17:31, 3 қараша 2026
Маңғыстаулық ару «Қазақ аруы» байқауының финалына шықты
OTPANNEWS.KZ - Маңғыстау облысының атынан Фатима Құсайынова республикалық «Қазақ аруы» байқауының финалында бақ сынап жатыр. Биыл еліміздің әр өңірінен 600-ге жуық қыз қатысқан байқауда Фатима үздік 22 қатысушының қатарына еніп, финалға жолдама алды, деп хабарлайды Қоғамдық коммуникация орталығы.Фатима – Ақтау қаласының тұрғыны. Қазіргі уақытта Алматы қаласындағы UIB университетінде грант негізінде білім алып жүр. Ол былтыр да байқауға қатысып, финалға дейін жеткен. Биыл екінші рет бақ сынап, тағы да ақтық кезеңге өтті.Қатысушының анасының айтуынша, Фатиманың модельдік салаға бұрыннан қызығушылығы бар. Биыл қайтадан байқауға қатысып, финалға өткеніне отбасы қуанышты.- Барша Маңғыстау жұртшылығынан, Ақтау қаласының тұрғындарынан қолдау күтеміз. Қызымызға дауыс беріп, бірге қолдасаңыздар, біз үшін үлкен қуаныш, - деді Гүлнұр Тұяқбаева.Бүгін, 3 қарашада, байқау қатысушыларына дауыс беру өтеді. Дауыс беру уақыты – сағат 19:00-ден 21:00-ге дейін.Маңғыстаулық аруға қолдау білдіріп, өңір намысын қорғап жатқан жерлесімізге бірге жанкүйер болайық.
