Аймақтағы жұмысшы жастарды қолдауға” бағытталған ауқымды шара өз мәресіне жетті
Маңғыстау облысының жастар саясаты мәселелері жөніндегі басқармасы тапсырысымен Азаматтық бастамаларды қолдау орталығы қолдауымен 25 қазан Респулика күніне “Аймақтағы жұмысшы жастарды қолдауға” бағытталған ауқымды шарамыз өз мәресіне жетті.
Маңғыстау облысындағы жастар мен жұмысшы жастардың қатысуымен өңірлік жастар жиыны өтті. Бұл шарада “Жұмысшы мамандықтар жылы - жаңа мүмкіндіктерге жол ашу” жобасы аясында маңғыстаулық жастарға жұмысшы мамандықтар насихатталды. Сахнаға спикерлер шығып, өз мамандықтарын насихаттады.
Одан бөлек жұмысшы жас мамандармен жұмыс жасайтын “Үздік кәсіпорын” байқауының жеңімпаздары марапатталды. Жұмысшы жастарға арналған “Ауқымды инновациялық шешімдер” байқауының жеңімпаздары марапатталды. Және жыл бойына аталған жоба аясында белсенді болған жұмысшы жастар облыс әкімінің “Алғыс хатымен” марапатталды. Жұмысшы жастар жиынына Маңғыстау облысы әкімінің орынбасары Тлеген Ақанұлы Абішов келіп құттықтау сөз сөйледі.
