері қаралды.«2026 жылғы шілдеде Корея Республикасының Пусан қаласында өткен ЮНЕСКО Бүкіләлемдік мұра комитетінің 48-сессиясында Шопан ата, Қараман ата, Шақпақ ата, Сұлтан епе және Бекет ата жерасты мешіттері мен оларға сабақтас киелі нысандар «Маңғыстаудың жартасты мешіттері және онымен сабақтас киелі нысандары» номинациясы аясында Бүкіләлемдік мұра тізіміне енгізілді. Бүгінгі басқосуда ЮНЕСКО талаптарына сәйкес қорғау және басқару бойынша нақты міндеттер айқындалады. Атап айтқанда, тарихи-мәдени нысандар туралы толық әрі шынайы деректер базасын қалыптастыру, оларды сақтау және консервациялау стратегиясын әзірлеу, сондай-ақ 2027–2031 жылдарға арналған кешенді басқару жоспарын дайындау көзделіп отыр»,- деді Мәдениет, тілдерді дамыту және архив ісі басқармасының басшысы Нұртас Сали. Сондай-ақ ескерткіштердің жай-күйін тұрақты бақылауға мүмкіндік беретін мониторинг жүйесін енгізу жоспарланған. Бұл тарихи нысандарға табиғи үдерістер мен адам әрекетінің әсерін дер кезінде бағалап, қажетті шараларды алдын ала қабылдауға мүмкіндік береді.«Тағы бір өзекті мәселе – туристік және танымдық бағыттарды ұйымдастыру. Келушілер үшін қауіпсіз әрі түсінікті маршруттар әзірленіп, киелі орындарға зиярат ету дәстүрлері мен жергілікті ерекшеліктер ескерілуі тиіс. Осы жұмыстар аясында төрт негізгі бағыт айқындалып, олар бойынша жұмыстарды 2027 жылғы 1 мамырға дейін аяқтау жоспарланып отыр»,- Маңғыстау мемлекеттік табиғи-мәдени қорығының директоры Балтабай Қайыпұлы. Айта кетейік, бұл бағыттағы жұмыстар Қазақстанның ЮНЕСКО алдындағы есептілігін қамтамасыз етуге және Бүкіләлемдік мұра мәртебесіне ие нысандардың сақталуын жүйелі түрде бақылауға мүмкіндік береді.

Құқықтық керуен Бейнеуге келді
Жаңалықты көру →
AuthorOtpan News
11:19, 9 қазан 2026

Құқықтық керуен Бейнеуге келді

Заңды білу – өз құқығыңды қорғаудың маңызды қадамы. Мемлекет пен қоғам үшін азаматтардың құқықтық сауаттылығын арттыру, құқық бұзушылықтардың алдын алу және тұрғындарға заң талаптарын түсіндіру – маңызды міндеттердің бірі. Осы бағыттағы жұмыстарды күшейту мақсатында ауданымызда тұрғындармен құқықтық-профилактикалық кездесу ұйымдастырылды.Маңғыстау облысының Ақпарат және қоғамдық даму басқармасының қолдауымен, «Заң және тәртіп» мемлекеттік әлеуметтік тапсырысы аясында «Эко Маңғыстау» үкіметтік емес ұйымының ұйымдастыруымен өткен көшпелі кездесудің басты мақсаты – халықтың құқықтық білімін арттыру, азаматтардың өз құқықтары мен заңды мүдделерін қорғау жолдарын түсіндіру және құқық бұзушылықтардың алдын алу.Кездесу барысында тұрғындар үшін ашық диалог алаңы құрылды. Оған мемлекеттік және құқық қорғау органдарының, қоғамдық сектордың, жергілікті атқарушы органдардың және түрлі салалардың мамандары қатысты.Көшпелі керуен жұмысы барысында тұрғындар күнделікті өмірде кездесетін өзекті мәселелер бойынша мамандарға тікелей сұрақ қойып, қажетті түсіндірмелер алды. Атап айтқанда, азаматтарға құқықтық мәселелер, санитариялық-эпидемиологиялық талаптар, салық салу, мемлекеттік кірістер, экономикалық қауіпсіздік және жергілікті атқарушы органдардың құзыретіне қатысты мәселелер бойынша кеңестер берілді.Жоба аясында мемлекеттік кірістер органдарының, экономикалық тергеу департаментінің, жергілікті әкімдік пен құқық қорғау саласының өкілдері тұрғындардың жеке мәселелерін тыңдап, заң аясында нақты жауаптар ұсынды. Кездесудің ерекшелігі – тұрғындардың өздерін толғандырған мәселелерін тиісті сала мамандарына тікелей жеткізіп, тегін кеңес алу мүмкіндігі болды. Бұл өз кезегінде азаматтардың құқықтық мәселелерін шешуге бағыт-бағдар беріп қана қоймай, заң талаптарын дұрыс түсінуге мүмкіндік берді.Құқықтық сауаттылық – құқық бұзушылықтың алдын алудың және қоғамдағы заңдылықты нығайтудың маңызды тетігі. Өз құқықтары мен міндеттерін жақсы білетін азамат заң талаптарын сақтап қана қоймай, қажет жағдайда өзінің заңды мүддесін қорғаудың жолдарын да біледі.Осындай көшпелі кездесулердің тағы бір маңызы – мемлекеттік органдар мен халық арасындағы тікелей байланысты нығайту. Тұрғындардың ұсыныс-пікірлері мен мәселелерін тыңдау арқылы тиісті сала мамандары халыққа қажетті ақпаратты дер кезінде жеткізіп, құқықтық кеңес береді. «Заң және тәртіп» қағидатын қалыптастыру – тек құқық қорғау органдарының ғана емес, бүкіл қоғамның ортақ міндеті. Сондықтан тұрғындардың құқықтық мәдениетін көтеруге бағытталған мұндай жобалардың маңызы зор.Кездесу соңында аудан тұрғындары ұйымдастырушылар мен сала мамандарына алғыстарын білдіріп, өздерін толғандырған сауалдарына нақты жауап алғандарын жеткізді. Заңды білу – өз құқығыңды қорғаудан басталады. Ал құқықтық сауатты қоғам – қауіпсіз әрі тәртіпті қоғамның негізі.Үміт АСҚАРҚЫЗЫ

Жаңаөзенде Орталық қалалық кітапхананың құрылысы жүріп жатыр
Жаңалықты көру →
AuthorOtpan News
10:45, 9 қазан 2026

Жаңаөзенде Орталық қалалық кітапхананың құрылысы жүріп жатыр

OTPANNEWS.KZ. - «ҚазМұнайГаз» ҰК АҚ Басқарма төрағасы Асхат Хасенов Маңғыстау облысына жұмыс сапары барысында Жаңаөзен қаласында салынып жатқан Орталық қалалық кітапхананың құрылыс алаңына барды. Бұл туралы компанияның баспасөз қызметі хабарлады.Кітапхана «ҚазМұнайГаз» ҰК АҚ және Samruk-Kazyna Trust қолдауымен жүзеге асырылып жатыр. Заманауи ғимараттың жалпы ауданы 2 мың шаршы метрге жуық және 100 мыңға дейін кітап қорын сақтауға есептелген.Мұнда 80 орындық оқу залы, жеке және топпен жұмыс істеуге мүмкіндік беретін коворкинг аймағы мен конференция залы болады. Сондай-ақ кітап қорын жинау, өңдеу және цифрландыру бөлімдері қарастырылған.Қазіргі уақытта нысанды ішкі әрлеу және инженерлік жұмыстар аяқталуға жақын.Жаңа кітапхана жаңаөзендіктер үшін кітап оқып, білім алуға, шығармашылықпен айналысуға және қоғамдық іс-шараларды ұйымдастыруға мүмкіндік беретін заманауи мәдени-ағарту орынға айналмақ.Жоба Мемлекет басшысының кітап оқу мәдениетін дамыту және зерделі ұлт қалыптастыру жөніндегі бастамасы аясында жүзеге асырылуда.

Нұрдәулет Қилыбай: Жұмысты созбаңыздар
Жаңалықты көру →
AuthorOtpan News
09:04, 9 қазан 2026

Нұрдәулет Қилыбай: Жұмысты созбаңыздар

OTPANNEWS.KZ. - Маңғыстау облысының әкімі Нұрдәулет Қилыбай Ақтаудың 4-5 шағынаудандарындағы жылу құбырларын ауыстыру жұмыстарын 2027 жылдың 3-тоқсанында аяқтауды тапсырды.Бұған дейін мердігерлер жұмысты 4-тоқсанда аяқтауды жоспарлаған. Әкім бұл мерзіммен келіспей, жұмысты бір тоқсанға ертерек аяқтауды талап етті.

Ақтауда құны 48 млрд теңге болатын жылу қазандығы салынып жатыр
Жаңалықты көру →
AuthorМахаббат Нұржанқызы
18:23, 8 қазан 2026

Ақтауда құны 48 млрд теңге болатын жылу қазандығы салынып жатыр

OTPANNEWS.KZ. – Ақтауда жылыту маусымына дайындық аясында жылу желілерін жаңарту және жаңа қазандық салу жұмыстары жүргізіліп жатыр. Маңғыстау облысының әкімі Нұрдәулет Қилыбай қаладағы бірқатар жылу инфрақұрылымы нысанын аралап, жұмыстардың барысын тексерді.Қаладағы маңызды жобалардың бірі – жаңа қазандықтың құрылысы. Нысанның жылу өндіру қуаты сағатына 363 Гкал болады. Жобаның жалпы құны – 48 млрд теңге. Құрылыс үш кезеңмен жүргізіледі.Биыл жобаға инфрақұрылымды дамыту қоры есебінен 6,8 млрд теңге бөлінген. Жаңа қазандық Ақтауда жаңадан бой көтеріп жатқан шағынаудандарды жылумен қамтып, қолданыстағы жылу көздеріне түсетін салмақты азайтуы тиіс.Облыс әкімі 3А, 3Б шағынаудандары мен емдеу қалашығындағы жылу желілерін жаңарту жұмыстарын да көрді. Мұнда жалпы ұзындығы 10,2 шақырым болатын желі жаңартылады.Жұмыс барысында тозған құбырлар заманауи полимер құбырларға ауыстырылып, қажетті жабдықтар орнатылады. Бұл учаскелер арқылы тұрғын үйлер, әлеуметтік және коммерциялық нысандар жылумен қамтамасыз етіледі.Сондай-ақ Нұрдәулет Қилыбай орталық жылу торабындағы жұмыстармен танысты. Мұнда жылу энергиясын тұтынушыларға тұрақты жеткізуге қажетті жұмыстар жүргізіліп жатыр.Жұмыс қорытындысы бойынша облыс әкімі жауапты басқармаларға, мердігерлерге және Ақтау қаласының әкімдігіне жобаларды белгіленген мерзімде аяқтап, жылыту маусымының тұрақты өтуін қамтамасыз етуді тапсырды.

"Шам әдет қалыптастыру" жобасы: Жастар ерте тұрып, кітап оқуды қалай әдетке айналдырды?
Жаңалықты көру →
AuthorГүлсезім Әбдіжәлел
17:33, 8 қазан 2026

"Шам әдет қалыптастыру" жобасы: Жастар ерте тұрып, кітап оқуды қалай әдетке айналдырды?

АҚТАУ.OTPANNEWS.KZ - кітапқа қызығушылық танытып, арнайы ұйымдарда бірлесе уақыт өткізетін жастар қатары көбейіп келеді. Сондай белсенді жастар жиналған ұйымның бірі - "Шам" қоғамдық бірлестігі. 2021 жылы құрылған бірлестік құрамына 300-ден астам кітапсүйер оқырман жиналған. Жастар ай сайын бас қосып, кітап талқылап, бір-біріне сұрақ қойып, тәжірибе алмасады. Одан бөлек, ұйымның қолдауымен түрлі жоба ұйымдастырылады. Соның бірі - "Шам әдет қалыптастыру" жобасы. Ұйымдастырушы Бекжан Уәлиев бұл марафонның арқасында жастарда жақсы әдет қалыптасып жатқанын айтады."Шам әдет қалыптастыру" жобасының негізгі мақсаты - ерте тұру және салауатты өмір салтын насихаттау. Марафонға қатысушылардың ерте тұрғанын сауалнама арқылы тексереміз. Кейін сағат 8:30-дан бастап кітап оқып, кітап туралы шағын эссе жазып жібереді. Таңғы серуен немесе жаттығу жасайды. Оны қосымша арқылы бақылап отырамыз", - деді Бекжан Уәлиев.Осы уақытқа дейін марафонға 500-ден астам адам қатысқан. Жобаның мақсаты - кітап оқу мәдениетін арттырып қана қоймай, таңғы тәртіп қалыптастырып, дұрыс тамақтануды және салауатты өмір салтын насихаттау. Қатысушылар топ-топқа бөлініп, өзара сайыс өткізеді. Ұйымдастырушының айтуынша, бәсекелестік қатысушылардың бір-біріне көмектесіп, жақсы нәтиже көрсетуіне ықпал етеді."Қатысушыларды екі топқа бөлеміз: "Лидер" және "Шабыт" командалары. Екі топ өзара жарысып, ұпай жинайды. Осылайша жарыса отырып, марафон өткізеді. Топқа бөлінген қатысушылар мейлінше жоғары ұпай жинау үшін бір-бірін ұйқысынан оятып, көмектесіп, жақсы нәтиже көрсетеді", - деді "Шам" қоғамдық бірлестігінің ұйымдастырушысы Бекжан Уәлиев.

Қарақия ауданында жолаушы әйелден 136 келі бекіре тәркіленді
Жаңалықты көру →
AuthorМахаббат Нұржанқызы
16:53, 8 қазан 2026

Қарақия ауданында жолаушы әйелден 136 келі бекіре тәркіленді

OTPANNEWS.KZ. – Заңсыз тасымалдау 5 қазанда профилактикалық іс-шара кезінде анықталған.Полиция қызметкерлері құқық қорғау және уәкілетті органдардың өкілдерімен бірлесіп, көлікті тоқтатқан. Тексеру кезінде жүксалғыштан бекіре тұқымдас 136,15 келі болатын 22 дана балық табылған. Полиция мәліметінше, балық көлікте болған 55 жастағы әйел жолаушыға тиесілі.Осы дерек бойынша Қазақстан Республикасы Қылмыстық кодексінің 339-бабы 1-бөлігімен сотқа дейінгі тергеу басталды. Қазір тәркіленген балықтың қайдан алынғаны және оның оқиғаға қатысты басқа да мән-жайлары анықталып жатыр, - деп мәлімдеді Маңғыстау облыстық ПД баспасөз қызметі.Полиция сирек кездесетін және жойылып кету қаупі бар жануарлар түрлерін заңсыз аулау, сатып алу, сақтау, тасымалдау немесе өткізу қылмыстық жауапкершілікке әкелетінін ескертеді.

Спорт
Роберт Мшвидобадзе: Біздің басты мәселеміз – спортшыларға сенімділіктің жетіспеуі
Жаңалықты көру →
AuthorЖанкелді Қаржан
13:46, 9 қазан 2026

Роберт Мшвидобадзе: Біздің басты мәселеміз – спортшыларға сенімділіктің жетіспеуі

Баку. OTPANNEWS.KZ - Қазақстан ұлттық құрамасының жаттықтырушы-консультанты Роберт Мшвидобадзе отандық дзюдошылардың әлем чемпионатындағы әлеуетіне шолу жасады. Оның пікірінше, спортшылардың өз күшіне деген сенімін арттырып, ішкі бәсекелестікті күшейту қажет. Маман әйелдер дзюдосының қазіргі деңгейіне, жас балуандардың мүмкіндігіне және ұлттық құраманың болашағына қатысты ойымен бөлісті. - Қазақстан дзюдосының қазіргі деңгейін қалай бағалайсыз? Құраманың нәтижелеріне көңіліңіз тола ма? - Өздеріңіз де байқап жүрсіздер, біз біртіндеп өсіп, алға жылжып келеміз. Қазақстанда бұл жұмысты енді ғана бастап жатырмыз. Соған қарамастан, ілгерілеу бар екенін көріп отырмын. Спортшыларымыз көп жаттығады, олардың әлеуеті де жоғары. Шын мәнінде, бізде өте мықты балуандар бар. Сондықтан алдағы уақытта жақсы нәтижелерге қол жеткізе алатынымызға сенемін. - Дегенмен, кейбір шешуші белдесулерде жеңіліп қалып жатамыз. Бұған не себеп? - Қазір біздің ең басты әрі ең үлкен мәселеміз – спортшыларға сенімділіктің жетіспеуі. Олар кейде қарсыластары өздерінен мықты деп ойлайды. Бұл - үлкен қателік. Әрине, халықаралық жарыстарда бәсекелестік жоғары. Бірақ қарсыластың мықтылығын мойындау мен одан қорқудың арасы екі бөлек. Спортшы өз мүмкіндігіне сеніп, татамиге жеңіске жету үшін шығуы керек.Өз күштеріне деген сенімділікті қалыптастыра алсақ, нәтижеміз де жақсарады. Өздеріңіз де көріп жүрсіздер, біз біртіндеп өсіп келеміз. Осы сенімділікті толық қалыптастырсақ, көп ұзамай жақсы нәтижелерге қол жеткіземіз. - Соңғы уақытта финалдық белдесулерде де жеңілістер болды. Бұл нені аңғартады?- Соңғы аптада ғана алты финалда жеңіліп қалдық. Бұл, әрине, жақсы нәтиже емес. Бізде әлі де жұмыс істейтін тұстар көп. Ұмтылатын белестеріміз де аз емес. Бірақ финалға дейін жетудің өзі спортшының белгілі бір деңгейге көтерілгенін көрсетеді. Ендігі міндет – шешуші сәттерде жеңіске жетуді үйрену. Ол үшін техникалық және тактикалық дайындықпен қатар, психологиялық тұрғыдан да мықты болу қажет. - Әйелдер дзюдосындағы бәсекелестік деңгейі туралы не айтасыз? Әсіресе ауыр салмақ дәрежелерінде жағдай қалай? - Қазір әйелдер дзюдосында ішкі бәсекелестік жеткіліксіз деп есептеймін. Жалпы, бұл бағытта әлі де атқаратын жұмыс көп. Дегенмен, жас қыздардың қатарға қосылып, жаттығып, бар күшін салып жүргені қуантады. Олардың дамуына мүмкіндік беруіміз керек. Мысалы, Азия ойындарында әйелдер құрамасы жақсы нәтиже көрсетті деп ойлаймын. Екі күміс және екі қола медаль жеңіп алдық. Командалық жарыста да қыздарымыз жақсы күресті. Мұның өзі белгілі бір ілгерілеудің бар екенін көрсетеді. - Жас спортшылардың өсіп-жетілуі үшін не қажет? - Ең алдымен, уақыт қажет. Жаңа жүйе қалыптасып жатқан кезде бірден нәтиже талап ету оңай емес. Әрине, мен де бәрін бірден қалаймын. Барлық жарыста жеңіске жетіп, алтын медальдарды бірден алғым келеді. Бірақ дзюдо – өте күрделі спорт түрі. Әлемде 184 елдің спортшылары дзюдомен айналысады. Бәсекелестік өте жоғары, әр елдің балуандары жақсы дайындалып, барын салады. Сондықтан спортшыны да, құраманы да кезең-кезеңімен дамыту керек. Жас балуандар тәжірибе жинап, халықаралық жарыстарда шыңдалуы тиіс. - Бүгін әлем чемпионатында күресіп, алғашқы айналымда сүрінген Аруна Жангелдинаның өнеріне қандай баға бересіз?- Аруна жаман күрескен жоқ. Дегенмен, әзірге мұндай ірі жарыстарға толық дайын емес деп ойлаймын. Оған әлі де тәжірибе жинау қажет. Жас спортшылардың дамуы бірден жүзеге аспайды. Сондықтан оларға уақыт беріп, жүйелі түрде жұмыс істеуіміз керек. - Алдағы әлем чемпионатында Қазақстан құрамасынан қандай нәтиже күтесіз?- Алдағы әлем чемпионатында жақсы нәтиже көрсетеміз деп ойлаймын. Қазақстан бұрын-соңды әлем чемпионаттарында қол жеткізген нәтижелерінен де жоғары көрсеткішке жетеді деп сенемін. Біздің спортшыларымыздың әлеуеті жеткілікті. Ең бастысы – өз күштеріне сеніп, дайындық барысында атқарған жұмыстарын татамиде көрсете білу. - Демек, Қазақстан дзюдосының басты мақсаты – спортшылардың өзіне деген сенімін арттыру ма? - Иә, бұл - ең маңызды мәселелердің бірі. Құрамадағы әр спортшыны көрген сайын оның қалай күресетінін білемін. Біздің жігіттер өте көп жаттығады, олардың мүмкіндіктері жоғары. Бірақ кейде өздерін қарсыластарынан төмен бағалайды. Спортшы өзіне сенуі керек. Егер біз осы сенімділікті қалыптастыра алсақ, жақсы нәтижелерге қол жеткіземіз. Қазақстан дзюдошыларының көптеген алтын медаль жеңіп ала алатынына сенімдімін. Біздің қолымыздан келеді. Ол үшін жүйелі еңбек етіп, алға қарай ұмтылуымыз қажет.

Ақтауда республикалық командалық шахмат турнирі өтті
Жаңалықты көру →
AuthorГүлсезім Әбдіжәлел
10:31, 9 қазан 2026

Ақтауда республикалық командалық шахмат турнирі өтті

OTPANNEWS.KZ - №31 ЖББМ базасында «Келешек мектептері» оқушылары арасында республикалық командалық шахмат турнирінің аймақтық іріктеу кезеңіне аудан, қала бойынша 9 командадан, 36 оқушы қатысты.Турнирдің негізгі мақсаты – «Келешек мектептері» оқушылары үшін бірыңғай ұлттық шахмат алаңын қалыптастыру, олардың интеллектуалдық қабілеттерін, стратегиялық ойлауын және командалық жұмыс дағдыларын дамыту, сондай-ақ оқушылар арасында шахматты кеңінен насихаттау.Турнирдің ашылуында Маңғыстау облыстық дене тәрбиесі және туризм орталығы директорының орынбасары Али Қабаков құттықтау сөз сөйлеп, қатысушыларға сәттілік тіледі. Жарыста №31 жалпы білім беретін мектептің директоры Ескендір Кумбаев және турнирдің бас төрешісі, Маңғыстау облысы Шахмат федерациясының бапкері Капаров Азамат тілектерін білдірді.Үздіктер қатарында:I орынды – Ақтау қаласы, №31 жалпы білім беретін мектебі; II орынды– Ақтау қаласы, №35 жалпы білім беретін мектебі;III орын – Мұнайлы ауданы, №19 жалпы білім беретін мектебі бар. Аймақтық кезеңнің жеңімпазы Астана қаласында өтетін республикалық ұлттық финалда Ақтау қаласының №31 жалпы білім беретін мектеп командасы Маңғыстау облысының намысын қорғайды.

Жаңаөзенде еліміздің үздік садақшылары бас қосты
Жаңалықты көру →
AuthorOtpan News
10:27, 7 қазан 2026

Жаңаөзенде еліміздің үздік садақшылары бас қосты

OTPANNEWS.KZ. - Жаңаөзен қаласында дәстүрлі садақ атудан жастар арасындағы ел чемпионаты өтіп жатыр. Ұлттық спортты дәріптеп, жас спортшылардың шеберлігін шыңдауға бағытталған дүбірлі додаға еліміздің өңірлерінен келген 70-ке жуық спортшы қатысады.Жарыс 18-24 жас аралығындағы жастар арасында ұйымдастырылған. Чемпионаттың басты мақсаты - дәстүрлі садақ атуды жастар арасында кеңінен насихаттау, ұлттық спорт түрлерінің дамуына серпін беру және оның бұқаралық сипат алуына ықпал ету.Сайыс бағдарламасына дәстүрлі садақ атудың бірнеше бағыты енгізілген. Атап айтқанда, спортшылар пута, қалқан, Орта Азия және жамбы нысаналары бойынша жекелей сында өнер көрсетеді. Чемпионаттың қорытындысы бойынша үздік нәтиже көрсеткен спортшылар анықталып, жеңімпаздар мен жүлдегерлер марапатталады.Жарыстың жабылу салтанаты 7 қазан күні Жаңаөзен қаласындағы Әмин Тұяқов атындағы стадионда өтеді.

Жаңаөзенде қазақ күресінен облыс чемпионаты өтті
Жаңалықты көру →
AuthorOtpan NEWS
15:05, 6 қазан 2026

Жаңаөзенде қазақ күресінен облыс чемпионаты өтті

OTPANNEWS.KZ. - 4 қазан күні Жаңаөзен қаласындағы «Энергетик» спорт кешенінде 2012-2013 жылы туған жасөспірімдер арасында Қазақстан Республикасы чемпионатына іріктеу бойынша Маңғыстау облысының чемпионаты өтті.Жарыстың басты мақсаты – ұлттық спортты насихаттау, жас балуандардың шеберлігін арттыру және ҚР чемпионатына баратын Маңғыстау облысының құрама командасын жасақтау.Жарысқа облыстың қалалары мен бес ауданынан келген жас балуандар қатысып, 10 салмақ дәрежесі бойынша өзара мықтыны анықтады.Жарыс нәтижесі:32 кг🥇 1-орын — Әліпбай Д (Бейнеу ауданы)🥈 2-орын — Дәлубай Е (Бейнеу ауданы)🥉 3-орын — Парахат Е (Бейнеу ауданы)🥉 3-орын — Дүйсенов Н (Бейнеу ауданы)35 кг🥇 Арыстан Азат (Ақтау қаласы)🥈 Силих Ерасыл (Жаңаөзен қаласы)🥉 Абдолхаким Абдулазиз (Маңғыстау ауданы)🥉 Балтабай Досжан (Ақтау қаласы)38 кг🥇 Рзагали А (Жаңаөзен қаласы)🥈 Инербаев Ж (Рахат БЖСМ)🥉 Серік Д (Маңғыстау ауданы)🥉 Бекболат А (Жетібай ауылы)42 кг🥇 Амангелді У (Жас Батыр спорт мектебі)🥈 Мақсут Е (Жаңаөзен қаласы)🥉 Бағдатұлы Е (Ұлттық спорт)🥉 Реш Д (Бейнеу ауданы)46 кг🥇 Абдрахман С (Мұнайлы ауданы)🥈 Сақтаған Р (Жас Батыр)🥉 Орынбасар А (Энергетик спорт мектебі)🥉 Исламұлы А (Рахат БЖСМ)50 кг🥇 Аманжолов Ш (Жас Батыр спорт мектебі)🥈 Ринатұлы А (Жетібай ауылы)🥉 Кемелхан Д (Рахат БЖСМ)🥉 Сәрсен А (Жаңаөзен қаласы)55 кг🥇 Серік Б (Ақтау қаласы)🥈 Абдынахул А (Ұлттық спорт)🥉 Нарынбай Қ (Жаңаөзен қаласы)🥉 Сүндетбайұлы А (Жаңаөзен қаласы)60 кг🥇 Абдымомын Н (Ақтау қаласы)🥈 Рзабек К (Маңғыстау ауданы)🥉 Шегебай Б (Бірлік спорт клубы)🥉 Исабай М (Сүлеймен спорт клубы)65 кг🥇 Басбай М (Теңге БЖСМ)🥈 Ерболат Д (Маңғыстау ауданы)🥉 Байболсин Н (Жас Батыр спорт мектебі)🥉 Киікбай И (Ардан спорт клубы)+65 кг🥇 Тіркеш Б (Энергетик спорт мектебі)🥈 Миргенбай Р (Ақтау қаласы)🥉 Жумахан Ж (Сүлеймен спорт клубы)🥉 Чаканбаев М (Бейнеу ауданы)

Ольга Шмелева мен Татьяна Токарницкая Азия ойындарының күміс жүлдегері атанды
Жаңалықты көру →
AuthorOtpan NEWS
09:54, 24 қыркүйек 2026

Ольга Шмелева мен Татьяна Токарницкая Азия ойындарының күміс жүлдегері атанды

Қазақстан ұлттық құрамасының өкілдері Ольга Шмелева мен Татьяна Токарницкая Жапонияның Айти–Нагоя қалаларында өтіп жатқан XX жазғы Азия ойындарының күміс жүлдегері атанды.Қазақстандық спортшылар байдарка мен каноэде есу жарысында әйелдер арасындағы 500 метрлік қашықтықта байдарка-екілік сайысында өнер көрсетті. Финалдық бәсекеде Шмелева мен Токарницкая екінші нәтиже көрсетіп, Қазақстан құрамасының қоржынына тағы бір күміс медаль салды.Соңғы жылдары Қазақстанда есу спортын дамытуға, соның ішінде заманауи спорт инфрақұрылымын нығайтуға ерекше көңіл бөлініп келеді. Осы бағыттағы маңызды жобалардың бірі – Мемлекет басшысының тапсырмасы бойынша Түркістанда салынған халықаралық деңгейдегі ескек есу каналы. 2025 жылы пайдалануға берілген кешеннің аумағы шамамен 100 гектарды, ұзындығы 2,2 шақырымнан асады. Заманауи нысан спортшылардың толыққанды жаттығуына, оқу-жаттығу жиындарын ел аумағында өткізуге және есу спортынан ірі халықаралық жарыстар ұйымдастыруға мүмкіндік береді.Жаңа спорт инфрақұрылымы ұлттық құраманың сапалы дайындығына жағдай жасап, Қазақстанда есу спортын одан әрі дамытуға қосымша серпін беріп отыр.Ольга Шмелева мен Татьяна Токарницкаяның күміс жүлдесі Қазақстан құрамасының XX жазғы Азия ойындарындағы кезекті медалі болды.

Владислав Яковлев пен Иван Чернухин академиялық ескек есуден Азия ойындарының чемпионы атанды
Жаңалықты көру →
AuthorOtpan NEWS
09:50, 24 қыркүйек 2026

Владислав Яковлев пен Иван Чернухин академиялық ескек есуден Азия ойындарының чемпионы атанды

Қазақстан ұлттық құрамасының өкілдері Владислав Яковлев пен Иван Чернухин Жапонияның Айчи–Нагоя қалаларында өтіп жатқан ХХ жазғы Азия ойындарының чемпионы атанды.Қазақстандық экипаж академиялық есуден ерлер арасындағы рульшісіз қос қайық (M2−) бәсекесінде алтын медаль жеңіп алды.А финалында Владислав Яковлев пен Иван Чернухин мәреге бірінші болып жетіп, басты қарсыластары Қытай экипажын 2,09 секундқа басып озды.Қазақстандық спортшылар бұған дейін ірі халықаралық жарыстарда да жүлделі нәтижелер көрсеткен. 2025 жылы Яковлев пен Чернухин ересектер арасындағы Азия чемпионатының қола жүлдегері атанса, биыл Оңтүстік Кореяның Чхунджу қаласында өткен Азия кубогында алтын медаль жеңіп алды. Азия ойындарындағы жеңіс олардың халықаралық аренадағы табысты нәтижелерінің жалғасы болды.Айта кетейік, академиялық есуден жарыстар Қазақстан құрамасы үшін жалғасуда. Бүгін Владислав Яковлев пен Иван Чернухин Ярослав Мельников және Тимур Фомичевпен бірге ерлер арасындағы рульшісіз төрттік сында А финалында да бақ сынайды.

Алексей Луценко алтын дубль жасап, Азия ойындарының алты дүркін чемпионы атанды
Жаңалықты көру →
AuthorOtpan NEWS
09:56, 23 қыркүйек 2026

Алексей Луценко алтын дубль жасап, Азия ойындарының алты дүркін чемпионы атанды

Қазақстандық велошабандоз Алексей Луценко Айти–Нагояда (Жапония) өтіп жатқан ХХ жазғы Азия ойындарында екінші алтын медалін жеңіп алды.Қазақстан ұлттық құрамасының көшбасшысы тасжолдағы велоспорттан ерлер арасындағы 160,5 шақырымдық топтық жарыста мәреге бірінші болып жетті. Луценконың нәтижесі – 4 сағат 13 минут 11 секунд.Қазақстан құрамасының спортшылары бұл жарыста тұғырдың алғашқы екі сатысына көтерілді. Евгений Федоров Алексей Луценкодан 1 минут 58 секундқа қалып, күміс медаль иеленді. Қола жүлде Жапония өкілі Юхэй Тодомеге бұйырды. Тағы бір қазақстандық Николя Винокуров жарысты жетінші орында аяқтады.Бұл – Алексей Луценконың биылғы Азия ойындарындағы екінші алтын жүлдесі. Бұған дейін, 20 қыркүйекте қазақстандық спортшы жекелей сын жарысында топ жарып, 41 минут 24,05 секунд нәтижемен чемпион атанған болатын.Осылайша, Алексей Луценко Азия ойындары-2026 додасында алтын дубль жасап, құрлықтық додадағы чемпиондық атақтарының санын алтыға жеткізді.Қазақстандық велошабандоз Азия ойындарына төртінші рет қатысып отыр. Ол алғашқы алтынын 2014 жылы Инчхонда жекелей сында жеңіп алды. 2018 жылы Джакартада өткен Азия ойындарында Луценко жекелей және топтық жарыста екі алтын медаль иеленді. Ханчжоудағы Азия ойындарында жекелей сында тағы да чемпион атанып, топтық жарыста күміс жүлде жеңіп алды. Енді Жапонияда спортшы өз жүлде қоржынына тағы екі алтын медаль қосты.Айта кетейік, Луценко Азия ойындарындағы топтық жарыста бұған дейін 2018 жылы да чемпион атанған.Ерлер арасындағы топтық жарыстың қорытындысы бойынша Қазақстан құрамасы бірден екі жүлдеге ие болды – Алексей Луценко алтын, Евгений Федоров күміс медаль жеңіп алды.

Нұрқанат Әжіқанов Азия ойындарында қола жүлде иеленді
Жаңалықты көру →
AuthorOtpan News
14:08, 22 қыркүйек 2026

Нұрқанат Әжіқанов Азия ойындарында қола жүлде иеленді

Нұрқанат Әжіқанов Айти–Нагояда (Жапония) өтіп жатқан XX жазғы Азия ойындарының қола жүлдегері атанды.Каратэ WKF бойынша кумитэ бәсекесінде 75 келіге дейінгі салмақ дәрежесінде үшінші орын үшін өткен белдесуде Қазақстан ұлттық құрамасының өкілі Филиппин спортшысы А. Батиканды 10:1 есебімен сенімді жеңіп, қола медаль иеленді.Бұл — Қазақстан құрамасының қазіргі Азия ойындарындағы каратэден екінші қола және жалпы бесінші жүлдесі.Осылайша, қазақстандық каратэшілердің еншісінде қазір бес медаль бар: екі алтын, бір күміс және екі қола.Каратэ Қазақстан ұлттық құрамасының XX жазғы Азия ойындарындағы жүлде қорын толықтыруды жалғастыруда.

ММА шебері Еркінғали Бүркіталин - XX жазғы Азия ойындарының чемпионы
Жаңалықты көру →
AuthorOtpan News
14:05, 22 қыркүйек 2026

ММА шебері Еркінғали Бүркіталин - XX жазғы Азия ойындарының чемпионы

Бүгін Жапонияның Нагоя қаласындағы Инаэ спорт орталығында аралас жекпе-жектен Азия ойындарының финалдары өтіп жатыр. Отандасымыз Еркінғали Бүркіталин (дәстүрлі стиль) 77 кг дейінгі салмақтың финалында бахрейндік қарсыласы Мұхаммед Нәбиевпен кездесіп, айқын басымдықпен жеңді. Есеп: 3-0. Осы тұста MMA Жапонияда алғаш рет жазғы Азиада бағдарламасына қосылғанын айта кетейік. Қазір Қазақстан командасының еншісінде Азиаданың 5 алтыны бар. Жалпы XX жазғы Азия ойындары 4 қазанға дейін жалғасады. Қазақстан Ұлттық құрамасының сапында 558 спортшысы қатысып жатыр. Олар жарыс бағдарламасындағы 35 спорт түрінен жүлдеге таласады.

Санжар Әділов ММА-дан Азия ойындарының қола жүлдесін иеленді
Жаңалықты көру →
AuthorOtpan NEWS
12:03, 21 қыркүйек 2026

Санжар Әділов ММА-дан Азия ойындарының қола жүлдесін иеленді

Қазақстан ұлттық құрамасының өкілі Санжар Әділов Жапонияның Айти–Нагоя қалаларында өтіп жатқан XX жазғы Азия ойындарында қола жүлдеге ие болды.Қазақстандық спортшы ММА-дың дәстүрлі стилі бойынша 65 келіге дейінгі салмақ дәрежесінде жүлдегер атанды.Бұл жүлденің тарихи маңызы бар. Аралас жекпе-жек Азия ойындарының бағдарламасына алғаш рет енгізілді. Осылайша, Санжар Әділов ММА бойынша Азия ойындарында жүлде жеңіп алған алғашқы қазақстандық спортшылардың қатарына енді.XX жазғы Азия ойындары 19 қыркүйек пен 4 қазан аралығында Айти–Нагояда өтіп жатыр.

YouTube бейнелер
Карта

Қалай баруға болады

9-й микрорайон, 42/1
Актау, Актау городская администрация

Ең жақын аялдама: 9-й микрорайон д.18 (350 м, 4 мин)

Маршрут құру
Соңғы жаңалықтардан хабардар бол!