Маңғыстау ауданында ауылдық округтерді жас әкімдер басқарады
Маңғыстау ауданында ауылдық округтерді басқаруға жас кадрлар сайланған, деп хабарлайды otpannews.kz.
Маңғыстау ауданы әкімдігінің хабарлауынша, қазіргі таңда ауданға қарасты ауылдардың басым бөлігін 30–40 жас аралығындағы жаңа буын әкімдер басқарады. Олар сайлау арқылы мемлекеттік қызметке келді, сондай-ақ аймақтың дамуына серпін беріп отыр.
Жаңа буын әкімдердің басты мақсаты - ауылдардың әлеуметтік-экономикалық дамуы, инфрақұрылымды жақсарту, тұрғындармен тиімді байланыс орнату.
Аудандағы ауыл әкімдерінің орта жасы шамамен 30–35 жас, олардың ішінде ең жасы – 27 жастағы Шебір ауылының әкімі – Сағынжан Тұрақбаев.
Бұдан бөлек, Жармыш ауылын 29 жастағы Заманбек Әнуаров, Тұщықұдық ауылын 27 жастағы Наурызбек Мергенов, Ақшымырау ауылын 29 жастағы Абзал Қарақойшиев басқарады.
Сонымен қатар 30–34 жас аралығында Қызанда Ғабит Балғабаев, Шайырда Ақтілек Амантаев, Жыңғылдыда Әсет Маратұлы, Сайөтесте Сабыржан Әбдиев, Ондыда Қуаныш Жәнібекұлы, Ақтөбе ауылдық округінде Махамбет Бекмурзин әкім боп қызмет атқарып келеді.
- 12 ауылдың әкімі 2022 жылдың қазан айы мен 2025 жылдың қараша айы аралығында 4 жыл мерзімге сайланды, - деп жазды аудандық әкімдік.
