Жаңаөзен қаласының Өркен шағынауданындағы 64-үйдің шатырынан өрт шықты, деп хабарлайды otpannews.kz.

Оқиға орнына өрт сөндіру қызметі дереу жетіп, тілсіз жауды ауыздықтаған.

«Алдын ала мәлімет бойынша, шатырдың жалпы ауданы 150 шаршы метр болса, оның жанған бөлігі 40 шаршы метрді құрады. Зардап шеккендер жоқ. Қазіргі уақытта өрттің шығу себебі анықталып жатыр», – деп хабарлады облыстық төтенше жағдайлар департаменті.

Төтеншеліктер тұрғындарға өрт қауіпсіздігі талаптарын қатаң сақтауды ескертеді.