Маңғыстаудың үздік волонтері анықталды
Маңғыстауда жыл бойы қоғамға белсене араласып, адал еңбегімен көпке қол ұшын созған үздік волонтерлар марапатталды, деп хабарлайды otpannews.kz сайты.
Жоба Азаматтық бастамаларды қолдау орталығы мен Маңғыстау облыстық жастар саясаты мәселелері басқармасының мемлекеттік гранты аясында «Рухтан» қоғамдық қоры жүзеге асырып жатқан «QOLDAU» жобасы шеңберінде ұйымдастырылды.
“Іс-шараның мақсаты – қоғам игілігі жолында қызмет етіп жүрген еріктілерді көпшілікке таныту, олардың қоғамдағы рөлін арттыру және азаматтық жауапкершілікті кеңінен дәріптеу. Биылғы марапаттау кешінде түрлі бағытта әлеуметтік бастамаларды жүзеге асырып жүрген үздік еріктілер мен ұйымдар 10 номинация бойынша анықталды”,- деді жоба ұйымдастырушылары.
Номинация жеңімпаздары:
1. «Үздік бастамашыл топ» – «Жасыл жебе» экоактивистер клубы
2. «Үздік волонтерлық ұйым» – «Ана махаббаты» ҚҚ
3. «Жануарлар жанашыры» – Сәрсенбаев Азамат Рахимгалиевич
4. «Жүректен жүрекке» – Шүкірбаев Нұрбек Бөлекбайұлы
5. «Қоғам игілігі үшін» – Мальцев Анатолий Владимирұлы
6. «Табиғат қорғаушысы» – Сүлейменова Айымгүл Сүлейменқызы
7. «Жақсылықтың жанашыры» – Құрмет Шынар Шәріпбайқызы
8. «Инклюзивті келешек» – Алимуханбетова Алия Якобқызы
9. «Мейірімді оқу орны» – Ш. Есенов атындағы Каспий мемлекеттік технологиялар және инжиниринг университеті
10. «Салауатты қоғам» – Ізбенов Шапағат Сисенұлы
Марапаттау рәсімі өңірде еріктілік мәдениетін дамытуға серпін беріп, азаматтардың жаңа игі бастамаларға ынталануына ықпал етпек.
